2ቈረንተውስት እቂዝ 1
1
ፈወነ 1
1እደረት ፍቃድዝ ክርስቶስ እየሱስት ኻወርየ ኣቐው ባውሎስቲስ፣ ይናዝን ጢመቲወስቲስም፦ ቈረንተውስ ፅብረይ እደረት ምከንሸንስ፣ እኒዝጘም ድፍን ኣካይየ ፅበቍ ቅዱሳኒዝቅ፣ እፃሽተው እፃ።#ኻወ. 18፡1።
2ይናኣይር እደረቲስ፣ ይናኣደረ እየሱስ ክርስቶስቲስም ፃገዝመ ዲግተዝ ክታጅቅ ኣነ።
ዲብሽተነውዙ ኣምላክ
3ርኽርኸነዙ ኣይር፣ ዲብስተሸነውዝም ኣምላክ ኣቐው ይናኣደረ እየሱስ ክርስቶስት ኣምላክ ኣይርም ኣቐው እደረ ሚዝየንሽትነ። 4ይን ይናቕም እደረቲስ ለምርነው ድብሽተነይዝ፣ ሚከረል ፅበቍድዛት ዲብሰነው ቸልናንስ ማጥን ጘጝ ይናሚከረይዝቅ ይናት ዲብሰኵ። 5ክርስቶስት ስቃይድ ይናግል ንቕፀጘ፣ እኒዝጘም ይናዲብሽተነውድ ቈሽ ክርስቶስትውዝ ይናጭስ ንቕፀኵ። 6ይን ሚከረ ለምርነውድ ክትን ዲብሽተነውዝመ ቓደነውዝ ችጝርናንስ ማጥን የጝ፤ ይን ዲብሽትናንድ ቈሽ ክትንም ይን ለምርነው ሚከረድየንት ኣቕልዝ ለምትርን ዲብሽትርነኵ። 7ክታማጥን ፃይነው ቲስፈድ ፀናቐው የጝ፤ ምላሰንድም ይናሚከረድ ኣድልሽርነጘ፣ ይናዲብሽተነውድም ኣድልሽትርነጘ ኣርቕነኵን።
8ይፅንወ! እስየስ ይናግል ችጘው ሚከረድየንት ኣርቕትርነ በንነኵን፤ ይናኣቅሚዝ ንየ ኣቐው ኽየው ሚከረ ችጝን ዊናንስቅ ይናርዅየይዝ እኳ ቲስፈ ቀቭን ዊኑን።#1ቈረ. 15፡3። 9እርግጥዝም ክርጘዙ ፍርድ ይናግል ፊርድሸጘ ፃቭን እግዝን ዊኑን፤ እንም ኣቐውድ ክረቍድ ጒሰው እደረትውዝጚ ይናቕምትውዝ ተማምንሻይነጘ የጝ። 10ጘጝ እነየው ክርጘዙ ኻደገይስ ይናት ቓዝኩ፤ ነስየስቅም ቓዝጡ፤ ቈሽም ይናት ቓዝጠጘ ይናቲስፈድ ጝቍዝ የጝ። 11ክትንም ይናት ክታፀለውቲዝ ከቭጥን፤ ንቕፀቍ እቅዙ ፀለውትዝ ይናጭስ ነይሽተው ይውቲዝቍዝ ንቕፀቍ እቅ ይናማጥን እደረት ሚዝየንዝጘኵ።
ባውሎስ ቈረንተውስ ፊረነው ኻለይድ ላውጠጘ
12ነስየ ይናምክኸድ እኒን የጝ፤ እን ኣልሚስ፣ ቲተዝም ክታጅቅ ፃይነው ዲምቅኒዝ፣ እደረቲስ ኣቐው ቅድስነዝመ ቅንነትዝ ፅብነጘ፣ ይናኽሊነድ ሚዝርደኵ፤ እንም እቀ ጥቨቭዝ ኣይጝቀ እደረት ፃገይዝ የጝ። 13ኣንቭቭትርነ፣ ዊንም ተረድሽትትርነ ቸላይርነው ዊገድየንት ክታጭስ ፃፋይነቅም፤ እጝቅትቅም ተረድሽትትርነጘ ቲስፈ ፃቨኵን። 14ክትን ይናቍዝ ማክኽሽርናንትጘ ይንም ክታቍዝ ማክኽሽነጘ ነን ይናት ተረድሽትርነውድ ግቨርዝ ኣቕሽም፣ ኣደረ እየሱስት ግርየይዝ እጝቅትቅ ተረድሽትትርንቅ።
15እንዝም ተማምንጨር ኣቓንስቅ ሊን ጣቅምሽርናንስ የር በውግስ ክታት ገቭስጨ ኻሊ ዊኑን። 16መቀደውንየ ፊጣንድ ክታት ጝዝ ጝዝ ገቭስጨ፣ ዋጥራንድም ክታግዝ ፃቭ ዋጥር ይዅዳትጐ ፊጣንድ ይጒደነይዝ ከቭርናስ ኻስቭ ዊኑን።#ኻወ. 19፡21። 17ያን እኒንት ኻልያንድ ሰራጨውድየንት ኣርቓው ኣቕመ ይርንኵርኑ? ዊንስ ኣልሚዙ ልምዲዝጘ ሊን፦ «የይ የይ» ዊስ ቈሽ፦ «ኣየውም ኣየውም» የርመ ተከኵን? 18እደረ ኣምንሽተው ኣቐጘ ክታጭስም ኣልስነው ይናቃልድ፦ «የይ» ዊንም፦ «ኣየውም» ኣጠ ቸላውም። 19ምላሰንድም ያንም ኣቑን ሲላስስመ ጢመቲወስስ፣ ይን ሲቭክነው እደረት ዅር እየሱስ ክርስቶስ፦ «የይ» ዊንም፦ «ኣየውምም» ዊኒየው፤ ዊገድ ግን ጘጝ ዊትርቅ፦ «የይ» የጝ።#ኻወ. 18፡5። 20ምላሰንድም እደረ ነየው ቲስፈድቅ እጝቅ፦ «የይ» ኣቐውድ ጝቍዝ የጝ፤ ይንም ጝቍዝ እደረስ ክቭር ኣቓንስ ማጥን፦ «ኣሚን» ይነውድ እንዝ ምላሰንዝ የጝ። 21ነስየ ይናትም ክታትም ክርስቶስትውዝ ፀናቕን ችብርነ ፃቨውድ እደረ የጝ፤ ይናት ይመውድም ጘጝ የጝ። 22ይን ጝቍ ኣነጘ ደደደድሰው ጝማኽተምድየንት ይናግል ኻትመውድ፣ ቈሽም ነስየይስ ችጝነው ዊገይዝቅ ጝመንፈሲዙ ፃየነድ ይናዘኒል እቝረውድ ጘጝ የጝ።
23ቈረንተውስ ትጐ ዋጥር ተጢቀውድ ክታት ኻዝንሳይቀጘ የር የጝ፤ እኒን እማን ኣቒየውዝየ እደረ ሚዝርድነ። 24ፀናቕርን ችብትርነውድ እምንትዝ ኣቓንስቅ ክትን ዲስ ይርናንስ ክታጅቅ ሰራሽነኵንጚ ክታእምንቲል ሳልጥነም ኣየው።
Currently Selected:
2ቈረንተውስት እቂዝ 1: ኽምጣኣኪ
Highlight
Share
Copy
Want to have your highlights saved across all your devices? Sign up or sign in
2ቈረንተውስት እቂዝ 1
1
ፈወነ 1
1እደረት ፍቃድዝ ክርስቶስ እየሱስት ኻወርየ ኣቐው ባውሎስቲስ፣ ይናዝን ጢመቲወስቲስም፦ ቈረንተውስ ፅብረይ እደረት ምከንሸንስ፣ እኒዝጘም ድፍን ኣካይየ ፅበቍ ቅዱሳኒዝቅ፣ እፃሽተው እፃ።#ኻወ. 18፡1።
2ይናኣይር እደረቲስ፣ ይናኣደረ እየሱስ ክርስቶስቲስም ፃገዝመ ዲግተዝ ክታጅቅ ኣነ።
ዲብሽተነውዙ ኣምላክ
3ርኽርኸነዙ ኣይር፣ ዲብስተሸነውዝም ኣምላክ ኣቐው ይናኣደረ እየሱስ ክርስቶስት ኣምላክ ኣይርም ኣቐው እደረ ሚዝየንሽትነ። 4ይን ይናቕም እደረቲስ ለምርነው ድብሽተነይዝ፣ ሚከረል ፅበቍድዛት ዲብሰነው ቸልናንስ ማጥን ጘጝ ይናሚከረይዝቅ ይናት ዲብሰኵ። 5ክርስቶስት ስቃይድ ይናግል ንቕፀጘ፣ እኒዝጘም ይናዲብሽተነውድ ቈሽ ክርስቶስትውዝ ይናጭስ ንቕፀኵ። 6ይን ሚከረ ለምርነውድ ክትን ዲብሽተነውዝመ ቓደነውዝ ችጝርናንስ ማጥን የጝ፤ ይን ዲብሽትናንድ ቈሽ ክትንም ይን ለምርነው ሚከረድየንት ኣቕልዝ ለምትርን ዲብሽትርነኵ። 7ክታማጥን ፃይነው ቲስፈድ ፀናቐው የጝ፤ ምላሰንድም ይናሚከረድ ኣድልሽርነጘ፣ ይናዲብሽተነውድም ኣድልሽትርነጘ ኣርቕነኵን።
8ይፅንወ! እስየስ ይናግል ችጘው ሚከረድየንት ኣርቕትርነ በንነኵን፤ ይናኣቅሚዝ ንየ ኣቐው ኽየው ሚከረ ችጝን ዊናንስቅ ይናርዅየይዝ እኳ ቲስፈ ቀቭን ዊኑን።#1ቈረ. 15፡3። 9እርግጥዝም ክርጘዙ ፍርድ ይናግል ፊርድሸጘ ፃቭን እግዝን ዊኑን፤ እንም ኣቐውድ ክረቍድ ጒሰው እደረትውዝጚ ይናቕምትውዝ ተማምንሻይነጘ የጝ። 10ጘጝ እነየው ክርጘዙ ኻደገይስ ይናት ቓዝኩ፤ ነስየስቅም ቓዝጡ፤ ቈሽም ይናት ቓዝጠጘ ይናቲስፈድ ጝቍዝ የጝ። 11ክትንም ይናት ክታፀለውቲዝ ከቭጥን፤ ንቕፀቍ እቅዙ ፀለውትዝ ይናጭስ ነይሽተው ይውቲዝቍዝ ንቕፀቍ እቅ ይናማጥን እደረት ሚዝየንዝጘኵ።
ባውሎስ ቈረንተውስ ፊረነው ኻለይድ ላውጠጘ
12ነስየ ይናምክኸድ እኒን የጝ፤ እን ኣልሚስ፣ ቲተዝም ክታጅቅ ፃይነው ዲምቅኒዝ፣ እደረቲስ ኣቐው ቅድስነዝመ ቅንነትዝ ፅብነጘ፣ ይናኽሊነድ ሚዝርደኵ፤ እንም እቀ ጥቨቭዝ ኣይጝቀ እደረት ፃገይዝ የጝ። 13ኣንቭቭትርነ፣ ዊንም ተረድሽትትርነ ቸላይርነው ዊገድየንት ክታጭስ ፃፋይነቅም፤ እጝቅትቅም ተረድሽትትርነጘ ቲስፈ ፃቨኵን። 14ክትን ይናቍዝ ማክኽሽርናንትጘ ይንም ክታቍዝ ማክኽሽነጘ ነን ይናት ተረድሽትርነውድ ግቨርዝ ኣቕሽም፣ ኣደረ እየሱስት ግርየይዝ እጝቅትቅ ተረድሽትትርንቅ።
15እንዝም ተማምንጨር ኣቓንስቅ ሊን ጣቅምሽርናንስ የር በውግስ ክታት ገቭስጨ ኻሊ ዊኑን። 16መቀደውንየ ፊጣንድ ክታት ጝዝ ጝዝ ገቭስጨ፣ ዋጥራንድም ክታግዝ ፃቭ ዋጥር ይዅዳትጐ ፊጣንድ ይጒደነይዝ ከቭርናስ ኻስቭ ዊኑን።#ኻወ. 19፡21። 17ያን እኒንት ኻልያንድ ሰራጨውድየንት ኣርቓው ኣቕመ ይርንኵርኑ? ዊንስ ኣልሚዙ ልምዲዝጘ ሊን፦ «የይ የይ» ዊስ ቈሽ፦ «ኣየውም ኣየውም» የርመ ተከኵን? 18እደረ ኣምንሽተው ኣቐጘ ክታጭስም ኣልስነው ይናቃልድ፦ «የይ» ዊንም፦ «ኣየውም» ኣጠ ቸላውም። 19ምላሰንድም ያንም ኣቑን ሲላስስመ ጢመቲወስስ፣ ይን ሲቭክነው እደረት ዅር እየሱስ ክርስቶስ፦ «የይ» ዊንም፦ «ኣየውምም» ዊኒየው፤ ዊገድ ግን ጘጝ ዊትርቅ፦ «የይ» የጝ።#ኻወ. 18፡5። 20ምላሰንድም እደረ ነየው ቲስፈድቅ እጝቅ፦ «የይ» ኣቐውድ ጝቍዝ የጝ፤ ይንም ጝቍዝ እደረስ ክቭር ኣቓንስ ማጥን፦ «ኣሚን» ይነውድ እንዝ ምላሰንዝ የጝ። 21ነስየ ይናትም ክታትም ክርስቶስትውዝ ፀናቕን ችብርነ ፃቨውድ እደረ የጝ፤ ይናት ይመውድም ጘጝ የጝ። 22ይን ጝቍ ኣነጘ ደደደድሰው ጝማኽተምድየንት ይናግል ኻትመውድ፣ ቈሽም ነስየይስ ችጝነው ዊገይዝቅ ጝመንፈሲዙ ፃየነድ ይናዘኒል እቝረውድ ጘጝ የጝ።
23ቈረንተውስ ትጐ ዋጥር ተጢቀውድ ክታት ኻዝንሳይቀጘ የር የጝ፤ እኒን እማን ኣቒየውዝየ እደረ ሚዝርድነ። 24ፀናቕርን ችብትርነውድ እምንትዝ ኣቓንስቅ ክትን ዲስ ይርናንስ ክታጅቅ ሰራሽነኵንጚ ክታእምንቲል ሳልጥነም ኣየው።
Currently Selected:
:
Highlight
Share
Copy
Want to have your highlights saved across all your devices? Sign up or sign in