SASUWANG 8
8
Taghal᷊i ngu tumpepa
1Bou e'e Mawu nuhengetang si Musa, “Dakoe pusombang u ratu dang ul᷊iko si sie tatanata-Ku i'i: ‘Pakawalako umati-Ku matamai manumba si Sia. 2Kamangkeng i kau ta mupakawala wanua i'i sarung Daku peneng dingang u tumpepa kere hukumang. 3Sal᷊uhi Nil sarung mapene u tumpepa, hakiu kaul᷊i u binatang e'e nusumuwang bou ake dang nusumu sarang l᷊al᷊ung istanau, sarang kamari putatikilang dang l᷊al᷊okangu, sarang l᷊al᷊ung manga wal᷊e ngu mupaparenta dingang u kawanua, l᷊ai sarang l᷊al᷊ung tampa pananongkateng boroti l᷊au u manga pantisi. 4Kaul᷊i u tumpepa e'e sarung l᷊uminso dang kumisei si kau su patiku mupaparenta l᷊au kawanua.’ ”
5 Mawu nuhengetang si Musa, “Roiko i Harun puhengke tikinge su wawo u ake u manga sal᷊uhi, manga l᷊al᷊al᷊engang u ake manga l᷊ipusonge tadeau manga tumpepa mahunsuwang dang mamene tana Mesir.” 6Inau i Harun nanirei ngu tikinge su wawo u kal᷊abo u ake, bou e'e nusumuwangte manga tumpepa namene kal᷊abo u soa. 7Kateho manga mapapande pul᷊iku mata nupake u titong i sire marundung, dang l᷊ai mukoa manga tumpepa sumuwang bou soa e'e.
8Ratu nukui si Musa l᷊au i Harun, dang nangul᷊i, “Pukal᷊iomanengko sarang koa u Mawu tadeau I Sie mupakailang manga tumpepa i'i, Kuteu ia sarung mupakawala ngu bangsangu matamai mumbawa sasumba su Mawu.”
9I Musa nusumimbahi, “Dingang u mal᷊uasi naungku ia sarung mukal᷊iomaneng i Tuangku. Tantuko temponge, inau ia sarung mukal᷊iomaneng i Tuangku, manga mapapangkati l᷊au u kawanua. Kuteu i Tuangku sarung ipakal᷊ihi bou manga tumpepa e'e dang sarung takoae ko mal᷊umbei su l᷊ikuru sal᷊uhi Nil.”
10Sasimbahi ratu e'e, “Kal᷊iomanengeko ia dol᷊ou.”
Angkung i Musa, “Ia sarung mukoa apang ko ipundokang i Tuangku. Inau i Tuangku sarung matitong himoneu takoae Mawu Ruata ko wal᷊inge kere Mawu, Ruata ngi kami. 11I Sie sarung mupakal᷊iwiri i Tuangku, manga mapapangkati dingang u kawanua bou manga tumpepa e'e. Sarung takoae l᷊ai manga tumpepa su manga wal᷊e, kitang su sal᷊uhi Nil.” 12Bou e'e i Musa dingang i Harun nanintang u ratu. Tuhue i Musa nukal᷊iomaneng su Mawu tadeau mupakailang u manga tumpepa ko niparentang-E su ratu. 13Mawu nundaringihi ndo i Musa, dang manga tumpepa ko ene su manga wal᷊e, su manga lilahi dang su manga anseri nate kaul᷊ie. 14Taumata ngu Mesir nangomol᷊i manga tumpepa nate e'e sarang pia manga owol᷊ie, hakiu kaul᷊i u soa mabuhu. 15Su tempo ngu ratu nakawua himoneu manga tumpepa e'e seng nate, i sie nukitihi. Dang musul᷊ung ko niul᷊i u Mawu, ratu tawe mo mupandung didato ngi Musa l᷊au i Harun.
Taghal᷊i ngu tini
16 Mawu nuhengetang si Musa, “Roiko i Harun pamuwahi tikinge su tana kuteu su kal᷊abo u tana Mesir awu sarung muwal᷊u makoa tini.” 17Bou e'e i Harun namuwahi tikinge su tana dang kaul᷊i u awu su Mesir nuwal᷊u nakoa tini ko mul᷊ahumbung taumata l᷊au binatang. 18Manga mapapande ngu pul᷊iku mata nutawakal᷊i mupake u titong i sire marundung tadeau l᷊ai muparenta ngu manga tini, kateho i sire ta nakakoa manga apa. Suapang tampa pia tini, 19#Luk. 11:20hakiu mapapande ngu pul᷊iku mata e'e nangul᷊i su ratu, “I'i nikoa u Mawu Ruata.” Kateho ratu e'e nukitihi, dang musul᷊ung ko seng mbuae niul᷊i u Mawu, ratu e'e tawe mo mupandung didato ngi Musa l᷊au i Harun.
Taghal᷊i ngu l᷊ango
20 Mawu nuhengetang si Musa, “Tamaiko dol᷊ou pakal᷊uka-l᷊ukari kahingang pusuma u ratu su tempo ngu i sie l᷊umintu sarang sal᷊uhi, dang ul᷊iko si sie didato-Ku i'i: ‘Pakawalako umati-Ku matamai manumba si Sia. 21Kamangkeng i kau ta mupakawala inau Ia sarung mupasongo ngu l᷊ango si kumu, su manga mapapangkati dang su kawanua. Apang wal᷊e ngu taumata ngu Mesir, nangilembo su kaul᷊i u soa sarung mapene u l᷊ango. 22Kateho Ia sarung muhae ngu tampa Gosyen, tampa u umati-Ku natana. Pai se'e sarung takoae l᷊ango, tadeau i kumu matitong himoneu Ia, Mawu, ko nukoa e'e. 23Ia sarung mukoa putatintangenge #8:23: Tumuhu pira mbau salenang ko tuwei putatintangenge; tumuhu naska Ibrani “pananubusi”. su tal᷊oara u umati-Ku dingang u kawanuangu. Tatia ko makal᷊aherang e'e sarung mariadi ndai mal᷊ou.’ ” 24Mawu mupasongo ngu l᷊ango ko maul᷊i kahingang su l᷊al᷊ung u istana ngu ratu l᷊au su manga wal᷊e ngu manga mapapangkati. Kaul᷊i u soa ngu Mesir nasingsara karea u manga l᷊ango e'e.
25Tuhue ratu nukui si Musa dingang i Harun bou e'e nangul᷊i, “Tamaite pumbawa sasumba su Mawu Ruata ngi kumu, kateho kitang su soa i'i.”
26“Mapiang ta,” Sasimbahi Musa, “watu'u taumata ngu Mesir sarung masaki naung kamangkeng makawua sasumba ngi kami e'e dang seng tantu i kami sarung ipal᷊okang u watu sarang pakapate. 27I kami mambeng matamai sarang tana l᷊inggi karaunge tilu l᷊ou l᷊al᷊engang guna ngu mumbawa sasumba su Mawu Ruata ngi kami, kere ko niparentang-E si kami.”
28Ratu nangul᷊i, “Kere'ete, Daku ipakawala i kumu matamai sarang tana l᷊inggi guna ngu mumbawa sasumba su Mawu Ruata ngi kumu, asal᷊i i kumu ta matamai marau. Tinaunge, kal᷊iomanengeko ia!”
29I Musa nusumimbahi, “Suapang ia tamai, ia maehong mukal᷊iomaneng su Mawu tadeau ndai mal᷊ou manga l᷊ango e'e manintang i Tuangku, manga mapapangkati l᷊au kawanua. Kateho kumbahang mangakal᷊i si kami l᷊ai dang kumbahang mameto bangsa Israel tamai guna ngu mangonggo sasumba su Mawu.”
30I Musa nanintang u ratu, bou e'e nukal᷊iomaneng su Mawu, 31dang Mawu nundaringihi kal᷊iomaneng i Musa. Manga l᷊ango e'e nahuntila nanintang u ratu, manga mapapangkati dang kawanua. Takoae sarang simbau borong natintang. 32Kateho su paghisa i'i l᷊ai ratu mang borong nukitihi dang ta nupakawala ngu bangsa e'e matamai.
Currently Selected:
SASUWANG 8: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 8
8
Taghal᷊i ngu tumpepa
1Bou e'e Mawu nuhengetang si Musa, “Dakoe pusombang u ratu dang ul᷊iko si sie tatanata-Ku i'i: ‘Pakawalako umati-Ku matamai manumba si Sia. 2Kamangkeng i kau ta mupakawala wanua i'i sarung Daku peneng dingang u tumpepa kere hukumang. 3Sal᷊uhi Nil sarung mapene u tumpepa, hakiu kaul᷊i u binatang e'e nusumuwang bou ake dang nusumu sarang l᷊al᷊ung istanau, sarang kamari putatikilang dang l᷊al᷊okangu, sarang l᷊al᷊ung manga wal᷊e ngu mupaparenta dingang u kawanua, l᷊ai sarang l᷊al᷊ung tampa pananongkateng boroti l᷊au u manga pantisi. 4Kaul᷊i u tumpepa e'e sarung l᷊uminso dang kumisei si kau su patiku mupaparenta l᷊au kawanua.’ ”
5 Mawu nuhengetang si Musa, “Roiko i Harun puhengke tikinge su wawo u ake u manga sal᷊uhi, manga l᷊al᷊al᷊engang u ake manga l᷊ipusonge tadeau manga tumpepa mahunsuwang dang mamene tana Mesir.” 6Inau i Harun nanirei ngu tikinge su wawo u kal᷊abo u ake, bou e'e nusumuwangte manga tumpepa namene kal᷊abo u soa. 7Kateho manga mapapande pul᷊iku mata nupake u titong i sire marundung, dang l᷊ai mukoa manga tumpepa sumuwang bou soa e'e.
8Ratu nukui si Musa l᷊au i Harun, dang nangul᷊i, “Pukal᷊iomanengko sarang koa u Mawu tadeau I Sie mupakailang manga tumpepa i'i, Kuteu ia sarung mupakawala ngu bangsangu matamai mumbawa sasumba su Mawu.”
9I Musa nusumimbahi, “Dingang u mal᷊uasi naungku ia sarung mukal᷊iomaneng i Tuangku. Tantuko temponge, inau ia sarung mukal᷊iomaneng i Tuangku, manga mapapangkati l᷊au u kawanua. Kuteu i Tuangku sarung ipakal᷊ihi bou manga tumpepa e'e dang sarung takoae ko mal᷊umbei su l᷊ikuru sal᷊uhi Nil.”
10Sasimbahi ratu e'e, “Kal᷊iomanengeko ia dol᷊ou.”
Angkung i Musa, “Ia sarung mukoa apang ko ipundokang i Tuangku. Inau i Tuangku sarung matitong himoneu takoae Mawu Ruata ko wal᷊inge kere Mawu, Ruata ngi kami. 11I Sie sarung mupakal᷊iwiri i Tuangku, manga mapapangkati dingang u kawanua bou manga tumpepa e'e. Sarung takoae l᷊ai manga tumpepa su manga wal᷊e, kitang su sal᷊uhi Nil.” 12Bou e'e i Musa dingang i Harun nanintang u ratu. Tuhue i Musa nukal᷊iomaneng su Mawu tadeau mupakailang u manga tumpepa ko niparentang-E su ratu. 13Mawu nundaringihi ndo i Musa, dang manga tumpepa ko ene su manga wal᷊e, su manga lilahi dang su manga anseri nate kaul᷊ie. 14Taumata ngu Mesir nangomol᷊i manga tumpepa nate e'e sarang pia manga owol᷊ie, hakiu kaul᷊i u soa mabuhu. 15Su tempo ngu ratu nakawua himoneu manga tumpepa e'e seng nate, i sie nukitihi. Dang musul᷊ung ko niul᷊i u Mawu, ratu tawe mo mupandung didato ngi Musa l᷊au i Harun.
Taghal᷊i ngu tini
16 Mawu nuhengetang si Musa, “Roiko i Harun pamuwahi tikinge su tana kuteu su kal᷊abo u tana Mesir awu sarung muwal᷊u makoa tini.” 17Bou e'e i Harun namuwahi tikinge su tana dang kaul᷊i u awu su Mesir nuwal᷊u nakoa tini ko mul᷊ahumbung taumata l᷊au binatang. 18Manga mapapande ngu pul᷊iku mata nutawakal᷊i mupake u titong i sire marundung tadeau l᷊ai muparenta ngu manga tini, kateho i sire ta nakakoa manga apa. Suapang tampa pia tini, 19#Luk. 11:20hakiu mapapande ngu pul᷊iku mata e'e nangul᷊i su ratu, “I'i nikoa u Mawu Ruata.” Kateho ratu e'e nukitihi, dang musul᷊ung ko seng mbuae niul᷊i u Mawu, ratu e'e tawe mo mupandung didato ngi Musa l᷊au i Harun.
Taghal᷊i ngu l᷊ango
20 Mawu nuhengetang si Musa, “Tamaiko dol᷊ou pakal᷊uka-l᷊ukari kahingang pusuma u ratu su tempo ngu i sie l᷊umintu sarang sal᷊uhi, dang ul᷊iko si sie didato-Ku i'i: ‘Pakawalako umati-Ku matamai manumba si Sia. 21Kamangkeng i kau ta mupakawala inau Ia sarung mupasongo ngu l᷊ango si kumu, su manga mapapangkati dang su kawanua. Apang wal᷊e ngu taumata ngu Mesir, nangilembo su kaul᷊i u soa sarung mapene u l᷊ango. 22Kateho Ia sarung muhae ngu tampa Gosyen, tampa u umati-Ku natana. Pai se'e sarung takoae l᷊ango, tadeau i kumu matitong himoneu Ia, Mawu, ko nukoa e'e. 23Ia sarung mukoa putatintangenge #8:23: Tumuhu pira mbau salenang ko tuwei putatintangenge; tumuhu naska Ibrani “pananubusi”. su tal᷊oara u umati-Ku dingang u kawanuangu. Tatia ko makal᷊aherang e'e sarung mariadi ndai mal᷊ou.’ ” 24Mawu mupasongo ngu l᷊ango ko maul᷊i kahingang su l᷊al᷊ung u istana ngu ratu l᷊au su manga wal᷊e ngu manga mapapangkati. Kaul᷊i u soa ngu Mesir nasingsara karea u manga l᷊ango e'e.
25Tuhue ratu nukui si Musa dingang i Harun bou e'e nangul᷊i, “Tamaite pumbawa sasumba su Mawu Ruata ngi kumu, kateho kitang su soa i'i.”
26“Mapiang ta,” Sasimbahi Musa, “watu'u taumata ngu Mesir sarung masaki naung kamangkeng makawua sasumba ngi kami e'e dang seng tantu i kami sarung ipal᷊okang u watu sarang pakapate. 27I kami mambeng matamai sarang tana l᷊inggi karaunge tilu l᷊ou l᷊al᷊engang guna ngu mumbawa sasumba su Mawu Ruata ngi kami, kere ko niparentang-E si kami.”
28Ratu nangul᷊i, “Kere'ete, Daku ipakawala i kumu matamai sarang tana l᷊inggi guna ngu mumbawa sasumba su Mawu Ruata ngi kumu, asal᷊i i kumu ta matamai marau. Tinaunge, kal᷊iomanengeko ia!”
29I Musa nusumimbahi, “Suapang ia tamai, ia maehong mukal᷊iomaneng su Mawu tadeau ndai mal᷊ou manga l᷊ango e'e manintang i Tuangku, manga mapapangkati l᷊au kawanua. Kateho kumbahang mangakal᷊i si kami l᷊ai dang kumbahang mameto bangsa Israel tamai guna ngu mangonggo sasumba su Mawu.”
30I Musa nanintang u ratu, bou e'e nukal᷊iomaneng su Mawu, 31dang Mawu nundaringihi kal᷊iomaneng i Musa. Manga l᷊ango e'e nahuntila nanintang u ratu, manga mapapangkati dang kawanua. Takoae sarang simbau borong natintang. 32Kateho su paghisa i'i l᷊ai ratu mang borong nukitihi dang ta nupakawala ngu bangsa e'e matamai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in