ኀበ ሰብእ ዕብራውያን 8

ምዕራፍ 8

በእንተ ደብተራ ጽድቅ

1 # 4፥14፤ መዝ. 109፥1። እስመ ቀዳሚሁሰ ለዝንቱ ኵሉ ሊቀ ካህናቲነ ዘነበረ በየማነ መንበረ ኀይል በሰማያት። 2እንዘ ይቀውም ሎሙ ለቅዱሳን በደብተራ ጽድቅ እንተ እግዚአብሔር ተከላ ወአኮ ሰብእ። 3#5፥1። ወኵሉ ሊቀ ካህናት ይሠየም ከመ ያብእ መሥዋዕተ ወቍርባነ እስመ ግብሩ ውእቱ ከመ ያብእ ከመዝ። 4ሶበሁ በምድር ውእቱ እምኢኮነ ሊቀ ካህናት እስመ ሀለዉ ውስቴታ ካህናት እለ ያበውኡ መሥዋዕተ በሕገ ኦሪት። 5#ዘፀ. 25፥40፤ ቈላ. 2፥17። እሙንቱ እለ ይፀመዱ ጽላሎታ ወአርኣያሃ ለእንተ በሰማያት በከመ አርአዮ ለሙሴ ዘከመ ይገብራ ለይእቲ ደብተራ ወይቤሎ ዑቅ እንከ ከመ ትግበር ኵሎ ዘከመ ርኢከ በውስተ ደብር አርኣያሃ። 6ወይእዜሰ እንተ ትኄይስ መልእክተ አድምዐ ወለእንተ ተዐቢ ሥርዐት ኅሩየ ኮነ ኢየሱስ ክርስቶስ ወሠርዐ ተስፋ እንተ ትኄይስ። 7ሶበሁ ንጽሕተ ኮነት ቀዳሚት እምኢፈቀደ ካልእተ። 8#7፥22፤ 2ቆሮ. 3፥6፤ ኤር. 31፥31-34። ወባሕቱ ሐዪሶ ኪያሆሙ ይቤ «ናሁ ይመጽእ መዋዕል ይቤ እግዚአብሔር ወእሠርዕ ለቤተ እስራኤል ወለቤተ ይሁዳ ሕገ ሐዲሰ። 9#ዘፀ. 19፥5፤ ኤር. 15፥1። ወአኮ ከመ ዝንቱ ሕግ ዘሠራዕኩ ለአበዊሆሙ አመ አኀዝኩ በእደዊሆሙ ወአውፃእክዎሙ እምድረ ግብፅ እስመ እሙንቱኒ ኢነበሩ በሥርዐትየ ወአነኒ ተሀየይክዎሙ ይቤ እግዚአብሔር። 10#ኢሳ. 54፥13። እስመ ዛቲ ይእቲ ሥርዐት እንተ እሠርዕ ለቤተ እስራኤል እምድኅረ እማንቱ መዋዕል ይቤ እግዚአብሔር እወዲ ሕግየ ውስተ ኅሊናሆሙ ወእጽሕፎ ውስተ ልቦሙ ወእከውኖሙ አምላኮሙ ወእሙንቱኒ ይከውኑኒ ሕዝብየ። 11#ኤር. 9፥24። ወኢይምህር እንከ እኍ እኅዋሁ እንዘ ይብል አእምርዎ ለእግዚአብሔር እስመ ኵሎሙ የአምሩኒ ንኡሶሙ ወዐቢዮሙ። 12ከመ እሣሀሎሙ ወእስረይ ሎሙ ኀጢአቶሙ ወኢይዜከር ሎሙ አበሳሆሙ።» 13ወብሂለ ቃሉሰ በእንተ ሐዲስ ትእዛዝ ፈቂዶ እስመ ቀዳሚት በልየት ወዘሰ ይበሊ ወይረስእ ቅሩብ ውእቱ ለሙስና።

Currently Selected:

ኀበ ሰብእ ዕብራውያን 8: ሐኪግ

Highlight

Copy