1ቈረንተውስት እቂዝ 9
9
ፈወነ 9
ኻወርየትነይዙ መቭት
1ያን ኻርነይ ፈር እጅር ኣይቀርመ? ኻወርየስ ኣይቀርመ? ይናኣደረ እየሱስትስ ቓሊቀርመ? ክትንስ ያን ኣደረት ኻይልዝ ሰራጭ ችጘቍ ይልቕረይዝቍ ፍር ኣይርነቀመ? 2ላጢዝ ኻወርየ ኣይቀር ኣቕሽም እኳ ክታጭስ ግን እርግጥዝ ኻወርየ የጝ፤ ምላሰንድም ያን ኣደረት ኻወርየ ኣቐነውድ ደደደድሰው ማኽተምድ ክትን የጝ።
3ይት ሚርምረቊዝ ያን ይወው ዊሰድ እኒን የጝ፦ 4ኣየውጚ! ዀነውዝመ ዝየነውዝ መቭት እጅነቅመ? 5ላጥ ኻወርየታኒዝጘ፣ ኣደረት ፅንትጘ፣ ከይፈትጘም ኣምንደይ ይናውነት ፃይን ጅልወነው መቭት እጅነቅመ? 6ዊንስ ሰራሸነውዝ ልቕርድና ፅብነ ጥውሽነቅድ ይስመ በርናቫስስ ጭቝመ? 7ኣየውጚ? በገዘ ጝጊንዝቭዝ ዊተድርነይዝ ኣግልግለውድ ኣው የጝ? ወይን ቲክል ፍርድ ዃውድስ ኣው የጝ? ጊንዝቫን ሊሚዳ ጝቅሚስ ፃቭ ዝያውድስ ኣው የጝ?
8እኒንት ዊግጠውድ እቀ ኣስተሳሰቭዝ ጭቝመ ውረ? ኽግድስ እኒንት የኵ ኣየውቀ? 9ወሪትት ኽጊዝ፦ «ደሲተው ቢረድየንት ጝምቸድ ሊጕምተ» ይሽት ፃፍሽኩ፤ እደስለ እደረ እኒንት የውድ ቢረዝቍዝ ኻስቨነውዝመ?#ዘዳ. 25፡4፤ 1ጢመ. 5፡18። 10እኒንት ዊግተውድ እርግጥዝ ይናማጥን ኣየውቀ? ፃፍሸውድ ትክክልዝ ይናማጥን የጝ፤ ኣርሸድ ጒዘውድ፣ ደሰተድም ደሰውድ ምርቲስ ኣፍ ፃየው ኣቐጘ ቲስፈ ፃቨነውዝ የጝ። 11ይን ክታጭስ መንፈሳዊ ዚረ ፊዝነቅ ኣነውዝየ እን ኣልሚዙ በረከት ክታጊስ ኣይርናን ኽየው ዊገ ኣቐነትመ?#ረው. 15፡27። 12ላጥድ እን መቭትድየንት ክታጊስ ችጝጥጘ ቸልጘውዝየ ይን ጛጊስ ዲቈው ችጝነ ጥውሻውመ? ይን ግን እን መቭቲዝ ጣቅምሺነቅም፤ ኽሽስ ክርስቶስት ወንጌሊዝ ፅጋ ኣቓይነጘ እጝቅ ዊገድየንትቅ ታግሽትነኵን። 13መቅደስ ጝኒል ኣግልግለቍድ ጝታዅረድየንት መቅደስ ጝኒስ ችጘቍ ኣጘጘ፣ መሰውየይል ኣግልግለቍድም መስዋቲስ ኣድልሸቍ ኣጘጘ ኣርቓይርነቅመ?#ዘዳ. 18፡1። 14እኒዝጘም ወንጌል ሲቭከቍድ ጝታቀለቭድ እኒን ሰቪስ ለምርጛንስ ኣደረ ኣዝኩ።#ማቲ. 10፡10፤ ሉቃ. 10፡7።
15ያን ግን እንዛይ መቭታኒስ ላውድየንት እኳ ጣቅምጪቀርም፤ ነንም እኒንት ፃፈውድ እነየው ዊገ ይጭስ ፃቭትርንቅ የነው ቲስፈዝም ኣየው፤ ኣውማውቅ ይምክኸድየንት ጊነ ፃቭ እዳዛንትሽ ክጣን ቺዘኵ። 16ወንጌል ሲቭከነውድ ይት ማክኽሳውም፤ ያን ሲቭከውድ ይግድየተ ኣቓንስቅ የጝ፤ እንዲያውም ወንጌል ሲቭኪቅሽ ይጭስ ወየው። 17ይፍቃድዝ ሲቭካን ሽልማት ችጝጭር፤ ይፍቃድዝ ኣቕየውዝየ ግን ይግል ማልሽተው ኽድርድ ፉንጚ ላየ ሰራጨው ዊገም እጀው። 18እደስለ ይሽልማትድ ወረጘ የጝ? ይሽልማትድመ ወንጌል ሲቭከነውዝ ችጘው ይመቭትድየንት ጣቅምጪጝቀ ወንጌልድየንት ኻርነይዝ ሲቭከነው የጝ።
19ያን ኻርነይ ፈር እጅር የጝ፤ ኣውማውት በረም ኣይቀር፤ ዊገድ ግን ንቕፀቍድዛት ቓዝጨ ማጥን ይቕምት እጝቅ እጅርዝቅ በረ ፃቨኵን። 20ኣይዅዳንድዛት ቓዝጨ ኣይዅዳኒጅቅ ኣይዅዳኒዝጘ ኣቑን፤ ያን ይቕም ኽግዝ ሳ ኣቒጝቀ ኽግዝ ሳ ፅበቍድዛት ቓዝጨ ኽግዝ ሳ ፅበቊዝጘ ኣቑን። 21ያን ይቕም እደረት ኽግ ፃቀር፣ ክርስቶስት ኽግዝ ቅምጨር ኣቓንም እኳ፣ ኽግ እጀቍድዛት ቓዝጨ ኽግ እጀው እጅሪዝጘ ኣቑን። 22ጝታእምንቲዝ ጣጝክሪየቍድዛት ቓዝጨ ጛጅቅ እምንትዝ ጣጝክሪየው እጅሪዝጘ ኣቑን፤ ይቸለጘቅ ላው ላውድዛት ቓዝጨ እጝቅጅቅ እጝቅ ዊገድየንትቅ ኣቑን። 23እኒንትቅ ፃቨውድ ወንጌሊዙ በረከቲስ ኣድልጫንስ፣ ወንጌሊዝ ማጥን የር የጝ።
24ውጠዙ ውድድርድ ውጥየቍድ ንቕፀቍ ኣጛንድ፣ ሽልማትድየንት ለምረውድ ግን ላውድ ጭቝ ኣቐጘ ኣርቓይርነቅመ? እንዝ ማጥን ክትንም ሽልማት ለምትርናንስ ውጢጥን። 25ውድድርዝ ኣስልሸው ኣውማው እጅር እጝቅ ዊገይዝቅ ጝቕምት ተቈጣጥርሸኵ፤ ጛይ ዲቈው፣ ድዘውም ኣቐው ኣክሊልድየንት ችጝጠ ዝላጘኵ፤ ይን ግን ዘላልምዝ ድዛው ኣክሊልድየንት ችጝነ ዝላነኵን። 26እንዝ ማጥን ያን ግቭ እጀው እጅሪዝጘ ጊነዝ ውጥየቅም፤ ቈሽም ፊግየድየንት ሲጕመው እጅሪዝጘ ዝሚ ቲግልጨቅም። 27ዊገድ ግን ላጢዝ ሲቭከት ግረ ያን ይቕም ውድድሪስ ሊቭ እዳቓይቀጘ ይሰውነትድየንት ጒስማ ይቕምስ ቅምሰኵን።
Currently Selected:
1ቈረንተውስት እቂዝ 9: ኽምጣኣኪ
Highlight
Share
Copy
Want to have your highlights saved across all your devices? Sign up or sign in
1ቈረንተውስት እቂዝ 9
9
ፈወነ 9
ኻወርየትነይዙ መቭት
1ያን ኻርነይ ፈር እጅር ኣይቀርመ? ኻወርየስ ኣይቀርመ? ይናኣደረ እየሱስትስ ቓሊቀርመ? ክትንስ ያን ኣደረት ኻይልዝ ሰራጭ ችጘቍ ይልቕረይዝቍ ፍር ኣይርነቀመ? 2ላጢዝ ኻወርየ ኣይቀር ኣቕሽም እኳ ክታጭስ ግን እርግጥዝ ኻወርየ የጝ፤ ምላሰንድም ያን ኣደረት ኻወርየ ኣቐነውድ ደደደድሰው ማኽተምድ ክትን የጝ።
3ይት ሚርምረቊዝ ያን ይወው ዊሰድ እኒን የጝ፦ 4ኣየውጚ! ዀነውዝመ ዝየነውዝ መቭት እጅነቅመ? 5ላጥ ኻወርየታኒዝጘ፣ ኣደረት ፅንትጘ፣ ከይፈትጘም ኣምንደይ ይናውነት ፃይን ጅልወነው መቭት እጅነቅመ? 6ዊንስ ሰራሸነውዝ ልቕርድና ፅብነ ጥውሽነቅድ ይስመ በርናቫስስ ጭቝመ? 7ኣየውጚ? በገዘ ጝጊንዝቭዝ ዊተድርነይዝ ኣግልግለውድ ኣው የጝ? ወይን ቲክል ፍርድ ዃውድስ ኣው የጝ? ጊንዝቫን ሊሚዳ ጝቅሚስ ፃቭ ዝያውድስ ኣው የጝ?
8እኒንት ዊግጠውድ እቀ ኣስተሳሰቭዝ ጭቝመ ውረ? ኽግድስ እኒንት የኵ ኣየውቀ? 9ወሪትት ኽጊዝ፦ «ደሲተው ቢረድየንት ጝምቸድ ሊጕምተ» ይሽት ፃፍሽኩ፤ እደስለ እደረ እኒንት የውድ ቢረዝቍዝ ኻስቨነውዝመ?#ዘዳ. 25፡4፤ 1ጢመ. 5፡18። 10እኒንት ዊግተውድ እርግጥዝ ይናማጥን ኣየውቀ? ፃፍሸውድ ትክክልዝ ይናማጥን የጝ፤ ኣርሸድ ጒዘውድ፣ ደሰተድም ደሰውድ ምርቲስ ኣፍ ፃየው ኣቐጘ ቲስፈ ፃቨነውዝ የጝ። 11ይን ክታጭስ መንፈሳዊ ዚረ ፊዝነቅ ኣነውዝየ እን ኣልሚዙ በረከት ክታጊስ ኣይርናን ኽየው ዊገ ኣቐነትመ?#ረው. 15፡27። 12ላጥድ እን መቭትድየንት ክታጊስ ችጝጥጘ ቸልጘውዝየ ይን ጛጊስ ዲቈው ችጝነ ጥውሻውመ? ይን ግን እን መቭቲዝ ጣቅምሺነቅም፤ ኽሽስ ክርስቶስት ወንጌሊዝ ፅጋ ኣቓይነጘ እጝቅ ዊገድየንትቅ ታግሽትነኵን። 13መቅደስ ጝኒል ኣግልግለቍድ ጝታዅረድየንት መቅደስ ጝኒስ ችጘቍ ኣጘጘ፣ መሰውየይል ኣግልግለቍድም መስዋቲስ ኣድልሸቍ ኣጘጘ ኣርቓይርነቅመ?#ዘዳ. 18፡1። 14እኒዝጘም ወንጌል ሲቭከቍድ ጝታቀለቭድ እኒን ሰቪስ ለምርጛንስ ኣደረ ኣዝኩ።#ማቲ. 10፡10፤ ሉቃ. 10፡7።
15ያን ግን እንዛይ መቭታኒስ ላውድየንት እኳ ጣቅምጪቀርም፤ ነንም እኒንት ፃፈውድ እነየው ዊገ ይጭስ ፃቭትርንቅ የነው ቲስፈዝም ኣየው፤ ኣውማውቅ ይምክኸድየንት ጊነ ፃቭ እዳዛንትሽ ክጣን ቺዘኵ። 16ወንጌል ሲቭከነውድ ይት ማክኽሳውም፤ ያን ሲቭከውድ ይግድየተ ኣቓንስቅ የጝ፤ እንዲያውም ወንጌል ሲቭኪቅሽ ይጭስ ወየው። 17ይፍቃድዝ ሲቭካን ሽልማት ችጝጭር፤ ይፍቃድዝ ኣቕየውዝየ ግን ይግል ማልሽተው ኽድርድ ፉንጚ ላየ ሰራጨው ዊገም እጀው። 18እደስለ ይሽልማትድ ወረጘ የጝ? ይሽልማትድመ ወንጌል ሲቭከነውዝ ችጘው ይመቭትድየንት ጣቅምጪጝቀ ወንጌልድየንት ኻርነይዝ ሲቭከነው የጝ።
19ያን ኻርነይ ፈር እጅር የጝ፤ ኣውማውት በረም ኣይቀር፤ ዊገድ ግን ንቕፀቍድዛት ቓዝጨ ማጥን ይቕምት እጝቅ እጅርዝቅ በረ ፃቨኵን። 20ኣይዅዳንድዛት ቓዝጨ ኣይዅዳኒጅቅ ኣይዅዳኒዝጘ ኣቑን፤ ያን ይቕም ኽግዝ ሳ ኣቒጝቀ ኽግዝ ሳ ፅበቍድዛት ቓዝጨ ኽግዝ ሳ ፅበቊዝጘ ኣቑን። 21ያን ይቕም እደረት ኽግ ፃቀር፣ ክርስቶስት ኽግዝ ቅምጨር ኣቓንም እኳ፣ ኽግ እጀቍድዛት ቓዝጨ ኽግ እጀው እጅሪዝጘ ኣቑን። 22ጝታእምንቲዝ ጣጝክሪየቍድዛት ቓዝጨ ጛጅቅ እምንትዝ ጣጝክሪየው እጅሪዝጘ ኣቑን፤ ይቸለጘቅ ላው ላውድዛት ቓዝጨ እጝቅጅቅ እጝቅ ዊገድየንትቅ ኣቑን። 23እኒንትቅ ፃቨውድ ወንጌሊዙ በረከቲስ ኣድልጫንስ፣ ወንጌሊዝ ማጥን የር የጝ።
24ውጠዙ ውድድርድ ውጥየቍድ ንቕፀቍ ኣጛንድ፣ ሽልማትድየንት ለምረውድ ግን ላውድ ጭቝ ኣቐጘ ኣርቓይርነቅመ? እንዝ ማጥን ክትንም ሽልማት ለምትርናንስ ውጢጥን። 25ውድድርዝ ኣስልሸው ኣውማው እጅር እጝቅ ዊገይዝቅ ጝቕምት ተቈጣጥርሸኵ፤ ጛይ ዲቈው፣ ድዘውም ኣቐው ኣክሊልድየንት ችጝጠ ዝላጘኵ፤ ይን ግን ዘላልምዝ ድዛው ኣክሊልድየንት ችጝነ ዝላነኵን። 26እንዝ ማጥን ያን ግቭ እጀው እጅሪዝጘ ጊነዝ ውጥየቅም፤ ቈሽም ፊግየድየንት ሲጕመው እጅሪዝጘ ዝሚ ቲግልጨቅም። 27ዊገድ ግን ላጢዝ ሲቭከት ግረ ያን ይቕም ውድድሪስ ሊቭ እዳቓይቀጘ ይሰውነትድየንት ጒስማ ይቕምስ ቅምሰኵን።
Currently Selected:
:
Highlight
Share
Copy
Want to have your highlights saved across all your devices? Sign up or sign in