ግብረ ሐዋርያት 17
17
ምዕራፍ 17
1 #
1ተሰ. 2፥2። ወሖሩ አንፊጶል ወአጶሎንያ አህጉረ ወበጽሑ ተሰሎንቄ ኀበ ሀሎ ምኵራበ አይሁድ። 2ወቦአ ጳውሎስ ኀቤሆሙ በከመ ያለምድ ወነበረ ይትዋቀሦሙ ሠለስተ ሰናብተ እመጻሕፍት። 3#ሉቃ. 24፥27-45። ወይፌክር ሎሙ ወያበጽሕ ከመሂ ይትቀተል ክርስቶስ ወከመሂ ይትነሣእ እምዉታን እንዘ ይብል ውእቱ ክርስቶስ ኢየሱስ ዘአነ ነገርኩክሙ። 4ወቦ እምውስቴቶሙ እለ አምኑ ወተለውዎሙ ለጳውሎስ ወለሲላስ ወኄራቶሙ ለአረማውያን ብዙኃን ወአንስትኒ ወዐበይቶሙ ብዙኃን። 5ወቀንኡ አይሁድ ላዕሌሆሙ ወአስተጋብኡ ሰብአ ምሥያጥ ቢጸ እኩያነ ወበጽሑ ወሆክዋ ለሀገር ወኀሠሥዎሙ ወደበዩ ቤተ ኢያሶን ወፈቀዱ ያውፅእዎሙ ኀበ ሕዝብ። 6#16፥20፤ 1ነገ. 18፥17። ወኀጢኦሙ ሰሐብዎ ለኢያሶን ወለቢጹሂ እለ ሀለዉ ህየ ወወሰድዎሙ ኀበ መኳንንት እንዘ የዐወይዉ ወይብሉ እሉ እሙንቱ እለ የሀውክዋ ለዓለም ወመጽኡ ዝየኒ። 7#ሉቃ. 23፥2። ወተወክፎሙ ዝ ኢያሶን ወእሙንቱ ይገብሩ ማዕሌተ በላዕለ ቄሣር ወይሜህሩ ካልአ ሕገ ወይቤሉ ኢየሱስ ካልእ ንጉሥ። 8ወተሀውኩ ሕዝብ ወመኳንንት ዘንተ ሰሚዖሙ። 9ወብዙኀ ተሐልዮሙ እም ኀበ ኢያሶን ወእምኀበ ቢጹ ኀደግዎሙ። 10ወቢጾሙሰ ፈነውዎሙ በሌሊት ለጳውሎስ ወለሲላስ ውስተ ቤርያ ወቦኡ ምኵራበ አይሁድ። 11#ዮሐ. 5፥39። ወእሙንቱ ይኄይሱ እምእለ በተሰሎንቄ ወተወክፉ ቃሎሙ በኵሉ ትፍሥሕት ወኵሎ አሚረ የኀሥሡ በውስተ መጻሕፍት ለእመ ከማሁ ውእቱ። 12ወብዙኃን እምውስቴቶሙ እለ አምኑ ወአንስትኒ ብዙኃት አረማውያት ኄራት ወዕደውኒ ብዙኃን።
በእንተ አይሁድ እለ በተሰሎንቄ
13 #
1ተሰ. 2፥14። ወአእሚሮሙ አይሁድ እለ በተሰሎንቄ ከመ መሀረ ጳውሎስ ቃለ እግዚአብሔር በቤርያ ወመጽኡ ህየኒ ወሆክዎሙ ለሕዝብ። 14ወፈነውዎ ቢጹ ለጳውሎስ ሶቤሃ ወአብጽሕዎ መንገለ ባሕር ወነበሩ ሲላስ ወጢሞቴዎስ ህየ። 15ወእለሰ አስተፋነውዎ ለጳውሎስ መጽኡ ምስሌሁ እስከ ሀገረ አቴና ወለአኮሙ ኀበ ሲላስ ወጢሞቴዎስ ፍጡነ ይትልውዎ ወሖሩ።
በእንተ ተሀውኮቱ ለጳውሎስ
16ወእንዘ ይጸንሖሙ ጳውሎስ በአቴና ተምዕዐ መንፈሱ ሶበ ርእየ ያጣዕዉ ኵሉ ሀገር። 17ወይትዋቀሦሙ ለአይሁድ በምኵራብ ወበምሥያጥ ኵሎ አሚረ ለዘተራከቦሙ።
በእንተ እለ ተኣኀዝዎ ለጳውሎስ
18ወቦ እምውስተ ጠቢባን እለ እምትምህርተ ኤፊቆሮስ ወካልኣን ይሰመዩ ረቃይያነ እለ ተኣኀዝዎ ወመንፈቆሙ ይብሉ ምንተ ይፈቅድ ዝ ዘራዔ ነቢብ ወካልኣን ይቤሉ ትምህርተ አምላክ ሐዲስ ይሜህር እስመ ሰበከ ሎሙ በእንተ ኢየሱስ ወትንሣኤሁ እሙታን። 19ወወሰድዎ ቤተ ምኵናን ዘይሰመይ አርዮስፋጎስ ወይቤልዎ እስኩ ንግረነ ምንትኑ ዝ ነገር ዘትሜህር ትምህርተ ሐዲሰ። 20ንፈቅድ ንጠይቅ ምንት ውእቱ። 21ወሰብአ አቴናሰ ወእለ ይነግዱ ኵሎሙ ህየ ባዕድ ትካዝ አልቦሙ ዘእንበለ ዳእሙ ለአጽምዖ ባሕቲቱ ወየኀሥሡ ዘይብሉ ወዘይነብቡ።
ዘከመ ተናገረ ጳውሎስ ውስተ አርዮስፋጎስ
22ወቆመ ጳውሎስ ውስተ አርዮስፋጎስ ወይቤሎሙ አንትሙ ሰብአ አቴና እሬእየክሙ ተአብዱ በኵሉ። 23ወበጺሕየ ዝየ ርኢኩ ጣዖተክሙ ወምሥዋዒክሙ ኀበ ታመልኩ ወጽሑፍ ውስቴቱ ዘይብል አንጽሑ ርእሰክሙ ለእግዚአብሔር#ቦ ዘይዌስክ «ለዘኢይትአመር አምላክ» ናሁኬ ርእዩ ከመ ኢተአምሩ ዘታመልኩ። 24ወአንሰ እሜህረክሙ ታምልክዎ ለእግዚአብሔር ዘገብረ ዓለመ፥ ወምድረ ወኵሎ ዘውስቴቶሙ ዘውእቱ እግዚአ ሰማይ ወምድር ወኢይነብር ውስተ ቤት ዘገብሮ እደ ሰብእ ወኢይትለአኮ እደ ሰብእ ወኢይጽሕቅ ምንተኒ። 25#መዝ. 49፥7። ወውእቱ ይሁብ ለኵሉ ሰብእ ነፍሰ ወሕይወተ። 26#ዘዳ. 32፥8፤ ዘፍ. 11፥8። ወገብረ ኵሎ ኅቡረ ወኵሎ አሕዛበ እምአሐዱ ዕጓለ እመሕያው ከመ ይንበሩ ዲበ ኵሉ ገጸ ምድር ወሠርዐ ዕድሜሁ ወዓመታቲሁ መጠነ ይነብሩ። 27በዘየኀሥሥዎ ለእግዚአብሔር እመ ይረክብዎ ወያደምዕዎ ወኢኮነ ርኁቀ እምኵልነ። 28እስመ ቦቱ ነሐዩሂ ወንትሐወስሂ ወንሄሉሂ ወሀለዉ ጠቢባን ሰብእ እምውስቴትክሙ እለ ይብሉ ከመ ፍጥረትነ እምኔሁ። 29#ዘፍ. 1፥27፤ ኢሳ. 40፥31። ወእንዘ ዘመዱ እንከ እምኔሁ ንሕነ ለእግዚአብሔር ኢርቱዕ ናስተማስሎ በወርቅ ወበብሩር ወበእብን ዘግሉፍ በኪነ ዕጓለ እመሕያው ወበአእምሮቱ ኢይደሉኬ ናስተማስል መለኮቶ። 30ወዘቀዲሙሰ መዋዕለ ኢያእምሮ አሰሰለ እግዚአብሔር ወይእዜ ባሕቱ አዘዘ ለኵሉ ሰብእ ይነስሑ በኵለሄ። 31#ሮሜ 10፥14። እስመ አቀመ ዕለተ እንተ ባቲ ይኴንን ዓለመ በጽድቅ ላዕለ እደዊሁ ለብእሲ ዘሠርዖ ወሜጦሙ ኀበ ሃይማኖት ለኵሉ ሰብእ ኪያሁ በአንሥኦ እሙታን።
በእንተ ዘሰሐቅዎ ወተሣለቅዎ
32 #
1ቆሮ. 1፥23። ወሰሚዖሙ ሕይወተ እሙታን መንፈቆሙሰ ሰሐቅዎ ወካልኣን ይቤልዎ ናጸምዐከ በእንተዝ ካልአ ጊዜ። 33ወወፅአ ጳውሎስ እማእከሎሙ። 34ወቦ ዕደው እለ አምኑ ወተለውዎ ወአሐዱ እምኔሆሙ ዲዮናስዮስ እመኳንንት ዘአርዮስፋጎስ ወብእሲት እንተ ስማ ደማሪስ ወቦ ባዕዳንሂ እለ ምስሌሆሙ።
Currently Selected:
ግብረ ሐዋርያት 17: ሐኪግ
Highlight
Share
Copy
Want to have your highlights saved across all your devices? Sign up or sign in
ግብረ ሐዋርያት 17
17
ምዕራፍ 17
1 #
1ተሰ. 2፥2። ወሖሩ አንፊጶል ወአጶሎንያ አህጉረ ወበጽሑ ተሰሎንቄ ኀበ ሀሎ ምኵራበ አይሁድ። 2ወቦአ ጳውሎስ ኀቤሆሙ በከመ ያለምድ ወነበረ ይትዋቀሦሙ ሠለስተ ሰናብተ እመጻሕፍት። 3#ሉቃ. 24፥27-45። ወይፌክር ሎሙ ወያበጽሕ ከመሂ ይትቀተል ክርስቶስ ወከመሂ ይትነሣእ እምዉታን እንዘ ይብል ውእቱ ክርስቶስ ኢየሱስ ዘአነ ነገርኩክሙ። 4ወቦ እምውስቴቶሙ እለ አምኑ ወተለውዎሙ ለጳውሎስ ወለሲላስ ወኄራቶሙ ለአረማውያን ብዙኃን ወአንስትኒ ወዐበይቶሙ ብዙኃን። 5ወቀንኡ አይሁድ ላዕሌሆሙ ወአስተጋብኡ ሰብአ ምሥያጥ ቢጸ እኩያነ ወበጽሑ ወሆክዋ ለሀገር ወኀሠሥዎሙ ወደበዩ ቤተ ኢያሶን ወፈቀዱ ያውፅእዎሙ ኀበ ሕዝብ። 6#16፥20፤ 1ነገ. 18፥17። ወኀጢኦሙ ሰሐብዎ ለኢያሶን ወለቢጹሂ እለ ሀለዉ ህየ ወወሰድዎሙ ኀበ መኳንንት እንዘ የዐወይዉ ወይብሉ እሉ እሙንቱ እለ የሀውክዋ ለዓለም ወመጽኡ ዝየኒ። 7#ሉቃ. 23፥2። ወተወክፎሙ ዝ ኢያሶን ወእሙንቱ ይገብሩ ማዕሌተ በላዕለ ቄሣር ወይሜህሩ ካልአ ሕገ ወይቤሉ ኢየሱስ ካልእ ንጉሥ። 8ወተሀውኩ ሕዝብ ወመኳንንት ዘንተ ሰሚዖሙ። 9ወብዙኀ ተሐልዮሙ እም ኀበ ኢያሶን ወእምኀበ ቢጹ ኀደግዎሙ። 10ወቢጾሙሰ ፈነውዎሙ በሌሊት ለጳውሎስ ወለሲላስ ውስተ ቤርያ ወቦኡ ምኵራበ አይሁድ። 11#ዮሐ. 5፥39። ወእሙንቱ ይኄይሱ እምእለ በተሰሎንቄ ወተወክፉ ቃሎሙ በኵሉ ትፍሥሕት ወኵሎ አሚረ የኀሥሡ በውስተ መጻሕፍት ለእመ ከማሁ ውእቱ። 12ወብዙኃን እምውስቴቶሙ እለ አምኑ ወአንስትኒ ብዙኃት አረማውያት ኄራት ወዕደውኒ ብዙኃን።
በእንተ አይሁድ እለ በተሰሎንቄ
13 #
1ተሰ. 2፥14። ወአእሚሮሙ አይሁድ እለ በተሰሎንቄ ከመ መሀረ ጳውሎስ ቃለ እግዚአብሔር በቤርያ ወመጽኡ ህየኒ ወሆክዎሙ ለሕዝብ። 14ወፈነውዎ ቢጹ ለጳውሎስ ሶቤሃ ወአብጽሕዎ መንገለ ባሕር ወነበሩ ሲላስ ወጢሞቴዎስ ህየ። 15ወእለሰ አስተፋነውዎ ለጳውሎስ መጽኡ ምስሌሁ እስከ ሀገረ አቴና ወለአኮሙ ኀበ ሲላስ ወጢሞቴዎስ ፍጡነ ይትልውዎ ወሖሩ።
በእንተ ተሀውኮቱ ለጳውሎስ
16ወእንዘ ይጸንሖሙ ጳውሎስ በአቴና ተምዕዐ መንፈሱ ሶበ ርእየ ያጣዕዉ ኵሉ ሀገር። 17ወይትዋቀሦሙ ለአይሁድ በምኵራብ ወበምሥያጥ ኵሎ አሚረ ለዘተራከቦሙ።
በእንተ እለ ተኣኀዝዎ ለጳውሎስ
18ወቦ እምውስተ ጠቢባን እለ እምትምህርተ ኤፊቆሮስ ወካልኣን ይሰመዩ ረቃይያነ እለ ተኣኀዝዎ ወመንፈቆሙ ይብሉ ምንተ ይፈቅድ ዝ ዘራዔ ነቢብ ወካልኣን ይቤሉ ትምህርተ አምላክ ሐዲስ ይሜህር እስመ ሰበከ ሎሙ በእንተ ኢየሱስ ወትንሣኤሁ እሙታን። 19ወወሰድዎ ቤተ ምኵናን ዘይሰመይ አርዮስፋጎስ ወይቤልዎ እስኩ ንግረነ ምንትኑ ዝ ነገር ዘትሜህር ትምህርተ ሐዲሰ። 20ንፈቅድ ንጠይቅ ምንት ውእቱ። 21ወሰብአ አቴናሰ ወእለ ይነግዱ ኵሎሙ ህየ ባዕድ ትካዝ አልቦሙ ዘእንበለ ዳእሙ ለአጽምዖ ባሕቲቱ ወየኀሥሡ ዘይብሉ ወዘይነብቡ።
ዘከመ ተናገረ ጳውሎስ ውስተ አርዮስፋጎስ
22ወቆመ ጳውሎስ ውስተ አርዮስፋጎስ ወይቤሎሙ አንትሙ ሰብአ አቴና እሬእየክሙ ተአብዱ በኵሉ። 23ወበጺሕየ ዝየ ርኢኩ ጣዖተክሙ ወምሥዋዒክሙ ኀበ ታመልኩ ወጽሑፍ ውስቴቱ ዘይብል አንጽሑ ርእሰክሙ ለእግዚአብሔር#ቦ ዘይዌስክ «ለዘኢይትአመር አምላክ» ናሁኬ ርእዩ ከመ ኢተአምሩ ዘታመልኩ። 24ወአንሰ እሜህረክሙ ታምልክዎ ለእግዚአብሔር ዘገብረ ዓለመ፥ ወምድረ ወኵሎ ዘውስቴቶሙ ዘውእቱ እግዚአ ሰማይ ወምድር ወኢይነብር ውስተ ቤት ዘገብሮ እደ ሰብእ ወኢይትለአኮ እደ ሰብእ ወኢይጽሕቅ ምንተኒ። 25#መዝ. 49፥7። ወውእቱ ይሁብ ለኵሉ ሰብእ ነፍሰ ወሕይወተ። 26#ዘዳ. 32፥8፤ ዘፍ. 11፥8። ወገብረ ኵሎ ኅቡረ ወኵሎ አሕዛበ እምአሐዱ ዕጓለ እመሕያው ከመ ይንበሩ ዲበ ኵሉ ገጸ ምድር ወሠርዐ ዕድሜሁ ወዓመታቲሁ መጠነ ይነብሩ። 27በዘየኀሥሥዎ ለእግዚአብሔር እመ ይረክብዎ ወያደምዕዎ ወኢኮነ ርኁቀ እምኵልነ። 28እስመ ቦቱ ነሐዩሂ ወንትሐወስሂ ወንሄሉሂ ወሀለዉ ጠቢባን ሰብእ እምውስቴትክሙ እለ ይብሉ ከመ ፍጥረትነ እምኔሁ። 29#ዘፍ. 1፥27፤ ኢሳ. 40፥31። ወእንዘ ዘመዱ እንከ እምኔሁ ንሕነ ለእግዚአብሔር ኢርቱዕ ናስተማስሎ በወርቅ ወበብሩር ወበእብን ዘግሉፍ በኪነ ዕጓለ እመሕያው ወበአእምሮቱ ኢይደሉኬ ናስተማስል መለኮቶ። 30ወዘቀዲሙሰ መዋዕለ ኢያእምሮ አሰሰለ እግዚአብሔር ወይእዜ ባሕቱ አዘዘ ለኵሉ ሰብእ ይነስሑ በኵለሄ። 31#ሮሜ 10፥14። እስመ አቀመ ዕለተ እንተ ባቲ ይኴንን ዓለመ በጽድቅ ላዕለ እደዊሁ ለብእሲ ዘሠርዖ ወሜጦሙ ኀበ ሃይማኖት ለኵሉ ሰብእ ኪያሁ በአንሥኦ እሙታን።
በእንተ ዘሰሐቅዎ ወተሣለቅዎ
32 #
1ቆሮ. 1፥23። ወሰሚዖሙ ሕይወተ እሙታን መንፈቆሙሰ ሰሐቅዎ ወካልኣን ይቤልዎ ናጸምዐከ በእንተዝ ካልአ ጊዜ። 33ወወፅአ ጳውሎስ እማእከሎሙ። 34ወቦ ዕደው እለ አምኑ ወተለውዎ ወአሐዱ እምኔሆሙ ዲዮናስዮስ እመኳንንት ዘአርዮስፋጎስ ወብእሲት እንተ ስማ ደማሪስ ወቦ ባዕዳንሂ እለ ምስሌሆሙ።
Currently Selected:
:
Highlight
Share
Copy
Want to have your highlights saved across all your devices? Sign up or sign in