Roome 14
14
Kat Pɛrɛdin Masookoye
1In boŋɛɛ iɗit sinɛ bɔɔla ŋaadiyɛɛkɛ iinakɛ kɔɔrk, ma kat pɛrɛdɛrɗɔ koɓiiɗ nɛɛkɛk. 2Rɔmɛɛɗ, lakɛ iɗit sinɔ ŋaadiɗi ma ɗam ola sigɛ ɓɛɛlɛrk baŋɛk, mayakana ɗam iɗit sinɛ bɔɔl ŋaadiyɛɛkɛɛk ola sigɛɓa waayɛɛk dakɛɗa. 3Nɛ kat daraayɛ iɗit sinɛ ɗam ola sigɛ ɓɛɛlɛrk iɗit sinɛ ki adak, kat ɓɔrɛ pɛrɛdɛ iɗit sinɛ ki adak ete sinaanɛ ɗamk. Agut sinɔ boŋukan sɛɛn Waakoyotuŋ. 4Iin wooɗ sinɛ pɛrɛdin laaŋoyente iɗit omuk? Ɛtɛŋ maŋk ɗiiriŋ suumiya nɛɛkaak kɛygun ɗiiriŋ. Nɛkoy ɛtɛ kɛkarŋ, agut sinɔ oolɛ a ari sɛɛn Suumi nɛɛkɛ a ɛtɛŋ.
5Kaɗɛɛŋ koɓu iɗit omaay kɛ kaalɛ ɓɛɛnyɔ omaay ɓɛɛnyɔ om, ma koɓu iɗit omaay kɛ ege ɓɛɛnyɔwɛ sigɛ baŋɛ omoŋ. Nɛ in mɛlɛ eta a omoŋ omoŋ nɔ ruume kalbii nɛɛkɛk. 6Iɗit sinɔ eemɛy ɓɛɛnyɔ sinɔ omoŋɔŋk a kaalɛ ɓɛɛnyɔ omk, eemɛy ɓɛɛnyɔ agut Suumi. Ma iɗit sinɔ ɗamiŋɔŋk, ɗami agut Suumi, agut sinɔ pɔɔsɛɛɗ Waakoyok. Ma iɗit sinɔ ki ɗamitik, ki ɗamit agut Suumi, agut sinɔ pɔɔsɛɛɗ Waakoyok. 7Kɛɛ aasi eteŋkɛ iɗit sinɔ beeɗ ɛɛka nɛɛkaakik, ɛ kɛɛ iɗit sinɔ rɛr ɛɛka nɛɛkaakik. 8Ɔkɔn beeɗiiŋ, nɛ beeɗii Suumiya Yeeseya, ma ɔkɔn ɓɔrɛ rɛɛriiŋ, nɛ rɛɛrii Suumiya Yeeseya. Agut sini kɛygun beeɗiiŋ kɛygun rɛɛriiŋ, nɛ eteŋk Suumiyoŋk Yeeseek.
9Agut sinɔ rɛrɓa Kerese nɛɓa ŋaarki bɔdɛɛɗa kɛnɔ dakɛ a Suumi bɔdtaanakoŋk a reteeroŋk. 10Anɛ pɛrɛdin masookoye agut jikon? Maŋk daraayin masookoy agut jikon? Wideeriikoy ɛɛk eteŋk baŋɛ taamɛka barsuma pirdiyoŋk Waakoyotoŋk.
11Agut sinɔ taapɛɛɓa Wargatɛɛ Waakoyotoŋk kɛ, "Tonu Suumii kɛ, 'Eet bɔdɛ, ɛtɛrkoy joop baŋɛ korontunɛ eeta nɛ ugumerŋ, makoy ɓɔrɛ kaɗater joop baŋɛk tonur kɛ Eet Waakoyo.' " 12Saakoyk nɛkoy gaɓii eteŋk a omoŋ omoŋ jumuran Waakoyota agut any sinɛkan ijaagiik.
13Agut sini koy ŋɔɗii pɛrɛɛdan ɛkanɛɛkɛ gaŋkik. Ɛ in nyɛyɛ iɗit sinɔ riiɓeeɗ manya any sinɔ gaŋiɗŋɔŋk maŋk tuutuk. 14Ɗegera ɛta mɛlɛ Suumii Yeesee kɛ kɛɛ any sinɔ somkan ɔɗɔwa nɛɛkaakik, yakana somkan eta sinaana koɓu kɛ somkank. 15Ɔkɔn arin masookoy a sanɗi agut ɗama sinɛ ɗamunkuŋ, nɛ moko arkin ijaag mɛyinoŋk. Kat sɔɔkun masookoy sinɛɓa rɛrgeeɗ Kereseek ɗamat sinaanɛ ɗamunk. 16Nɛ kat arin any sinɔ mentanŋɔŋk a nyɔɔnɛɛ a tonɛɛ kɛ ŋɛɛwɛn. 17Agut sinɔ moko burɛ Waakoyotoŋk any sinɔ laŋiɗɛ ɗama a tuuk, ma mentanka taamɛkɛ Waakoyotoŋk, a bɔdɛ, a yaaka sinɛ ar Wɛɛŋakɛ sigɔɔgɛ Geetitaanakik. 18Iɗit sinɔ ijaagɗi Kereseya oko sinikik, nɛ ari Waakoyo a yaageeɗiŋ, ɛ sɛɛn eemɛyɛ joope.
19Agut sini koy nomii ant sinɔɔnɛ laŋiiɗɛ bɔdɛɛk a sinɔ kɛnyɗi ɛkan gaŋkik. 20Kat aalin ijaag Waakoyotoŋk agut ɗama. Kɛɛ ɗama sinɔ ŋɛɛwɛnk. Yakana moko liki eta sinaana ɗam ɗama nɔ ari iɗit om a gaŋiŋɔŋk. 21Liki sinɔ kiiɗin ada taar ɛ kiiɗin tuu ola sigɛ ɓaayɛrk maŋk kiiɗin ijaagɛ any sinɛ ɓɛɛlɛk sinɛ ari masookoy a gaŋiŋɔŋk.
22Kooru ŋaadiyɛ sigɛ lakin agut any sinik sigɛ kɔne atu kɔɔr iin a Waakoyok. Geetitan iɗit sinɔ sɛɛn ki gɔɔnyɛt koɓi nɛɛkɛ, saa ijaagiɗ any sinɔ koɓu kɛ ege any sinɛ likik. 23Yakana ɔkɔn lakɛ iɗit sinɔ ɗami ma lak koɓiɗak a pɛɛykiŋ, nɛ pɛrɛdɛɛɗ Waakoyotuŋ, agut sinɔ moko ɗamiɗ ŋaadiyɛɛkɛɛk. Tikiyɛ any sinɛ kɛɛ ariɗ ŋaadiyɛɛkɛɛk baŋɛ.
Currently Selected:
Roome 14: KSTM
Highlight
Share
Copy
Want to have your highlights saved across all your devices? Sign up or sign in
Roome 14
14
Kat Pɛrɛdin Masookoye
1In boŋɛɛ iɗit sinɛ bɔɔla ŋaadiyɛɛkɛ iinakɛ kɔɔrk, ma kat pɛrɛdɛrɗɔ koɓiiɗ nɛɛkɛk. 2Rɔmɛɛɗ, lakɛ iɗit sinɔ ŋaadiɗi ma ɗam ola sigɛ ɓɛɛlɛrk baŋɛk, mayakana ɗam iɗit sinɛ bɔɔl ŋaadiyɛɛkɛɛk ola sigɛɓa waayɛɛk dakɛɗa. 3Nɛ kat daraayɛ iɗit sinɛ ɗam ola sigɛ ɓɛɛlɛrk iɗit sinɛ ki adak, kat ɓɔrɛ pɛrɛdɛ iɗit sinɛ ki adak ete sinaanɛ ɗamk. Agut sinɔ boŋukan sɛɛn Waakoyotuŋ. 4Iin wooɗ sinɛ pɛrɛdin laaŋoyente iɗit omuk? Ɛtɛŋ maŋk ɗiiriŋ suumiya nɛɛkaak kɛygun ɗiiriŋ. Nɛkoy ɛtɛ kɛkarŋ, agut sinɔ oolɛ a ari sɛɛn Suumi nɛɛkɛ a ɛtɛŋ.
5Kaɗɛɛŋ koɓu iɗit omaay kɛ kaalɛ ɓɛɛnyɔ omaay ɓɛɛnyɔ om, ma koɓu iɗit omaay kɛ ege ɓɛɛnyɔwɛ sigɛ baŋɛ omoŋ. Nɛ in mɛlɛ eta a omoŋ omoŋ nɔ ruume kalbii nɛɛkɛk. 6Iɗit sinɔ eemɛy ɓɛɛnyɔ sinɔ omoŋɔŋk a kaalɛ ɓɛɛnyɔ omk, eemɛy ɓɛɛnyɔ agut Suumi. Ma iɗit sinɔ ɗamiŋɔŋk, ɗami agut Suumi, agut sinɔ pɔɔsɛɛɗ Waakoyok. Ma iɗit sinɔ ki ɗamitik, ki ɗamit agut Suumi, agut sinɔ pɔɔsɛɛɗ Waakoyok. 7Kɛɛ aasi eteŋkɛ iɗit sinɔ beeɗ ɛɛka nɛɛkaakik, ɛ kɛɛ iɗit sinɔ rɛr ɛɛka nɛɛkaakik. 8Ɔkɔn beeɗiiŋ, nɛ beeɗii Suumiya Yeeseya, ma ɔkɔn ɓɔrɛ rɛɛriiŋ, nɛ rɛɛrii Suumiya Yeeseya. Agut sini kɛygun beeɗiiŋ kɛygun rɛɛriiŋ, nɛ eteŋk Suumiyoŋk Yeeseek.
9Agut sinɔ rɛrɓa Kerese nɛɓa ŋaarki bɔdɛɛɗa kɛnɔ dakɛ a Suumi bɔdtaanakoŋk a reteeroŋk. 10Anɛ pɛrɛdin masookoye agut jikon? Maŋk daraayin masookoy agut jikon? Wideeriikoy ɛɛk eteŋk baŋɛ taamɛka barsuma pirdiyoŋk Waakoyotoŋk.
11Agut sinɔ taapɛɛɓa Wargatɛɛ Waakoyotoŋk kɛ, "Tonu Suumii kɛ, 'Eet bɔdɛ, ɛtɛrkoy joop baŋɛ korontunɛ eeta nɛ ugumerŋ, makoy ɓɔrɛ kaɗater joop baŋɛk tonur kɛ Eet Waakoyo.' " 12Saakoyk nɛkoy gaɓii eteŋk a omoŋ omoŋ jumuran Waakoyota agut any sinɛkan ijaagiik.
13Agut sini koy ŋɔɗii pɛrɛɛdan ɛkanɛɛkɛ gaŋkik. Ɛ in nyɛyɛ iɗit sinɔ riiɓeeɗ manya any sinɔ gaŋiɗŋɔŋk maŋk tuutuk. 14Ɗegera ɛta mɛlɛ Suumii Yeesee kɛ kɛɛ any sinɔ somkan ɔɗɔwa nɛɛkaakik, yakana somkan eta sinaana koɓu kɛ somkank. 15Ɔkɔn arin masookoy a sanɗi agut ɗama sinɛ ɗamunkuŋ, nɛ moko arkin ijaag mɛyinoŋk. Kat sɔɔkun masookoy sinɛɓa rɛrgeeɗ Kereseek ɗamat sinaanɛ ɗamunk. 16Nɛ kat arin any sinɔ mentanŋɔŋk a nyɔɔnɛɛ a tonɛɛ kɛ ŋɛɛwɛn. 17Agut sinɔ moko burɛ Waakoyotoŋk any sinɔ laŋiɗɛ ɗama a tuuk, ma mentanka taamɛkɛ Waakoyotoŋk, a bɔdɛ, a yaaka sinɛ ar Wɛɛŋakɛ sigɔɔgɛ Geetitaanakik. 18Iɗit sinɔ ijaagɗi Kereseya oko sinikik, nɛ ari Waakoyo a yaageeɗiŋ, ɛ sɛɛn eemɛyɛ joope.
19Agut sini koy nomii ant sinɔɔnɛ laŋiiɗɛ bɔdɛɛk a sinɔ kɛnyɗi ɛkan gaŋkik. 20Kat aalin ijaag Waakoyotoŋk agut ɗama. Kɛɛ ɗama sinɔ ŋɛɛwɛnk. Yakana moko liki eta sinaana ɗam ɗama nɔ ari iɗit om a gaŋiŋɔŋk. 21Liki sinɔ kiiɗin ada taar ɛ kiiɗin tuu ola sigɛ ɓaayɛrk maŋk kiiɗin ijaagɛ any sinɛ ɓɛɛlɛk sinɛ ari masookoy a gaŋiŋɔŋk.
22Kooru ŋaadiyɛ sigɛ lakin agut any sinik sigɛ kɔne atu kɔɔr iin a Waakoyok. Geetitan iɗit sinɔ sɛɛn ki gɔɔnyɛt koɓi nɛɛkɛ, saa ijaagiɗ any sinɔ koɓu kɛ ege any sinɛ likik. 23Yakana ɔkɔn lakɛ iɗit sinɔ ɗami ma lak koɓiɗak a pɛɛykiŋ, nɛ pɛrɛdɛɛɗ Waakoyotuŋ, agut sinɔ moko ɗamiɗ ŋaadiyɛɛkɛɛk. Tikiyɛ any sinɛ kɛɛ ariɗ ŋaadiyɛɛkɛɛk baŋɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in