1ቈረንተውስት እቂዝ 8
8
ፈወነ 8
ጣወትዝ ሲውሽተው ስየዝቍዝ
1ጣወትዝ ሲውሽተው ስየይዝቍም እርግጥ ይን እጝቅቅ ኣርቕት ፃይነቅ የጝ፤ ኣነጚ ኣርቕት ትቪት ነሰኵ፤ ፍቅር ግን ኻንፀኵ። 2ኣርቐኵን የው እጅር ገነ ኣርቕጠ ጥውሸዊዝ ቝጠ ኣርቒየውም። 3እደረት ቀነው እጅር ግን እደረትዝ ኣርቕሽተው የጝ።
4ነስየ ጣወትዝ ሲውሽተው ስየ ዀነውዝቍዝ ድቍጨ በነኵን፤ ጣወት እጝቅ እን ኣልሚል ርዅየ እጀው ኣቐጘ ላው እደረትለም ላየ ኣምላክ እጀው ኣቐጘ ኣርቕነኵን። 5መቸም ንቕፀቍ ኣምላካንዝመ ኣደርጥዝ እኵ፤ ዊገድ ግን ሲመይዝም ኣነ ዝቨይዝቅ ኣምላካን ይሽትጝ ጭጝሸቍ ፅብጝሽም፣ 6ይናጭስ ግን እጝቅ ዊገድየንትቅ ፋጥረው፣ ይንም ጝቍ ኣነቅ ኣይር ኣቐው ላው ኣምላክ እኩ፤ እኒዝጘም እጝቅ ዊገድቅ ጝኣመካይነትዝ ፋጥርሸው፣ ይንም ጝኣመካይነትዝ ፅብነቅ ላው ኣደረ እየሱስ ክርስቶስ እኩ።
7ዊገድ ግን እኒንት ኣርቐቍድ እጝቅቅም ኣየቍ፤ ላው ላው እቅ ነኳን ኣሽ ጣወት ኣምልከነው ክንድጛንስቅ እነየው ስየድየንት ዅጛንድ እርግጥ ጣወትዝ ሲውሽተው ፃቭጝ ኻስቭጘኵ፤ ጝታኽሊነድም ገነ ጣጝክሪየው ኣቓንስቅ ኣርክሽተኵ። 8ዊገድ ግን ዅረ ይናት እደረትል ኣልሳውም፤ ዂንሽም ጒድለው ዊገ እጀውም፤ ዅንሽም ቲርፍዝነው ዊገ ዊናውም። 9ኣቕሽም እኒን ክታኻርነይድ እምንትዝ ጣጝክሪየቍድዛት ፅጋሳየጘ ጣጝቅቅጭጥን። 10ክት፦ «ያን ኣርቐር የጝ» ይር ጣወትዙ ጝኒል ጐይር ዅራንድ እድየን እምንትዝ ጣጝክሪየው እጅርድየን ክት ቓላን፣ ጘጝስ ጣወትዝ ሲውሽተውድየንት ዅጠ ዲፍራውመ? 11እንዝ ማጥን ክርስቶስ ጝማጥን ክረው፣ እምንትዝ ጣጝክሪየው እጅርድየን ክኣርቕቲዝ ምላሰንዝ ድዙ የነት የጝ። 12እንዝ ኣይንትዝ ክታፅንድዛት ቢድለነውዝ፣ እምንትዝ ጣጝክሪየው ጝታኽሊነድየንትም ልኻንዘነውዝ፣ ክርስቶስት ቢድልድርነኵ። 13ኣቓንስቅም ያን ዀው ዅረድ ይዝንት ፅጋሰው ኣቐውዝየ፣ ይዝንት ፅጋሳይቀጘ የር ስሪስቅ ስየ ዀቅም።
Currently Selected:
1ቈረንተውስት እቂዝ 8: ኽምጣኣኪ
Highlight
Share
Copy
Want to have your highlights saved across all your devices? Sign up or sign in
