Omoŋ Korontoosuk 12
12
Tigiyak Wɛɛŋa Sigɔ Geetitaanakik
1Iinak manyaakak eeta sigɛ dooytaanakik, ɗɛya sisɔ kɛnɔ ɗegerari eekeer tigi Wɛɛŋa sigɔ Geetitaanakik. 2Ɗegerari kɛ saaɓa iinak joop sigɔ kir ugumeet Waakoyotak, nɛɓa didilɛɛ kɔnu ant sinɔɔnɛ kiir ɗegerɔɔnuk son lak raŋaawotak sigɔ kir oolɛ tonik. 3Agut sini tona kɔna kɛnɔ ɗegerari kɛ kɛɛ iɗit sinɔ ikekeɓigeeɗ Wɛɛŋa sigɔ Geetitaanakik kɛ, "Ege Yeese koonykank," ɛ kɛɛ iɗit sinɔ tonu kɛ, "Ege Yeese Suumik," ikekeɓ Wɛɛŋa sigɔ Geetitaanakik sɔgɔɔsɔyk.
4Lakɛ tigiyak Wɛɛŋa sigɔ Geetitaanakik a ɓɛɛlɛr kundiyaakɛ, mayakana ege Wɛɛŋa sigɔ Geetitaanakik omoŋ. 5Lakɛ ijaagak a ɓɛɛlɛr kundiyaakɛ, mayakana ege Suumii omoŋ. 6Lakɛ komoyɛ ijaagakoŋk a ɓɛɛlɛr kundiyaakɛ, mayakana Waakoyo omoŋ sinɛ gaɓɛ oolanak joopa baŋɛ ijaagaka gɛŋkik. 7Ege tigi yaaŋɛtoŋk sinɛ gaɓɛr Wɛɛŋa sigɔ Geetitaanak tɔkɔny joopa a omoŋ omoŋ. 8Gaɓɛr Wɛɛŋa sigɔ Geetitaanakik sigɛ omaanakŋɔŋk eta omalta toni pɛɛni ɗegerɔn sinɔ dugaaŋɔŋk, ma eta omalta toni pɛɛni ɗegerɔn ɛɛkoŋk, 9ma eta omalta gaɓɛ ŋaadiyɛ sigɔ kaalɛrŋɔŋk, ma eta omalta tigi ebɔdɛɛtoŋk, 10ma gaɓɛr eta omalta ɓaŋkawuka sinɔ ijaagiɗ sɔɔriyɛɛk, ma eta omalta toni pɛɛni pɛrkaakoŋk, ma eta omalta oolan sinɔ pakatiiɗ Wɛɛŋa sigɔ Geetitaanakik a sigɔ somkaanakik, ma eta omalta toni atutunɛɛkɛ sigɔɔgɛ tɔɔmɔkuk, maɓɔrɛ eta omalta oolan sinɔ doomɛɗɛɛ sinɔ tonɛɛ atutunɛɛkɛ sigɔɔgɛ tɔɔmɔkuk. 11Ege sigi Wɛɛŋa omaanakiŋ dakɛɗa sigɛ gaɓɛr joopa baŋɛ tigiyak sigɔ ɓɛɛlɛr kundiyaakɛk oko sinɛ ɗɛyɛrɗik.
Ɛɛk Omoŋ A Nyonitaak Gɛɛŋk
12Lak eek nyonitaak a ɓɔɔkaaŋ, mayakana kɛygun ɓɔɔkaakɛɛ nyonitaak gɛɛnɛŋ, ma laŋɛɛ sɛɛg eek sinɔɔnɛ omoŋɔŋk. Nɛɓɔrɛ Kerese ito ɛɛk omoŋ sinɔ lak nyonitaak a ɓɔɔkaaŋɔŋk. 13Kɛygun eteŋk joop Ayuuduk, Kɛygun eteŋk joop Giriikik, kɛygun eteŋk laaŋoyeer, kɛygun eteŋk joop sigɔ arkii yaakatik aadɛɛɓa tin Wɛɛŋakɛ sigɔɔgɛ Geetitaanakik kɛnɔ dakii a eteŋk ɛɛk omoŋ, ɛɓa utii eteŋk baŋɛ wɛɛŋa sigɔ omaanakŋɔŋk.
14Ijaagɛɛɓa ɛɛk nyonitaakɛ ɛɛkoŋk sigɔɔgɛ ɓɔɔkaaŋɔŋk, ma mokoɓa eek sinɔɔnɛ omoŋɔŋk dakɛɗa. Moko ege nyon ɛɛkoŋk ɛɛk baŋɛ. 15Ɔkɔn tonu derant kɛ, "Agut sinɔ moko eet ariik, nɛ moko eet kaastan ɛɛkoŋk," anɛ dakɛ a moko sɛɛn kaastan ɛɛkoŋk? 16Maɓɔrɛ ɔkɔn tonu weent kɛ, "Agut sinɔ moko eet taamak, nɛ moko eet kaastan ɛɛkoŋk," anɛ dakɛ a moko sɛɛn kaastan ɛɛkoŋk? 17A ɔkɔnɓa ege ɛɛk baŋɛ taamaŋ, nɛgun tiiɗikɛɛ jikoy? A ɔkɔnɓa ege ɛɛk baŋɛ weenaŋ, nɛgun eeŋaɗaakɛ jikoy? 18Yakanakɔ sisɔ ijaag Waakoyot oko sinɛ ɗɛyɛɛɗik kɛnɔ in nyonitaak ɛɛkoŋk a omoŋ omoŋ gaamur nyon nɛŋk sinɔ dɔɔsuk. 19Ɔkɔnɓa ege ɛɛk nyon ɛɛkoŋk omoŋ, nɛ gunɓa laŋɛɛ ɛɛk baŋɛ eet? 20Yakana sisɔ lakɛ nyonitaak ɛɛkoŋk a ɓɔɔkaaŋ, mayakana ege ɛɛk omoŋ dakɛɗa.
21Ki oolɛ a tonu taamt ariita kɛ, "Kita iin ɗɛyɛɛŋ," maɓɔrɛ ki oolɛ a tonu ɔɗɔ deranta kɛ, "Kita iin ɗɛyɛɛŋ." 22Ɗɛyɛ aasi a kaalɛŋ nyonitaak ɛɛkoŋk sigɛ dɛnɛɛ sɛɛg a gayi a bɔɔlaaŋɔŋk. 23Gaɓii eemɛyɔn a kaalɛŋ nyonitaaka ɛɛkoŋk sigaaga dɛnɛɛ sɛɛg a latu eemɛyɔn sinɔ tɛmŋɔŋk, ɛ gaɓii eemɛyɔn a kaalɛŋ a koorii sɛɛge ɛɛk nyonitaakɛ ɛɛkoŋk sigaagɛ dɛnɛɛ sɛɛg a lagiɗɛɛ keenyk, 24yakana ki ɗɛyɛ sini baŋɛ nyonitaaka ɛɛkoŋk sigaaga latu eemɛyɔnk. Agut sini tootokɓa Waakoyot nyonitaak ɛɛkoŋk sigɛ dɛnɛɛ sɛɛg a ito bɔɔlaaŋɔŋk nɛ gaɓɛ sɛɛga eemɛyɔn a kaalɛŋ. 25Ijaagɓa sini kɛnɔ kat lakɛ ɗaakan nyonitaakɛ ɛɛkoŋk kɔɔr, a ijaagɗi a kokoɓar ɛkan gɛŋk. 26Ɔkɔn rakatɛ nyon ɛɛkoŋk sinɔ omoŋɔŋk, nɛɓɔrɛ rakatɛr nyonitaak ɛɛkoŋk ɔgɔɔk baŋɛ a sɛɛn agut omoŋ. Ɔkɔn eemɛyɛɛ nyon ɛɛkoŋk sinɔ omoŋɔŋkuŋ, nɛɓɔrɛ eemɛyɛɛ nyonitaak ɛɛkoŋk ɔgɔ a sɛɛn agut omoŋ.
27Iinak ɓɔrɔ ɛɛk Kereseek, iinak a omoŋ omoŋ iinak nyonitaak ɛɛk nɛɛkik. 28Daamɓa Waakoyot godeey Sambatɛyoŋk joop a omoŋ omoŋ, tuki nɛɛkɛ wosɛytaanak, pɛɛyeene nɛɛkɛ joop pɛrkaakoŋk, jiiteene nɛɛkɛ rɔɔriytaanak, a joop sigɔ ijaagir sɔɔriyɛɛk, a sigɔ latu tigi ebɔdɛɛtoŋk, a joop sigɔ latu tigi sinɔ kɔnyɛɗɛɛ joopuk, a joop sigɔ latu oolan lowiiɗoŋk, pediya nɛɛka joop sigɔ latu oolan sinɔ tonɗiiɗɛɛ ad sinɔɔnɛ tɔɔnuk. 29Sɛɛg wosɛytaanak baŋɛ? Ɛ sɛɛg joop pɛrkaakoŋk baŋɛ? Ɛ sɛɛg rɔɔriytaanak baŋɛ? Ɛ sɛɛg joop sigɔ ijaagir sɔɔriyɛɛk baŋɛ? 30Ɛ latu tigi ebɔdɛtoŋk sɛɛg baŋɛ? Ɛ latu oolan sinɔ tonɗiiɗɛɛ ad sinɔɔnɛ tɔɔnuk sɛɛg baŋɛ? Ɛ latu oolan sinɔ doomɛɗɛɛ sinɛkɔ tonɛɛ ad sinɔɔnɛ tɔɔnuk sɛɛg baŋɛ? 31Mayakana in ɗɛyɛɛ a kaalɛŋ tigiyatɔk sigɛ kaalɗi baŋɛk.
Yaŋakɔɔ kɔna sisɔ gopan sinɛ kaalɗi olaatɛ baŋɛkiŋ.
Currently Selected:
Omoŋ Korontoosuk 12: KSTM
Highlight
Share
Copy
Want to have your highlights saved across all your devices? Sign up or sign in
Omoŋ Korontoosuk 12
12
Tigiyak Wɛɛŋa Sigɔ Geetitaanakik
1Iinak manyaakak eeta sigɛ dooytaanakik, ɗɛya sisɔ kɛnɔ ɗegerari eekeer tigi Wɛɛŋa sigɔ Geetitaanakik. 2Ɗegerari kɛ saaɓa iinak joop sigɔ kir ugumeet Waakoyotak, nɛɓa didilɛɛ kɔnu ant sinɔɔnɛ kiir ɗegerɔɔnuk son lak raŋaawotak sigɔ kir oolɛ tonik. 3Agut sini tona kɔna kɛnɔ ɗegerari kɛ kɛɛ iɗit sinɔ ikekeɓigeeɗ Wɛɛŋa sigɔ Geetitaanakik kɛ, "Ege Yeese koonykank," ɛ kɛɛ iɗit sinɔ tonu kɛ, "Ege Yeese Suumik," ikekeɓ Wɛɛŋa sigɔ Geetitaanakik sɔgɔɔsɔyk.
4Lakɛ tigiyak Wɛɛŋa sigɔ Geetitaanakik a ɓɛɛlɛr kundiyaakɛ, mayakana ege Wɛɛŋa sigɔ Geetitaanakik omoŋ. 5Lakɛ ijaagak a ɓɛɛlɛr kundiyaakɛ, mayakana ege Suumii omoŋ. 6Lakɛ komoyɛ ijaagakoŋk a ɓɛɛlɛr kundiyaakɛ, mayakana Waakoyo omoŋ sinɛ gaɓɛ oolanak joopa baŋɛ ijaagaka gɛŋkik. 7Ege tigi yaaŋɛtoŋk sinɛ gaɓɛr Wɛɛŋa sigɔ Geetitaanak tɔkɔny joopa a omoŋ omoŋ. 8Gaɓɛr Wɛɛŋa sigɔ Geetitaanakik sigɛ omaanakŋɔŋk eta omalta toni pɛɛni ɗegerɔn sinɔ dugaaŋɔŋk, ma eta omalta toni pɛɛni ɗegerɔn ɛɛkoŋk, 9ma eta omalta gaɓɛ ŋaadiyɛ sigɔ kaalɛrŋɔŋk, ma eta omalta tigi ebɔdɛɛtoŋk, 10ma gaɓɛr eta omalta ɓaŋkawuka sinɔ ijaagiɗ sɔɔriyɛɛk, ma eta omalta toni pɛɛni pɛrkaakoŋk, ma eta omalta oolan sinɔ pakatiiɗ Wɛɛŋa sigɔ Geetitaanakik a sigɔ somkaanakik, ma eta omalta toni atutunɛɛkɛ sigɔɔgɛ tɔɔmɔkuk, maɓɔrɛ eta omalta oolan sinɔ doomɛɗɛɛ sinɔ tonɛɛ atutunɛɛkɛ sigɔɔgɛ tɔɔmɔkuk. 11Ege sigi Wɛɛŋa omaanakiŋ dakɛɗa sigɛ gaɓɛr joopa baŋɛ tigiyak sigɔ ɓɛɛlɛr kundiyaakɛk oko sinɛ ɗɛyɛrɗik.
Ɛɛk Omoŋ A Nyonitaak Gɛɛŋk
12Lak eek nyonitaak a ɓɔɔkaaŋ, mayakana kɛygun ɓɔɔkaakɛɛ nyonitaak gɛɛnɛŋ, ma laŋɛɛ sɛɛg eek sinɔɔnɛ omoŋɔŋk. Nɛɓɔrɛ Kerese ito ɛɛk omoŋ sinɔ lak nyonitaak a ɓɔɔkaaŋɔŋk. 13Kɛygun eteŋk joop Ayuuduk, Kɛygun eteŋk joop Giriikik, kɛygun eteŋk laaŋoyeer, kɛygun eteŋk joop sigɔ arkii yaakatik aadɛɛɓa tin Wɛɛŋakɛ sigɔɔgɛ Geetitaanakik kɛnɔ dakii a eteŋk ɛɛk omoŋ, ɛɓa utii eteŋk baŋɛ wɛɛŋa sigɔ omaanakŋɔŋk.
14Ijaagɛɛɓa ɛɛk nyonitaakɛ ɛɛkoŋk sigɔɔgɛ ɓɔɔkaaŋɔŋk, ma mokoɓa eek sinɔɔnɛ omoŋɔŋk dakɛɗa. Moko ege nyon ɛɛkoŋk ɛɛk baŋɛ. 15Ɔkɔn tonu derant kɛ, "Agut sinɔ moko eet ariik, nɛ moko eet kaastan ɛɛkoŋk," anɛ dakɛ a moko sɛɛn kaastan ɛɛkoŋk? 16Maɓɔrɛ ɔkɔn tonu weent kɛ, "Agut sinɔ moko eet taamak, nɛ moko eet kaastan ɛɛkoŋk," anɛ dakɛ a moko sɛɛn kaastan ɛɛkoŋk? 17A ɔkɔnɓa ege ɛɛk baŋɛ taamaŋ, nɛgun tiiɗikɛɛ jikoy? A ɔkɔnɓa ege ɛɛk baŋɛ weenaŋ, nɛgun eeŋaɗaakɛ jikoy? 18Yakanakɔ sisɔ ijaag Waakoyot oko sinɛ ɗɛyɛɛɗik kɛnɔ in nyonitaak ɛɛkoŋk a omoŋ omoŋ gaamur nyon nɛŋk sinɔ dɔɔsuk. 19Ɔkɔnɓa ege ɛɛk nyon ɛɛkoŋk omoŋ, nɛ gunɓa laŋɛɛ ɛɛk baŋɛ eet? 20Yakana sisɔ lakɛ nyonitaak ɛɛkoŋk a ɓɔɔkaaŋ, mayakana ege ɛɛk omoŋ dakɛɗa.
21Ki oolɛ a tonu taamt ariita kɛ, "Kita iin ɗɛyɛɛŋ," maɓɔrɛ ki oolɛ a tonu ɔɗɔ deranta kɛ, "Kita iin ɗɛyɛɛŋ." 22Ɗɛyɛ aasi a kaalɛŋ nyonitaak ɛɛkoŋk sigɛ dɛnɛɛ sɛɛg a gayi a bɔɔlaaŋɔŋk. 23Gaɓii eemɛyɔn a kaalɛŋ nyonitaaka ɛɛkoŋk sigaaga dɛnɛɛ sɛɛg a latu eemɛyɔn sinɔ tɛmŋɔŋk, ɛ gaɓii eemɛyɔn a kaalɛŋ a koorii sɛɛge ɛɛk nyonitaakɛ ɛɛkoŋk sigaagɛ dɛnɛɛ sɛɛg a lagiɗɛɛ keenyk, 24yakana ki ɗɛyɛ sini baŋɛ nyonitaaka ɛɛkoŋk sigaaga latu eemɛyɔnk. Agut sini tootokɓa Waakoyot nyonitaak ɛɛkoŋk sigɛ dɛnɛɛ sɛɛg a ito bɔɔlaaŋɔŋk nɛ gaɓɛ sɛɛga eemɛyɔn a kaalɛŋ. 25Ijaagɓa sini kɛnɔ kat lakɛ ɗaakan nyonitaakɛ ɛɛkoŋk kɔɔr, a ijaagɗi a kokoɓar ɛkan gɛŋk. 26Ɔkɔn rakatɛ nyon ɛɛkoŋk sinɔ omoŋɔŋk, nɛɓɔrɛ rakatɛr nyonitaak ɛɛkoŋk ɔgɔɔk baŋɛ a sɛɛn agut omoŋ. Ɔkɔn eemɛyɛɛ nyon ɛɛkoŋk sinɔ omoŋɔŋkuŋ, nɛɓɔrɛ eemɛyɛɛ nyonitaak ɛɛkoŋk ɔgɔ a sɛɛn agut omoŋ.
27Iinak ɓɔrɔ ɛɛk Kereseek, iinak a omoŋ omoŋ iinak nyonitaak ɛɛk nɛɛkik. 28Daamɓa Waakoyot godeey Sambatɛyoŋk joop a omoŋ omoŋ, tuki nɛɛkɛ wosɛytaanak, pɛɛyeene nɛɛkɛ joop pɛrkaakoŋk, jiiteene nɛɛkɛ rɔɔriytaanak, a joop sigɔ ijaagir sɔɔriyɛɛk, a sigɔ latu tigi ebɔdɛɛtoŋk, a joop sigɔ latu tigi sinɔ kɔnyɛɗɛɛ joopuk, a joop sigɔ latu oolan lowiiɗoŋk, pediya nɛɛka joop sigɔ latu oolan sinɔ tonɗiiɗɛɛ ad sinɔɔnɛ tɔɔnuk. 29Sɛɛg wosɛytaanak baŋɛ? Ɛ sɛɛg joop pɛrkaakoŋk baŋɛ? Ɛ sɛɛg rɔɔriytaanak baŋɛ? Ɛ sɛɛg joop sigɔ ijaagir sɔɔriyɛɛk baŋɛ? 30Ɛ latu tigi ebɔdɛtoŋk sɛɛg baŋɛ? Ɛ latu oolan sinɔ tonɗiiɗɛɛ ad sinɔɔnɛ tɔɔnuk sɛɛg baŋɛ? Ɛ latu oolan sinɔ doomɛɗɛɛ sinɛkɔ tonɛɛ ad sinɔɔnɛ tɔɔnuk sɛɛg baŋɛ? 31Mayakana in ɗɛyɛɛ a kaalɛŋ tigiyatɔk sigɛ kaalɗi baŋɛk.
Yaŋakɔɔ kɔna sisɔ gopan sinɛ kaalɗi olaatɛ baŋɛkiŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in