IMAMAT 10
10
Dosa ngi Nadab l᷊au i Abihu
1Pia su silou i Nadab l᷊au i Abihu, manga ana i Harun, nangal᷊a tampa u putunge singkatau dang nutaho u e'e dingang u tutuhi. Bou e'e i sire namilo u dupa su l᷊al᷊ung u putung e'e dang nanumba ngu e'e su Mawu. Arawe putung e'e ko haram ual᷊ingu Mawu ta nangoro si sire rua panumba ngu e'e. 2Kuteu Mawu nupasongo ngu putung ko nanutung si sire sarang nate su Kema ngu Mawu. 3Bou e'e i Musa nangul᷊i si Harun, “Ko e'e pandung u Mawu su tempo ngu I Sie nuhengetang, ‘Kaul᷊ie ko mutangkiang si Sia mambeng mangadati kasasusi-Ku, Ia sarung mul᷊ahe kawawantughi-Ku su kaul᷊i u bangsa-Ku.’ ”#10:3: Ia sarung mul᷊ahe kawawantughi-Ku su kaul᷊i u bangsa-Ku arako bangsa-Ku mambeng mangadati si Sia. Kateho i Harun mangkate ko marumasi.
4Bou e'e i Musa nukui si Misael l᷊au si Elsafan, manga ana i Uziel, i om i Harun. Angkunge si sire, “Maiko simai, al᷊ako bangke ana u singtamahuaring i kumu bou Kema ngu Mawu, dang piloko su l᷊ikuru pukakemang.” 5I sire natamai numbawa manga bangke ko mborong pia l᷊akue e'e sarang l᷊ikuru pukakemang, kere ko niparenta ngi Musa.
6Bou e'e i Musa nangul᷊i si Harun l᷊au su manga anae ko wal᷊inge, e'e ko i Eleazar l᷊au i Itamar, “Kumbahang mupakawala ngu uta i kumu masasunu, dang kumbahang munggehe pakeang i kumu guna ngu manode himoneu i kumu nasusa dang nul᷊al᷊utu. Boko i kumu mukoa kere'e, i kumu sarung mate, dang Mawu muwawal᷊uang su kaul᷊i u tau Israel. Kateho kaul᷊i u tau Israel ko wal᷊inge botonge mul᷊al᷊utu si sire rua ko seng nate ual᷊ingu putung bou Mawu. 7Kumbahang manintang u Kema ngu Mawu tadeau i kumu kumbahang mate, watu'u i kumu seng mbuae nitabisi dingang u l᷊ana ngu upacara guna ngu mutangkiang Mawu.” I sire nukoa kere ko niul᷊i i Musa.
Atorang u manga imam
8 Mawu nangul᷊i si Harun, 9“Masue bou manginung anggori arako inung ko makabukang, i kau dingang manga anau ta botonge sumu su l᷊al᷊ung Kema-Ku. Boko i kumu l᷊umawang atorang i'i, i kumu sarung mate. Parenta e'e mambeng pakituhuke su kaul᷊i u hintoungu. 10I kumu mambeng botonge mul᷊al᷊ahae ngu ko nitani guna ngu Mawu Ruata l᷊au dingang ko ta nitani, bou ko dal᷊ai dingang ko mapia. 11Kaul᷊i u tita ko Daku nionggo si kumu bo i Musa, mambeng botonge itintiro ngi kumu su bangsa Israel.”
12 #
Im. 6:14-18 I Musa nangul᷊i si Harun dang su anae darua, i Eleazar l᷊au i Itamar, “Al᷊ako l᷊ebe ngu gandung bou kang ko seng nisumba su Mawu. Bou tapong e'e koako boroti ko takoae kaboe, bou e'e kangte e'e su sindihang u mesba, ual᷊ingu korbang e'e ko tumaniu susi. 13Boroti e'e mambeng kang su tampa ko susi, watu'u bou kang ko mbuae nisumba su Mawu, boroti e'e makoa bageang u l᷊au manga anau kol᷊aese. Ko e'e parenta ngu Mawu si sia. 14#Im. 7:30-34 Kateho i kumu l᷊au manga ana i kumu kol᷊aese l᷊au kowawine botonge kumang roko ngu sasumba patode l᷊au pang u sasumba ko nitani. Ko e'e bageang u manga imam bou korbang purarame ngu bangsa Israel. I kumu botonge kumang e'e su apang tampa ko bursi. 15Pang u sasumba ko nitani l᷊au roko ngu sasumba patode e'e mambeng iwawa singkahindo dingang u tawa guna ngu korbang tutungang kere sasumba ko nitani su Mawu. Manga bahageang e'e makoa koa u dingang u manga ana u sarang kal᷊iwuenge, kere ko niparenta ngu Mawu.”
16Bou e'e i Musa nakina hal᷊i u kambing guna ngu korbang pangangampung u dosa. I sie nihabareng uare kambing e'e seng nitongka. Hal᷊i e'e nakakoa si Musa nuwawal᷊uang si Eleazar l᷊au si Itamar, dang i sie nangul᷊i si sire rua, 17#Im. 6:24-26 “Apa sabapie korbang pangangampung u dosa e'e ta nikang i rua su tampa ko susi? Korbang e'e ko tumaniu susi; Mawu nangonggo u e'e si kumu, tadeau dosa ngu tau Israel iampungang. 18Daha ngu kambing e'e ta niwawa sarang Kema ngu Mawu, inau tuhu hinonge korbang e'e kanengang i kumu su se'e kere ko seng daku niparenta.”
19Nisimbahi Harun, “Mang tingari su l᷊ou i'i umati Israel seng nanumba ngu korbang pangangampung u dosa l᷊au korbang tutungang su Mawu. Maneng kere'e, silaka i'i seng nuhumombang si sia. Boko su silou i'i ia kumang l᷊ai korbang pangangampung u dosa e'e, apa Mawu sarung mal᷊uasi?” 20I Musa nal᷊uasi dingang sasimbahi e'e.
Currently Selected:
IMAMAT 10: PLT
Highlight
Copy
Compare
Share
Want to have your highlights saved across all your devices? Sign up or sign in
IMAMAT 10
10
Dosa ngi Nadab l᷊au i Abihu
1Pia su silou i Nadab l᷊au i Abihu, manga ana i Harun, nangal᷊a tampa u putunge singkatau dang nutaho u e'e dingang u tutuhi. Bou e'e i sire namilo u dupa su l᷊al᷊ung u putung e'e dang nanumba ngu e'e su Mawu. Arawe putung e'e ko haram ual᷊ingu Mawu ta nangoro si sire rua panumba ngu e'e. 2Kuteu Mawu nupasongo ngu putung ko nanutung si sire sarang nate su Kema ngu Mawu. 3Bou e'e i Musa nangul᷊i si Harun, “Ko e'e pandung u Mawu su tempo ngu I Sie nuhengetang, ‘Kaul᷊ie ko mutangkiang si Sia mambeng mangadati kasasusi-Ku, Ia sarung mul᷊ahe kawawantughi-Ku su kaul᷊i u bangsa-Ku.’ ”#10:3: Ia sarung mul᷊ahe kawawantughi-Ku su kaul᷊i u bangsa-Ku arako bangsa-Ku mambeng mangadati si Sia. Kateho i Harun mangkate ko marumasi.
4Bou e'e i Musa nukui si Misael l᷊au si Elsafan, manga ana i Uziel, i om i Harun. Angkunge si sire, “Maiko simai, al᷊ako bangke ana u singtamahuaring i kumu bou Kema ngu Mawu, dang piloko su l᷊ikuru pukakemang.” 5I sire natamai numbawa manga bangke ko mborong pia l᷊akue e'e sarang l᷊ikuru pukakemang, kere ko niparenta ngi Musa.
6Bou e'e i Musa nangul᷊i si Harun l᷊au su manga anae ko wal᷊inge, e'e ko i Eleazar l᷊au i Itamar, “Kumbahang mupakawala ngu uta i kumu masasunu, dang kumbahang munggehe pakeang i kumu guna ngu manode himoneu i kumu nasusa dang nul᷊al᷊utu. Boko i kumu mukoa kere'e, i kumu sarung mate, dang Mawu muwawal᷊uang su kaul᷊i u tau Israel. Kateho kaul᷊i u tau Israel ko wal᷊inge botonge mul᷊al᷊utu si sire rua ko seng nate ual᷊ingu putung bou Mawu. 7Kumbahang manintang u Kema ngu Mawu tadeau i kumu kumbahang mate, watu'u i kumu seng mbuae nitabisi dingang u l᷊ana ngu upacara guna ngu mutangkiang Mawu.” I sire nukoa kere ko niul᷊i i Musa.
Atorang u manga imam
8 Mawu nangul᷊i si Harun, 9“Masue bou manginung anggori arako inung ko makabukang, i kau dingang manga anau ta botonge sumu su l᷊al᷊ung Kema-Ku. Boko i kumu l᷊umawang atorang i'i, i kumu sarung mate. Parenta e'e mambeng pakituhuke su kaul᷊i u hintoungu. 10I kumu mambeng botonge mul᷊al᷊ahae ngu ko nitani guna ngu Mawu Ruata l᷊au dingang ko ta nitani, bou ko dal᷊ai dingang ko mapia. 11Kaul᷊i u tita ko Daku nionggo si kumu bo i Musa, mambeng botonge itintiro ngi kumu su bangsa Israel.”
12 #
Im. 6:14-18 I Musa nangul᷊i si Harun dang su anae darua, i Eleazar l᷊au i Itamar, “Al᷊ako l᷊ebe ngu gandung bou kang ko seng nisumba su Mawu. Bou tapong e'e koako boroti ko takoae kaboe, bou e'e kangte e'e su sindihang u mesba, ual᷊ingu korbang e'e ko tumaniu susi. 13Boroti e'e mambeng kang su tampa ko susi, watu'u bou kang ko mbuae nisumba su Mawu, boroti e'e makoa bageang u l᷊au manga anau kol᷊aese. Ko e'e parenta ngu Mawu si sia. 14#Im. 7:30-34 Kateho i kumu l᷊au manga ana i kumu kol᷊aese l᷊au kowawine botonge kumang roko ngu sasumba patode l᷊au pang u sasumba ko nitani. Ko e'e bageang u manga imam bou korbang purarame ngu bangsa Israel. I kumu botonge kumang e'e su apang tampa ko bursi. 15Pang u sasumba ko nitani l᷊au roko ngu sasumba patode e'e mambeng iwawa singkahindo dingang u tawa guna ngu korbang tutungang kere sasumba ko nitani su Mawu. Manga bahageang e'e makoa koa u dingang u manga ana u sarang kal᷊iwuenge, kere ko niparenta ngu Mawu.”
16Bou e'e i Musa nakina hal᷊i u kambing guna ngu korbang pangangampung u dosa. I sie nihabareng uare kambing e'e seng nitongka. Hal᷊i e'e nakakoa si Musa nuwawal᷊uang si Eleazar l᷊au si Itamar, dang i sie nangul᷊i si sire rua, 17#Im. 6:24-26 “Apa sabapie korbang pangangampung u dosa e'e ta nikang i rua su tampa ko susi? Korbang e'e ko tumaniu susi; Mawu nangonggo u e'e si kumu, tadeau dosa ngu tau Israel iampungang. 18Daha ngu kambing e'e ta niwawa sarang Kema ngu Mawu, inau tuhu hinonge korbang e'e kanengang i kumu su se'e kere ko seng daku niparenta.”
19Nisimbahi Harun, “Mang tingari su l᷊ou i'i umati Israel seng nanumba ngu korbang pangangampung u dosa l᷊au korbang tutungang su Mawu. Maneng kere'e, silaka i'i seng nuhumombang si sia. Boko su silou i'i ia kumang l᷊ai korbang pangangampung u dosa e'e, apa Mawu sarung mal᷊uasi?” 20I Musa nal᷊uasi dingang sasimbahi e'e.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in