Omoŋ Korontoosuk 7
7
Rɔɔriyɔn Agut Waawan
1Jumura kɔɔniyɔɔna sinaana kanta taapɛrkɔɔk kɛ gun mentan ɔkɔn iɗit kir ɗuŋun a jartiŋ maŋk ɔkɔn ki boŋɗiitiŋ. 2Mayakana agut ɗiirin tikiyɛɛkɛ ruunyikeenoŋk in iɗit a omoŋ omoŋ lak jarti nɛɛk, maɓɔrɛ jartii a omoŋ omoŋ lak baabuy nɛɛk. 3Ɗɛyɛ baabuya a in ijaag jartiya nɛɛka any sinɛ ɗɛygeeɗ ɔɔtɛ waawanoŋkuk a kat ɓaarɗi sɛɛn, maɓɔrɛ ɗɛyɛ jartiya a in ijaag baabuya nɛɛkaak a kat ɓaarɗi sɛɛn. 4Kɛɛ jartii ɓaŋkawuka eek nɛɛkɛ raŋk, ma laki ɓaŋkawuka sɛɛne baabuy nɛɛk eek nɛɛkɛ raŋk. Maɓɔrɛ kɛɛ baabuy ɓaŋkawuka eek nɛɛkɛ raŋk, ma laki ɓaŋkawuka sɛɛne eek nɛɛkɛ raŋk jarti nɛɛk. 5Kat pakaatari ɛkan kɛnɔ ɓaar iɗit omaay iɗit om ɗɛyan waawanoŋk, ɔkɔn mokokɔ mɛyigiɗɔ a getukari pɛɛy ɔɔtɛya sinɔɔna balaaŋɔŋk kɛnɔ ɗanɗamaakari a ɓaŋkawuŋ. In ɓɛɛlɛɛ agut omoŋ kɛkar kɛnɔ mokɔɔ kɔnu paar setan nɔkɔɔ kiir oolɛ ikomiit ɛkan goŋkuk.
6Yakana tona kɔna sini oko koɓi naak, ma moko oko sekiyɛ. 7Ɔkɔn iɗit ɓɛɛlɛ oko eet a ki boŋiiɗ jartiŋ gun dɔɔs. Yakanaɓa gaɓɛ Waakoyot eta a omoŋ omoŋ tigiyak a pakakataaŋ, lak iɗit omaay tigi om maɓɔrɛ iɗit omaay lak tigi om.
8Yakana tona sini joopa sigaagaɓa kir boboŋiitik a jartiyatɔka sigaagaɓa rɛrar babuy gɛŋkik, ɔkɔn beeɗir oko eet a kir boboŋiitiŋ mentan. 9Mayakana ɔkɔn sɛɛg ooɗɛ ikomi ɛkan gɛŋkikiŋ in wawawar, agut sinɔ dɔɔs waawan a kaalɛ sinɔ moɗɛɗɛɛ ɛɛk ɗɛyaan taaroŋkuk.
10Gaɓa joopa sigaagakan boboŋiik sekiyɛ sigi, ege sigi sekiyɛ Suumiyoŋk ma moko gaaŋk, kat pakati ɛɛk jarti sinɛkan waawuŋɔŋk baabuy nɛɛkɛk, 11Ma ɔkɔn pakati ɛɛkiŋ, nɛ in beeɗ mowan a kat waawuɗ, maŋk in taakiɗi a baabuy nɛɛk. Maɓɔrɛ baabuy kat ɔɔyɛɛ jarti nɛɛk.
12Yakana tonɗiika sini eet joopa ɔgɔɔka a moko Suumi. Iɗit sinɔ dooytank ɔkɔn lak jarti sinɔ moko dooytankiŋ ɛ ɔkɔn ɗɛygeeɗ beeɗitiŋ, nɛ kat ɔɔyɛɗ. 13Ma jarti sinɔ dooytank ɔkɔn lak baabuy sinɔ moko dooytankiŋ ɛ ɗɛygeeɗ beeɗitiŋ, nɛ kat ŋɔr. 14Agut sinɔ boŋukoy Waakoyot baabuy sinɛ moko dooytank agut jarti nɛɛk sinɛ dooytankiŋ, makoy ɓɔrɛ boŋu Waakoyot jarti sinɛ moko dooytank agut baabuy nɛɛk sinɛ dooytankiŋ. Ma ɔkɔn moko oko sinkiŋ, nɛkoy kir tɔɔmɔk goŋk oolɛ a sɛɛg joop Waakoyotoŋkuŋ. Mayakana ɔkɔn beeɗiir ant sinɔɔnɛ ito sinikiŋ nɛkoy tɔɔmɔk goŋk sɛɛg joop Waakoyotoŋk. 15Ma ɔkɔn ɗɛyɛ pakatiita ɛɛk iɗit sinɛ moko dooytankiŋ, nɛ in pakati ɛɛk. Mayakana ɔɔtɛ sineene kɛɛ remɛɛɗ baabuy maŋk jarti sinɔ dooytank. Agut sinɔ riykan tin Waakoyot kɛnɔ beeɗii bɔdɛɛɗ. 16Iin jarti sinɛ dooytank, kaɗɛɛŋkoy arin baabuy nook sinɛ moko dooytank a bɔdɛŋ ma ɗegerin ɛk? Ma iin baabuy sinɛ dooytank, kaɗɛɛŋkoy arin jarti nook sinɛ moko dooytank a bɔdɛŋ ma ɗegerin ɛk?
In Beeɗɛɛ Oko Sinɛɓa Kɔnu Riyɗi Waakoyotuk
17In iɗit a omoŋ omoŋ beeɗ ɓɛɛl sinaanɛkan sɛɛn riyɗi Waakoyotuk. Ege sini higi sinɛkan gaɓa dooytaanaka godeyi Sambatɛyɛɛkoŋkuk. 18Kɛygun wooɗ ɔkɔnkan riyɛ makan yawɛɛ sɛɛniŋ baŋiya, nɛ kat koɓu a itokan sɛɛn kɛɛ yawɛɛɗ. Ma ɔkɔnkan riyɛ sɛɛn makan kɛɛ yawɛɛɗiŋ, nɛ sɛɛn kɛɛ remɛɛɗ kɛnɔ yawɛɛ. 19Kɛygun yawuɗikaayɛɛŋ kɛygun ki kaayɛ yawuɗiitiŋ kiiɗɛ ɔɔtɛ, any sinɛ kɔnyɗiik koorɛɛt sekiyɛ Waakoyotoŋk. 20In iɗit a omoŋ omoŋ beeɗ oko ɔɔtɛ sinɛɓa beeberɗi saaɓa sɛɛn riyɗi Waakoyotuk. 21Iinɓa laaŋoyen saaɓani riyɗi Waakoyotuku? Kɛygunɓa iin sɛɛniŋ kɛɛ any. Kat sanɗikin sinaana. Yakana ɔkɔn laŋin milki sinɔ ŋaarkiɗin yaakatakiŋ, nɛne kat ɗeyi milki sini. 22Agut sinɔ iɗit sinɔɓa riyɛɛ ma sɛɛn laaŋoyenk, nɛ ar yaakat Suumii. Maɓɔrɛ iɗit sinɔɓa riyɛɛ ma ari yaakatik, nɛ sɛɛn laaŋoyen Keresee. 23Kat dakɛɛr a laaŋoyeer etoŋk agut sinɔɓa kɔnu ɓaliiɗ Waakoyot gatiik. 24Nɛ agut sini iinak manyaakak eeta, iɗit a omoŋ omoŋ in beeɗ Waakoyote oko ɔɔtɛ sinɛɓa ɓɛɓɛlɗi saaɓa sɛɛn riyɗɛɛkik.
Joop Sigɛɓa Kir Boboŋiitik A Jartiyatɔk Sigɛɓa Rɛrar Babuy Gɛŋkik
25Kɛɛte sekiyɛ Suumiyoŋk agut joop sigɔɓa kir boboŋiitik a peetak sigɛ inɓa kir wawawuk, mayakana ege sini koɓi sinɛ laka oko eetik sinɛ kanta orkɛɛk sinɛti ŋaadigiɗɛɛ maariyeet Waakoyotoŋkuk.
26Agut sinɔ ɔɔtɛ sinɛ arkiɗii sisɔk rakatɛyoŋk, mentan ɔkɔn beeɗɛɛ mowan a kɛɛ boboŋiitiŋ. 27Ɔkɔnkan boŋɗiikin, nɛ kat ɗɛyin ŋɔŋɔɗ. Ma ɔkɔnkan kin boŋɗiitiŋ, nɛ kat ɗɛyin boŋii. 28Mayakana moko sinɔɔnɛ kɛ boŋunkɔɔ jarti nɛna dakɛ a tikiyɛɛk, maɓɔrɛ moko sinɔɔnɛ waawiɗ peet nɛkɔɔ dakgeeɗ a tikiyɛɛk. Mayakana joop sigɛɓa boboŋiik baŋɛ laŋir rakatɛ beeɗitoŋk a obiiŋ ɗook sineene raŋk. Ɗɛya saak kɛnɔ bɔdɛɛr rakatɛɛ sineene.
29Iinak manyaakak eeta, in kɔna tona. Wɔɔŋku ɔɔtɛ nɛɛkɛŋ. Inɓɔ beeɗ seedi son iɗit sinɛ lak jartik a ito kiiɗɛ jarti. 30In beeɗ iɗit sinɛ sanɗiik a ito ki sanɗit, ma in beeɗ iɗit sinɛ yaageeɗik a ito kiigeeɗ yaaka. In ikomu iɗit sinɛ ɓali anyk a ito moko nɛɛk. 31Iɗit sinɛ kɔnyɛ ɛɛk worii ɗookoŋkuk, in beeɗ a ito kiiɗ kɔnyɛɛɗ ɛɛk baŋɛ, agut sinɔ ege ɔɔtɛ ɗoo sini sisɔk sinɔkoy ɗeyiŋɔŋk.
32Nɛ agut sini ɗɛya kɛnɔ beeɗiir a kɛɛ koɓi sinɔ ɓakɛyɗiiɗɔɔk. Iɗit sinɛkan ki boŋɗiitik agut sinɔ ɗɛyɛɛɗ any sinɔ ariiɗ Suumi Yeesee a yaageeɗŋɔŋk, nɛ koɓi nɛɛkɛk ar sinɔɔnɛ mermen ijaag Suumi Yeeseek. 33Mayakana iɗit sinɛɓa boŋɗiik koɓigeeɗ any ɗoo sinik a any sinɔ ariiɗ jarti nɛɛk a yaageeɗŋɔŋk. 34Kaasɛɓa ɛɛk koɓi nɛɛkɛ a pɛɛy ant sinɔɔnɛ ito sinik. Maɓɔrɛ peet maŋk jarti sinɔɓa ki waawank nɛ koɓi nɛɛkɛ mermen ijaag Suumi Yeeseek agut sinɔ ɗɛyɛɛɗ a sɛɛn geetitan taare nɛɛkɛ a wɛɛŋakɛ gɛɛnɛk a sɛɛn Waakoyotoŋkuk. Mayakana jarti sinɔɓa waawuŋɔŋk koɓu any ɗoo raŋan nɛɛkik agut sinɔ ɗɛyɛɛɗ a ari baabuy nɛɛk a yaageeɗŋɔŋk.
35Tona kɔna sini kɛnɔ kɔnu kɔnyɛɗ ma moko kɛnɔ guugunyari goomoya kɛnɔ rakatɛɛriɗ. Ɗɛya kɛnɔ beeɗiir kɛ ɗɔm a gaɓɛɛr ɓayɛ noŋk baŋɛ ijaaga Suumiyoŋk.
36Ɔkɔn lakɛ iɗit sinɔkɔ ki ruumeet kɛ boŋɗiiŋɔŋk, makɔ mɛyi nɛɛkɛ gayɛ waawana, ɛ ki oolɛ ikomiit ɗɛyan taar nɛɛkkiŋ, nɛ ɔkɔn koɓu kɛ boŋuŋ in boŋuɗ. Moko ege sigi tikiyɛ. 37Mayakana ɔkɔnkɔ ruume kɛ ki boŋɗiitiŋ, ɛ kɛɛ any sinɔ remɛ sɛɛn kɛnɔ boŋɗiikiŋ, ɛ oolɛ ikomiit ɗɛyan taar nɛɛkiŋ, nɛ mentan sinɛ kiiɗ boŋɗiitikiŋ. 38Nɛ agut sini iɗit sinɛ boŋu jartik ari any sinɔ mentanŋɔŋk, yakana iɗit sinɛ ki boŋɗiitik ari a kaalɛŋ.
39Jarti sɛɛn korkortan ɔɔtɛya saakoy rɛrɗi baabuy nɛɛkɛkik. Mayakana ɔkɔnkɔ rɛr baabuy nɛɛkɛŋ, nɛɓɔ waawu eta sinaana ɗɛyɛkiŋ sinɔɔna dooytank. 40Mayakana ege sini koɓi naak. Ɔkɔn beeɗ mowan a ki waawan, nɛ yaageeɗ a kaalɛŋ. Maɓɔrɛta gayi a laka Wɛɛŋa Waakoyotoŋk.
Currently Selected:
Omoŋ Korontoosuk 7: KSTM
Highlight
Share
Copy
Want to have your highlights saved across all your devices? Sign up or sign in
Omoŋ Korontoosuk 7
7
Rɔɔriyɔn Agut Waawan
1Jumura kɔɔniyɔɔna sinaana kanta taapɛrkɔɔk kɛ gun mentan ɔkɔn iɗit kir ɗuŋun a jartiŋ maŋk ɔkɔn ki boŋɗiitiŋ. 2Mayakana agut ɗiirin tikiyɛɛkɛ ruunyikeenoŋk in iɗit a omoŋ omoŋ lak jarti nɛɛk, maɓɔrɛ jartii a omoŋ omoŋ lak baabuy nɛɛk. 3Ɗɛyɛ baabuya a in ijaag jartiya nɛɛka any sinɛ ɗɛygeeɗ ɔɔtɛ waawanoŋkuk a kat ɓaarɗi sɛɛn, maɓɔrɛ ɗɛyɛ jartiya a in ijaag baabuya nɛɛkaak a kat ɓaarɗi sɛɛn. 4Kɛɛ jartii ɓaŋkawuka eek nɛɛkɛ raŋk, ma laki ɓaŋkawuka sɛɛne baabuy nɛɛk eek nɛɛkɛ raŋk. Maɓɔrɛ kɛɛ baabuy ɓaŋkawuka eek nɛɛkɛ raŋk, ma laki ɓaŋkawuka sɛɛne eek nɛɛkɛ raŋk jarti nɛɛk. 5Kat pakaatari ɛkan kɛnɔ ɓaar iɗit omaay iɗit om ɗɛyan waawanoŋk, ɔkɔn mokokɔ mɛyigiɗɔ a getukari pɛɛy ɔɔtɛya sinɔɔna balaaŋɔŋk kɛnɔ ɗanɗamaakari a ɓaŋkawuŋ. In ɓɛɛlɛɛ agut omoŋ kɛkar kɛnɔ mokɔɔ kɔnu paar setan nɔkɔɔ kiir oolɛ ikomiit ɛkan goŋkuk.
6Yakana tona kɔna sini oko koɓi naak, ma moko oko sekiyɛ. 7Ɔkɔn iɗit ɓɛɛlɛ oko eet a ki boŋiiɗ jartiŋ gun dɔɔs. Yakanaɓa gaɓɛ Waakoyot eta a omoŋ omoŋ tigiyak a pakakataaŋ, lak iɗit omaay tigi om maɓɔrɛ iɗit omaay lak tigi om.
8Yakana tona sini joopa sigaagaɓa kir boboŋiitik a jartiyatɔka sigaagaɓa rɛrar babuy gɛŋkik, ɔkɔn beeɗir oko eet a kir boboŋiitiŋ mentan. 9Mayakana ɔkɔn sɛɛg ooɗɛ ikomi ɛkan gɛŋkikiŋ in wawawar, agut sinɔ dɔɔs waawan a kaalɛ sinɔ moɗɛɗɛɛ ɛɛk ɗɛyaan taaroŋkuk.
10Gaɓa joopa sigaagakan boboŋiik sekiyɛ sigi, ege sigi sekiyɛ Suumiyoŋk ma moko gaaŋk, kat pakati ɛɛk jarti sinɛkan waawuŋɔŋk baabuy nɛɛkɛk, 11Ma ɔkɔn pakati ɛɛkiŋ, nɛ in beeɗ mowan a kat waawuɗ, maŋk in taakiɗi a baabuy nɛɛk. Maɓɔrɛ baabuy kat ɔɔyɛɛ jarti nɛɛk.
12Yakana tonɗiika sini eet joopa ɔgɔɔka a moko Suumi. Iɗit sinɔ dooytank ɔkɔn lak jarti sinɔ moko dooytankiŋ ɛ ɔkɔn ɗɛygeeɗ beeɗitiŋ, nɛ kat ɔɔyɛɗ. 13Ma jarti sinɔ dooytank ɔkɔn lak baabuy sinɔ moko dooytankiŋ ɛ ɗɛygeeɗ beeɗitiŋ, nɛ kat ŋɔr. 14Agut sinɔ boŋukoy Waakoyot baabuy sinɛ moko dooytank agut jarti nɛɛk sinɛ dooytankiŋ, makoy ɓɔrɛ boŋu Waakoyot jarti sinɛ moko dooytank agut baabuy nɛɛk sinɛ dooytankiŋ. Ma ɔkɔn moko oko sinkiŋ, nɛkoy kir tɔɔmɔk goŋk oolɛ a sɛɛg joop Waakoyotoŋkuŋ. Mayakana ɔkɔn beeɗiir ant sinɔɔnɛ ito sinikiŋ nɛkoy tɔɔmɔk goŋk sɛɛg joop Waakoyotoŋk. 15Ma ɔkɔn ɗɛyɛ pakatiita ɛɛk iɗit sinɛ moko dooytankiŋ, nɛ in pakati ɛɛk. Mayakana ɔɔtɛ sineene kɛɛ remɛɛɗ baabuy maŋk jarti sinɔ dooytank. Agut sinɔ riykan tin Waakoyot kɛnɔ beeɗii bɔdɛɛɗ. 16Iin jarti sinɛ dooytank, kaɗɛɛŋkoy arin baabuy nook sinɛ moko dooytank a bɔdɛŋ ma ɗegerin ɛk? Ma iin baabuy sinɛ dooytank, kaɗɛɛŋkoy arin jarti nook sinɛ moko dooytank a bɔdɛŋ ma ɗegerin ɛk?
In Beeɗɛɛ Oko Sinɛɓa Kɔnu Riyɗi Waakoyotuk
17In iɗit a omoŋ omoŋ beeɗ ɓɛɛl sinaanɛkan sɛɛn riyɗi Waakoyotuk. Ege sini higi sinɛkan gaɓa dooytaanaka godeyi Sambatɛyɛɛkoŋkuk. 18Kɛygun wooɗ ɔkɔnkan riyɛ makan yawɛɛ sɛɛniŋ baŋiya, nɛ kat koɓu a itokan sɛɛn kɛɛ yawɛɛɗ. Ma ɔkɔnkan riyɛ sɛɛn makan kɛɛ yawɛɛɗiŋ, nɛ sɛɛn kɛɛ remɛɛɗ kɛnɔ yawɛɛ. 19Kɛygun yawuɗikaayɛɛŋ kɛygun ki kaayɛ yawuɗiitiŋ kiiɗɛ ɔɔtɛ, any sinɛ kɔnyɗiik koorɛɛt sekiyɛ Waakoyotoŋk. 20In iɗit a omoŋ omoŋ beeɗ oko ɔɔtɛ sinɛɓa beeberɗi saaɓa sɛɛn riyɗi Waakoyotuk. 21Iinɓa laaŋoyen saaɓani riyɗi Waakoyotuku? Kɛygunɓa iin sɛɛniŋ kɛɛ any. Kat sanɗikin sinaana. Yakana ɔkɔn laŋin milki sinɔ ŋaarkiɗin yaakatakiŋ, nɛne kat ɗeyi milki sini. 22Agut sinɔ iɗit sinɔɓa riyɛɛ ma sɛɛn laaŋoyenk, nɛ ar yaakat Suumii. Maɓɔrɛ iɗit sinɔɓa riyɛɛ ma ari yaakatik, nɛ sɛɛn laaŋoyen Keresee. 23Kat dakɛɛr a laaŋoyeer etoŋk agut sinɔɓa kɔnu ɓaliiɗ Waakoyot gatiik. 24Nɛ agut sini iinak manyaakak eeta, iɗit a omoŋ omoŋ in beeɗ Waakoyote oko ɔɔtɛ sinɛɓa ɓɛɓɛlɗi saaɓa sɛɛn riyɗɛɛkik.
Joop Sigɛɓa Kir Boboŋiitik A Jartiyatɔk Sigɛɓa Rɛrar Babuy Gɛŋkik
25Kɛɛte sekiyɛ Suumiyoŋk agut joop sigɔɓa kir boboŋiitik a peetak sigɛ inɓa kir wawawuk, mayakana ege sini koɓi sinɛ laka oko eetik sinɛ kanta orkɛɛk sinɛti ŋaadigiɗɛɛ maariyeet Waakoyotoŋkuk.
26Agut sinɔ ɔɔtɛ sinɛ arkiɗii sisɔk rakatɛyoŋk, mentan ɔkɔn beeɗɛɛ mowan a kɛɛ boboŋiitiŋ. 27Ɔkɔnkan boŋɗiikin, nɛ kat ɗɛyin ŋɔŋɔɗ. Ma ɔkɔnkan kin boŋɗiitiŋ, nɛ kat ɗɛyin boŋii. 28Mayakana moko sinɔɔnɛ kɛ boŋunkɔɔ jarti nɛna dakɛ a tikiyɛɛk, maɓɔrɛ moko sinɔɔnɛ waawiɗ peet nɛkɔɔ dakgeeɗ a tikiyɛɛk. Mayakana joop sigɛɓa boboŋiik baŋɛ laŋir rakatɛ beeɗitoŋk a obiiŋ ɗook sineene raŋk. Ɗɛya saak kɛnɔ bɔdɛɛr rakatɛɛ sineene.
29Iinak manyaakak eeta, in kɔna tona. Wɔɔŋku ɔɔtɛ nɛɛkɛŋ. Inɓɔ beeɗ seedi son iɗit sinɛ lak jartik a ito kiiɗɛ jarti. 30In beeɗ iɗit sinɛ sanɗiik a ito ki sanɗit, ma in beeɗ iɗit sinɛ yaageeɗik a ito kiigeeɗ yaaka. In ikomu iɗit sinɛ ɓali anyk a ito moko nɛɛk. 31Iɗit sinɛ kɔnyɛ ɛɛk worii ɗookoŋkuk, in beeɗ a ito kiiɗ kɔnyɛɛɗ ɛɛk baŋɛ, agut sinɔ ege ɔɔtɛ ɗoo sini sisɔk sinɔkoy ɗeyiŋɔŋk.
32Nɛ agut sini ɗɛya kɛnɔ beeɗiir a kɛɛ koɓi sinɔ ɓakɛyɗiiɗɔɔk. Iɗit sinɛkan ki boŋɗiitik agut sinɔ ɗɛyɛɛɗ any sinɔ ariiɗ Suumi Yeesee a yaageeɗŋɔŋk, nɛ koɓi nɛɛkɛk ar sinɔɔnɛ mermen ijaag Suumi Yeeseek. 33Mayakana iɗit sinɛɓa boŋɗiik koɓigeeɗ any ɗoo sinik a any sinɔ ariiɗ jarti nɛɛk a yaageeɗŋɔŋk. 34Kaasɛɓa ɛɛk koɓi nɛɛkɛ a pɛɛy ant sinɔɔnɛ ito sinik. Maɓɔrɛ peet maŋk jarti sinɔɓa ki waawank nɛ koɓi nɛɛkɛ mermen ijaag Suumi Yeeseek agut sinɔ ɗɛyɛɛɗ a sɛɛn geetitan taare nɛɛkɛ a wɛɛŋakɛ gɛɛnɛk a sɛɛn Waakoyotoŋkuk. Mayakana jarti sinɔɓa waawuŋɔŋk koɓu any ɗoo raŋan nɛɛkik agut sinɔ ɗɛyɛɛɗ a ari baabuy nɛɛk a yaageeɗŋɔŋk.
35Tona kɔna sini kɛnɔ kɔnu kɔnyɛɗ ma moko kɛnɔ guugunyari goomoya kɛnɔ rakatɛɛriɗ. Ɗɛya kɛnɔ beeɗiir kɛ ɗɔm a gaɓɛɛr ɓayɛ noŋk baŋɛ ijaaga Suumiyoŋk.
36Ɔkɔn lakɛ iɗit sinɔkɔ ki ruumeet kɛ boŋɗiiŋɔŋk, makɔ mɛyi nɛɛkɛ gayɛ waawana, ɛ ki oolɛ ikomiit ɗɛyan taar nɛɛkkiŋ, nɛ ɔkɔn koɓu kɛ boŋuŋ in boŋuɗ. Moko ege sigi tikiyɛ. 37Mayakana ɔkɔnkɔ ruume kɛ ki boŋɗiitiŋ, ɛ kɛɛ any sinɔ remɛ sɛɛn kɛnɔ boŋɗiikiŋ, ɛ oolɛ ikomiit ɗɛyan taar nɛɛkiŋ, nɛ mentan sinɛ kiiɗ boŋɗiitikiŋ. 38Nɛ agut sini iɗit sinɛ boŋu jartik ari any sinɔ mentanŋɔŋk, yakana iɗit sinɛ ki boŋɗiitik ari a kaalɛŋ.
39Jarti sɛɛn korkortan ɔɔtɛya saakoy rɛrɗi baabuy nɛɛkɛkik. Mayakana ɔkɔnkɔ rɛr baabuy nɛɛkɛŋ, nɛɓɔ waawu eta sinaana ɗɛyɛkiŋ sinɔɔna dooytank. 40Mayakana ege sini koɓi naak. Ɔkɔn beeɗ mowan a ki waawan, nɛ yaageeɗ a kaalɛŋ. Maɓɔrɛta gayi a laka Wɛɛŋa Waakoyotoŋk.
Currently Selected:
:
Highlight
Share
Copy
Want to have your highlights saved across all your devices? Sign up or sign in