SASUWANG 4
4
Mawu Ruata nangonggo si Musa kawasa mukoa tatia ko makal᷊aherang
1Bou e'e i Musa nusumimbahi su Mawu, “Kateho kirapa boko tau Israel ta mangimang l᷊au u tawe mo mupandung manga didatoku? Apa ko mambeng daku i koa boko i sire mudidato himoneu Mawu ta nutingkaandaghi watangeng-E si sia?”
2 Mawu nukina si Musa, “Apa e'e su l᷊ima ngu?” I Musa nusumimbahi, “Tiking.”
3Angkung u Mawu, “Pal᷊ote e'e su tana.” I Musa namal᷊o, bou e'e tiking e'e nuwal᷊u nakoa katoang dang i Musa nutumal᷊ang nutingkaghea. 4Mawu nangul᷊i si Musa, “Sandighite katoang e'e, dang hinggone ko tol᷊e'e.” I Musa nusumandighi dang naname katoang e'e ko dingang singkatempo sau nuwal᷊u nakoa tiking su l᷊ima ngi Musa. 5Angkung u Mawu, “Koako kere'e tadeau manga taumata ngu Israel mangimang himoneu Ia, Mawu Ruata ngi i upung i sire, Mawu Ruata ngi Abraham, i Ishak l᷊au i Yakub seng nutingkaandaghi watangeng-E si kau.”
6 Mawu nangul᷊i sau si Musa, “Pasuko l᷊imau su l᷊al᷊ung u l᷊aku'u.” I Musa nutumuhu, dang su tempo ngu i sie namol᷊eng l᷊imange nipasuwang, l᷊imange e'e mawira kahingang watu'u nikahinomang u saki u pisi ko makatataku. 7Bou e'e Mawu nangul᷊i, “Pasuko sau l᷊ima ngu su l᷊al᷊ung u l᷊aku'u.” I Musa nukoa kere'e, dang su tempo ngi sie sau nupasuwang l᷊imange e'e seng naul᷊e. 8Angkung u Mawu, “Kamangkeng i sire mborong ta mangimang si kau, arako ta mangaking tatia ko makal᷊aherang ko nikawua ngi sire kahimotongange, inau kal᷊aherang i'i sarung makakoa si sire mangimang. 9Kamangkeng i sire mang mborong ta mangimang si kau maningwe seng nakawua tatia ko makal᷊aherang karuange i'i, dang i sire ta mupandung didatongu, pangal᷊a ko ake singkodo bou sal᷊uhi Nil dang wosoko su tana. Ake e'e sarung muwal᷊u makoa daha.”
10Kateho i Musa nangul᷊i, “O, Mawu, ia wal᷊inge taumata ko tahadidato, mbaeng su tempo horo kere'e l᷊ai su tempo i'i, su horo Mawu nudidato si sia. Ia mabuha lilaku mudidato mal᷊ongge dang mul᷊al᷊ahumpu.”
11 Mawu nangul᷊i si sie, “I saiwe nangonggo u mohong su taumata? I sai nukoa si sie bobo arako wenggeli? I sai nukoa si sie makawua arako wuta? Wal᷊ingewe Ia, Mawu? 12Orasi i'i tamaiko, Ia sarung mutul᷊ung si kau mudidato l᷊au u manintiro apang ko sarung ihabariu.”
13Kateho i Musa nusumimbahi, “Ia mukahioro, kumbahangwe mundoi sia, o Mawu, pundoite taumata ko wal᷊inge.” 14Bou e'e Mawu nuwawal᷊uang si Musa dang nangul᷊i, “Wal᷊ingewe i kau pia tuhangu ko arenge i Harun? Ia matitong i sie pande mudidato. Tingari i sie kal᷊al᷊enge sarang i'i, dang i sie sarung mal᷊uasi musombang dingangu. 15Pudidatote dingange l᷊au u habariko si sie apa ko mambeng ihabari. Ia sarung mutul᷊ung si kumu rua dang manintiro apang ko mambeng ihabari kumu l᷊au u koateng. 16I sie mambeng pudidato bou arengu su tingo ngu ana u kawanua. I sie sarung makoa tolokiu dang i kau irekenge kere Mawu Ruata ko muhabari apang ko mambeng iul᷊ie. 17Wawako tiking e'e, i kau sarung mukoa manga tatia ko makal᷊aherang dingang tiking e'e.”
I Musa nusul᷊e sarang Mesir
18Nasue bou e'e i Musa napul᷊e sarang wanua ngi Yitro, i emponge, dang nangul᷊i si sie, “Pakawalako ia musul᷊e sarang Mesir guna ngu mutuhung manga ana u simbauku dang mutuhung minsang apa i sire mborong wiahi.” I Yitro nangul᷊i si Musa, “Dakoe tamai pakapia.”
19Tempo ngi Musa mborong su tana Midian, Mawu nangul᷊i si sie, “Pusul᷊ete sarang Mesir. Kaul᷊i u taumata ko mamate si kau seng nate.” 20Inau i Musa numbawa kawinge dingang u manga anae dang nupaawi si sire sarang keledai bou e'e i sire nuwua singkahindo sarang Mesir. Bou parenta ngu Mawu Ruata, i Musa l᷊ai numbawa tikinge.
21 Mawu nuhengetang si Musa, “Ia seng nangonggo kawasa si kau guna ngu pukoa manga tatia ko makal᷊aherang. Inau kamangkeng i kau seng nusul᷊e su Mesir, koako kaul᷊i u tatia ko makal᷊aherang e'e su tingo ngu ratu Mesir. Kateho Ia sarung mukoa si sire makul᷊i, hakiu i sie ta mupakawala ngu bangsa e'e muwua. 22Bou e'e habariko su ratu e'e himoneu Ia, Mawu, nutumanata kiri'i: ‘Israel ko ana-Ku ko iyakang, 23#Sasu. 12:29dang i kau seng Daku niparentang guna ngu mupakawala ngu ana-Ku e'e tamai tadeau i sie makapanumba si Sia. Kateho i kau ta mupakawala. Orasi i'i Ia sarung ta mamala ana u ko iyakang nipuwiahi.’ ”
24Su simbau tampa pukakemang su l᷊al᷊al᷊eng e'e, Mawu nusumongo si Musa, dang mo mamate si sie. 25I Zipora, kawinge, nangal᷊a watu mahoro simbau dang nanunati anae, bou e'e nisuhungange su l᷊aeri #4:25: l᷊aeri: Pia ko pia titonge “l᷊aeri” mangal᷊enge alati u kelamin. Musa. Angkung i Zipora, “I kau ko kawingku ko susi.” 26Hal᷊i e'e nihabarie nitapengang dingang u adati sunati. Inau Mawu namala wiahi si Musa.
27Tintal᷊a e'e Mawu nangul᷊i si Harun, “Tamaiko sarang tana l᷊inggi pusombang i Musa.” I Harun natamai, bou e'e nusuma dingang u tuaringe su wul᷊uri ko susi, dang nangimbu si sie. 28I Musa nuwuke si Harun kaul᷊i u apang ko niul᷊i u Mawu si sie su tempo i sie niroi pusul᷊e sarang Mesir, l᷊ai bou hal᷊i u kaul᷊i u kal᷊aherang ko mambeng ikoae. 29Bou e'e i Musa dingang i Harun nakoa sarang Mesir dang nangomol᷊i kaul᷊i u tumbonang u Israel. 30I Harun nangul᷊i si sire patiku ko niul᷊i u Mawu si Musa, dang i Musa nukoa kaul᷊i u kal᷊aherang su tingo ngu manga taumata se'e. 31Kuteu nangimangte i sire, dang saritau i sire nakaringihi himoneu Mawu seng nupandung kawanuange dang nakawua patiku kasasusa ngi sire, i sire nusuba nanumba.
Currently Selected:
SASUWANG 4: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 4
4
Mawu Ruata nangonggo si Musa kawasa mukoa tatia ko makal᷊aherang
1Bou e'e i Musa nusumimbahi su Mawu, “Kateho kirapa boko tau Israel ta mangimang l᷊au u tawe mo mupandung manga didatoku? Apa ko mambeng daku i koa boko i sire mudidato himoneu Mawu ta nutingkaandaghi watangeng-E si sia?”
2 Mawu nukina si Musa, “Apa e'e su l᷊ima ngu?” I Musa nusumimbahi, “Tiking.”
3Angkung u Mawu, “Pal᷊ote e'e su tana.” I Musa namal᷊o, bou e'e tiking e'e nuwal᷊u nakoa katoang dang i Musa nutumal᷊ang nutingkaghea. 4Mawu nangul᷊i si Musa, “Sandighite katoang e'e, dang hinggone ko tol᷊e'e.” I Musa nusumandighi dang naname katoang e'e ko dingang singkatempo sau nuwal᷊u nakoa tiking su l᷊ima ngi Musa. 5Angkung u Mawu, “Koako kere'e tadeau manga taumata ngu Israel mangimang himoneu Ia, Mawu Ruata ngi i upung i sire, Mawu Ruata ngi Abraham, i Ishak l᷊au i Yakub seng nutingkaandaghi watangeng-E si kau.”
6 Mawu nangul᷊i sau si Musa, “Pasuko l᷊imau su l᷊al᷊ung u l᷊aku'u.” I Musa nutumuhu, dang su tempo ngu i sie namol᷊eng l᷊imange nipasuwang, l᷊imange e'e mawira kahingang watu'u nikahinomang u saki u pisi ko makatataku. 7Bou e'e Mawu nangul᷊i, “Pasuko sau l᷊ima ngu su l᷊al᷊ung u l᷊aku'u.” I Musa nukoa kere'e, dang su tempo ngi sie sau nupasuwang l᷊imange e'e seng naul᷊e. 8Angkung u Mawu, “Kamangkeng i sire mborong ta mangimang si kau, arako ta mangaking tatia ko makal᷊aherang ko nikawua ngi sire kahimotongange, inau kal᷊aherang i'i sarung makakoa si sire mangimang. 9Kamangkeng i sire mang mborong ta mangimang si kau maningwe seng nakawua tatia ko makal᷊aherang karuange i'i, dang i sire ta mupandung didatongu, pangal᷊a ko ake singkodo bou sal᷊uhi Nil dang wosoko su tana. Ake e'e sarung muwal᷊u makoa daha.”
10Kateho i Musa nangul᷊i, “O, Mawu, ia wal᷊inge taumata ko tahadidato, mbaeng su tempo horo kere'e l᷊ai su tempo i'i, su horo Mawu nudidato si sia. Ia mabuha lilaku mudidato mal᷊ongge dang mul᷊al᷊ahumpu.”
11 Mawu nangul᷊i si sie, “I saiwe nangonggo u mohong su taumata? I sai nukoa si sie bobo arako wenggeli? I sai nukoa si sie makawua arako wuta? Wal᷊ingewe Ia, Mawu? 12Orasi i'i tamaiko, Ia sarung mutul᷊ung si kau mudidato l᷊au u manintiro apang ko sarung ihabariu.”
13Kateho i Musa nusumimbahi, “Ia mukahioro, kumbahangwe mundoi sia, o Mawu, pundoite taumata ko wal᷊inge.” 14Bou e'e Mawu nuwawal᷊uang si Musa dang nangul᷊i, “Wal᷊ingewe i kau pia tuhangu ko arenge i Harun? Ia matitong i sie pande mudidato. Tingari i sie kal᷊al᷊enge sarang i'i, dang i sie sarung mal᷊uasi musombang dingangu. 15Pudidatote dingange l᷊au u habariko si sie apa ko mambeng ihabari. Ia sarung mutul᷊ung si kumu rua dang manintiro apang ko mambeng ihabari kumu l᷊au u koateng. 16I sie mambeng pudidato bou arengu su tingo ngu ana u kawanua. I sie sarung makoa tolokiu dang i kau irekenge kere Mawu Ruata ko muhabari apang ko mambeng iul᷊ie. 17Wawako tiking e'e, i kau sarung mukoa manga tatia ko makal᷊aherang dingang tiking e'e.”
I Musa nusul᷊e sarang Mesir
18Nasue bou e'e i Musa napul᷊e sarang wanua ngi Yitro, i emponge, dang nangul᷊i si sie, “Pakawalako ia musul᷊e sarang Mesir guna ngu mutuhung manga ana u simbauku dang mutuhung minsang apa i sire mborong wiahi.” I Yitro nangul᷊i si Musa, “Dakoe tamai pakapia.”
19Tempo ngi Musa mborong su tana Midian, Mawu nangul᷊i si sie, “Pusul᷊ete sarang Mesir. Kaul᷊i u taumata ko mamate si kau seng nate.” 20Inau i Musa numbawa kawinge dingang u manga anae dang nupaawi si sire sarang keledai bou e'e i sire nuwua singkahindo sarang Mesir. Bou parenta ngu Mawu Ruata, i Musa l᷊ai numbawa tikinge.
21 Mawu nuhengetang si Musa, “Ia seng nangonggo kawasa si kau guna ngu pukoa manga tatia ko makal᷊aherang. Inau kamangkeng i kau seng nusul᷊e su Mesir, koako kaul᷊i u tatia ko makal᷊aherang e'e su tingo ngu ratu Mesir. Kateho Ia sarung mukoa si sire makul᷊i, hakiu i sie ta mupakawala ngu bangsa e'e muwua. 22Bou e'e habariko su ratu e'e himoneu Ia, Mawu, nutumanata kiri'i: ‘Israel ko ana-Ku ko iyakang, 23#Sasu. 12:29dang i kau seng Daku niparentang guna ngu mupakawala ngu ana-Ku e'e tamai tadeau i sie makapanumba si Sia. Kateho i kau ta mupakawala. Orasi i'i Ia sarung ta mamala ana u ko iyakang nipuwiahi.’ ”
24Su simbau tampa pukakemang su l᷊al᷊al᷊eng e'e, Mawu nusumongo si Musa, dang mo mamate si sie. 25I Zipora, kawinge, nangal᷊a watu mahoro simbau dang nanunati anae, bou e'e nisuhungange su l᷊aeri #4:25: l᷊aeri: Pia ko pia titonge “l᷊aeri” mangal᷊enge alati u kelamin. Musa. Angkung i Zipora, “I kau ko kawingku ko susi.” 26Hal᷊i e'e nihabarie nitapengang dingang u adati sunati. Inau Mawu namala wiahi si Musa.
27Tintal᷊a e'e Mawu nangul᷊i si Harun, “Tamaiko sarang tana l᷊inggi pusombang i Musa.” I Harun natamai, bou e'e nusuma dingang u tuaringe su wul᷊uri ko susi, dang nangimbu si sie. 28I Musa nuwuke si Harun kaul᷊i u apang ko niul᷊i u Mawu si sie su tempo i sie niroi pusul᷊e sarang Mesir, l᷊ai bou hal᷊i u kaul᷊i u kal᷊aherang ko mambeng ikoae. 29Bou e'e i Musa dingang i Harun nakoa sarang Mesir dang nangomol᷊i kaul᷊i u tumbonang u Israel. 30I Harun nangul᷊i si sire patiku ko niul᷊i u Mawu si Musa, dang i Musa nukoa kaul᷊i u kal᷊aherang su tingo ngu manga taumata se'e. 31Kuteu nangimangte i sire, dang saritau i sire nakaringihi himoneu Mawu seng nupandung kawanuange dang nakawua patiku kasasusa ngi sire, i sire nusuba nanumba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in