Gɛlatiyaa 4
4
1Tona kɔna kɛkar sini. Saa in tɔɔn iɗit sinɛkoy laŋɗiik, nɛ kir pakataat a laaŋoyen. Yakana kɛygun aasi worii baŋɛ nɛɛkiŋ. 2Ar koortaanakɛ a joope sigɔɔgɛ aawoyaŋɔŋk goyse ɗeek mɛlɛɛɗa ɔɔtɛya sinaanaɓa tongeeɗ ɛpɛnaak. 3Saaɓa ito in eteŋk tɔɔmɔk ŋaadiyɛɛkɛk, nɛɓa eteŋk laaŋoyeer sigɔ ɓalɗigiɗii barɛ ɗoo sinik. 4Yakana saaɓa gayɛɛɗ eme sinɛɓa gaamuk, nɛɓa wosɛyki Waakoyot Tɔɔn nɛɛk, nɛɓa ɓartiɗi peet, ɛɓa tiiɗi higiya. 5Nɔɓa ariiɗ sinik kɛnɔ ɓalki joop sigɛ atu higii goyse ɗeekik, ɛ kɛnɔ tin ari a eteŋk tɔɔmɔk Waakoyotoŋk. 6Agut sinɔ iinak tɔɔmɔkuk, nɛɓa tina gaki Waakoyot Wɛɛŋa Tɔɔn nɛɛkik ɓayɛtunɛɛka gaŋk sigɔ ooyɛr kɛ, "Aba#4:6 Ege sini kɛ "Aba" ato Aramaykik sinɔ riyɗi tɔɔn ɛpɛn kɛ baabɛɛk." sigɔ kɛ baabɛɛk. 7Seedi son moko iin laaŋoyen. Iin tɔɔn Waakoyotoŋk. Nɛkoyna gaɓɛ Waakoyot any sinɛɓa ragadikiŋ agut sinɔ iin tɔɔn nɛɛkik.
Koɓi Paawuloos Joopa Gɛlatiyaak
8A inɓa kiir ɗegerɔɔn Waakoyo, nɛɓa iinak laaŋoyeer jookak sigɔ moko eekeerik. 9Yakana sisɔ ɗegerari Waakoyoŋ, ɛ kɔnu ɗeger Waakoyot a kaalɛŋ. Anɛ weerikari higiyɛɛka sigeega bɔɔlaaŋɔŋk badɛɛk ɛk? Ɗɛyɛɛr a iinak laaŋoyeer gɛŋk kɛkar ɛk? 10Eemɛyari ɗoŋi a ɛyɛkeer a ɔɔtɛɛ a emeyik sigɔ ɓɛɛlɛr mowank. 11Kaɗiigiɗa sinɔ kɛ kaɗɛɛŋ bɔɔlaaka kanysɛya agut iinakik.
12Iinak manyaakak eeta sigɛ dooytaanakik, kalɛya kɔnu kɛ in ɓɛɛlɛɛ oko eet, agut sinɔɓa saak ɓɛɛlɛɛɗa oko iinakik. Kɛɛ any sinɔɓata tikeerik. 13In ɗegerɛɛ kɛ waasaakan kɔna Pɛɛni sinɔ Ɓɛlkɛɛstank agut sinɔkan arkiɗa goriɗik. 14Kɛygunkan aasi kɔna gori naakɛ paariyɛɛŋ. Nɛkanti kiir daraayɛɛt maŋk kiikakan kɔne ɓadi. Boŋiirkanti oko sinɛ boŋurɗɔ wosɛytan Waakoyotoŋk, ɛ kanti boŋiir oko sinɛ boŋurɗɔ Yeese Kereseek. 15Ar sisɔ eet yaaka ɓayaayoŋk sinɛkan latukari jeemɛk? Waasa kɔna kɛ ɔkɔnkan kɔna gayɛŋ gunɓa boboŋarkɔ taamɛ goŋk nɔ gunɓata gaɓɛɛr sɛɛg. 16Anɛ eet gumaaken noŋk agut sinɔ kɔna toniiɗa eekeer sisek?
17Ɗɛyɛr rɔɔriytaanak sigɛ nyonkaanakik a kɔnu boŋur ɛɛka nɛŋk, mayakana moko anta sinɔɔna mentanŋɔŋk. Ɗɛyɛr sɛɛk kɛnɔ tine pakatiir ɛɛk kɛnɔ kɔnu arir a iinak gɛŋk. 18Ɔkɔn koɓi nɛɛkɛ mentan, nɛ mentan ɓaŋkaawurɔɔnuŋ. Mayakana kat ɓaŋkaawurari saa arkiɗa sooy lak iinakik dakɛɗa. 19Iinak tɔɔmɔk gaaŋk, suusuwiti amɗ mɛlɛɛɗa nɔkɔɔ dɛnɛɛɗɛɛ ɓɛɛl Kereseek iinakɛk. 20Ɗɛykaaya sisɔ a gun arka saay lak iinakik nɛ gun kɔna yaaŋa toni sinɔ pakata sinaanɛkan ɔɗɔɔkɛɛk. Yakana kaa ɗegerɔɔn kɛ ijaaga jikon.
Agaar A Saaraa
21Iinak joop sigɛ ɗɛyɛɛr a beeɗiir a ɓaliir ɛɛk higiyaak, a intɔta tonɛɛ. A kiir weenta any sinɛ tonu higiik? 22Taapɛɛɓa Wargatɛɛ Waakoyotoŋk kɛ lakɓa Abraham tɔɔmɔk a pɛɛy. Ɓartɛɛɓa omoŋ nɛɛk peete sinaanɛɓa laaŋoyenk, maɓa om ɓartɛɛ peete sinaanɛɓa ar yaakaatik. 23Ɓartɛɛɓa tɔɔn sinɛɓa ɛmɛsa laaŋoyenk barɛɛɗ taaroŋk. Mayakanaɓa ɓartɛɛ tɔɔn sinɛɓa ar ɛmɛsa yaakatik pɛɛnii kuumiyɛɛkoŋk. 24Ege sini rɔmɛ. Egeɓa peeta sigi pɛɛyk rɔmɛ kuumiyɛ sigɔ pɛɛyk. Omoŋ kuumiyɛɛkoŋk Agaar sinɛɓa ar kurkum Siinaak. Ɓararatɓa sɛŋk tɔɔmɔk laaŋoya. 25Egeɓa Agaar rɔmɛ kurkuma Siinaak sinɛ laŋɛɛ ɗook Arɛbuk. Agut sini gayi a katamɛ Yorsaleemuk sinɛ sisɔk. Ar sɛŋk laaŋoy sɛɛn a tɔɔmɔk gɛɛŋk. 26Mayakana beeɗ Yorsalem sinɛ ar darik yaakat, sɛɛn sɛŋk ɛmɛs eteŋka. 27Agut sinɔ taapɛɛɓa Wargatɛɛ Waakoyotoŋk kɛ,
"Inna yaa, iin tersikan sinɛ kin ɓartɛɛt tɔɔmɔkuk.
Iliisik, iin sinɛ ki suusuwit amɗ nookɛɛkik.
lak tɔɔmɔk a ɓɔɔkaaŋ,
Jarti sinɛɓa ŋɔr sɛɛn baabuy nɛɛkɛɛkik.
a kaalɛ sinɛ lak baabuyk."
28Iinak manyaakak eeta sigɛ dooytaanakik, iinak ɓɔrɔ tɔɔmɔk pɛɛni kuumiyɛɛkoŋk oko Isiyaak. 29Ɓeny saaɓak epapayɓa sinɛɓa ɓartɛɛ barɛɛɗ taaroŋk sinɛɓa ɓartɛɛ Wɛɛŋakɛ sigɔɔgɛ Geetitaanakiŋ. Nɛ ɓɔrɛ ɓenyse ɓɛɛlɛ oko sinɛk. 30Mayakana tonu Wargatɛ Waakoyotoŋk ɛk? Tonu kɛ, "Tɔɔn sinɛɓa ɓartɛ jarti sinɛ laaŋoyenk kir moonɛɛt a tɔɔn sinɛɓa ɓartɛ jarti sinɔ ar yaakaatik agut omoŋ. Nɛɓa ɔɔyɛɛr laaŋoyen nɛɛk a tɔɔn nɛɛk sinɔɔnɛ." 31Agut sini iinak manyaakak eeta sigɛ dooytaanakik, eteŋk tɔɔmɔk jarti sinɛ ar yaakaatik, ma moko eteŋk tɔɔmɔk jarti sinɛ laaŋoyenk.
Currently Selected:
Gɛlatiyaa 4: KSTM
Highlight
Share
Copy
Want to have your highlights saved across all your devices? Sign up or sign in
Gɛlatiyaa 4
4
1Tona kɔna kɛkar sini. Saa in tɔɔn iɗit sinɛkoy laŋɗiik, nɛ kir pakataat a laaŋoyen. Yakana kɛygun aasi worii baŋɛ nɛɛkiŋ. 2Ar koortaanakɛ a joope sigɔɔgɛ aawoyaŋɔŋk goyse ɗeek mɛlɛɛɗa ɔɔtɛya sinaanaɓa tongeeɗ ɛpɛnaak. 3Saaɓa ito in eteŋk tɔɔmɔk ŋaadiyɛɛkɛk, nɛɓa eteŋk laaŋoyeer sigɔ ɓalɗigiɗii barɛ ɗoo sinik. 4Yakana saaɓa gayɛɛɗ eme sinɛɓa gaamuk, nɛɓa wosɛyki Waakoyot Tɔɔn nɛɛk, nɛɓa ɓartiɗi peet, ɛɓa tiiɗi higiya. 5Nɔɓa ariiɗ sinik kɛnɔ ɓalki joop sigɛ atu higii goyse ɗeekik, ɛ kɛnɔ tin ari a eteŋk tɔɔmɔk Waakoyotoŋk. 6Agut sinɔ iinak tɔɔmɔkuk, nɛɓa tina gaki Waakoyot Wɛɛŋa Tɔɔn nɛɛkik ɓayɛtunɛɛka gaŋk sigɔ ooyɛr kɛ, "Aba#4:6 Ege sini kɛ "Aba" ato Aramaykik sinɔ riyɗi tɔɔn ɛpɛn kɛ baabɛɛk." sigɔ kɛ baabɛɛk. 7Seedi son moko iin laaŋoyen. Iin tɔɔn Waakoyotoŋk. Nɛkoyna gaɓɛ Waakoyot any sinɛɓa ragadikiŋ agut sinɔ iin tɔɔn nɛɛkik.
Koɓi Paawuloos Joopa Gɛlatiyaak
8A inɓa kiir ɗegerɔɔn Waakoyo, nɛɓa iinak laaŋoyeer jookak sigɔ moko eekeerik. 9Yakana sisɔ ɗegerari Waakoyoŋ, ɛ kɔnu ɗeger Waakoyot a kaalɛŋ. Anɛ weerikari higiyɛɛka sigeega bɔɔlaaŋɔŋk badɛɛk ɛk? Ɗɛyɛɛr a iinak laaŋoyeer gɛŋk kɛkar ɛk? 10Eemɛyari ɗoŋi a ɛyɛkeer a ɔɔtɛɛ a emeyik sigɔ ɓɛɛlɛr mowank. 11Kaɗiigiɗa sinɔ kɛ kaɗɛɛŋ bɔɔlaaka kanysɛya agut iinakik.
12Iinak manyaakak eeta sigɛ dooytaanakik, kalɛya kɔnu kɛ in ɓɛɛlɛɛ oko eet, agut sinɔɓa saak ɓɛɛlɛɛɗa oko iinakik. Kɛɛ any sinɔɓata tikeerik. 13In ɗegerɛɛ kɛ waasaakan kɔna Pɛɛni sinɔ Ɓɛlkɛɛstank agut sinɔkan arkiɗa goriɗik. 14Kɛygunkan aasi kɔna gori naakɛ paariyɛɛŋ. Nɛkanti kiir daraayɛɛt maŋk kiikakan kɔne ɓadi. Boŋiirkanti oko sinɛ boŋurɗɔ wosɛytan Waakoyotoŋk, ɛ kanti boŋiir oko sinɛ boŋurɗɔ Yeese Kereseek. 15Ar sisɔ eet yaaka ɓayaayoŋk sinɛkan latukari jeemɛk? Waasa kɔna kɛ ɔkɔnkan kɔna gayɛŋ gunɓa boboŋarkɔ taamɛ goŋk nɔ gunɓata gaɓɛɛr sɛɛg. 16Anɛ eet gumaaken noŋk agut sinɔ kɔna toniiɗa eekeer sisek?
17Ɗɛyɛr rɔɔriytaanak sigɛ nyonkaanakik a kɔnu boŋur ɛɛka nɛŋk, mayakana moko anta sinɔɔna mentanŋɔŋk. Ɗɛyɛr sɛɛk kɛnɔ tine pakatiir ɛɛk kɛnɔ kɔnu arir a iinak gɛŋk. 18Ɔkɔn koɓi nɛɛkɛ mentan, nɛ mentan ɓaŋkaawurɔɔnuŋ. Mayakana kat ɓaŋkaawurari saa arkiɗa sooy lak iinakik dakɛɗa. 19Iinak tɔɔmɔk gaaŋk, suusuwiti amɗ mɛlɛɛɗa nɔkɔɔ dɛnɛɛɗɛɛ ɓɛɛl Kereseek iinakɛk. 20Ɗɛykaaya sisɔ a gun arka saay lak iinakik nɛ gun kɔna yaaŋa toni sinɔ pakata sinaanɛkan ɔɗɔɔkɛɛk. Yakana kaa ɗegerɔɔn kɛ ijaaga jikon.
Agaar A Saaraa
21Iinak joop sigɛ ɗɛyɛɛr a beeɗiir a ɓaliir ɛɛk higiyaak, a intɔta tonɛɛ. A kiir weenta any sinɛ tonu higiik? 22Taapɛɛɓa Wargatɛɛ Waakoyotoŋk kɛ lakɓa Abraham tɔɔmɔk a pɛɛy. Ɓartɛɛɓa omoŋ nɛɛk peete sinaanɛɓa laaŋoyenk, maɓa om ɓartɛɛ peete sinaanɛɓa ar yaakaatik. 23Ɓartɛɛɓa tɔɔn sinɛɓa ɛmɛsa laaŋoyenk barɛɛɗ taaroŋk. Mayakanaɓa ɓartɛɛ tɔɔn sinɛɓa ar ɛmɛsa yaakatik pɛɛnii kuumiyɛɛkoŋk. 24Ege sini rɔmɛ. Egeɓa peeta sigi pɛɛyk rɔmɛ kuumiyɛ sigɔ pɛɛyk. Omoŋ kuumiyɛɛkoŋk Agaar sinɛɓa ar kurkum Siinaak. Ɓararatɓa sɛŋk tɔɔmɔk laaŋoya. 25Egeɓa Agaar rɔmɛ kurkuma Siinaak sinɛ laŋɛɛ ɗook Arɛbuk. Agut sini gayi a katamɛ Yorsaleemuk sinɛ sisɔk. Ar sɛŋk laaŋoy sɛɛn a tɔɔmɔk gɛɛŋk. 26Mayakana beeɗ Yorsalem sinɛ ar darik yaakat, sɛɛn sɛŋk ɛmɛs eteŋka. 27Agut sinɔ taapɛɛɓa Wargatɛɛ Waakoyotoŋk kɛ,
"Inna yaa, iin tersikan sinɛ kin ɓartɛɛt tɔɔmɔkuk.
Iliisik, iin sinɛ ki suusuwit amɗ nookɛɛkik.
lak tɔɔmɔk a ɓɔɔkaaŋ,
Jarti sinɛɓa ŋɔr sɛɛn baabuy nɛɛkɛɛkik.
a kaalɛ sinɛ lak baabuyk."
28Iinak manyaakak eeta sigɛ dooytaanakik, iinak ɓɔrɔ tɔɔmɔk pɛɛni kuumiyɛɛkoŋk oko Isiyaak. 29Ɓeny saaɓak epapayɓa sinɛɓa ɓartɛɛ barɛɛɗ taaroŋk sinɛɓa ɓartɛɛ Wɛɛŋakɛ sigɔɔgɛ Geetitaanakiŋ. Nɛ ɓɔrɛ ɓenyse ɓɛɛlɛ oko sinɛk. 30Mayakana tonu Wargatɛ Waakoyotoŋk ɛk? Tonu kɛ, "Tɔɔn sinɛɓa ɓartɛ jarti sinɛ laaŋoyenk kir moonɛɛt a tɔɔn sinɛɓa ɓartɛ jarti sinɔ ar yaakaatik agut omoŋ. Nɛɓa ɔɔyɛɛr laaŋoyen nɛɛk a tɔɔn nɛɛk sinɔɔnɛ." 31Agut sini iinak manyaakak eeta sigɛ dooytaanakik, eteŋk tɔɔmɔk jarti sinɛ ar yaakaatik, ma moko eteŋk tɔɔmɔk jarti sinɛ laaŋoyenk.
Currently Selected:
:
Highlight
Share
Copy
Want to have your highlights saved across all your devices? Sign up or sign in