Ijaag Wosɛytaanakoŋk 21
21
Ŋaar Paawuloos Yorsaleema
1Saaɓa pakkatiiɗii eet a sɛɛgik, nɛ teeŋii emɗa nɛ kɛɛɗii taamɛ takan asuulɛya sinɔɔna riyɛ kɛ Koosuk. Nɛɓa alɛ nɛɛkɛ mɛlii asuulɛya sinɔɔna riyɛ kɛ Ruuduk nɛ saadi kɛɛɗii katamɛya Patraak. 2Nɛɓa saadi laŋkii emɗ sinɔ kɛɛ Pinkeeyaak nɛ teeŋgiɗii nɛ ŋaariiŋ. 3Nɛɓa ŋɔɗii asuulɛ Kopiroosuk kanta nɛ kɛɛɗii ɗooka Sooriyaak, nɛ mɛlii kɛntɛya Tiiroosuk agut sinɔ ɗɛyɛrɓa joop gɛɛnɛ emɗ nɛɛk a orkuɗɛɛ diil nɛɛk saadi. 4Nɛɓa saadi warii ŋaadtaanak nɛ laŋii sɛɛg nɛɓa beeɗii a sɛɛg a ɗoŋ tula pɛɛy. Nɛɓa tonɗi sɛɛge Wɛɛŋa sigɔ Geetitaanakik nɛ kaaɓur Paawuloos kɛnɔ kat kɛɛ Yorsaleema. 5Saaɓa pediɗ ɔɔtɛ sinɛɓa beeɗiɗii a sɛɛgik, nɛɓa saadi ŋaariiŋ. Nɛ tin tuunɛyɛr katamɛya nɛɛka walasa sɛɛg baŋɛ a jartiyatɔk gɛŋk a tɔɔmɔk gɛŋk. Nɛɓa ɛtii korontunɛ goroo nɛɛkɛ kɛntɛɛ nɔ ɗanɗamaakii, nɛ pakakatiikiiŋ. 6Nɛɓa seek teeŋii emɗa nɛ ŋaariiŋ ma sɛɛk weeri nyakika.
7Nɛɓa ŋaarii Tiiroose nɛ ruumii ŋawit naŋk gɔrɔ sinɔ obiiŋɔŋk nɛ mɛlii Petelemaysa. Nɛɓa saadi lalaŋikii a ŋaadtaanak nɛ digogoyikiiŋ, nɛɓa beeɗii a sɛɛg a ɓɛɛnyɔ omoŋ. 8Nɛɓa alɛ nɛɛkɛ ŋaarii saadi nɛ mɛlii Keesaariyaaka, nɛ saadi guugunyii waa iɗit sinɔ rɔɔriytan Pɛɛni sinɔ Ɓɛlkɛɛstank Pilipoosuk, sɛɛnɓa omaay joope sigaagɛɓa daamɛɛ sɛɛg a tuula pɛɛyik, kɛnɔ kɔnyɛr nomtaanakik, nɛɓa beeɗii a sɛɛn. 9Lakɓa sɛŋk tɔɔmɔk a aŋan sigɔ peetakik sigɔ in kir wawawuk sigɔ latu tigi waasiyɛ pɛrkaakoŋkuk.
10Nɛɓa beeɗii saadi a ɗoŋ ɓɔɔkaaŋ, nɛɓa mɛlki iɗit pɛrkaakoŋk sinɔ riyɛ kɛ Agaboosuk ɗook Yuudaak. 11Nɛɓa sɛŋk widiki tina ɛɛk nɛ boŋu teeɓɛ Paawuloosuk nɛ korkor arin gɛɛŋk a derak gɛɛŋk nɛ tonu kɛ, "Tonur Wɛɛŋa sigɔ Geetitaanakik kɛ, 'Korkoɗarkɔɔ joop Ayuuduk sigɛ atu Yorsaleemek ɗumaat teeɓɛya sineena oko sinik nɛkɔɔ gaɓɛr joopa sigaaga moko Ayuuduk.' "
12Saaɓa tiyɛɛɗii sinik, nɛɓa kaaɓii Paawuloos eteŋk a joop sigɛɓa atu saadik kɛnɔ kat ŋaar Yorsaleema. 13Yakanaɓa Paawuloos jumur kɛ, "Ariir ɓayɛ naak a ɓakɛyɗi a kuɗeer oko sinik agut jikon? Ragadakɔ saak ɛɛk agut tiriya Suumi Yeeseek kɛnɔ ɓɔra rɛɛra Yorsaleeme, a moko korkoɗɔɔna dakɛɗa." 14Nɛɓa ki boŋiiɗ rɔɔriyɔn naŋk, nɛɓa ŋɔɗurii kɛ, "In dakɛ a ɗɛyan Waakoyotoŋk."
15Saaɓa beeɗiɗii saadi a ɗoŋ tekeriŋɔŋk baŋiya, nɛɓa ragadii ɓolaaturu gaŋk nɛ ŋaarii Yorsaleema. 16Nomtaanak a omoŋ omoŋ sigɛɓa atu Keesaariyaakek ŋaariiɓa a sɛɛk agut omoŋ, nɛɓa diiler tin sɛɛk kɛnɔ kɛɛɗii dokiiɗe woy Minasoonuk. Iɗit sini sɛɛn iɗit Kopiroosuk sinɛɓa dooyɛ jeemɛk.
Lɛɛwɛ Paawuloos Yaykoob Yorsaleeme
17Saaɓa mɛlɛɛɗii Yorsaleemak, nɛɓa tin boŋur ŋaadtaana yaakaat. 18Nɛɓa alɛ nɛɛkɛ kɛɛɗii a Paawuloos son lak Yaykoobuk kɛnɔ lalaŋikii, ɓɛɛlɛrɓa gutarɛyɛɛk godeyik Sambatɛyɛɛkoŋk baŋɛ saadi. 19Saaɓa Paawuloos digoyɛɛɗ sɛɛg baŋɛk, nɛɓa waasɛ sɛɛga any sinɛkan ijaag Waakoyot goy nɛɛkɛ, joope sigɔɔgɛ moko Ayuuduk kɔɔrk a omoŋ omoŋ baŋɛ.
20Saaɓa tiyɛrɗi any sinik, nɛɓa pɔɔsɛr Waakoyo, ɛɓa tonur Paawuloosa kɛ, "Iin manya eteŋka, ɗegerin kɛ ɓɛɛlɛr ŋaadtaanak sigɔ ikomɛɛ sɛɛg kumɛɛkɛ sigɔɔgɛ ɓɔɔkaaŋɔŋkuk joope Ayuuduk kɔɔr, a koorɛr higi Muuseek baŋɛ jɛt. 21Tiyɛrkɔ any sinɛ tonɛɛ kɛ, 'Iinak joop Ayuuduk sigɛ beeɗir joope sigɔɔgɛ moko Ayuuduk kɔɔrk baŋɛ, ariir sɛɛg kɛnɔ aalɛr higi Muuseek a rɔɔriyari sɛɛg kɛ, 'Kat yawɛɛ tɔɔmɔk goŋk, maŋk kat ijaagɨɛ barɛɗak sigɛɓa jeemɛk.' 22Dɔɔs sisɔ a arɛɛ jikon? Eekeerɛ tiyɛrkɔ mɛlɛɛ nookuŋ, 23agut sini ijaagin any sinɛ kɔɔna toniik. Lakɛ joop sigɔ latu warejɛɛtik a aŋan eteŋkɛ kɔɔr. 24Diili sɛɛg Godeya sinaana Geetitank, nɔ kɛɛɗin ijaagin ɛɛk nook a mentanŋ iin a sɛɛg agut omoŋ, koyu sɛɛga wori tigiyoŋk kɛnɔ tuulɛ ami gɛŋk. Ɔkɔnkɔɔ ijaagin oko sinikiŋ, ɗegerarkɔɔ sɛɛg baŋɛ kɛ nyon any sinɛ tonɛɛ iine raŋk, ɛɓɔrɛ kɛ iin iɗit sinɔ koorɛ higi Muuseek. 25Taapɛɛriikan joopa sigɔɔga moko Ayuuduk wargatɛ sinɔ tonu kɛ, 'Kat ɗamɛɛ any sinɔ somkaank sinɔkɔ uduŋɛɛ raŋawotak. Kat ɗamɛɛ yɛrom, ɛ kat ɗamɛɛ taar keegun sinɔkɔ rɛr a kɔ ubuŋɗi a kɔ kɛɛ ŋɔɔlɛɛtik. Kat ijaagɛɛ ruunyikeen.' " 26Nɛɓa Paawuloos boŋu joop nɛ alɛ nɛɛkɛ ari ɛɛk nɛɛk a mentanŋ a sɛɛg agut omoŋ. Nɛɓa guuguny Godeya sinɔɔna Geetitank kɛnɔ yaaŋɛ sɛɛga kɛ ɗoŋ eger sigɛkɔɔ arirɗi ɛɛk a mentaanaŋɔŋk, ɛ sinɔ kɛ koyɛɛkɔɔ okoɗ wori tigiyoŋk sinɛkɔɔ gaɓɛɛ agut sɛɛgik.
Gaamɛɛ Paawuloos Godeey Sinaanɛ Geetitank
27Saaɓa wɔɔŋkuɗ pedi ɗoŋi sigɛ tula pɛɛyk, nɛɓa joop Ayuuduk sigɛɓa kurak Isiyaakeekik baŋɛ dɛnɛr Paawuloos a ar Godeey sinaanɛ Geetitank, nɛɓa ɓeesɛr joop sigɛ ɓɔɔkaak kɛnɔ gaamur sɛɛn. 28Ooyɛrɓa joop gɛɛnɛ kɛ, "Iinak joop Israeelik, in tin kɔnyɛɛ. Ege sini iɗit sinɛ nyɔɔn joop gaŋk a higi naŋk a nyon sinik, a rɔɔriy joop sigɛ ɓɛɛlɛr ɗook nɛɛkɛk baŋɛ nyɔɔnakɛ. Maɓɔrɛ sisɔ gaɓɛ joop sigɛ moko Ayuuduk Godeya sinɔɔna Geetitank nɛ ijaag nyon sini Geetitank a somkan." 29Nɔɓa tonurɗu sinik agut sinɔɓa dɛnɛrɗi Tiropimos sinɛɓa ɓartɛɛ Epesoonek sinɛkan jeemɛk a sɛɛn a Paawuloos Yorsaleemek, nɛɓa koɓur kɛ diilekɔɔ Paawuloos sɛɛn nɛ guugunyar Godeya sinaana Geetitank.
30Nɛɓa katamɛ nɛɛkɛ ɓeesiɗi baŋɛ, nɛɓa reerirki joop gɛɛnɛ nɛ mɛlɛrki agut omoŋ kɛnɔ gaamur Paawuloos. Nɛɓa puruuterki Godeey sinaanɛ Geetitank walasa, nɛɓa korɛɛ tugaateer Gode sinɛ Geetitank sisa. 31Saaɓa joop gɛɛnɛ ɗɛyɛrɗi ɓokotiita Paawuloosuk, nɛɓa mɛlki wosɛ ɔɗɔwenta sinaana amaasiniyɛ sigɔ kumɛk Roomuk sinɔ kɛ, "Ɓeesiɗi katamɛ Yorsaleemuk baŋɛ." 32Nɛɓa sɛŋk sisa boŋu amaasiniyɛ gɛɛŋk, a ɔɗɔweer amaasiniyɛ sigɔ ɗibɛk nɛ reerir a gorgorŋ son lak joop gɛɛŋkik. Nɛ saaɓa joop gɛɛnɛ dɛnɛrkiɗ ɔɗɔwen sinɛ amaasiniyɛ sigɔ kumɛk, nɛɓa nyɛyɛr tiɗiŋ Paawuloosuk.
33Nɛɓa ɔɗɔwen nɛɛkɛ wideer ɛɛk nɛ gaamu Paawuloos, nɛ tonu sɛɛga kɛnɔ korkoɗɛɛ a melti awɛytiiroŋk pɛɛy. Saadi baŋiya ɗɛyɛɓa a kɔɔniy kɛnɔ ɗeger kɛ wooɗ, makɔ ijaag jikon. 34Tonurɓa joop gɛɛnɛ a omoŋ omoŋ any om, ma ɔgɔɔk tonur any om. Nɛɓa ɔɗɔwen nɛɛkɛ tonu kɛnɔ diiler Paawuloos nyona amaasiniyɛɛkoŋk, agut sinɔɓa ooyɛrɗi joop gɛɛnɛ nɛɓa sɛŋk ki ɗegerɔɔn eekeer gɛɛŋk. 35Saaɓa Paawuloos mɛlɛɛɗ saana kɔtɔɔŋɛɗɛɛkik, agut sinɔɓa joop gɛɛnɛ ŋaararkiɗ ŋadiiɗ sinɔɔnɛ ɓaŋkawuŋɔŋk kɛnɔ arir a meeŋɔŋk, nɛɓa amaasiniyɛ gɛɛnɛ diiler ɓatak. 36Nɛɓa joop gɛɛnɛ nomɛrɗi a ooyɛr kɛ, "Inrɔ ɓokotɛɛ!"
Tonu Paawuloos Toni Kolanoŋk
37Saaɓa amaasiniyɛ gɛɛnɛ woontukuɗ saana kaar gaɓɛɛtarkiɗ Paawuloos nyona nɛŋkik, nɛɓa sɛŋk tonu ɔɗɔwenta sinaana amaasiniyɛ sigɔ kumɛk kɛ, "Pɛgɛdinta kɛnɔna tona any omuŋ?"
Nɛɓa ɔɗɔwen nɛɛkɛ tongeeɗ kɛ, "Oolun ato Giriikikiŋ? 38Moko iin iɗit Gibsik sinɛkɔ sise kɛ gonyuŋ boŋku kaarin nɔ boŋun joop sigɔ ɓokootaŋɔŋk a kumɛɛ aŋan nɔ pirin ɗukak?"
39Nɛɓa Paawuloos tongeeɗ kɛ, "Eet iɗit Ayuuduk sinɔɓa ɓartɛɛ katamɛɛ Tɛrseesik sinaanɛ ɗegerɛɛk sinaanɛ ar Kilkiyaakek. Adarat. Pɛgɛdireeta nɔ tonɗiika joopa sigaaga ɓɔɔkaak."
40Nɛɓa pɛgɛdgiɗɛɛ kɛnɔ tonɗii, nɛɓa Paawuloos ɛtɛ saadi ar rakaayk nɛ ijoopɛ joop gɛɛŋk ariit kɛnɔ dakɛr kɛ many. Nɛ saaɓa joop gɛɛnɛ dakɛrɗi kɛ manyk, nɛɓa tuke toni ad Ibiraysitik kɛ,
Currently Selected:
Ijaag Wosɛytaanakoŋk 21: KSTM
Highlight
Share
Copy
Want to have your highlights saved across all your devices? Sign up or sign in
Ijaag Wosɛytaanakoŋk 21
21
Ŋaar Paawuloos Yorsaleema
1Saaɓa pakkatiiɗii eet a sɛɛgik, nɛ teeŋii emɗa nɛ kɛɛɗii taamɛ takan asuulɛya sinɔɔna riyɛ kɛ Koosuk. Nɛɓa alɛ nɛɛkɛ mɛlii asuulɛya sinɔɔna riyɛ kɛ Ruuduk nɛ saadi kɛɛɗii katamɛya Patraak. 2Nɛɓa saadi laŋkii emɗ sinɔ kɛɛ Pinkeeyaak nɛ teeŋgiɗii nɛ ŋaariiŋ. 3Nɛɓa ŋɔɗii asuulɛ Kopiroosuk kanta nɛ kɛɛɗii ɗooka Sooriyaak, nɛ mɛlii kɛntɛya Tiiroosuk agut sinɔ ɗɛyɛrɓa joop gɛɛnɛ emɗ nɛɛk a orkuɗɛɛ diil nɛɛk saadi. 4Nɛɓa saadi warii ŋaadtaanak nɛ laŋii sɛɛg nɛɓa beeɗii a sɛɛg a ɗoŋ tula pɛɛy. Nɛɓa tonɗi sɛɛge Wɛɛŋa sigɔ Geetitaanakik nɛ kaaɓur Paawuloos kɛnɔ kat kɛɛ Yorsaleema. 5Saaɓa pediɗ ɔɔtɛ sinɛɓa beeɗiɗii a sɛɛgik, nɛɓa saadi ŋaariiŋ. Nɛ tin tuunɛyɛr katamɛya nɛɛka walasa sɛɛg baŋɛ a jartiyatɔk gɛŋk a tɔɔmɔk gɛŋk. Nɛɓa ɛtii korontunɛ goroo nɛɛkɛ kɛntɛɛ nɔ ɗanɗamaakii, nɛ pakakatiikiiŋ. 6Nɛɓa seek teeŋii emɗa nɛ ŋaariiŋ ma sɛɛk weeri nyakika.
7Nɛɓa ŋaarii Tiiroose nɛ ruumii ŋawit naŋk gɔrɔ sinɔ obiiŋɔŋk nɛ mɛlii Petelemaysa. Nɛɓa saadi lalaŋikii a ŋaadtaanak nɛ digogoyikiiŋ, nɛɓa beeɗii a sɛɛg a ɓɛɛnyɔ omoŋ. 8Nɛɓa alɛ nɛɛkɛ ŋaarii saadi nɛ mɛlii Keesaariyaaka, nɛ saadi guugunyii waa iɗit sinɔ rɔɔriytan Pɛɛni sinɔ Ɓɛlkɛɛstank Pilipoosuk, sɛɛnɓa omaay joope sigaagɛɓa daamɛɛ sɛɛg a tuula pɛɛyik, kɛnɔ kɔnyɛr nomtaanakik, nɛɓa beeɗii a sɛɛn. 9Lakɓa sɛŋk tɔɔmɔk a aŋan sigɔ peetakik sigɔ in kir wawawuk sigɔ latu tigi waasiyɛ pɛrkaakoŋkuk.
10Nɛɓa beeɗii saadi a ɗoŋ ɓɔɔkaaŋ, nɛɓa mɛlki iɗit pɛrkaakoŋk sinɔ riyɛ kɛ Agaboosuk ɗook Yuudaak. 11Nɛɓa sɛŋk widiki tina ɛɛk nɛ boŋu teeɓɛ Paawuloosuk nɛ korkor arin gɛɛŋk a derak gɛɛŋk nɛ tonu kɛ, "Tonur Wɛɛŋa sigɔ Geetitaanakik kɛ, 'Korkoɗarkɔɔ joop Ayuuduk sigɛ atu Yorsaleemek ɗumaat teeɓɛya sineena oko sinik nɛkɔɔ gaɓɛr joopa sigaaga moko Ayuuduk.' "
12Saaɓa tiyɛɛɗii sinik, nɛɓa kaaɓii Paawuloos eteŋk a joop sigɛɓa atu saadik kɛnɔ kat ŋaar Yorsaleema. 13Yakanaɓa Paawuloos jumur kɛ, "Ariir ɓayɛ naak a ɓakɛyɗi a kuɗeer oko sinik agut jikon? Ragadakɔ saak ɛɛk agut tiriya Suumi Yeeseek kɛnɔ ɓɔra rɛɛra Yorsaleeme, a moko korkoɗɔɔna dakɛɗa." 14Nɛɓa ki boŋiiɗ rɔɔriyɔn naŋk, nɛɓa ŋɔɗurii kɛ, "In dakɛ a ɗɛyan Waakoyotoŋk."
15Saaɓa beeɗiɗii saadi a ɗoŋ tekeriŋɔŋk baŋiya, nɛɓa ragadii ɓolaaturu gaŋk nɛ ŋaarii Yorsaleema. 16Nomtaanak a omoŋ omoŋ sigɛɓa atu Keesaariyaakek ŋaariiɓa a sɛɛk agut omoŋ, nɛɓa diiler tin sɛɛk kɛnɔ kɛɛɗii dokiiɗe woy Minasoonuk. Iɗit sini sɛɛn iɗit Kopiroosuk sinɛɓa dooyɛ jeemɛk.
Lɛɛwɛ Paawuloos Yaykoob Yorsaleeme
17Saaɓa mɛlɛɛɗii Yorsaleemak, nɛɓa tin boŋur ŋaadtaana yaakaat. 18Nɛɓa alɛ nɛɛkɛ kɛɛɗii a Paawuloos son lak Yaykoobuk kɛnɔ lalaŋikii, ɓɛɛlɛrɓa gutarɛyɛɛk godeyik Sambatɛyɛɛkoŋk baŋɛ saadi. 19Saaɓa Paawuloos digoyɛɛɗ sɛɛg baŋɛk, nɛɓa waasɛ sɛɛga any sinɛkan ijaag Waakoyot goy nɛɛkɛ, joope sigɔɔgɛ moko Ayuuduk kɔɔrk a omoŋ omoŋ baŋɛ.
20Saaɓa tiyɛrɗi any sinik, nɛɓa pɔɔsɛr Waakoyo, ɛɓa tonur Paawuloosa kɛ, "Iin manya eteŋka, ɗegerin kɛ ɓɛɛlɛr ŋaadtaanak sigɔ ikomɛɛ sɛɛg kumɛɛkɛ sigɔɔgɛ ɓɔɔkaaŋɔŋkuk joope Ayuuduk kɔɔr, a koorɛr higi Muuseek baŋɛ jɛt. 21Tiyɛrkɔ any sinɛ tonɛɛ kɛ, 'Iinak joop Ayuuduk sigɛ beeɗir joope sigɔɔgɛ moko Ayuuduk kɔɔrk baŋɛ, ariir sɛɛg kɛnɔ aalɛr higi Muuseek a rɔɔriyari sɛɛg kɛ, 'Kat yawɛɛ tɔɔmɔk goŋk, maŋk kat ijaagɨɛ barɛɗak sigɛɓa jeemɛk.' 22Dɔɔs sisɔ a arɛɛ jikon? Eekeerɛ tiyɛrkɔ mɛlɛɛ nookuŋ, 23agut sini ijaagin any sinɛ kɔɔna toniik. Lakɛ joop sigɔ latu warejɛɛtik a aŋan eteŋkɛ kɔɔr. 24Diili sɛɛg Godeya sinaana Geetitank, nɔ kɛɛɗin ijaagin ɛɛk nook a mentanŋ iin a sɛɛg agut omoŋ, koyu sɛɛga wori tigiyoŋk kɛnɔ tuulɛ ami gɛŋk. Ɔkɔnkɔɔ ijaagin oko sinikiŋ, ɗegerarkɔɔ sɛɛg baŋɛ kɛ nyon any sinɛ tonɛɛ iine raŋk, ɛɓɔrɛ kɛ iin iɗit sinɔ koorɛ higi Muuseek. 25Taapɛɛriikan joopa sigɔɔga moko Ayuuduk wargatɛ sinɔ tonu kɛ, 'Kat ɗamɛɛ any sinɔ somkaank sinɔkɔ uduŋɛɛ raŋawotak. Kat ɗamɛɛ yɛrom, ɛ kat ɗamɛɛ taar keegun sinɔkɔ rɛr a kɔ ubuŋɗi a kɔ kɛɛ ŋɔɔlɛɛtik. Kat ijaagɛɛ ruunyikeen.' " 26Nɛɓa Paawuloos boŋu joop nɛ alɛ nɛɛkɛ ari ɛɛk nɛɛk a mentanŋ a sɛɛg agut omoŋ. Nɛɓa guuguny Godeya sinɔɔna Geetitank kɛnɔ yaaŋɛ sɛɛga kɛ ɗoŋ eger sigɛkɔɔ arirɗi ɛɛk a mentaanaŋɔŋk, ɛ sinɔ kɛ koyɛɛkɔɔ okoɗ wori tigiyoŋk sinɛkɔɔ gaɓɛɛ agut sɛɛgik.
Gaamɛɛ Paawuloos Godeey Sinaanɛ Geetitank
27Saaɓa wɔɔŋkuɗ pedi ɗoŋi sigɛ tula pɛɛyk, nɛɓa joop Ayuuduk sigɛɓa kurak Isiyaakeekik baŋɛ dɛnɛr Paawuloos a ar Godeey sinaanɛ Geetitank, nɛɓa ɓeesɛr joop sigɛ ɓɔɔkaak kɛnɔ gaamur sɛɛn. 28Ooyɛrɓa joop gɛɛnɛ kɛ, "Iinak joop Israeelik, in tin kɔnyɛɛ. Ege sini iɗit sinɛ nyɔɔn joop gaŋk a higi naŋk a nyon sinik, a rɔɔriy joop sigɛ ɓɛɛlɛr ɗook nɛɛkɛk baŋɛ nyɔɔnakɛ. Maɓɔrɛ sisɔ gaɓɛ joop sigɛ moko Ayuuduk Godeya sinɔɔna Geetitank nɛ ijaag nyon sini Geetitank a somkan." 29Nɔɓa tonurɗu sinik agut sinɔɓa dɛnɛrɗi Tiropimos sinɛɓa ɓartɛɛ Epesoonek sinɛkan jeemɛk a sɛɛn a Paawuloos Yorsaleemek, nɛɓa koɓur kɛ diilekɔɔ Paawuloos sɛɛn nɛ guugunyar Godeya sinaana Geetitank.
30Nɛɓa katamɛ nɛɛkɛ ɓeesiɗi baŋɛ, nɛɓa reerirki joop gɛɛnɛ nɛ mɛlɛrki agut omoŋ kɛnɔ gaamur Paawuloos. Nɛɓa puruuterki Godeey sinaanɛ Geetitank walasa, nɛɓa korɛɛ tugaateer Gode sinɛ Geetitank sisa. 31Saaɓa joop gɛɛnɛ ɗɛyɛrɗi ɓokotiita Paawuloosuk, nɛɓa mɛlki wosɛ ɔɗɔwenta sinaana amaasiniyɛ sigɔ kumɛk Roomuk sinɔ kɛ, "Ɓeesiɗi katamɛ Yorsaleemuk baŋɛ." 32Nɛɓa sɛŋk sisa boŋu amaasiniyɛ gɛɛŋk, a ɔɗɔweer amaasiniyɛ sigɔ ɗibɛk nɛ reerir a gorgorŋ son lak joop gɛɛŋkik. Nɛ saaɓa joop gɛɛnɛ dɛnɛrkiɗ ɔɗɔwen sinɛ amaasiniyɛ sigɔ kumɛk, nɛɓa nyɛyɛr tiɗiŋ Paawuloosuk.
33Nɛɓa ɔɗɔwen nɛɛkɛ wideer ɛɛk nɛ gaamu Paawuloos, nɛ tonu sɛɛga kɛnɔ korkoɗɛɛ a melti awɛytiiroŋk pɛɛy. Saadi baŋiya ɗɛyɛɓa a kɔɔniy kɛnɔ ɗeger kɛ wooɗ, makɔ ijaag jikon. 34Tonurɓa joop gɛɛnɛ a omoŋ omoŋ any om, ma ɔgɔɔk tonur any om. Nɛɓa ɔɗɔwen nɛɛkɛ tonu kɛnɔ diiler Paawuloos nyona amaasiniyɛɛkoŋk, agut sinɔɓa ooyɛrɗi joop gɛɛnɛ nɛɓa sɛŋk ki ɗegerɔɔn eekeer gɛɛŋk. 35Saaɓa Paawuloos mɛlɛɛɗ saana kɔtɔɔŋɛɗɛɛkik, agut sinɔɓa joop gɛɛnɛ ŋaararkiɗ ŋadiiɗ sinɔɔnɛ ɓaŋkawuŋɔŋk kɛnɔ arir a meeŋɔŋk, nɛɓa amaasiniyɛ gɛɛnɛ diiler ɓatak. 36Nɛɓa joop gɛɛnɛ nomɛrɗi a ooyɛr kɛ, "Inrɔ ɓokotɛɛ!"
Tonu Paawuloos Toni Kolanoŋk
37Saaɓa amaasiniyɛ gɛɛnɛ woontukuɗ saana kaar gaɓɛɛtarkiɗ Paawuloos nyona nɛŋkik, nɛɓa sɛŋk tonu ɔɗɔwenta sinaana amaasiniyɛ sigɔ kumɛk kɛ, "Pɛgɛdinta kɛnɔna tona any omuŋ?"
Nɛɓa ɔɗɔwen nɛɛkɛ tongeeɗ kɛ, "Oolun ato Giriikikiŋ? 38Moko iin iɗit Gibsik sinɛkɔ sise kɛ gonyuŋ boŋku kaarin nɔ boŋun joop sigɔ ɓokootaŋɔŋk a kumɛɛ aŋan nɔ pirin ɗukak?"
39Nɛɓa Paawuloos tongeeɗ kɛ, "Eet iɗit Ayuuduk sinɔɓa ɓartɛɛ katamɛɛ Tɛrseesik sinaanɛ ɗegerɛɛk sinaanɛ ar Kilkiyaakek. Adarat. Pɛgɛdireeta nɔ tonɗiika joopa sigaaga ɓɔɔkaak."
40Nɛɓa pɛgɛdgiɗɛɛ kɛnɔ tonɗii, nɛɓa Paawuloos ɛtɛ saadi ar rakaayk nɛ ijoopɛ joop gɛɛŋk ariit kɛnɔ dakɛr kɛ many. Nɛ saaɓa joop gɛɛnɛ dakɛrɗi kɛ manyk, nɛɓa tuke toni ad Ibiraysitik kɛ,
Currently Selected:
:
Highlight
Share
Copy
Want to have your highlights saved across all your devices? Sign up or sign in