SASUWANG 19
19
Taumata ngu Israel su wul᷊uri u Sinai
1-2Bou e'e bangsa Israel nanintang u Rafidim, dang su tanggali kahimotongange wul᷊ang katilunge bo i sire nanintang u Mesir, nasongote i sire su tana l᷊inggi Sinai. I sire nukema su wanggili u Wul᷊uri Sinai, 3dang i Musa nusumaka su wul᷊uri e'e tadeau musombang dingang u Mawu Ruata.
Mawu nudidato si Musa bou wul᷊uri e'e dang nuparenta si sie pamohang su taumata ngu Israel, hintou ngi Yakub, 4“I kumu seng nakawua apa ko Daku nikoa su taumata ngu Mesir dang kirapa Ia numbawa si kumu sarang koa-Ku su tampa i'i dingang u kawasa ko l᷊abo, musul᷊ung u burung rajawali numbawa anae su wawo u tatilae. 5#Sau. 4:20, 7:6, 14:2, 26:18; Tit. 2:14#1Ptr. 2:9Tempo i'i kamangkeng i kumu mundaringihi si Sia dang satia su pudadiandi-Ku, i kumu sarung Daku koateng umati-Ku sisane. Kaul᷊i u dunia i'i ko koa-Ku, kateho i kumu sarung makoa ikukindaghi-Ku, 6#Kl᷊h. 1:6, 5:10Kitang guna ngu watangeng-Ku sisane, dang i kumu sarung mutangkiang si Sia musul᷊ung u manga imam.” 7Kuteu i Musa nul᷊umintu dang nukui manga tumbonange tadeau mukomol᷊i, bou e'e niwuke'e kaul᷊ie si sire patiku ko niparenta ngu Mawu si sie. 8-9I sire kaul᷊ie nusumimbahi singkahindo, “I kami mo mukoa kaul᷊i u ko niul᷊i u Mawu,” dang sasimbahi e'e niul᷊i i Musa su Mawu. Bou e'e angkung u Mawu si Musa, “Ia sarung sumongo sarang koa u nipikung u winawa ko masubenehi; manga taumata sarung mundaringihi si Sia mudidato si kumu, dang manita orasi e'e i sire sarung tatapi mangimang si kau. 10Orasi i'i pusombangko dingang u manga taumata e'e, dang parentaiko i sire silou i'i dang dol᷊ou panadia watangeng guna ngu manumba. I sire mambeng mangunsa pakeang i sire. 11Karumaheng i sire mambeng seng nasadia. Su l᷊ou e'e Ia sarung l᷊umintu su wawo u Wul᷊uri Sinai, tampa kaul᷊i u taumata makawua si Sia. 12#Ibr. 12:18-20Koa ko tatia pul᷊iku wul᷊uri i'i kere pusarang ko ta botonge l᷊iung u bangsa e'e. Tughueko bangsa e'e sumaka wul᷊uri, kere'e l᷊ai sumandighie. I sai l᷊ai l᷊umiu pusarange sarung ihukung pakapate; 13taumata e'e mambeng pal᷊okang u watu arako pitikang, dang ta botonge suhungang. I'i mariadi su taumata kere l᷊ai su binatang, kaul᷊i u ko l᷊umiu su pusarang mambeng ihukung pakapate. Su tempo makaringihi tingihi u tarompeti manandu, manga taumata e'e mambeng sumaka wul᷊uri.”
14-15Bou e'e i Musa nurumusung bou wul᷊uri dang nundoi u manga taumata e'e panadia guna ngu manumba. Angkunge, “Karumaheng i kumu mambeng seng nasadia, dang ta botonge matiki mutatamba.” Bou e'e bangsa e'e nanita nanadia dang nangunsa pakeang i sire.
16 #
Kl᷊h. 4:5
#
Sau. 4:11-12 Su l᷊ou katilunge, su tempo mal᷊ukari, pia l᷊ul᷊u l᷊au kila. Winawa ko masubenehi nikawua su wawo u wul᷊uri dang nakaringihi tingihi u tarompeti ko kere'e kauhae. Kaul᷊i u taumata su kema nukumende mataku. 17I Musa numbawa si sire nusumuwang tadeau musombang ngu Mawu Ruata, bou e'e i sire nurumarisi su wanggili u wul᷊uri e'e. 18Kal᷊abo Wul᷊uri Sinai nataka u tipu watu'u Mawu nul᷊umintu su wawoe su l᷊al᷊ung u putung. Tipu e'e nutumipu kere tipu bou tampa panutungang, dang kaul᷊i u wul᷊uri nughumio kahingang. 19Tingihi u tarompeti nanamba kal᷊auhae. I Musa nudidato, dang Mawu Ruata nusumimbahi dingang u l᷊ul᷊u. 20Mawu nul᷊umintu su wawo u Wul᷊uri Sinai, dang nukui si Musa pasongo sarang wawo u wul᷊uri e'e. Bou e'e i Musa nusumaka, 21dang Mawu nangul᷊i si sie, “Rusungko dang tanataiko manga taumata e'e watu'u i sire ta botonge l᷊umiu pusarang guna ngu sumongo mutuhung si Sia. Kamangkeng i sire l᷊umawang l᷊ai, maul᷊i bou tal᷊oara i sire sarung mate. 22Maning manga imam ko mo sumandighi si Sia mambeng mupakasusi ngu watangeng, boko ta, i sire sarung Daku ihukung.”
23Angkung i Musa su Mawu, “Manga taumata e'e ta makasaka watu'u i Kau nuparenta si kami putuhung wul᷊uri i'i kere tampa ko susi dang pumbawua pusarang su kal᷊aboe.”
24Sasimbahi Mawu, “Rusungte, bou e'e pusul᷊eko si'i dingang i Harun, kateho manga imam dang ana u wanua ta botonge l᷊umiu pusarang guna ngu sumongo si Sia. Kamangkeng i sire l᷊umiu e'e, i sire sarung Daku ihukung.” 25Bou e'e nurumusungte i Musa nusombang manga bangsa e'e dang nihabarie tatanata ngu Mawu si sire.
Currently Selected:
SASUWANG 19: PLT
Highlight
Copy
Compare
Share
Want to have your highlights saved across all your devices? Sign up or sign in
SASUWANG 19
19
Taumata ngu Israel su wul᷊uri u Sinai
1-2Bou e'e bangsa Israel nanintang u Rafidim, dang su tanggali kahimotongange wul᷊ang katilunge bo i sire nanintang u Mesir, nasongote i sire su tana l᷊inggi Sinai. I sire nukema su wanggili u Wul᷊uri Sinai, 3dang i Musa nusumaka su wul᷊uri e'e tadeau musombang dingang u Mawu Ruata.
Mawu nudidato si Musa bou wul᷊uri e'e dang nuparenta si sie pamohang su taumata ngu Israel, hintou ngi Yakub, 4“I kumu seng nakawua apa ko Daku nikoa su taumata ngu Mesir dang kirapa Ia numbawa si kumu sarang koa-Ku su tampa i'i dingang u kawasa ko l᷊abo, musul᷊ung u burung rajawali numbawa anae su wawo u tatilae. 5#Sau. 4:20, 7:6, 14:2, 26:18; Tit. 2:14#1Ptr. 2:9Tempo i'i kamangkeng i kumu mundaringihi si Sia dang satia su pudadiandi-Ku, i kumu sarung Daku koateng umati-Ku sisane. Kaul᷊i u dunia i'i ko koa-Ku, kateho i kumu sarung makoa ikukindaghi-Ku, 6#Kl᷊h. 1:6, 5:10Kitang guna ngu watangeng-Ku sisane, dang i kumu sarung mutangkiang si Sia musul᷊ung u manga imam.” 7Kuteu i Musa nul᷊umintu dang nukui manga tumbonange tadeau mukomol᷊i, bou e'e niwuke'e kaul᷊ie si sire patiku ko niparenta ngu Mawu si sie. 8-9I sire kaul᷊ie nusumimbahi singkahindo, “I kami mo mukoa kaul᷊i u ko niul᷊i u Mawu,” dang sasimbahi e'e niul᷊i i Musa su Mawu. Bou e'e angkung u Mawu si Musa, “Ia sarung sumongo sarang koa u nipikung u winawa ko masubenehi; manga taumata sarung mundaringihi si Sia mudidato si kumu, dang manita orasi e'e i sire sarung tatapi mangimang si kau. 10Orasi i'i pusombangko dingang u manga taumata e'e, dang parentaiko i sire silou i'i dang dol᷊ou panadia watangeng guna ngu manumba. I sire mambeng mangunsa pakeang i sire. 11Karumaheng i sire mambeng seng nasadia. Su l᷊ou e'e Ia sarung l᷊umintu su wawo u Wul᷊uri Sinai, tampa kaul᷊i u taumata makawua si Sia. 12#Ibr. 12:18-20Koa ko tatia pul᷊iku wul᷊uri i'i kere pusarang ko ta botonge l᷊iung u bangsa e'e. Tughueko bangsa e'e sumaka wul᷊uri, kere'e l᷊ai sumandighie. I sai l᷊ai l᷊umiu pusarange sarung ihukung pakapate; 13taumata e'e mambeng pal᷊okang u watu arako pitikang, dang ta botonge suhungang. I'i mariadi su taumata kere l᷊ai su binatang, kaul᷊i u ko l᷊umiu su pusarang mambeng ihukung pakapate. Su tempo makaringihi tingihi u tarompeti manandu, manga taumata e'e mambeng sumaka wul᷊uri.”
14-15Bou e'e i Musa nurumusung bou wul᷊uri dang nundoi u manga taumata e'e panadia guna ngu manumba. Angkunge, “Karumaheng i kumu mambeng seng nasadia, dang ta botonge matiki mutatamba.” Bou e'e bangsa e'e nanita nanadia dang nangunsa pakeang i sire.
16 #
Kl᷊h. 4:5
#
Sau. 4:11-12 Su l᷊ou katilunge, su tempo mal᷊ukari, pia l᷊ul᷊u l᷊au kila. Winawa ko masubenehi nikawua su wawo u wul᷊uri dang nakaringihi tingihi u tarompeti ko kere'e kauhae. Kaul᷊i u taumata su kema nukumende mataku. 17I Musa numbawa si sire nusumuwang tadeau musombang ngu Mawu Ruata, bou e'e i sire nurumarisi su wanggili u wul᷊uri e'e. 18Kal᷊abo Wul᷊uri Sinai nataka u tipu watu'u Mawu nul᷊umintu su wawoe su l᷊al᷊ung u putung. Tipu e'e nutumipu kere tipu bou tampa panutungang, dang kaul᷊i u wul᷊uri nughumio kahingang. 19Tingihi u tarompeti nanamba kal᷊auhae. I Musa nudidato, dang Mawu Ruata nusumimbahi dingang u l᷊ul᷊u. 20Mawu nul᷊umintu su wawo u Wul᷊uri Sinai, dang nukui si Musa pasongo sarang wawo u wul᷊uri e'e. Bou e'e i Musa nusumaka, 21dang Mawu nangul᷊i si sie, “Rusungko dang tanataiko manga taumata e'e watu'u i sire ta botonge l᷊umiu pusarang guna ngu sumongo mutuhung si Sia. Kamangkeng i sire l᷊umawang l᷊ai, maul᷊i bou tal᷊oara i sire sarung mate. 22Maning manga imam ko mo sumandighi si Sia mambeng mupakasusi ngu watangeng, boko ta, i sire sarung Daku ihukung.”
23Angkung i Musa su Mawu, “Manga taumata e'e ta makasaka watu'u i Kau nuparenta si kami putuhung wul᷊uri i'i kere tampa ko susi dang pumbawua pusarang su kal᷊aboe.”
24Sasimbahi Mawu, “Rusungte, bou e'e pusul᷊eko si'i dingang i Harun, kateho manga imam dang ana u wanua ta botonge l᷊umiu pusarang guna ngu sumongo si Sia. Kamangkeng i sire l᷊umiu e'e, i sire sarung Daku ihukung.” 25Bou e'e nurumusungte i Musa nusombang manga bangsa e'e dang nihabarie tatanata ngu Mawu si sire.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in