HOSEA 13
13
Putusang panginsuenge hal᷊i u hukumang su Israel
1Ndahuwite suku ngi Efraim il᷊uadateng hakiu boko pia parenta bou suku e'e, manga suku ko wal᷊inge su Israel mataku. Kateho suku ngu Efraim nubardosa ual᷊ingu nanumba Baal, watu'u e'e i sie sarung mailang. 2Sarang orasi i'i manga tau Efraim e'e mborong turusi kapukoae dosa; i sire nukoa manga patong sal᷊aka guna ngu isumba – patong ko nikirou ngu akal᷊i u taumata dang nikoa u l᷊ima ngu taumata. I sire nangul᷊i, “Panumbako korbang su manga patong i'i!” Ia naherang, taumata mangimbu patong ana u sapi! 3Ual᷊ingu e'e manga taumata e'e sarung mailang kere hiwu arako namuhi su tempo ngu mal᷊ukari. I sire sarung musul᷊ung kere awu ngu merang ko nitiu u anging su pamamupakeng gandung dang tipu ko nusumuwang bou sasuwangenge.
4 Mawu nuhengetang, “Ia i'i Mawu Ruata ngi kumu, ko numbawa si kumu nusumuwang bou Mesir. I kumu takoae Mawu Ruata su l᷊ikuru Ia. Ko Ia mang simbau mananal᷊amati kumu. 5#Sau. 8:11-17Ko Ia nundiaga si kumu su tana ko mamara su tana l᷊inggi. 6Kateho suapang i kumu natana su wanua ko mapia, dang i kumu nal᷊aeri dang nawatu, i kumu naoboti bou e'e seng nal᷊iwuhi Ia. 7Ual᷊ingu e'e Ia sarung manumbou si kumu kere singa. Kere macan tutul Ia sarung mutigha si kumu su l᷊al᷊eng. 8Ia sarung manumbou si kumu kere beruang ko nikailangeng u manga anae. Ia sarung mungganggehe si kumu. Kere singa Ia sarung manumbou si kumu su tampa i kumu, dang kere binatang ko wawahani Ia sarung mungganggehe si kumu.
9Ia sarung munggaghoro si kumu, ei tau Israel! Dang i sai ko botonge makatul᷊ung si kumu? 10#1Sam. 8:5-6I kumu nundo ratu l᷊au pangaha, kateho ko su apawe i sire kaul᷊ie orasi i'i? Apa i sire botonge makasal᷊amati ana u kawanua ngi kumu? 11#1Sam. 10:17-24, 15:26Dingang u wawal᷊uang Ia nangonggo u ratu si kumu, dang dingang u kal᷊ahasa i sire sau Daku nisul᷊e.”
12 Mawu nuhengetang, “Dosa l᷊au pusansal᷊a ngu Israel seng niwohe, dang wohe e'e nireso. 13Israel pia tempo muwiahi, kateho i sie kere'e kabodoki, hakiu ta nupake u tempo e'e. I sie musul᷊ung kere ana ko singkodo tempo l᷊ai ipahinding kateho mandi musumuwang. 14#1Kor. 15:55 Bangsa i'i sarung ta Daku ipakasal᷊amati bou kawasa dunia ngu taumata ko nate. Ei papate, sawuhiko sahindau! Koae hal᷊i u ko mupakawinasa e'e! Ia seng ta mukumindaghi u bangsa i'i l᷊ai. 15Maneng Israel muwiahi mapia kere rindulu ko matawa, kateho Ia sarung mundoho ngu anging raki ko matiti bou tana l᷊inggi. Anging e'e sarung mupakamara ngu apang pung u ake l᷊au manga pahighi, hakiu nailang kaul᷊i u ko pia harigange.
Currently Selected:
HOSEA 13: PLT
Highlight
Share
Copy
Want to have your highlights saved across all your devices? Sign up or sign in
HOSEA 13
13
Putusang panginsuenge hal᷊i u hukumang su Israel
1Ndahuwite suku ngi Efraim il᷊uadateng hakiu boko pia parenta bou suku e'e, manga suku ko wal᷊inge su Israel mataku. Kateho suku ngu Efraim nubardosa ual᷊ingu nanumba Baal, watu'u e'e i sie sarung mailang. 2Sarang orasi i'i manga tau Efraim e'e mborong turusi kapukoae dosa; i sire nukoa manga patong sal᷊aka guna ngu isumba – patong ko nikirou ngu akal᷊i u taumata dang nikoa u l᷊ima ngu taumata. I sire nangul᷊i, “Panumbako korbang su manga patong i'i!” Ia naherang, taumata mangimbu patong ana u sapi! 3Ual᷊ingu e'e manga taumata e'e sarung mailang kere hiwu arako namuhi su tempo ngu mal᷊ukari. I sire sarung musul᷊ung kere awu ngu merang ko nitiu u anging su pamamupakeng gandung dang tipu ko nusumuwang bou sasuwangenge.
4 Mawu nuhengetang, “Ia i'i Mawu Ruata ngi kumu, ko numbawa si kumu nusumuwang bou Mesir. I kumu takoae Mawu Ruata su l᷊ikuru Ia. Ko Ia mang simbau mananal᷊amati kumu. 5#Sau. 8:11-17Ko Ia nundiaga si kumu su tana ko mamara su tana l᷊inggi. 6Kateho suapang i kumu natana su wanua ko mapia, dang i kumu nal᷊aeri dang nawatu, i kumu naoboti bou e'e seng nal᷊iwuhi Ia. 7Ual᷊ingu e'e Ia sarung manumbou si kumu kere singa. Kere macan tutul Ia sarung mutigha si kumu su l᷊al᷊eng. 8Ia sarung manumbou si kumu kere beruang ko nikailangeng u manga anae. Ia sarung mungganggehe si kumu. Kere singa Ia sarung manumbou si kumu su tampa i kumu, dang kere binatang ko wawahani Ia sarung mungganggehe si kumu.
9Ia sarung munggaghoro si kumu, ei tau Israel! Dang i sai ko botonge makatul᷊ung si kumu? 10#1Sam. 8:5-6I kumu nundo ratu l᷊au pangaha, kateho ko su apawe i sire kaul᷊ie orasi i'i? Apa i sire botonge makasal᷊amati ana u kawanua ngi kumu? 11#1Sam. 10:17-24, 15:26Dingang u wawal᷊uang Ia nangonggo u ratu si kumu, dang dingang u kal᷊ahasa i sire sau Daku nisul᷊e.”
12 Mawu nuhengetang, “Dosa l᷊au pusansal᷊a ngu Israel seng niwohe, dang wohe e'e nireso. 13Israel pia tempo muwiahi, kateho i sie kere'e kabodoki, hakiu ta nupake u tempo e'e. I sie musul᷊ung kere ana ko singkodo tempo l᷊ai ipahinding kateho mandi musumuwang. 14#1Kor. 15:55 Bangsa i'i sarung ta Daku ipakasal᷊amati bou kawasa dunia ngu taumata ko nate. Ei papate, sawuhiko sahindau! Koae hal᷊i u ko mupakawinasa e'e! Ia seng ta mukumindaghi u bangsa i'i l᷊ai. 15Maneng Israel muwiahi mapia kere rindulu ko matawa, kateho Ia sarung mundoho ngu anging raki ko matiti bou tana l᷊inggi. Anging e'e sarung mupakamara ngu apang pung u ake l᷊au manga pahighi, hakiu nailang kaul᷊i u ko pia harigange.
Currently Selected:
:
Highlight
Share
Copy
Want to have your highlights saved across all your devices? Sign up or sign in