WUKE NGU MANGA RASULI 6
6
I sire pitu Mutatangkiang
1Manga tumatuhu I Yesus kakal᷊iwuenge kakaul᷊ie. Su tempo e'e manga tau Yahudi ko muwisara ngu Yunani, nakurang naung i sire su manga tau Yahudi tutunge. Ko muwisara ngu Yunani e'e nangul᷊i, “Manga kowawine ngi kami ko seng nawal᷊u ta nakarea l᷊aonggo puwawiahi l᷊ou-l᷊ou ko ipupahia suapang taumata,” 2Ual᷊ingu e'e, i sire mapul᷊odua rasuli e'e nangomol᷊i kaul᷊i u tumatuhu dang nangul᷊i si sire, “Dal᷊ai boko i kami mangiro muhabari didato ngu Mawu Ruata, watu'u mambeng mangurusi manga hal᷊i u kang. 3Inau, mapiang manga ana u simbau pamile bou tal᷊oara i kumu pitu ngkatau ko pia arenge mapia dang nikawasa ngu Roh u Mawu Ruata dang l᷊ai pia titonge, ko kapanarakaneng i kami pangurusi manga hal᷊i i'i; 4watu'u i kami kitang mukal᷊iomaneng dang muhabari didato ngu Mawu Ruata.”
5Kaul᷊i u taumata e'e nukumire su kao u manga rasuli e'e. Bou e'e i sire namile si Stefanus, singkatau ko mangimang kahingang si Yesus dang nikawasa ngu Roh u Mawu Ruata. Nikapile l᷊ai: i Filipus, i Prokhorus, i Nikanor, i Timon, i Parmenas dang i Nikolaus bou Antiokhia; i sie wal᷊inge tau Yahudi kateho seng nusumu agama ngu tau Yahudi. 6I sire pitu e'e nihabari su manga rasuli, bou e'e manga rasuli e'e nukal᷊iomaneng dang nundo al᷊amatiu Mawu guna ngi sire.
7Kere'e habari bou Mawu Ruata mang kakakekenge dang manga tumatuhu I Yesus su Yerusalem l᷊ai mang kakaul᷊ie. Dang maul᷊i l᷊ai manga imam ko nangimang si Yesus.
I Stefanus nisame
8I Stefanus nial᷊amateng u Mawu Ruata kahingang, hakiu sindu ko makal᷊aherang l᷊au manga hal᷊i ko takoae sihinge nikoae su tal᷊oara u manga ana u kawanua. 9Kateho pia manga taumata ko nundoka si sie; i sire e'e ko tataho u wal᷊e pukakal᷊iomanengang ko nisigho Wal᷊e Pukakal᷊iomanengang manga Taumata ko Nal᷊iwiri.#6:9: Manga Taumata ko Nal᷊iwiri: i sire ko tau Yahudi ko horo l᷊ang, kateho seng namaehi guna ngu kal᷊al᷊iwiri arako seng nil᷊iwiri. Manga tataho u wal᷊e pukakal᷊iomanengang e'e ko manga tau Yahudi bou Kirene dang Aleksandria. I sire dingang u manga tau Yahudi bou Kilikia l᷊au Asia nupapangal᷊a dingang i Stefanus. 10Kateho i sire ta makarendehi apa ko niul᷊i i Stefanus, watu'u Roh u Mawu Ruata nangonggo si sie kapapilesa guna ngu mudidato. 11Ual᷊ingu e'e i sire nanoroki taumata pirangkatau tadeau pangul᷊i, “I kami nakaringihi tau i'i nuhinakang si Musa l᷊au su Mawu Ruata!” 12Kere'e i sire naniti manga taumata, dang manga pangaha u tau Yahudi, dang l᷊ai manga meteri agama. Bou e'e i sire natamai naname si Stefanus, bou e'e numbawa si sie putingo su Pangadilang u Agama. 13Dang i sire numbawa l᷊ai manga saksi ko pusaksi ngu tul᷊ong bou hal᷊i i Stefanus. Manga saksi e'e nangul᷊i, “Taumata i'i mangkate sintinia muhinakang u wal᷊e ngu Mawu ko susi dang muhinakang manga parenta ngu Mawu Ruata ko niul᷊i i Musa. 14I kami seng nakaringihi i sie nangul᷊i, uare I Yesus bou Nazaret e'e sarung mupakal᷊engge ngu Wal᷊e ngu Mawu i'i, bou e'e mamal᷊u kaul᷊i u tundu ko nitintiro ngi Musa si kite!” 15Kaul᷊i u taumata ko ene su komol᷊ang Pangadilang u Agama e'e nutuhung si Stefanus. Dang su tempo e'e pahesi Stefanus tuhungang musul᷊ung u pahesi u malaikati.
Currently Selected:
WUKE NGU MANGA RASULI 6: PLT
Highlight
Share
Copy
Want to have your highlights saved across all your devices? Sign up or sign in
WUKE NGU MANGA RASULI 6
6
I sire pitu Mutatangkiang
1Manga tumatuhu I Yesus kakal᷊iwuenge kakaul᷊ie. Su tempo e'e manga tau Yahudi ko muwisara ngu Yunani, nakurang naung i sire su manga tau Yahudi tutunge. Ko muwisara ngu Yunani e'e nangul᷊i, “Manga kowawine ngi kami ko seng nawal᷊u ta nakarea l᷊aonggo puwawiahi l᷊ou-l᷊ou ko ipupahia suapang taumata,” 2Ual᷊ingu e'e, i sire mapul᷊odua rasuli e'e nangomol᷊i kaul᷊i u tumatuhu dang nangul᷊i si sire, “Dal᷊ai boko i kami mangiro muhabari didato ngu Mawu Ruata, watu'u mambeng mangurusi manga hal᷊i u kang. 3Inau, mapiang manga ana u simbau pamile bou tal᷊oara i kumu pitu ngkatau ko pia arenge mapia dang nikawasa ngu Roh u Mawu Ruata dang l᷊ai pia titonge, ko kapanarakaneng i kami pangurusi manga hal᷊i i'i; 4watu'u i kami kitang mukal᷊iomaneng dang muhabari didato ngu Mawu Ruata.”
5Kaul᷊i u taumata e'e nukumire su kao u manga rasuli e'e. Bou e'e i sire namile si Stefanus, singkatau ko mangimang kahingang si Yesus dang nikawasa ngu Roh u Mawu Ruata. Nikapile l᷊ai: i Filipus, i Prokhorus, i Nikanor, i Timon, i Parmenas dang i Nikolaus bou Antiokhia; i sie wal᷊inge tau Yahudi kateho seng nusumu agama ngu tau Yahudi. 6I sire pitu e'e nihabari su manga rasuli, bou e'e manga rasuli e'e nukal᷊iomaneng dang nundo al᷊amatiu Mawu guna ngi sire.
7Kere'e habari bou Mawu Ruata mang kakakekenge dang manga tumatuhu I Yesus su Yerusalem l᷊ai mang kakaul᷊ie. Dang maul᷊i l᷊ai manga imam ko nangimang si Yesus.
I Stefanus nisame
8I Stefanus nial᷊amateng u Mawu Ruata kahingang, hakiu sindu ko makal᷊aherang l᷊au manga hal᷊i ko takoae sihinge nikoae su tal᷊oara u manga ana u kawanua. 9Kateho pia manga taumata ko nundoka si sie; i sire e'e ko tataho u wal᷊e pukakal᷊iomanengang ko nisigho Wal᷊e Pukakal᷊iomanengang manga Taumata ko Nal᷊iwiri.#6:9: Manga Taumata ko Nal᷊iwiri: i sire ko tau Yahudi ko horo l᷊ang, kateho seng namaehi guna ngu kal᷊al᷊iwiri arako seng nil᷊iwiri. Manga tataho u wal᷊e pukakal᷊iomanengang e'e ko manga tau Yahudi bou Kirene dang Aleksandria. I sire dingang u manga tau Yahudi bou Kilikia l᷊au Asia nupapangal᷊a dingang i Stefanus. 10Kateho i sire ta makarendehi apa ko niul᷊i i Stefanus, watu'u Roh u Mawu Ruata nangonggo si sie kapapilesa guna ngu mudidato. 11Ual᷊ingu e'e i sire nanoroki taumata pirangkatau tadeau pangul᷊i, “I kami nakaringihi tau i'i nuhinakang si Musa l᷊au su Mawu Ruata!” 12Kere'e i sire naniti manga taumata, dang manga pangaha u tau Yahudi, dang l᷊ai manga meteri agama. Bou e'e i sire natamai naname si Stefanus, bou e'e numbawa si sie putingo su Pangadilang u Agama. 13Dang i sire numbawa l᷊ai manga saksi ko pusaksi ngu tul᷊ong bou hal᷊i i Stefanus. Manga saksi e'e nangul᷊i, “Taumata i'i mangkate sintinia muhinakang u wal᷊e ngu Mawu ko susi dang muhinakang manga parenta ngu Mawu Ruata ko niul᷊i i Musa. 14I kami seng nakaringihi i sie nangul᷊i, uare I Yesus bou Nazaret e'e sarung mupakal᷊engge ngu Wal᷊e ngu Mawu i'i, bou e'e mamal᷊u kaul᷊i u tundu ko nitintiro ngi Musa si kite!” 15Kaul᷊i u taumata ko ene su komol᷊ang Pangadilang u Agama e'e nutuhung si Stefanus. Dang su tempo e'e pahesi Stefanus tuhungang musul᷊ung u pahesi u malaikati.
Currently Selected:
:
Highlight
Share
Copy
Want to have your highlights saved across all your devices? Sign up or sign in