ኀበ ሰብእ ዕብራውያን 2
2
ምዕራፍ 2
በእንተ ዘይመጽእ ዓለም
1ወበእንተ ዝንቱ ርቱዕ ንትዐቀብ ፈድፋደ እለ ሰማዕነ ወኢንትሀየይ ከመ ኢንደቅ። 2#ግብረ ሐዋ. 7፥53። ወሶበኒ ኮነ ቃል ዘይቤ በእንተ መላእክት እምጸንዐ ወእምተጠየቀ ወኵሉ ዘሰምዐ ወዘዐለወ ወአበየ እምተኰነነ በርቱዕ። 3#10፥20፤ 12፥15፤ ዮሐ. 1፥1-2። እፎ እንከ ናመሥጥ ንሕነ ዘመጠነዝ ሕይወተ አስቲተነ እንተ ቀደመት ተነግሮ በኀበ እግዚእነ ወተጠየቀት በኀቤነ እምኀበ እለ ሰምዑ እምኔሁ። 4#ማር. 16፥20፤ 1ቆሮ. 12፥4-12። እንዘ እግዚአብሔር ያርኢ ስምዖ ሎሙ ወያጸድቅ ነገሮሙ በትእምርት ወበመንክር ወዘዘዚኣሁ ኀይል ብዙኅ ላዕለ እደዊሆሙ ዘከመ ከፈሎሙ መንፈስ ቅዱስ በዘውእቱ ፈቀደ። 5ወአኮ ለመላእክት ዘአግረረ ዓለመ ዘይመጽእ ዘበእንቲኣሁ ንነግር። 6#መዝ. 8፥4-7። ወባሕቱ በከመ ስምዐ ኮነ መጽሐፍ ወይቤ «ምንትኑ ውእቱ ሰብእ ከመ ትዝክሮ ወምንትኑ ዕጓለ እመሕያው ከመ ተሐውጾ። 7ሕቀ አሕጸጽኮ እመላእክቲከ ክብረ ወስብሐተ ከለልኮ ወሤምኮ ውስተ ኵሉ ግብረ እደዊከ። 8ወኵሎ አግረርከ ሎቱ ታሕተ እገሪሁ» ወብሂለ ቃሉሰ አግረረ ሎቱ ኵሎ እስመ አልቦ ዘኀደገ ዘኢያግረረ ሎቱ ወይእዜሰ ኢንሬኢ ከመ ኵሎ አግረረ ሎቱ። 9#ፊልጵ. 2፥8-9፤ 2ቆሮ. 5፥14፤ 1ዮሐ. 2፥2። ወዘአሕጸጾሰ ሕቀ እመላእክቲሁ ናሁ ንሬኢ ከመ ኢየሱስ ውእቱ በእንተ ሕማመ ሞቱ ክብረ ወስብሐተ ዘተከለለ እስመ በጸጋ እግዚአብሔር በእንተ ኵሉ ጥዕሞ ለሞት። 10#ሮሜ 11፥36። ወይደልዎ ለውእቱ ዘበእዴሁ ኵሉ ወዘእምኔሁ ኵሉ ወብዙኃነ ውሉደ አብአ ውስተ ስብሐት መልአከ ሕይወቶሙ ከመ ይፈጽም በሕማማት። 11#ሉቃ. 3፥38፤ ዮሐ. 17፥19። እስመ ውእቱ ዘቀደሶሙ ለእሙንቱ ወእለሂ ተቀደሱ ኅቡረ እምአሐዱ ወበእንተዝ ኢየኀፍር አኀውየ ብሂሎቶሙ። 12#መዝ. 21፥22። ወይቤ «አየድዖሙ ስመከ ለአኀውየ ወበማእከለ ማኅበር እሴብሐከ።» 13#ኢሳ. 8፥17-18። ወካዕበ ይቤ «ነየ አነ ወደቂቅ ዘወሀበኒ እግዚአብሔር።» 14#ሮሜ 8፥3፤ 2ጢሞ. 1፥10፤ ዮሐ. 12፥31። ወካዕበ ይቤ አንሰ እትዌከል ቦቱ እስመ ደቂቅ ተሳተፉ በሥጋ ወደም ውእቱኒ ተሳተፎሙ በዝንቱ ወከመ ቢጾሙ ኮነ ሎሙ ከመ በሞቱ ይስዐሮ ለመልአከ ሞት ዘውእቱ ሰይጣን። 15#ሉቃ. 1፥74፤ ገላ. 4፥15። ወያዕርፎሙ ለኵሎሙ እለ በፍርሀተ ሞት ተኰነኑ በኵሉ መዋዕለ ሕይወቶሙ ወተቀንዩ ለግብርናት። 16እስመ አኮ እመላእክት ዘነሥኦ ለዘነሥኦ ዘእንበለ ዳእሙ እምዘርዐ አብርሃም። 17#ፊልጵ. 2፥7፤ 4፥15። ወእንበይነ ዝንቱ ርቱዕ ይትመሰሎሙ ለአኀዊሁ በኵሉ ከመ ይኩኖሙ መሓሬ ወሊቀ ካህናት ምእመነ ዘመንገለ እግዚአብሔር ከመ ይስረይ ኀጢአተ ሕዝብ። 18እስመ በዘአመከርዎ ወአሕመምዎ ክህለ ረዲኦቶሙ ለሕሙማን።
Currently Selected:
ኀበ ሰብእ ዕብራውያን 2: ሐኪግ
Highlight
Share
Copy
Want to have your highlights saved across all your devices? Sign up or sign in
ኀበ ሰብእ ዕብራውያን 2
2
ምዕራፍ 2
በእንተ ዘይመጽእ ዓለም
1ወበእንተ ዝንቱ ርቱዕ ንትዐቀብ ፈድፋደ እለ ሰማዕነ ወኢንትሀየይ ከመ ኢንደቅ። 2#ግብረ ሐዋ. 7፥53። ወሶበኒ ኮነ ቃል ዘይቤ በእንተ መላእክት እምጸንዐ ወእምተጠየቀ ወኵሉ ዘሰምዐ ወዘዐለወ ወአበየ እምተኰነነ በርቱዕ። 3#10፥20፤ 12፥15፤ ዮሐ. 1፥1-2። እፎ እንከ ናመሥጥ ንሕነ ዘመጠነዝ ሕይወተ አስቲተነ እንተ ቀደመት ተነግሮ በኀበ እግዚእነ ወተጠየቀት በኀቤነ እምኀበ እለ ሰምዑ እምኔሁ። 4#ማር. 16፥20፤ 1ቆሮ. 12፥4-12። እንዘ እግዚአብሔር ያርኢ ስምዖ ሎሙ ወያጸድቅ ነገሮሙ በትእምርት ወበመንክር ወዘዘዚኣሁ ኀይል ብዙኅ ላዕለ እደዊሆሙ ዘከመ ከፈሎሙ መንፈስ ቅዱስ በዘውእቱ ፈቀደ። 5ወአኮ ለመላእክት ዘአግረረ ዓለመ ዘይመጽእ ዘበእንቲኣሁ ንነግር። 6#መዝ. 8፥4-7። ወባሕቱ በከመ ስምዐ ኮነ መጽሐፍ ወይቤ «ምንትኑ ውእቱ ሰብእ ከመ ትዝክሮ ወምንትኑ ዕጓለ እመሕያው ከመ ተሐውጾ። 7ሕቀ አሕጸጽኮ እመላእክቲከ ክብረ ወስብሐተ ከለልኮ ወሤምኮ ውስተ ኵሉ ግብረ እደዊከ። 8ወኵሎ አግረርከ ሎቱ ታሕተ እገሪሁ» ወብሂለ ቃሉሰ አግረረ ሎቱ ኵሎ እስመ አልቦ ዘኀደገ ዘኢያግረረ ሎቱ ወይእዜሰ ኢንሬኢ ከመ ኵሎ አግረረ ሎቱ። 9#ፊልጵ. 2፥8-9፤ 2ቆሮ. 5፥14፤ 1ዮሐ. 2፥2። ወዘአሕጸጾሰ ሕቀ እመላእክቲሁ ናሁ ንሬኢ ከመ ኢየሱስ ውእቱ በእንተ ሕማመ ሞቱ ክብረ ወስብሐተ ዘተከለለ እስመ በጸጋ እግዚአብሔር በእንተ ኵሉ ጥዕሞ ለሞት። 10#ሮሜ 11፥36። ወይደልዎ ለውእቱ ዘበእዴሁ ኵሉ ወዘእምኔሁ ኵሉ ወብዙኃነ ውሉደ አብአ ውስተ ስብሐት መልአከ ሕይወቶሙ ከመ ይፈጽም በሕማማት። 11#ሉቃ. 3፥38፤ ዮሐ. 17፥19። እስመ ውእቱ ዘቀደሶሙ ለእሙንቱ ወእለሂ ተቀደሱ ኅቡረ እምአሐዱ ወበእንተዝ ኢየኀፍር አኀውየ ብሂሎቶሙ። 12#መዝ. 21፥22። ወይቤ «አየድዖሙ ስመከ ለአኀውየ ወበማእከለ ማኅበር እሴብሐከ።» 13#ኢሳ. 8፥17-18። ወካዕበ ይቤ «ነየ አነ ወደቂቅ ዘወሀበኒ እግዚአብሔር።» 14#ሮሜ 8፥3፤ 2ጢሞ. 1፥10፤ ዮሐ. 12፥31። ወካዕበ ይቤ አንሰ እትዌከል ቦቱ እስመ ደቂቅ ተሳተፉ በሥጋ ወደም ውእቱኒ ተሳተፎሙ በዝንቱ ወከመ ቢጾሙ ኮነ ሎሙ ከመ በሞቱ ይስዐሮ ለመልአከ ሞት ዘውእቱ ሰይጣን። 15#ሉቃ. 1፥74፤ ገላ. 4፥15። ወያዕርፎሙ ለኵሎሙ እለ በፍርሀተ ሞት ተኰነኑ በኵሉ መዋዕለ ሕይወቶሙ ወተቀንዩ ለግብርናት። 16እስመ አኮ እመላእክት ዘነሥኦ ለዘነሥኦ ዘእንበለ ዳእሙ እምዘርዐ አብርሃም። 17#ፊልጵ. 2፥7፤ 4፥15። ወእንበይነ ዝንቱ ርቱዕ ይትመሰሎሙ ለአኀዊሁ በኵሉ ከመ ይኩኖሙ መሓሬ ወሊቀ ካህናት ምእመነ ዘመንገለ እግዚአብሔር ከመ ይስረይ ኀጢአተ ሕዝብ። 18እስመ በዘአመከርዎ ወአሕመምዎ ክህለ ረዲኦቶሙ ለሕሙማን።
Currently Selected:
:
Highlight
Share
Copy
Want to have your highlights saved across all your devices? Sign up or sign in