Omoŋ Tɛsɛlonkeek 3
3
1Nɛ agut sini saa kiiɗii oolɛ a koorikii ɔɗɔka ɓaŋkawurɔɔn oolaanik, nɛkɔ dɛnii a tina mentan a dakii Ateenaake mowan. 2Nɛkan wosɛyɛɛrii kɔna manya eteŋka Timotiyoos sinɛ ijaagen Waakoyotoŋk a eteŋk agut omoŋɔŋk nɛ waasɛ Pɛɛni sinɔ Ɓɛlkɛɛstank. Nɛ kɔnu rɔɔriy nɔ ɛtɛɛr nɔ ɓaŋkaawurari ŋaadiyɛɛkɛ. 3Nɛkɔ kɔnu ar rakatɛ sini laŋirkɔɔk kɛnɔ kat lakɛ iɗit sinɔ ɓeesiɗiik. Ɗegerari kɛ ege rakatɛ sini any sinɛkan tina gaamɛɛk. 4Eekeerɛ saakan eteŋk a iinak agut omoŋɔŋk, rɔɔrɔkiikan kɔna kɛ laŋkiikoy rakatɛɛŋ. Nɛkɔ mɛlki rakatɛ nɛɛkɛŋ oko sinɛ ɗegerarɗɔɔk. 5Agut any sini kaaɓɔ oolɛ a koorika oolaan seedi sonŋɔŋk, nɛkan wosɛyɛɛra Timotiyoos son lak iinakik kɛnɔ ɗegera ŋaadiyɛ goŋk. Kaɗiigiɗakan any sinɔ kaɗɛɛŋ paari kɔnu setan nɛkɔ ijaag naŋk dakɛ kanysɛya.
Waasiyɛ Timotiyoosuk Sigɔ Yaagarŋɔŋk
6Yakana sisɔ kuskɔ Timotiyoos saay son lak eteŋkik nɛkan tina kus tonu waasiyɛ sigɔ yaagarŋɔŋk agut ŋaadiyɛ goŋk a mɛyin noŋk. Nɛkɔ tina tonu kɛ koɓiirnɔ tin ɓɛɛnyɔwɛ gɛɛŋk baŋɛ a mentan, ɛ nɔ latukari ŋɔɗɔ sinɔ gun tin dɛnɛrɗɔɔŋɔŋk oko sinɛ lakiɗii kɔna ŋɔɗɔ sinɔ gunkɔnu dɛnɛɛɗiiŋɔŋk. 7Agut sini iinak manyaakak eeta, kɛygun aasi seek arkaayii san a rakatɛɛ takiŋ, gaananiikan ɛkan gaŋk iinakɛ ŋaadiyɛɛkɛ goŋk. 8Ege beeɗiit noŋk ɓaŋkaawurarɔɔn Suumii Yeeseek wɛɛŋan eteŋka. 9Ɛsii widerii pɔɔsiyɛɛ sisek agut iinak. Pɔɔsii Waakoyo jɛt agut yaaka sinɛ laŋii taamɛkɛ gɛɛnɛ agut iinakik. 10Ɗanɗamaakii kaay a waawuy a ɓaŋkawuŋ kɛnɔ koy kɔnu dɛnii taamɛkɛ gaŋk, ɛ kɛnɔ oolii nɔ enyɛɛrii any sinɛ bitak ŋaadiyɛɛkɛ goŋkuk. 11Ɛ ɓɔrɛ in tina kemu Ɛpɛna eteŋka a Waakoyo naŋk a Suumi naŋk Yeesee gopan naŋk nɔkoy mɛlɛrkiɗii son lak iinakik. 12In kɔna tuuke Suumii mɛyin sinɛ latukari ɛkanɛ goŋkuk a sinɛ latukari joopa ɔgɔɔkak ɛ kɔna ari a obulurŋ oko sinɛ kɔnu poriiɗiik. 13Nɛ ari a ɓaŋkaawurar ɓayɛtun goŋk kɛnɔ koy kat lakɛ any sinɔ kɔne keerɛɛ taamɛkɛ Ɛpɛnaak. Saakoy mɛlkiɗ Suumi naŋk Yeeseek a joop gɛɛŋk sigɔ geetitaanakik baŋɛk.
Currently Selected:
Omoŋ Tɛsɛlonkeek 3: KSTM
Highlight
Share
Copy
Want to have your highlights saved across all your devices? Sign up or sign in
Omoŋ Tɛsɛlonkeek 3
3
1Nɛ agut sini saa kiiɗii oolɛ a koorikii ɔɗɔka ɓaŋkawurɔɔn oolaanik, nɛkɔ dɛnii a tina mentan a dakii Ateenaake mowan. 2Nɛkan wosɛyɛɛrii kɔna manya eteŋka Timotiyoos sinɛ ijaagen Waakoyotoŋk a eteŋk agut omoŋɔŋk nɛ waasɛ Pɛɛni sinɔ Ɓɛlkɛɛstank. Nɛ kɔnu rɔɔriy nɔ ɛtɛɛr nɔ ɓaŋkaawurari ŋaadiyɛɛkɛ. 3Nɛkɔ kɔnu ar rakatɛ sini laŋirkɔɔk kɛnɔ kat lakɛ iɗit sinɔ ɓeesiɗiik. Ɗegerari kɛ ege rakatɛ sini any sinɛkan tina gaamɛɛk. 4Eekeerɛ saakan eteŋk a iinak agut omoŋɔŋk, rɔɔrɔkiikan kɔna kɛ laŋkiikoy rakatɛɛŋ. Nɛkɔ mɛlki rakatɛ nɛɛkɛŋ oko sinɛ ɗegerarɗɔɔk. 5Agut any sini kaaɓɔ oolɛ a koorika oolaan seedi sonŋɔŋk, nɛkan wosɛyɛɛra Timotiyoos son lak iinakik kɛnɔ ɗegera ŋaadiyɛ goŋk. Kaɗiigiɗakan any sinɔ kaɗɛɛŋ paari kɔnu setan nɛkɔ ijaag naŋk dakɛ kanysɛya.
Waasiyɛ Timotiyoosuk Sigɔ Yaagarŋɔŋk
6Yakana sisɔ kuskɔ Timotiyoos saay son lak eteŋkik nɛkan tina kus tonu waasiyɛ sigɔ yaagarŋɔŋk agut ŋaadiyɛ goŋk a mɛyin noŋk. Nɛkɔ tina tonu kɛ koɓiirnɔ tin ɓɛɛnyɔwɛ gɛɛŋk baŋɛ a mentan, ɛ nɔ latukari ŋɔɗɔ sinɔ gun tin dɛnɛrɗɔɔŋɔŋk oko sinɛ lakiɗii kɔna ŋɔɗɔ sinɔ gunkɔnu dɛnɛɛɗiiŋɔŋk. 7Agut sini iinak manyaakak eeta, kɛygun aasi seek arkaayii san a rakatɛɛ takiŋ, gaananiikan ɛkan gaŋk iinakɛ ŋaadiyɛɛkɛ goŋk. 8Ege beeɗiit noŋk ɓaŋkaawurarɔɔn Suumii Yeeseek wɛɛŋan eteŋka. 9Ɛsii widerii pɔɔsiyɛɛ sisek agut iinak. Pɔɔsii Waakoyo jɛt agut yaaka sinɛ laŋii taamɛkɛ gɛɛnɛ agut iinakik. 10Ɗanɗamaakii kaay a waawuy a ɓaŋkawuŋ kɛnɔ koy kɔnu dɛnii taamɛkɛ gaŋk, ɛ kɛnɔ oolii nɔ enyɛɛrii any sinɛ bitak ŋaadiyɛɛkɛ goŋkuk. 11Ɛ ɓɔrɛ in tina kemu Ɛpɛna eteŋka a Waakoyo naŋk a Suumi naŋk Yeesee gopan naŋk nɔkoy mɛlɛrkiɗii son lak iinakik. 12In kɔna tuuke Suumii mɛyin sinɛ latukari ɛkanɛ goŋkuk a sinɛ latukari joopa ɔgɔɔkak ɛ kɔna ari a obulurŋ oko sinɛ kɔnu poriiɗiik. 13Nɛ ari a ɓaŋkaawurar ɓayɛtun goŋk kɛnɔ koy kat lakɛ any sinɔ kɔne keerɛɛ taamɛkɛ Ɛpɛnaak. Saakoy mɛlkiɗ Suumi naŋk Yeeseek a joop gɛɛŋk sigɔ geetitaanakik baŋɛk.
Currently Selected:
:
Highlight
Share
Copy
Want to have your highlights saved across all your devices? Sign up or sign in