Ijaag Wosɛytaanakoŋk 12
12
Ŋaarki Epaayan Sinɔ Obiiŋɔŋk Ŋaadtaanakɛ Raŋk
1Eme sinaanɛɓak suumi Herodis tukeɓa epaayana joop gode Sambatɛyoŋkuk a omoŋ omoŋ. 2Ariɓa Herodis a ɓokotɛɛ manya Yowanisa Yaykoob aarɛɛ. 3Dɛnɛɓa any sini a yaa joopa Ayuudukuŋ, nɛɓa ɓɔrɛ ari Petros a gaamɛɛŋ. Ariɓa any sini Ba'aale Nasiyoŋk. 4Ariɓa kɛnɔ gaamɛɛ Petros kɛnɔ gaɓɛɛ godeya korkoɗɔɔnoŋk, nɛɓa tonu amaasiniyɛɛka kɛnɔ koorɛr a joop aŋan aŋan agut aŋan. Ariɓa sini maɓa koɓu kɛ boŋkukɔɔ joope taamɛkɛ kɛnɔ goopɛɛ Ba'aale Ɗoyiɗoŋk baŋiya. 5Nɛɓa gaɓɛɛ Petros godeya korkoɗɔɔnoŋk, yakanaɓa joop sigɛ gode Sambatɛyoŋkuk ɗanɗama Waakoyota a ɓaŋkawuŋ agut sɛɛn.
Ŋaarki Petros Godeey Korkoɗɔɔnoŋk
6Saaɓa koɓiiɗ Herodis kɛ gun wideer Petros joopa sigaaga ɓɔkaak taamɛkak, nɛɓa Petros korkoɗɛɛ kaalt sinaanɛ meltikɛ awɛytiiroŋk sigɔɔgɛ pɛɛyk nɛ ɗeegar amaasiniyɛɛkɛ sigɔɔgɛ pɛɛyk kɔɔr. Ma amaasiniyɛ ɔgɔɔk koorɛr tuga gode sinɛ korkoɗɔɔnoŋk. 7Nɛɓa sisa dɛnɛɛ wosɛytan Wokoyotoŋk, nɛɓa tipeyɗi pɛɗɛrka godeey nɛɛkɛ tak. Nɛ wosɛytan nɛɛkɛ ɓeesɛ Petros kooltun nɛɛk nɛ ebeɗiŋ, nɛ tongeeɗ kɛ, "Ŋaari raŋana a gorgorŋ!" Nɛɓa ɗiirtarkiɗ melti sigɛ awɛytiiroŋk arnɛ gɛɛnɛkiŋ. 8Nɛɓa wosɛytan nɛɛkɛ tongeeɗ kɛ, "Gaɓu abii nook ɛɛka, ɛ gaɓun saamɛyɛ gooŋk deraka." Nɛ Petros ijaag oko sinɛkɔ tonguɗɛɛk. Nɛ wosɛytan nɛɛkɛ tongeeɗ kɛkar kɛ, "Gaɓu abii nook sinɛ raŋanenk ɛɛka nɔte nomkun." 9Nɛɓa Petros ŋaarki nɛ nomɛɗiŋ, koɓkɛɛɓa kɛ arɗigeeɗ ɗɛɛk, maɓa kirgeeɗ gayit a eekeer any sinɛ ijaag wosɛytan nɛɛkɛkik. 10Kaalɛrɓa koortan sinɛ tuktan nɛɛkik a pɛɛyeen nɛɛk, nɛ mɛlɛrgeeɗ kortan awɛytoŋk sinɛ ar gopɛ sinaanɛ kɛɛɗɛ katamɛyaak. Nɛɓa kortan nɛɛkɛ tayɗi sɛɛga ɗuma. Nɛɓa ŋaartar walasa, nɛ ŋawiiter a balaaŋ. Nɛ sisa pakat ɛɛk wosɛytan nɛɛkɛ nɛ ŋaarŋ.
11Weerikɓa Petros koɓiɗa nɛɛka, nɛɓa tonu agut sɛɛn kɛ, "Ɗegeraɓɔ sisɔ eekeerɛ kɛ wosɛykikɔ Suumii wosɛytan nɛɛk, kɛnɔtu kus boŋku ariit Herodisik, a ant sinaanɛ kɔta koɓur joop Ayuuduk baŋɛk." 12Saaɓa ɗegerɗi sinik baŋiya, nɛɓa kɛɛ waa Maariyamuk, soonakan tolɗiiɗ joop agut omoŋ a ɓɔɔkaaŋ nɛ ɗanɗamaaŋɔŋk. Egeɓa Maariyam ɛmɛs Yowanisa sinaana riyɛ kɛ Markoosuk.
13Nɛɓa Petros ɓɔɔkɛyɛ tuga sinɛ retan masarɛ nɛɛkik, nɛɓa kus peet sinɔ ijaagenk sinɔ riyɛ kɛ Roodaak tugaata nɛɛka kɛnɔ tayɗigeeɗiɗ. 14Saaɓa ɗegerɗi kɛ wɛɛŋa Petrosuk, nɛɓa yaageeɗiŋ jɛt, nɛ reeri godeya takana a ki tayɛɛɗ tuga nɛɛk, nɛ kɛɛ tonu sɛɛga baŋɛ kɛ, "Ɛtɛtɛrrɔ Petros tugaat." 15Nɛɓa sɛɛk tonurgeeɗ kɛ, "Maraatinŋ!" Nɛɓa sɛŋk totop sɛɛga kɛkar kɛ ɓɛɛlɛŋ, nɛ tonur kɛ, "Ɔkɔn nɛ wosɛytan Petrosuk."
16Yakanaɓa Petros totop ɓɔɔkɛyɛɛta tuga nɛɛk kɛkar jɛt. Nɛɓa sɛɛk tayɛr nɛ dɛnɛr nɛ reemɗi sɛɛg ɓayetun. 17Nɛɓa sɛŋk ijojopiiɗ sɛɛga ari kɛnɔ dakɛr kɛ many, nɛ tonu sɛɛga kɛ boŋkukɔ sɛɛn Suumii godeey korkoɗɔɔnoŋk ɛk nɛ tonu sɛɛga kɛ, "In kɛɛɗɛɛ tonɛɛ any sini Yaykooba a ŋaadtaanaka ɔgɔɔka." Nɛɓa ŋaar nyona omalta.
18Alɛ nɛɛkɛ romiɗ, ɓakɛyɗiɓa jɛt amaasiniyɛ gɛɛnɛ kɛ badɛkɔ Petros wone. 19Ariɓa Herodis a warɛɛ Petros nɛɓa kɛɛ laŋiiɗ. Nɛɓa kɔɔniy amaasiniyɛ gɛɛŋk a ɓaŋkawuŋ nɛ ari a ɓokootɛɛ sɛɛgiŋ. Nɛɓa saadi baŋiya ŋaar Herodis Yuudaake Keesaariyaaka nɛ kɛɛ beeɗ saadi.
Rer Herodisik
20Ŋadiɓa suumi Herodis jɛt joopa Tiiroosuk a Sidoonaak. Yakanaɓa joop ɗoo nɛŋkik laŋir ɗama ɗook Herodisik. Nɛɓa kaar sɛɛg baŋɛ nɛ kalɛyir agut omoŋ ijaagen nɛɛk Bilastoos sinɛ ɔɗɔwen woriya nɛɛkakik kɛnɔ kɔnyɛ sɛɛg. Nɛ saaɓa doomɛɗ sɛɛgak baŋiya, nɛɓa kalɛyir suumi nɛɛk kɛnɔ taakiɗi. 21Ɓeny sinaanɛɓa riyark nɛɓa Herodis gaɓɛ ɛɛka abii sinɛ suumiikeenoŋk nɛ beeɗ barsum nɛɛkɛ nɛ tonɗi joopa gɛɛnaak. 22Nɛɓa joop sigɛ ɓɔɔkaak ooyɛr a tonur kɛ, "Ege sini ɗooran Waakoyotoŋk, ma moko etoŋk." 23Nɛɓa sisa goop sɛɛn wosɛytan Suumiyoŋk, agut sinɔɓa Herodis kiiɗ gaamit eemɛyɔn Waakoyotak. Nɛɓa ɗamar kurɓutir nɛ rɛrŋ.
24Maɓa ɛnyɛnyɛ pɛɛni Waakoyotoŋk a bakaanyirŋ. 25Barnabaas a Saaool ruumerɓa ijaag nɛŋk sinɛɓa wosɛygiɗɛ sɛɛgik, nɛɓa wɛɛriki Yorsaleeme Ansokiyaaka, nɛɓa ɗɔkarki Yowanis sinɛ riyɛ kɛ Markoosuk a kurak a sɛɛg agut omoŋ.
Currently Selected:
Ijaag Wosɛytaanakoŋk 12: KSTM
Highlight
Share
Copy
Want to have your highlights saved across all your devices? Sign up or sign in
Ijaag Wosɛytaanakoŋk 12
12
Ŋaarki Epaayan Sinɔ Obiiŋɔŋk Ŋaadtaanakɛ Raŋk
1Eme sinaanɛɓak suumi Herodis tukeɓa epaayana joop gode Sambatɛyoŋkuk a omoŋ omoŋ. 2Ariɓa Herodis a ɓokotɛɛ manya Yowanisa Yaykoob aarɛɛ. 3Dɛnɛɓa any sini a yaa joopa Ayuudukuŋ, nɛɓa ɓɔrɛ ari Petros a gaamɛɛŋ. Ariɓa any sini Ba'aale Nasiyoŋk. 4Ariɓa kɛnɔ gaamɛɛ Petros kɛnɔ gaɓɛɛ godeya korkoɗɔɔnoŋk, nɛɓa tonu amaasiniyɛɛka kɛnɔ koorɛr a joop aŋan aŋan agut aŋan. Ariɓa sini maɓa koɓu kɛ boŋkukɔɔ joope taamɛkɛ kɛnɔ goopɛɛ Ba'aale Ɗoyiɗoŋk baŋiya. 5Nɛɓa gaɓɛɛ Petros godeya korkoɗɔɔnoŋk, yakanaɓa joop sigɛ gode Sambatɛyoŋkuk ɗanɗama Waakoyota a ɓaŋkawuŋ agut sɛɛn.
Ŋaarki Petros Godeey Korkoɗɔɔnoŋk
6Saaɓa koɓiiɗ Herodis kɛ gun wideer Petros joopa sigaaga ɓɔkaak taamɛkak, nɛɓa Petros korkoɗɛɛ kaalt sinaanɛ meltikɛ awɛytiiroŋk sigɔɔgɛ pɛɛyk nɛ ɗeegar amaasiniyɛɛkɛ sigɔɔgɛ pɛɛyk kɔɔr. Ma amaasiniyɛ ɔgɔɔk koorɛr tuga gode sinɛ korkoɗɔɔnoŋk. 7Nɛɓa sisa dɛnɛɛ wosɛytan Wokoyotoŋk, nɛɓa tipeyɗi pɛɗɛrka godeey nɛɛkɛ tak. Nɛ wosɛytan nɛɛkɛ ɓeesɛ Petros kooltun nɛɛk nɛ ebeɗiŋ, nɛ tongeeɗ kɛ, "Ŋaari raŋana a gorgorŋ!" Nɛɓa ɗiirtarkiɗ melti sigɛ awɛytiiroŋk arnɛ gɛɛnɛkiŋ. 8Nɛɓa wosɛytan nɛɛkɛ tongeeɗ kɛ, "Gaɓu abii nook ɛɛka, ɛ gaɓun saamɛyɛ gooŋk deraka." Nɛ Petros ijaag oko sinɛkɔ tonguɗɛɛk. Nɛ wosɛytan nɛɛkɛ tongeeɗ kɛkar kɛ, "Gaɓu abii nook sinɛ raŋanenk ɛɛka nɔte nomkun." 9Nɛɓa Petros ŋaarki nɛ nomɛɗiŋ, koɓkɛɛɓa kɛ arɗigeeɗ ɗɛɛk, maɓa kirgeeɗ gayit a eekeer any sinɛ ijaag wosɛytan nɛɛkɛkik. 10Kaalɛrɓa koortan sinɛ tuktan nɛɛkik a pɛɛyeen nɛɛk, nɛ mɛlɛrgeeɗ kortan awɛytoŋk sinɛ ar gopɛ sinaanɛ kɛɛɗɛ katamɛyaak. Nɛɓa kortan nɛɛkɛ tayɗi sɛɛga ɗuma. Nɛɓa ŋaartar walasa, nɛ ŋawiiter a balaaŋ. Nɛ sisa pakat ɛɛk wosɛytan nɛɛkɛ nɛ ŋaarŋ.
11Weerikɓa Petros koɓiɗa nɛɛka, nɛɓa tonu agut sɛɛn kɛ, "Ɗegeraɓɔ sisɔ eekeerɛ kɛ wosɛykikɔ Suumii wosɛytan nɛɛk, kɛnɔtu kus boŋku ariit Herodisik, a ant sinaanɛ kɔta koɓur joop Ayuuduk baŋɛk." 12Saaɓa ɗegerɗi sinik baŋiya, nɛɓa kɛɛ waa Maariyamuk, soonakan tolɗiiɗ joop agut omoŋ a ɓɔɔkaaŋ nɛ ɗanɗamaaŋɔŋk. Egeɓa Maariyam ɛmɛs Yowanisa sinaana riyɛ kɛ Markoosuk.
13Nɛɓa Petros ɓɔɔkɛyɛ tuga sinɛ retan masarɛ nɛɛkik, nɛɓa kus peet sinɔ ijaagenk sinɔ riyɛ kɛ Roodaak tugaata nɛɛka kɛnɔ tayɗigeeɗiɗ. 14Saaɓa ɗegerɗi kɛ wɛɛŋa Petrosuk, nɛɓa yaageeɗiŋ jɛt, nɛ reeri godeya takana a ki tayɛɛɗ tuga nɛɛk, nɛ kɛɛ tonu sɛɛga baŋɛ kɛ, "Ɛtɛtɛrrɔ Petros tugaat." 15Nɛɓa sɛɛk tonurgeeɗ kɛ, "Maraatinŋ!" Nɛɓa sɛŋk totop sɛɛga kɛkar kɛ ɓɛɛlɛŋ, nɛ tonur kɛ, "Ɔkɔn nɛ wosɛytan Petrosuk."
16Yakanaɓa Petros totop ɓɔɔkɛyɛɛta tuga nɛɛk kɛkar jɛt. Nɛɓa sɛɛk tayɛr nɛ dɛnɛr nɛ reemɗi sɛɛg ɓayetun. 17Nɛɓa sɛŋk ijojopiiɗ sɛɛga ari kɛnɔ dakɛr kɛ many, nɛ tonu sɛɛga kɛ boŋkukɔ sɛɛn Suumii godeey korkoɗɔɔnoŋk ɛk nɛ tonu sɛɛga kɛ, "In kɛɛɗɛɛ tonɛɛ any sini Yaykooba a ŋaadtaanaka ɔgɔɔka." Nɛɓa ŋaar nyona omalta.
18Alɛ nɛɛkɛ romiɗ, ɓakɛyɗiɓa jɛt amaasiniyɛ gɛɛnɛ kɛ badɛkɔ Petros wone. 19Ariɓa Herodis a warɛɛ Petros nɛɓa kɛɛ laŋiiɗ. Nɛɓa kɔɔniy amaasiniyɛ gɛɛŋk a ɓaŋkawuŋ nɛ ari a ɓokootɛɛ sɛɛgiŋ. Nɛɓa saadi baŋiya ŋaar Herodis Yuudaake Keesaariyaaka nɛ kɛɛ beeɗ saadi.
Rer Herodisik
20Ŋadiɓa suumi Herodis jɛt joopa Tiiroosuk a Sidoonaak. Yakanaɓa joop ɗoo nɛŋkik laŋir ɗama ɗook Herodisik. Nɛɓa kaar sɛɛg baŋɛ nɛ kalɛyir agut omoŋ ijaagen nɛɛk Bilastoos sinɛ ɔɗɔwen woriya nɛɛkakik kɛnɔ kɔnyɛ sɛɛg. Nɛ saaɓa doomɛɗ sɛɛgak baŋiya, nɛɓa kalɛyir suumi nɛɛk kɛnɔ taakiɗi. 21Ɓeny sinaanɛɓa riyark nɛɓa Herodis gaɓɛ ɛɛka abii sinɛ suumiikeenoŋk nɛ beeɗ barsum nɛɛkɛ nɛ tonɗi joopa gɛɛnaak. 22Nɛɓa joop sigɛ ɓɔɔkaak ooyɛr a tonur kɛ, "Ege sini ɗooran Waakoyotoŋk, ma moko etoŋk." 23Nɛɓa sisa goop sɛɛn wosɛytan Suumiyoŋk, agut sinɔɓa Herodis kiiɗ gaamit eemɛyɔn Waakoyotak. Nɛɓa ɗamar kurɓutir nɛ rɛrŋ.
24Maɓa ɛnyɛnyɛ pɛɛni Waakoyotoŋk a bakaanyirŋ. 25Barnabaas a Saaool ruumerɓa ijaag nɛŋk sinɛɓa wosɛygiɗɛ sɛɛgik, nɛɓa wɛɛriki Yorsaleeme Ansokiyaaka, nɛɓa ɗɔkarki Yowanis sinɛ riyɛ kɛ Markoosuk a kurak a sɛɛg agut omoŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in