1ቈረንተውስት እቂዝ 15
15
ፈወነ 15
ክርስቶስት ክርጘይስ ጐነድ
1ይፅንወ! ያን ክታጭስ ሲቭከውድየንት ክትንም ለምትርነውድየንት ቈሽም ጝዝ ፀናቕርን ችብትርነው ወንጌልድየንት ኻስቭዝጨ በነኵን። 2ያን ሲቭከው ቃልድየንት ቐናዝርን ፃይርንሽ እን ወንጌሊዝ ቓድትርንቅ፤ ኣለዝየ ግን ኣምንድርነውድ ጊነቱ የጝ።
3ያን ለምጠውድየንት እጝቂስቅ ንየ ኣቐው ዊገድየንት ክታጭስ ዲቍስኩን፤ እን ዲቍሰው ዊገድም ቅዱሳን መፃፋንድ ይጛንትጘ ክርስቶስ ይናኽጥያቲዝ ማጥን ክረጘ፣#እሳ. 53፡5-12። 4ዲቭሽተጘ፣ ቅዱሳን መፃፋኒዝ ፃፍሽተጘም ሸወትረ ግርየይዝ ክርጘይስ ጐጘ የጝ።#መዝ. 16፡8-10፤ ማቲ. 12፡40፤ ኻወ. 2፡24-32። 5ጝዝግረም ከይፈስ እትሉ፤ ቃፅልም ፅጭ ሊጘ ኻወርየታኒዝ እትሉ።#ማቲ. 28፡16-17፤ ማር. 16፡14፤ ሉቃ. 24፡34፤36፤ ይዃ. 20፡19። 6እንዝ ግረም ኣኰ ላዝ ንየ ኣቐቍ ዚኒዝ ሊንስ እትሉ፤ ጛጊስም ንቕፀቍድ ነኳን ኣሽ ርዅየዝ እኵ፤ ላው ላውድ ግን ክርጝኩ። 7እንዝ ግረም ያይቈቭስ እትሉ፤ እግረም እጝቅ ኻወርየታኒዝቅ እትሉ። 8እጝቂስቅ ግረም ዳይዝጘ እጊጠር ይጭስ ቈሽ እትሉ።#ኻወ. 9፡3-6። 9ያን እደረት ምከንሸንት ሲድሰር ዊናንስቅ ኻወርየታኒስቅ ፅጐር፣ ኻወርየ ይሽጥ ጭጝጨም ጥውጨቅ የጝ።#ኻወ. 8፡3። 10ዊገድ ግን እደረት ፃገይዝ ኣመካይነትዝ ያን ነን ኣቐውድየንት ኣቕኩን፤ ይጭስም ነይሽተው ፃገድ ጊነ ኣቕ እዳቒየውም፤ እንዲያውም እጝቂስቅ ንየ ቲግየዝ ሰራጭኩን፤ ዊገድ ግን እኒንት ፃቨውድ ያን ኣቒጝቀ ይጅቅ ዘላልም ፅበው እደረት ፃገድ የጝ። 11ነስየ ያንም ኣቑን ጛይ ሲቭክነውድ እኒንት የጝ፤ ክትንም ኣምንድርነውድ እኒንት የጝ።
ክርጘይስ ጐነዝቍዝ
12ክርስቶስ ክርጘይስ ጐጘ ሲቭክሸው ኣቐውዝየ ክታጊስ ላው ላውድ ወረጘ የነት የጝ፦ «ክርጘይስ ጐነ እጀውም» ይጘውድ? 13ክርጘይስ ጐነ እጀው ኣቐውዝየመ ክርስቶስም ክርጘይስ ጕየውም የነት የጝ! 14ክርስቶስ ክርጘይስ ጕየውዝየመ ይናስቭክትድ ወየ እጀው የጝ፤ ክታእምነትድም ጊነ የጝ። 15እንዝ ንየም እደረ፦ «ክርስቶስት ክርጘይስ ጒስኩ» ይን ሚዝርድናንስቅ ኻሽወጥ እደረት ሚዝረጫን ኣቕን ችጝሽንኵኑን፤ ነስየ ክረቍድ ጓቍ ኣጘውዝየ ክርስቶስትም ጒሲየውም የነት የጝ። 16ክረቍድ ክርጘይስ ጒጘውዝየ ክርስቶስም ጕየውም። 17ክርስቶስም ጕየውዝየ ክታእምነትድ ጊነቱ የጝ፤ ክትንም ነኳን ኣሽ ክታኽጥያቲጅቅ እኵርኑ የነት የጝ። 18እንም ኣቐውዝየ ክርስቶስት ኣምንጝ ክረቍድ ድዝጝኵ የነት የጝ። 19ክርስቶስት ቲስፈ ፃቭነውድ እን ኣልሚዝወ ርዅየሸንስ ጭቝ ኣቐውዝየ እጝቅ እጅሪስቅ ሽ ይን ቘይሽነቅ የጝ።
20ዊገድ ግን ክርስቶስ ክረቊዝ ክርጘይስ ጐነዙ ባር ኣቕ እርግጥዝ ክርጘይስ ጕኩ። 21ክርጘ ላው እጅርዝጐቱ ፃቭ ተረጘ፣ ክርጘይስ ጐነም ላው እጅርዝጐቱ ፃቭ ተርኩ። 22እቅ እጝቅ ኣዳምት ኣመካይነትዝ ክረቍ ኣጘጘ እቅ እጝቅ ክርስቶስት ኣመካይነትዝ ፅበቍ ኣጥቍ። 23ዊገድ ግን እኒን ክርጘይስ ጐነውድ እጝቅ እጅሪዝቅ ጝቕም ጝቕምቱ ቲረይዝ ኣጡ፤ ክርስቶስ ክርጘይስ ጐነዙ ባር የጝ፤ ጝዝ ግረ ቈሽ ክርስቶስ ተራንድ ጝቍ ኣቐቍድ ጕጥቍ። 24ጝዝግረ ቅምትድ፣ ስልጣንድ፣ ኻይልድ እጝቅትቅ ዲምስሳንድ ምጝግስትድም እደረስ ኣስረክቭዛንድ፣ ኣይንድ ኻትሽነ ኣጡ። 25ክርስቶስ ጝፃለታንድዛትቅ ጝልኲዝ ደደነ ፃቭጢስቅ ኒግስጠ ጥውሸኵ።#መዝ. 110፡1። 26ዲምስስሽተው ኻትሸነይዙ ፃለትድም ክርጘ የጝ። 27ምላሰንድም፦ «እጝቅ ዊገድየንትቅ ጝልኲዝ ደደነ ፃቭኩ» ይሽት ፃፍሽኩ፤ ዊገድ ግን፦ «እጝቅ ዊገድየንት ጝልኲዝ ደደነ ፃቭኩ» ይሽታንድ እጝቅ ዊገድየንትቅ ክርስቶስት ልኲዝ ሳይል ፃቨው እደረት ቈሻውም።#መዝ. 8፡6። 28እጝቅቅ ክርስቶስት ሳይል ኣቐት ግረ ዅር ቈሽ እጝቅትቅ ጝሳይል ፃቨው እደረስ ጝቕምት ቅምስጡ፤ እንም እደረ እጝቅ ዊገይዝቅ ፍፅም ንየቱ ኣቓንስ ማጥን የጝ።
29ክርጘይስ ጐነው እጀው ኣቐውዝየ ክረቍ እቂዝ ማጥን ይጝ ጣምቅሸቍድ ወረጘ ፃቭጛ የጝ? ክረቍድ ጓቍ ኣጘውዝየ እቅ ውር ፃቭጥጘ ጝታማጥን ጣምቅሽጛ? 30ይንስ ኣንሽ ውር ፃቭነ የጝ ዊትርቅ ኻደገል ሊቭን ፅብነውድ? 31ይፅንወ! ግሪ ጨቨቅ ክርጘል ችጝዘው ኻደገ ይግል ችጘኵ፤ እኒንት ዊግጠውድም ይናኣደረ ክርስቶስ እየሱስት ኣመካይነትዝ ክታግል ፃቀው ምክኸድ ደደደሸው ኣቓንስቅ የጝ። 32እፊሰውንስ ኣረዊታኒጅቅ ጋጥመውድ እጅር ኻሰቨዊዝጘ ኣቐውዝየ ይኣርወድ ወረጘ የጝ? ክረቍድ ጓቍ ኣጘውዝየሰ፦
«ኣምር ክርነቅ ኣናንስቅ
ነን ዅነ ዚነ»
የቊዝጘ ኣኑን የነት ቃየው።#እሳ. 22፡13። 33ቀርትርነ፤ «ጭቓ ፃምረ ቀሰው ኣምልድየት ጨቀኵ።» 34ክታትክክለኘ እዘኒዝጐ ዋጥርጥን፤ ኽጥያትም ሰራሽትርነ፤ ክታማኽሊል ላው ላው እደረት ኣርቓቍ እቅ እኵ፤ እኒንት የውድም ክታት ኣይቭስጨ የር የጝ።
ክርጘይስ ጐው ኣካልድ ኣወየው ኣቐጘ
35ዊገድ ግን ላው እጅር፦ «ክረቍድ ኣወይጝ የጝ ጕጘውድ? ተርጘውድስ ኣወየው ኣካልዝ የጝ?» የው ዋቕርጠ ቸለኵ። 36እፈ ኻጝ እጅር ክተ! ክት ፊዝረው ዚረድ ክሪየውዝየ ርዅየ ችጛውም። 37ክት ፊዝረውድ ዚርወዙ ዊንም ላየ ኣይንት ኣረዙ ዚረ የጝጚ እግረ ቢቍለው ቢቈለድም ኣየው። 38እደረ ግን ፊቅደጘ ኣካል ይወኵ፤ እጝቅት ኣይንት ዚረይዝቅ ጝቕም ጝቕምቱ ኣካል ይወኵ። 39ስየ እጝቅ ላው ኣይንት ኣየውም፤ እጅርዙ ስየድ ላው ኣይንት የጝ፤ እንሰሰዙ ስየድ ላየ ኣይንት የጝ፤ ዚልቂዙ ስየድ ላየ ኣይንት የጝ፤ ኻዘዙ ስየድ ቈሽ ላየ ኣይንት የጝ። 40እኒዝጘም ሲመይትቍ ኣካላን እኵ፤ ዝቨዝቍ ኣካላንም እኵ፤ ዊገድ ግን ሲመይትቍ ኣካላኒዙ ክቭርድ ላው ኣይንት የጝ፤ ዝቨዝቍ ኣካላኒዙ ክቭርድም ላየ የጝ። 41ኰረት ክቭርድ ላው ኣይንት የጝ፤ ኣርቨት ክቭርድ ላየ የጝ፤ ፅግልውጢዙ ክቭርድ ቈሽ ላየ የጝ፤ ላው ፅግልወይዙ ክቭርድ ላየ ፅግልወይዙ ክቭሪስ ቲተኵ።
42ክረቊዙ ጐነድም እኒዝጘ ኣጡ፤ ቢስብሰው ኣካል ፊተኵ፤ ቢስብሳው ኣካል ኣቕ ጐኵ። 43ውርድየትዝ ፊተኵ፤ ክቭርዝ ጐኵ፤ ዝላዝ ፊተኵ፤ ኻይልዝ ጐኵ። 44ፍጥረቱ ኣካልዝ ፊተኵ፤ መንፈሳዊ ኣካል ኣቕ ጐኵ፤ ፍጥረቱ ኣካል ፅበውዝየ መንፈሳዊ ኣካል ቈሽ እኩ። 45እንዝ ማጥን፦ «በውረ እጅር ኣዳም ርዅየ ፃየው ኣቑ» ይሽት ፃፍሽኩ፤ እግርገቱ ኣዳምድ ግን ርዅየ ይወው መንፈስ ኣቑ። 46ዊገድ ግን በዊል ተረውድ መንፈሳዊድ ኣቒጝቀ ፍጥረቱድ የጝ፤ እንዝ ግረ መንፈሳዊድ ተሩ። 47በውረ እጅርድ ዝቨይስ ፋጥርሻንስቅ ዝቨይዙ የጝ፤ እግርገቱውድ ግን ሲመይስ ተረው የጝ። 48ዝቨይስ ኣቐቍድ ዝቨይዝዊዝጘ ጛይ፤ ሲመይስ ኣቐቍድም ሲመይዝዊዝጘ ጛይ። 49ዝቨይዙ እጅሪዝ ሚልክድ ተክነጘ፣ ሲመይቱ እጅሪዝ ሚልክድም ተክንቅ።
50ይፅንወ! ስየዝመ ብርዝ እደረት ምጝግስትድየንት ዊርሳቍ ኣጘጘ፣ ብስብሰውድም ቢስብሳውድየንት ዊርሳው ኣቐጘ ክታጭስ ድቈኵን። 51እንወ! ላው ሚስጢር ክታጭስ ድቍጨ፦ ይን እጝቅ ክራይነቅም፤ ዊገድ ግን ይን እጝቅ ላውጥሽንቅ። 52እንም ኣቐውድ ኻትሸነይዙ መለከትድ ዋቓንድ ድጝግትዝ በውዝ የጝ፤ መለከት ዋቓንድ ክረቍድ ቢስብሳቍ ኣቕጝ ጕጥቍ፤ ይንም ላውጥሽንቅ።#1ተሰ. 4፡15-17። 53እኒን ቢስብሰውድየን ቢስብሳውድየንት፣ እኒን ክረውድየንም ክራውድየንት ሲርጠ ጥውሸኵ። 54ቢስብሰውድየን ቢስብሳውድየንት፣ ክረውድየንም ክራውድየንት ሲረው ግርየይዝ፦ «ክርጘ ኻሽ ድልዝ ስርሹ» ይሽት ፃፍሽተው ቃልድ ፋፅምሽጡ።#እሳ. 25፡8። 55እኒዝጘም፦
«ክርጘ ክተ! ክኻቕንድ ኣውል ኩ?
ክርጘ ክተ! ክሲቨነውድስ ኣውል ኩ?»
ይሽትኩ።#ዀስ. 13፡14። 56ክርጘይዙ ሲቨነድ ኽጥያት የጝ፤ ኽጥያቲዙ ኻይልድ ቈሽ ኽግ የጝ። 57ዊገድ ግን ይናኣደረ እየሱስ ክርስቶስት ኣመካይነትዝ ኻቕን ነየው እደረስ ሚዝየነ ኣነ።
58እንዝ ማጥን ቀንሽርነቅ ይፅንወ! ፀናቕርን ችብጥን፤ ኣውማው ዊገዝቅ ናውጥውጥሽትርነ፤ ኣደረት ሰቭዝ ዊትርቅ ቲጊርነውድ ጊነዝ ኣየው ኣቐጘ ኣርቕርን ቀቪጝቀ ዊትርቅ ኣደረት ሰቭድየንት ሰራሸነውዝ ቲጊጥን።
Currently Selected:
1ቈረንተውስት እቂዝ 15: ኽምጣኣኪ
Highlight
Share
Copy
Want to have your highlights saved across all your devices? Sign up or sign in
1ቈረንተውስት እቂዝ 15
15
ፈወነ 15
ክርስቶስት ክርጘይስ ጐነድ
1ይፅንወ! ያን ክታጭስ ሲቭከውድየንት ክትንም ለምትርነውድየንት ቈሽም ጝዝ ፀናቕርን ችብትርነው ወንጌልድየንት ኻስቭዝጨ በነኵን። 2ያን ሲቭከው ቃልድየንት ቐናዝርን ፃይርንሽ እን ወንጌሊዝ ቓድትርንቅ፤ ኣለዝየ ግን ኣምንድርነውድ ጊነቱ የጝ።
3ያን ለምጠውድየንት እጝቂስቅ ንየ ኣቐው ዊገድየንት ክታጭስ ዲቍስኩን፤ እን ዲቍሰው ዊገድም ቅዱሳን መፃፋንድ ይጛንትጘ ክርስቶስ ይናኽጥያቲዝ ማጥን ክረጘ፣#እሳ. 53፡5-12። 4ዲቭሽተጘ፣ ቅዱሳን መፃፋኒዝ ፃፍሽተጘም ሸወትረ ግርየይዝ ክርጘይስ ጐጘ የጝ።#መዝ. 16፡8-10፤ ማቲ. 12፡40፤ ኻወ. 2፡24-32። 5ጝዝግረም ከይፈስ እትሉ፤ ቃፅልም ፅጭ ሊጘ ኻወርየታኒዝ እትሉ።#ማቲ. 28፡16-17፤ ማር. 16፡14፤ ሉቃ. 24፡34፤36፤ ይዃ. 20፡19። 6እንዝ ግረም ኣኰ ላዝ ንየ ኣቐቍ ዚኒዝ ሊንስ እትሉ፤ ጛጊስም ንቕፀቍድ ነኳን ኣሽ ርዅየዝ እኵ፤ ላው ላውድ ግን ክርጝኩ። 7እንዝ ግረም ያይቈቭስ እትሉ፤ እግረም እጝቅ ኻወርየታኒዝቅ እትሉ። 8እጝቂስቅ ግረም ዳይዝጘ እጊጠር ይጭስ ቈሽ እትሉ።#ኻወ. 9፡3-6። 9ያን እደረት ምከንሸንት ሲድሰር ዊናንስቅ ኻወርየታኒስቅ ፅጐር፣ ኻወርየ ይሽጥ ጭጝጨም ጥውጨቅ የጝ።#ኻወ. 8፡3። 10ዊገድ ግን እደረት ፃገይዝ ኣመካይነትዝ ያን ነን ኣቐውድየንት ኣቕኩን፤ ይጭስም ነይሽተው ፃገድ ጊነ ኣቕ እዳቒየውም፤ እንዲያውም እጝቂስቅ ንየ ቲግየዝ ሰራጭኩን፤ ዊገድ ግን እኒንት ፃቨውድ ያን ኣቒጝቀ ይጅቅ ዘላልም ፅበው እደረት ፃገድ የጝ። 11ነስየ ያንም ኣቑን ጛይ ሲቭክነውድ እኒንት የጝ፤ ክትንም ኣምንድርነውድ እኒንት የጝ።
ክርጘይስ ጐነዝቍዝ
12ክርስቶስ ክርጘይስ ጐጘ ሲቭክሸው ኣቐውዝየ ክታጊስ ላው ላውድ ወረጘ የነት የጝ፦ «ክርጘይስ ጐነ እጀውም» ይጘውድ? 13ክርጘይስ ጐነ እጀው ኣቐውዝየመ ክርስቶስም ክርጘይስ ጕየውም የነት የጝ! 14ክርስቶስ ክርጘይስ ጕየውዝየመ ይናስቭክትድ ወየ እጀው የጝ፤ ክታእምነትድም ጊነ የጝ። 15እንዝ ንየም እደረ፦ «ክርስቶስት ክርጘይስ ጒስኩ» ይን ሚዝርድናንስቅ ኻሽወጥ እደረት ሚዝረጫን ኣቕን ችጝሽንኵኑን፤ ነስየ ክረቍድ ጓቍ ኣጘውዝየ ክርስቶስትም ጒሲየውም የነት የጝ። 16ክረቍድ ክርጘይስ ጒጘውዝየ ክርስቶስም ጕየውም። 17ክርስቶስም ጕየውዝየ ክታእምነትድ ጊነቱ የጝ፤ ክትንም ነኳን ኣሽ ክታኽጥያቲጅቅ እኵርኑ የነት የጝ። 18እንም ኣቐውዝየ ክርስቶስት ኣምንጝ ክረቍድ ድዝጝኵ የነት የጝ። 19ክርስቶስት ቲስፈ ፃቭነውድ እን ኣልሚዝወ ርዅየሸንስ ጭቝ ኣቐውዝየ እጝቅ እጅሪስቅ ሽ ይን ቘይሽነቅ የጝ።
20ዊገድ ግን ክርስቶስ ክረቊዝ ክርጘይስ ጐነዙ ባር ኣቕ እርግጥዝ ክርጘይስ ጕኩ። 21ክርጘ ላው እጅርዝጐቱ ፃቭ ተረጘ፣ ክርጘይስ ጐነም ላው እጅርዝጐቱ ፃቭ ተርኩ። 22እቅ እጝቅ ኣዳምት ኣመካይነትዝ ክረቍ ኣጘጘ እቅ እጝቅ ክርስቶስት ኣመካይነትዝ ፅበቍ ኣጥቍ። 23ዊገድ ግን እኒን ክርጘይስ ጐነውድ እጝቅ እጅሪዝቅ ጝቕም ጝቕምቱ ቲረይዝ ኣጡ፤ ክርስቶስ ክርጘይስ ጐነዙ ባር የጝ፤ ጝዝ ግረ ቈሽ ክርስቶስ ተራንድ ጝቍ ኣቐቍድ ጕጥቍ። 24ጝዝግረ ቅምትድ፣ ስልጣንድ፣ ኻይልድ እጝቅትቅ ዲምስሳንድ ምጝግስትድም እደረስ ኣስረክቭዛንድ፣ ኣይንድ ኻትሽነ ኣጡ። 25ክርስቶስ ጝፃለታንድዛትቅ ጝልኲዝ ደደነ ፃቭጢስቅ ኒግስጠ ጥውሸኵ።#መዝ. 110፡1። 26ዲምስስሽተው ኻትሸነይዙ ፃለትድም ክርጘ የጝ። 27ምላሰንድም፦ «እጝቅ ዊገድየንትቅ ጝልኲዝ ደደነ ፃቭኩ» ይሽት ፃፍሽኩ፤ ዊገድ ግን፦ «እጝቅ ዊገድየንት ጝልኲዝ ደደነ ፃቭኩ» ይሽታንድ እጝቅ ዊገድየንትቅ ክርስቶስት ልኲዝ ሳይል ፃቨው እደረት ቈሻውም።#መዝ. 8፡6። 28እጝቅቅ ክርስቶስት ሳይል ኣቐት ግረ ዅር ቈሽ እጝቅትቅ ጝሳይል ፃቨው እደረስ ጝቕምት ቅምስጡ፤ እንም እደረ እጝቅ ዊገይዝቅ ፍፅም ንየቱ ኣቓንስ ማጥን የጝ።
29ክርጘይስ ጐነው እጀው ኣቐውዝየ ክረቍ እቂዝ ማጥን ይጝ ጣምቅሸቍድ ወረጘ ፃቭጛ የጝ? ክረቍድ ጓቍ ኣጘውዝየ እቅ ውር ፃቭጥጘ ጝታማጥን ጣምቅሽጛ? 30ይንስ ኣንሽ ውር ፃቭነ የጝ ዊትርቅ ኻደገል ሊቭን ፅብነውድ? 31ይፅንወ! ግሪ ጨቨቅ ክርጘል ችጝዘው ኻደገ ይግል ችጘኵ፤ እኒንት ዊግጠውድም ይናኣደረ ክርስቶስ እየሱስት ኣመካይነትዝ ክታግል ፃቀው ምክኸድ ደደደሸው ኣቓንስቅ የጝ። 32እፊሰውንስ ኣረዊታኒጅቅ ጋጥመውድ እጅር ኻሰቨዊዝጘ ኣቐውዝየ ይኣርወድ ወረጘ የጝ? ክረቍድ ጓቍ ኣጘውዝየሰ፦
«ኣምር ክርነቅ ኣናንስቅ
ነን ዅነ ዚነ»
የቊዝጘ ኣኑን የነት ቃየው።#እሳ. 22፡13። 33ቀርትርነ፤ «ጭቓ ፃምረ ቀሰው ኣምልድየት ጨቀኵ።» 34ክታትክክለኘ እዘኒዝጐ ዋጥርጥን፤ ኽጥያትም ሰራሽትርነ፤ ክታማኽሊል ላው ላው እደረት ኣርቓቍ እቅ እኵ፤ እኒንት የውድም ክታት ኣይቭስጨ የር የጝ።
ክርጘይስ ጐው ኣካልድ ኣወየው ኣቐጘ
35ዊገድ ግን ላው እጅር፦ «ክረቍድ ኣወይጝ የጝ ጕጘውድ? ተርጘውድስ ኣወየው ኣካልዝ የጝ?» የው ዋቕርጠ ቸለኵ። 36እፈ ኻጝ እጅር ክተ! ክት ፊዝረው ዚረድ ክሪየውዝየ ርዅየ ችጛውም። 37ክት ፊዝረውድ ዚርወዙ ዊንም ላየ ኣይንት ኣረዙ ዚረ የጝጚ እግረ ቢቍለው ቢቈለድም ኣየው። 38እደረ ግን ፊቅደጘ ኣካል ይወኵ፤ እጝቅት ኣይንት ዚረይዝቅ ጝቕም ጝቕምቱ ኣካል ይወኵ። 39ስየ እጝቅ ላው ኣይንት ኣየውም፤ እጅርዙ ስየድ ላው ኣይንት የጝ፤ እንሰሰዙ ስየድ ላየ ኣይንት የጝ፤ ዚልቂዙ ስየድ ላየ ኣይንት የጝ፤ ኻዘዙ ስየድ ቈሽ ላየ ኣይንት የጝ። 40እኒዝጘም ሲመይትቍ ኣካላን እኵ፤ ዝቨዝቍ ኣካላንም እኵ፤ ዊገድ ግን ሲመይትቍ ኣካላኒዙ ክቭርድ ላው ኣይንት የጝ፤ ዝቨዝቍ ኣካላኒዙ ክቭርድም ላየ የጝ። 41ኰረት ክቭርድ ላው ኣይንት የጝ፤ ኣርቨት ክቭርድ ላየ የጝ፤ ፅግልውጢዙ ክቭርድ ቈሽ ላየ የጝ፤ ላው ፅግልወይዙ ክቭርድ ላየ ፅግልወይዙ ክቭሪስ ቲተኵ።
42ክረቊዙ ጐነድም እኒዝጘ ኣጡ፤ ቢስብሰው ኣካል ፊተኵ፤ ቢስብሳው ኣካል ኣቕ ጐኵ። 43ውርድየትዝ ፊተኵ፤ ክቭርዝ ጐኵ፤ ዝላዝ ፊተኵ፤ ኻይልዝ ጐኵ። 44ፍጥረቱ ኣካልዝ ፊተኵ፤ መንፈሳዊ ኣካል ኣቕ ጐኵ፤ ፍጥረቱ ኣካል ፅበውዝየ መንፈሳዊ ኣካል ቈሽ እኩ። 45እንዝ ማጥን፦ «በውረ እጅር ኣዳም ርዅየ ፃየው ኣቑ» ይሽት ፃፍሽኩ፤ እግርገቱ ኣዳምድ ግን ርዅየ ይወው መንፈስ ኣቑ። 46ዊገድ ግን በዊል ተረውድ መንፈሳዊድ ኣቒጝቀ ፍጥረቱድ የጝ፤ እንዝ ግረ መንፈሳዊድ ተሩ። 47በውረ እጅርድ ዝቨይስ ፋጥርሻንስቅ ዝቨይዙ የጝ፤ እግርገቱውድ ግን ሲመይስ ተረው የጝ። 48ዝቨይስ ኣቐቍድ ዝቨይዝዊዝጘ ጛይ፤ ሲመይስ ኣቐቍድም ሲመይዝዊዝጘ ጛይ። 49ዝቨይዙ እጅሪዝ ሚልክድ ተክነጘ፣ ሲመይቱ እጅሪዝ ሚልክድም ተክንቅ።
50ይፅንወ! ስየዝመ ብርዝ እደረት ምጝግስትድየንት ዊርሳቍ ኣጘጘ፣ ብስብሰውድም ቢስብሳውድየንት ዊርሳው ኣቐጘ ክታጭስ ድቈኵን። 51እንወ! ላው ሚስጢር ክታጭስ ድቍጨ፦ ይን እጝቅ ክራይነቅም፤ ዊገድ ግን ይን እጝቅ ላውጥሽንቅ። 52እንም ኣቐውድ ኻትሸነይዙ መለከትድ ዋቓንድ ድጝግትዝ በውዝ የጝ፤ መለከት ዋቓንድ ክረቍድ ቢስብሳቍ ኣቕጝ ጕጥቍ፤ ይንም ላውጥሽንቅ።#1ተሰ. 4፡15-17። 53እኒን ቢስብሰውድየን ቢስብሳውድየንት፣ እኒን ክረውድየንም ክራውድየንት ሲርጠ ጥውሸኵ። 54ቢስብሰውድየን ቢስብሳውድየንት፣ ክረውድየንም ክራውድየንት ሲረው ግርየይዝ፦ «ክርጘ ኻሽ ድልዝ ስርሹ» ይሽት ፃፍሽተው ቃልድ ፋፅምሽጡ።#እሳ. 25፡8። 55እኒዝጘም፦
«ክርጘ ክተ! ክኻቕንድ ኣውል ኩ?
ክርጘ ክተ! ክሲቨነውድስ ኣውል ኩ?»
ይሽትኩ።#ዀስ. 13፡14። 56ክርጘይዙ ሲቨነድ ኽጥያት የጝ፤ ኽጥያቲዙ ኻይልድ ቈሽ ኽግ የጝ። 57ዊገድ ግን ይናኣደረ እየሱስ ክርስቶስት ኣመካይነትዝ ኻቕን ነየው እደረስ ሚዝየነ ኣነ።
58እንዝ ማጥን ቀንሽርነቅ ይፅንወ! ፀናቕርን ችብጥን፤ ኣውማው ዊገዝቅ ናውጥውጥሽትርነ፤ ኣደረት ሰቭዝ ዊትርቅ ቲጊርነውድ ጊነዝ ኣየው ኣቐጘ ኣርቕርን ቀቪጝቀ ዊትርቅ ኣደረት ሰቭድየንት ሰራሸነውዝ ቲጊጥን።
Currently Selected:
:
Highlight
Share
Copy
Want to have your highlights saved across all your devices? Sign up or sign in