Kolasiis 4
4
1Iinak suumiyɛ, agut sinɔ ɗegerari kɛ latukari ɓɔrɔ Suumi dariŋ, nɛ in lowɛɛ laaŋoyeer goŋk a ɓɛɛlɛ kɛ ɗɔm a rɔmaatuŋ.
Rɔɔriyɔɔnak Ɔgɔ
2In ɓeɗɛɛ nɔ ɗanɗamaakari a pɔɔsɛɛr Waakoyo a kiir yawɛɛɗ. 3In ɓɔrɛ tina ɗanɗamaakɛɛ kɛnɔkɔɔ tina Waakoyot tayɛ tuga Pɛɛni sinɔ Ɓɛlkɛɛstank, ɛ kɛnɔkɔɔ oolii waasiyɛ any sinɔ dugaaŋɔŋk. Arka sisɔ korkoɗɔɔn agut sini. 4Inta ɗanɗamaakɛɛ kɛnɔ tonɗiika kɛ ɗɔm oko sinɛta mɛlɛɛɗik.
5In beeɗɛɛ a joop sigɛ kir ŋaadiɗitik ɗegerɔɔn ɛɛkoŋk, in kɔnyɛɛ ɛɛk milkii sinaanɛ laŋiirik. 6In enya waasiyɛ goŋk wookaan ɓɛnyɔwɛ gɛɛŋk baŋɛ a yaagɛr a itokɔ konɛyɛɛ mooyii, kɛnɔkɔɔ ɗegerarɗɔ jumuran any sinɔ likik joopa a omoŋ omoŋk.
Digoy Sinɛ Pedtank
7Tonukɔɔ kɔna Tikikoos ɔɔtɛ sinɛ arkiɗaak baŋɛ. Sɛɛn manya eteŋka sinɛ porɛɛk, ɛ ijaagen sinɛ ŋaadɛɛk, ɛ ijaagii ijaag Suumiyoŋk a eet agut omoŋ. 8Wosɛyɛɛrakan sɛɛn son lak iinakik kɛnɔ kɔna kɛɛ tonu ɔɔtɛ naŋk ɛ gaanani ɓayɛtun goŋk. 9Wosɛyɛɛrakɔɔ ɓɔrɛ Anasimoos sinɛ manya eteŋka sinɛ ŋaadɛɛ ɛ porɛɛk, ɛ tekaan noŋkuk a sɛɛn agut omoŋ. Yaŋɛrkɔɔ kɔna any sinɛ ɓɛɛlɛ seedik baŋɛ.
10Digoyɛɛr nɔ kɔnu Aristirokoos sinɛkɔ korkoɗɛɛ a eet agut omoŋɔŋk, ɛnɔɓɔrɛ kɔnu digoyɛɛr Markoos sinɛ panya Barnabasaak. Inkɔɔ kɛɛɗɛ wɔɔrɛɛ saakɔɔ mɛlɛrkiɗ son lak iinak oko sinɛkan kɔna toniiɗa jeemɛk. 11Digoyɛɛr nɔ kɔnu Iyaasu sinɛ riyɛ kɛ Iyoostoosuk. Ege sigi joop Ayuuduk dakɛɛɗa ijaageerɛ gaanɛk agut burɛ Waakoyotoŋk, nɛkan ɓɔrɛ gaananɛr eetiŋ.
12Digoyɛɛr nɔ kɔnu Epaapira sinɛ tekaan noŋkuk sinɛ ijaagen Kereseek. Ari sɛŋk ɗɔŋkɔɔlɛ ɓɛɛnyɔwɛ gɛɛŋk baŋɛ ɗanɗamɔɔn nɛɛkɛ jɛt agut iinak kɛnɔ ɛtɛɛr a ɓaŋkaawurari a ɓɔlɔɔrɛɛr wɛɛŋakɛ dooyanoŋk a dusanɛɛr ɗɛyan Waakoyotoŋk baŋɛ. 13Waasa kɔna bɔɔlaaka sinɛkan bɔɔlaaɗ jɛtik agut iinak a joop sigɛ atu katamɛɛkɛ Lodokiyaak a Hirapolisik. 14Digoyɛɛtarnɔ kɔnu akiimi Lukaas sinɛ porɛɛk sɛɛn a Deemaas.
15Digoyɛ nɔta tekaaneer sigɛ atu Lodokiyaakeek a gode Sambatɛyoŋk sinɛ ar woy Nimpak. 16Saakɔɔ ambabɛrɗɔ wosɛ sinik baŋiya, nɛɓɔrɛ in arɛɛ a ambabɛr joop gode Sambatɛyoŋk sigɛ atu Lodokiyaakeek, maɓɔrɔ inkɔɔ ambabɛɛ wosɛ sinɛkɔɔ kɔna wosɛykɛɛ Lodokiyaakeek. 17Inta tonɛɛ Arkiposa kɛɛ, "Ruumu ijaag Suumiyoŋk sinɛkanna gaɓɛɛk kɛ ɗɔm." 18Taapiɗiira digoy sini eet Paawuloos ariit naakɛk, in koɓukɛɛ korkoɗɔn naak. In wookan Waakoyotoŋk a iinak agut omoŋ.
Currently Selected:
Kolasiis 4: KSTM
Highlight
Share
Copy
Want to have your highlights saved across all your devices? Sign up or sign in
Kolasiis 4
4
1Iinak suumiyɛ, agut sinɔ ɗegerari kɛ latukari ɓɔrɔ Suumi dariŋ, nɛ in lowɛɛ laaŋoyeer goŋk a ɓɛɛlɛ kɛ ɗɔm a rɔmaatuŋ.
Rɔɔriyɔɔnak Ɔgɔ
2In ɓeɗɛɛ nɔ ɗanɗamaakari a pɔɔsɛɛr Waakoyo a kiir yawɛɛɗ. 3In ɓɔrɛ tina ɗanɗamaakɛɛ kɛnɔkɔɔ tina Waakoyot tayɛ tuga Pɛɛni sinɔ Ɓɛlkɛɛstank, ɛ kɛnɔkɔɔ oolii waasiyɛ any sinɔ dugaaŋɔŋk. Arka sisɔ korkoɗɔɔn agut sini. 4Inta ɗanɗamaakɛɛ kɛnɔ tonɗiika kɛ ɗɔm oko sinɛta mɛlɛɛɗik.
5In beeɗɛɛ a joop sigɛ kir ŋaadiɗitik ɗegerɔɔn ɛɛkoŋk, in kɔnyɛɛ ɛɛk milkii sinaanɛ laŋiirik. 6In enya waasiyɛ goŋk wookaan ɓɛnyɔwɛ gɛɛŋk baŋɛ a yaagɛr a itokɔ konɛyɛɛ mooyii, kɛnɔkɔɔ ɗegerarɗɔ jumuran any sinɔ likik joopa a omoŋ omoŋk.
Digoy Sinɛ Pedtank
7Tonukɔɔ kɔna Tikikoos ɔɔtɛ sinɛ arkiɗaak baŋɛ. Sɛɛn manya eteŋka sinɛ porɛɛk, ɛ ijaagen sinɛ ŋaadɛɛk, ɛ ijaagii ijaag Suumiyoŋk a eet agut omoŋ. 8Wosɛyɛɛrakan sɛɛn son lak iinakik kɛnɔ kɔna kɛɛ tonu ɔɔtɛ naŋk ɛ gaanani ɓayɛtun goŋk. 9Wosɛyɛɛrakɔɔ ɓɔrɛ Anasimoos sinɛ manya eteŋka sinɛ ŋaadɛɛ ɛ porɛɛk, ɛ tekaan noŋkuk a sɛɛn agut omoŋ. Yaŋɛrkɔɔ kɔna any sinɛ ɓɛɛlɛ seedik baŋɛ.
10Digoyɛɛr nɔ kɔnu Aristirokoos sinɛkɔ korkoɗɛɛ a eet agut omoŋɔŋk, ɛnɔɓɔrɛ kɔnu digoyɛɛr Markoos sinɛ panya Barnabasaak. Inkɔɔ kɛɛɗɛ wɔɔrɛɛ saakɔɔ mɛlɛrkiɗ son lak iinak oko sinɛkan kɔna toniiɗa jeemɛk. 11Digoyɛɛr nɔ kɔnu Iyaasu sinɛ riyɛ kɛ Iyoostoosuk. Ege sigi joop Ayuuduk dakɛɛɗa ijaageerɛ gaanɛk agut burɛ Waakoyotoŋk, nɛkan ɓɔrɛ gaananɛr eetiŋ.
12Digoyɛɛr nɔ kɔnu Epaapira sinɛ tekaan noŋkuk sinɛ ijaagen Kereseek. Ari sɛŋk ɗɔŋkɔɔlɛ ɓɛɛnyɔwɛ gɛɛŋk baŋɛ ɗanɗamɔɔn nɛɛkɛ jɛt agut iinak kɛnɔ ɛtɛɛr a ɓaŋkaawurari a ɓɔlɔɔrɛɛr wɛɛŋakɛ dooyanoŋk a dusanɛɛr ɗɛyan Waakoyotoŋk baŋɛ. 13Waasa kɔna bɔɔlaaka sinɛkan bɔɔlaaɗ jɛtik agut iinak a joop sigɛ atu katamɛɛkɛ Lodokiyaak a Hirapolisik. 14Digoyɛɛtarnɔ kɔnu akiimi Lukaas sinɛ porɛɛk sɛɛn a Deemaas.
15Digoyɛ nɔta tekaaneer sigɛ atu Lodokiyaakeek a gode Sambatɛyoŋk sinɛ ar woy Nimpak. 16Saakɔɔ ambabɛrɗɔ wosɛ sinik baŋiya, nɛɓɔrɛ in arɛɛ a ambabɛr joop gode Sambatɛyoŋk sigɛ atu Lodokiyaakeek, maɓɔrɔ inkɔɔ ambabɛɛ wosɛ sinɛkɔɔ kɔna wosɛykɛɛ Lodokiyaakeek. 17Inta tonɛɛ Arkiposa kɛɛ, "Ruumu ijaag Suumiyoŋk sinɛkanna gaɓɛɛk kɛ ɗɔm." 18Taapiɗiira digoy sini eet Paawuloos ariit naakɛk, in koɓukɛɛ korkoɗɔn naak. In wookan Waakoyotoŋk a iinak agut omoŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in