SASUWANG 26
26
Kema ngu Mawu
(Sasu. 36:8-38)
1“Pukoako Kema#26:1: Kema: e'e ko kema tampa u Mawu nusombang dingang i Musa l᷊au tau Israel su kanandu l᷊al᷊al᷊engang i sire su tana l᷊inggi. Kema i'i nisigho Kema ngu Mawu. guna ngu Ia bou mapul᷊o mpoto heka leneng al᷊usi nitenung dingang u wol ko biru, ungu dang mahamu. Sujiko heka e'e dingang gambari u kerub.#26:1: kerub: Tuhunge 25:18. 2Apang potoe mambeng musul᷊ung ukurange, nandue mapul᷊odua su meteri dang wunahie dua meteri. 3L᷊ima mpoto heka e'e mambeng pusasumpu makoa pampele simbau dang l᷊ima mpoto ko wal᷊inge mambeng ikoa kere'e l᷊ai. 4Koateko kakaie bou heka ko biru su wiwihi u pampele darua e'e, 5l᷊imampul᷊o kakaie suapang pampele e'e. 6Koate l᷊imampul᷊o kakaie bou wul᷊aeng guna ngu mangauhi darua pampele e'e, tadeau masimbau.
7Guna ngu atu u Kema e'e koako mapul᷊onsau su poto u heka bou ruku u kambing. 8Apang potoe mambeng musul᷊ung ukurange, nandue mapul᷊otilu su meteri dang wunahie dua meteri. 9L᷊ima mpoto mambeng ikauhi makoa simbau pampele, dang nungu poto ko wal᷊inge mambeng ikoa kere'e l᷊ai. Sasumpu kanunge mambeng il᷊ukuhi darua guna ngu panaka tingo ngu Kema. 10Taingko l᷊imampul᷊o kakaie su wiwihi u pampele ko kahimotongange dang l᷊imampul᷊o kakaie su wiwihi u pampele ko karuange. 11Koateko l᷊imampul᷊o kakaie bou witu dang kaiko su kakaie e'e tadeau darua pampele e'e masimbau makoa atu u kema 12Stenga bou heka simpoto ko l᷊umbeinge e'e inau guna ngu panaka l᷊ikuru Kema. 13L᷊ebe ngu heka wunahie l᷊imampul᷊o su sentinge su kanandu u Kema mambeng iwala panaka sindihang u Kema e'e.
14Koateko darua tatakae guna ngu bahageang l᷊ikuru Kema, simbau bou pisi ngu domba ko ese ko nilaburang u mahamu dang simbau l᷊ai bou pisi ko al᷊usi.
15Koateko manga rihi ngu Kema ko matei matul᷊iri bou kau akasia. 16Apang rihinge range'e pa u meteri dang wunahie nungupul᷊onung su sentinge. 17Su apang rihinge pia papasie simpari, hakiu kaul᷊i u kakoae mahaki simbau dingang ko wal᷊inge. 18Su simbuka ngu timuhi u Kema, koako duampul᷊o rihinge, 19dingang u paupul᷊o l᷊ampahie bou sal᷊aka, darua su wawa u apang rihinge guna ngu darua papasie. 20Su bageang sawunahi u Kema, koateko duampul᷊o rihinge 21dingang u paupul᷊o l᷊ampahie bou sal᷊aka, darua su l᷊al᷊ung u apang rihinge. 22Guna ngu bahageang l᷊ikuru Kema simbuka ngu wahe, koateko nung rihinge 23dang darua guna ngu manga wukunge. 24Manga rihi ngu wukunge e'e mambeng isumpu su bahageang l᷊aeri, turusi sarang bahageang u wawoe. Rihinge darua ko makakoa wukunge mambeng koateng kere'e. 25Inau kaul᷊ie pia wal᷊u rihinge dingang mapul᷊onung l᷊ampahie bou sal᷊aka, darua su wawa u apang rihinge.
26Kateho mapul᷊ol᷊ima kau wawal᷊andange bou kau akasia, l᷊ima guna ngu manga rihinge su simbau sindihang u Kema, 27l᷊ima guna ngu sindihang ko wal᷊inge, dang l᷊ima l᷊ai guna ngu sindihang u Kema bahageang u l᷊ikuri simbuka ngu wahe. 28Kau wawalandang ko su tal᷊oarae mambeng itaing range'e stenga bou nandu u rihinge, bou pondol᷊ie sarang pondol᷊i u Kema e'e. 29Rihi ngu Kema dang manga kau wawalandang e'e mambeng lapisang u wul᷊aeng, manga wukal᷊a guna ngu panahang manga kau e'e mambeng ikoa bou wul᷊aeng. 30Pararisiko Kema e'e tumuhu kao ko Daku nitibo si kau su wul᷊uri i'i.
31Kateho heka tataka tukari simbau bou leneng al᷊usi ko nitenung dingang u wol ko biru, ungu dang mahamu, sujiko heka e'e dingang gambari u kerub. #26:31: kerub: Tuhunge 25:18. 32Sangeko heka tataka tukari e'e su rihi ngu kau akasia pa u wau nilapisang u wul᷊aeng dingang kakai wul᷊aeng dang itaing su pa l᷊ampahie sal᷊aka. 33#Ibr. 6:19, 9:3-5Piloko heka e'e su wawae rei ngu kakai su atu u Kema. Su l᷊ikuru heka e'e mambeng pilonang u Wantal᷊i u Pudadiandi ko tatahoe darua watu e'e. Heka e'e ipanara kamari ko tumaniu susi bou kamari ko kasusinge. 34Piloko tataka u Wantal᷊i u Pudadiandi su wawo u wantal᷊i e'e. 35Meda sasumba mambeng ipilo su l᷊ikuru Kamari ko Kasusinge su simbuka ngu sawunahi, dang rihi ngu sol᷊o su simbuka ngu timuhi su l᷊al᷊ung u Kema e'e.
36Kateho sasarae guna ngu tukari u Kema bou heka leneng ko al᷊usi ko nitenung dingang u wol ko biru, ungu dang mahamu, nil᷊ighahi dingang u sujie. 37Guna ngu sasarae mambeng koateng l᷊ima rihinge bou kau akasia nilapisang u wul᷊aeng dang nipusasumpu dingang u l᷊ima kakai wul᷊aeng. Koako l᷊ima mbau l᷊ampahie bou witu guna ngu manga rihi e'e.”
Currently Selected:
SASUWANG 26: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 26
26
Kema ngu Mawu
(Sasu. 36:8-38)
1“Pukoako Kema#26:1: Kema: e'e ko kema tampa u Mawu nusombang dingang i Musa l᷊au tau Israel su kanandu l᷊al᷊al᷊engang i sire su tana l᷊inggi. Kema i'i nisigho Kema ngu Mawu. guna ngu Ia bou mapul᷊o mpoto heka leneng al᷊usi nitenung dingang u wol ko biru, ungu dang mahamu. Sujiko heka e'e dingang gambari u kerub.#26:1: kerub: Tuhunge 25:18. 2Apang potoe mambeng musul᷊ung ukurange, nandue mapul᷊odua su meteri dang wunahie dua meteri. 3L᷊ima mpoto heka e'e mambeng pusasumpu makoa pampele simbau dang l᷊ima mpoto ko wal᷊inge mambeng ikoa kere'e l᷊ai. 4Koateko kakaie bou heka ko biru su wiwihi u pampele darua e'e, 5l᷊imampul᷊o kakaie suapang pampele e'e. 6Koate l᷊imampul᷊o kakaie bou wul᷊aeng guna ngu mangauhi darua pampele e'e, tadeau masimbau.
7Guna ngu atu u Kema e'e koako mapul᷊onsau su poto u heka bou ruku u kambing. 8Apang potoe mambeng musul᷊ung ukurange, nandue mapul᷊otilu su meteri dang wunahie dua meteri. 9L᷊ima mpoto mambeng ikauhi makoa simbau pampele, dang nungu poto ko wal᷊inge mambeng ikoa kere'e l᷊ai. Sasumpu kanunge mambeng il᷊ukuhi darua guna ngu panaka tingo ngu Kema. 10Taingko l᷊imampul᷊o kakaie su wiwihi u pampele ko kahimotongange dang l᷊imampul᷊o kakaie su wiwihi u pampele ko karuange. 11Koateko l᷊imampul᷊o kakaie bou witu dang kaiko su kakaie e'e tadeau darua pampele e'e masimbau makoa atu u kema 12Stenga bou heka simpoto ko l᷊umbeinge e'e inau guna ngu panaka l᷊ikuru Kema. 13L᷊ebe ngu heka wunahie l᷊imampul᷊o su sentinge su kanandu u Kema mambeng iwala panaka sindihang u Kema e'e.
14Koateko darua tatakae guna ngu bahageang l᷊ikuru Kema, simbau bou pisi ngu domba ko ese ko nilaburang u mahamu dang simbau l᷊ai bou pisi ko al᷊usi.
15Koateko manga rihi ngu Kema ko matei matul᷊iri bou kau akasia. 16Apang rihinge range'e pa u meteri dang wunahie nungupul᷊onung su sentinge. 17Su apang rihinge pia papasie simpari, hakiu kaul᷊i u kakoae mahaki simbau dingang ko wal᷊inge. 18Su simbuka ngu timuhi u Kema, koako duampul᷊o rihinge, 19dingang u paupul᷊o l᷊ampahie bou sal᷊aka, darua su wawa u apang rihinge guna ngu darua papasie. 20Su bageang sawunahi u Kema, koateko duampul᷊o rihinge 21dingang u paupul᷊o l᷊ampahie bou sal᷊aka, darua su l᷊al᷊ung u apang rihinge. 22Guna ngu bahageang l᷊ikuru Kema simbuka ngu wahe, koateko nung rihinge 23dang darua guna ngu manga wukunge. 24Manga rihi ngu wukunge e'e mambeng isumpu su bahageang l᷊aeri, turusi sarang bahageang u wawoe. Rihinge darua ko makakoa wukunge mambeng koateng kere'e. 25Inau kaul᷊ie pia wal᷊u rihinge dingang mapul᷊onung l᷊ampahie bou sal᷊aka, darua su wawa u apang rihinge.
26Kateho mapul᷊ol᷊ima kau wawal᷊andange bou kau akasia, l᷊ima guna ngu manga rihinge su simbau sindihang u Kema, 27l᷊ima guna ngu sindihang ko wal᷊inge, dang l᷊ima l᷊ai guna ngu sindihang u Kema bahageang u l᷊ikuri simbuka ngu wahe. 28Kau wawalandang ko su tal᷊oarae mambeng itaing range'e stenga bou nandu u rihinge, bou pondol᷊ie sarang pondol᷊i u Kema e'e. 29Rihi ngu Kema dang manga kau wawalandang e'e mambeng lapisang u wul᷊aeng, manga wukal᷊a guna ngu panahang manga kau e'e mambeng ikoa bou wul᷊aeng. 30Pararisiko Kema e'e tumuhu kao ko Daku nitibo si kau su wul᷊uri i'i.
31Kateho heka tataka tukari simbau bou leneng al᷊usi ko nitenung dingang u wol ko biru, ungu dang mahamu, sujiko heka e'e dingang gambari u kerub. #26:31: kerub: Tuhunge 25:18. 32Sangeko heka tataka tukari e'e su rihi ngu kau akasia pa u wau nilapisang u wul᷊aeng dingang kakai wul᷊aeng dang itaing su pa l᷊ampahie sal᷊aka. 33#Ibr. 6:19, 9:3-5Piloko heka e'e su wawae rei ngu kakai su atu u Kema. Su l᷊ikuru heka e'e mambeng pilonang u Wantal᷊i u Pudadiandi ko tatahoe darua watu e'e. Heka e'e ipanara kamari ko tumaniu susi bou kamari ko kasusinge. 34Piloko tataka u Wantal᷊i u Pudadiandi su wawo u wantal᷊i e'e. 35Meda sasumba mambeng ipilo su l᷊ikuru Kamari ko Kasusinge su simbuka ngu sawunahi, dang rihi ngu sol᷊o su simbuka ngu timuhi su l᷊al᷊ung u Kema e'e.
36Kateho sasarae guna ngu tukari u Kema bou heka leneng ko al᷊usi ko nitenung dingang u wol ko biru, ungu dang mahamu, nil᷊ighahi dingang u sujie. 37Guna ngu sasarae mambeng koateng l᷊ima rihinge bou kau akasia nilapisang u wul᷊aeng dang nipusasumpu dingang u l᷊ima kakai wul᷊aeng. Koako l᷊ima mbau l᷊ampahie bou witu guna ngu manga rihi e'e.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in