ኀበ ሰብአ ቆሮንቶስ 2 8
8
ምዕራፍ 8
በእንተ ቤተ ክርስቲያን ዘመቄዶንያ
1 #
ሮሜ 15፥26። ወእነግረክሙ አኀዊነ ጸጋ እግዚአብሔር ዘተውህበ ለቤተ ክርስቲያን ዘመቄዶንያ። 2እስመ እምብዝኀ መከራ ሕማሞሙ ፈድፈደ ፍሥሓሆሙ ወምስለ ዕመቀ ንዴቶሙ ፈድፈደት ፍሥሓ ብዕሎሙ። 3እስመ ለልየ ሰማዕቶሙ ከመ በአምጣነ ኀይሎሙ ወዘእንበለ ኀይሎሙሂ ጥቡዓን እሙንቱ ለሊሆሙ። 4#9፥1፤ ግብረ ሐዋ. 11፥29። ወብዙኀ አስተብቍዑነ በእንተ ሱታፌ መልእክተ ቅዱሳን። 5ወአኮሂ በከመ ተሐዘብነ እስመ ለሊሆሙ አቅደሙ በፈቃዶሙ ወመጠዉ ነፍሶሙ ለእግዚአብሔር ለነኒ በከመ ፈቀደ እግዚአብሔር። 6ወአስተፍሥሓነ ቲቶ ወአስተብቋዕናሁ ከመ ይፈጽም ለክሙ ጸጋሁ በከመ ወጠነ። 7እስመ ፈድፈድክሙ በኵሉ በሃይማኖት ወበቃል ወበጥበብ ወበጽሒቅ በኵሉ ዘኮነ በኀቤክሙ ወአፍቅሮተክሙ ኪያነ ከማሁ አፈድፍዱ ካዕበ ውስተ ዛቲ ጸጋ። 8ወአኮ በግብር ዘእብለክሙ ዳእሙ እስመ ቦ እለ ይጽሕቅዎ ለዝንቱ እምኔክሙ ወናሁ አእመርኩ ጽንዐ ሃይማኖትክሙ ወአፍቅሮትክሙ። 9#ማቴ. 8፥20። ተአምሩ ጸጋሁ ለእግዚእነ ኢየሱስ ክርስቶስ በእንቲኣክሙ አንደየ ርእሶ እንዘ ባዕል ውእቱ ከመ አንትሙ ትብዐሉ በንዴተ ዚኣሁ። 10ወበዝንቱ አምከርኩክሙ ዘይበቍዐክሙ እስመ ፈቀድክሙ ወአቅደምክሙ ትመጥዉ ነፍሰክሙ እምቀዳሚ ዓም። 11ወይእዜሰ ግበሩሂ ወፈጽሙሂ እስመ ፈቂድሂ እምፈቲው ወገቢርሂ እምረኪብ። 12#ምሳ. 3፥28፤ ማር. 12፥43-44። ወእምከመሰ ፈቂድ ሀሎ ይትመዘገን በዘይትከሀሎ ወአኮ በአምጣነ ዘኢይትከሀሎ። 13ወዘአኮ ከመ ባዕድ ያዕርፍ ኪያክሙ ናጠውቅ ዳእሙ ተሀልዉ ዕሩየ በዝ መዋዕል። 14#9፥12። እስመ ተረፈ ዚኣክሙ ውስተ ንትጋ እልክቱ ይከውን ወተረፈ ዚኣሆሙ ውስተ ንትጋ ዚኣክሙ ይከውን ከመ ይኩን ሀልዎትክሙ ዕሩየ በኵሉ። 15እስመ ከመዝ ይቤ መጽሐፍ «ዘቦ ብዙኅ ኢያትረፈ ወዘቦ ውኁድ ኢያሕጸጸ።»
በእንተ ቲቶ ወአብያጺሁ
16 #
9፥15። እኩት እግዚአብሔር ዘወሀበነ ለነሂ ንጽሐቅ በእንቲኣክሙ በከመ ይቤ ቲቶ። 17እስመ የአኵተክሙ ወተወክፈ ለክሙ ስላጤክሙ ወአስተፋጠነ ይምጻእ ኀቤክሙ ጥቡዐ። 18ወፈኖነ ምስሌሁ እኁነ ዘንእድዎ ኵሉ አብያተ ክርስቲያናት በእንተ ትምህርቱ። 19ዓዲ ሥዩም ውእቱ ለቤተ ክርስቲያን ወኅቡር ምስሌነ በዛቲ ጸጋ እንተ ተልእክነ ለስብሐተ እግዚአብሔር ከመ ንትፈሣሕ። 20ወተዐቀብዎ ለዝንቱ ከመ ኢታንውርዋ ለመልእክትክሙ። 21ወሠናየ ኀልዩ ለቅድመ እግዚአብሔር ወለቅድመ ሰብእ። 22ወናሁ ፈነውነ ምስሌሆሙ ዓዲ እኁነ ዘአመከርናሁ በብዙኅ ወረከብናሁ ከመ ጸሓቂ ውእቱ በኵሉ ወይእዜኒ ፈድፋደ ያስተፋጥን ይምጻእ ኀቤክሙ ወይጽሕቅ በእንቲኣክሙ እስመ ብዙኀ ያፈቅረክሙ። 23#7፥13፤ 12፥18፤ ሮሜ 16፥7። ወእመኒ ቲቶ ሱታፌ ዘነኀብር ምስሌሁ ግብረ ወበእንተሂ አኀዊነ ሐዋርያት ዘቤተ ክርስቲያን ለስብሐተ እግዚአብሔር። 24ይእዜሰ አርእዩ ሎሙ ክሡተ ተፋቅሮተክሙ ዝንቱ ውእቱ ዘቦቱ ንትሜካሕ ብክሙ ንሕነ ወይእዜኒ አርእዩ ቦሙ በቅድመ ቤተ ክርስቲያን።
Currently Selected:
ኀበ ሰብአ ቆሮንቶስ 2 8: ሐኪግ
Highlight
Share
Copy
Want to have your highlights saved across all your devices? Sign up or sign in
ኀበ ሰብአ ቆሮንቶስ 2 8
8
ምዕራፍ 8
በእንተ ቤተ ክርስቲያን ዘመቄዶንያ
1 #
ሮሜ 15፥26። ወእነግረክሙ አኀዊነ ጸጋ እግዚአብሔር ዘተውህበ ለቤተ ክርስቲያን ዘመቄዶንያ። 2እስመ እምብዝኀ መከራ ሕማሞሙ ፈድፈደ ፍሥሓሆሙ ወምስለ ዕመቀ ንዴቶሙ ፈድፈደት ፍሥሓ ብዕሎሙ። 3እስመ ለልየ ሰማዕቶሙ ከመ በአምጣነ ኀይሎሙ ወዘእንበለ ኀይሎሙሂ ጥቡዓን እሙንቱ ለሊሆሙ። 4#9፥1፤ ግብረ ሐዋ. 11፥29። ወብዙኀ አስተብቍዑነ በእንተ ሱታፌ መልእክተ ቅዱሳን። 5ወአኮሂ በከመ ተሐዘብነ እስመ ለሊሆሙ አቅደሙ በፈቃዶሙ ወመጠዉ ነፍሶሙ ለእግዚአብሔር ለነኒ በከመ ፈቀደ እግዚአብሔር። 6ወአስተፍሥሓነ ቲቶ ወአስተብቋዕናሁ ከመ ይፈጽም ለክሙ ጸጋሁ በከመ ወጠነ። 7እስመ ፈድፈድክሙ በኵሉ በሃይማኖት ወበቃል ወበጥበብ ወበጽሒቅ በኵሉ ዘኮነ በኀቤክሙ ወአፍቅሮተክሙ ኪያነ ከማሁ አፈድፍዱ ካዕበ ውስተ ዛቲ ጸጋ። 8ወአኮ በግብር ዘእብለክሙ ዳእሙ እስመ ቦ እለ ይጽሕቅዎ ለዝንቱ እምኔክሙ ወናሁ አእመርኩ ጽንዐ ሃይማኖትክሙ ወአፍቅሮትክሙ። 9#ማቴ. 8፥20። ተአምሩ ጸጋሁ ለእግዚእነ ኢየሱስ ክርስቶስ በእንቲኣክሙ አንደየ ርእሶ እንዘ ባዕል ውእቱ ከመ አንትሙ ትብዐሉ በንዴተ ዚኣሁ። 10ወበዝንቱ አምከርኩክሙ ዘይበቍዐክሙ እስመ ፈቀድክሙ ወአቅደምክሙ ትመጥዉ ነፍሰክሙ እምቀዳሚ ዓም። 11ወይእዜሰ ግበሩሂ ወፈጽሙሂ እስመ ፈቂድሂ እምፈቲው ወገቢርሂ እምረኪብ። 12#ምሳ. 3፥28፤ ማር. 12፥43-44። ወእምከመሰ ፈቂድ ሀሎ ይትመዘገን በዘይትከሀሎ ወአኮ በአምጣነ ዘኢይትከሀሎ። 13ወዘአኮ ከመ ባዕድ ያዕርፍ ኪያክሙ ናጠውቅ ዳእሙ ተሀልዉ ዕሩየ በዝ መዋዕል። 14#9፥12። እስመ ተረፈ ዚኣክሙ ውስተ ንትጋ እልክቱ ይከውን ወተረፈ ዚኣሆሙ ውስተ ንትጋ ዚኣክሙ ይከውን ከመ ይኩን ሀልዎትክሙ ዕሩየ በኵሉ። 15እስመ ከመዝ ይቤ መጽሐፍ «ዘቦ ብዙኅ ኢያትረፈ ወዘቦ ውኁድ ኢያሕጸጸ።»
በእንተ ቲቶ ወአብያጺሁ
16 #
9፥15። እኩት እግዚአብሔር ዘወሀበነ ለነሂ ንጽሐቅ በእንቲኣክሙ በከመ ይቤ ቲቶ። 17እስመ የአኵተክሙ ወተወክፈ ለክሙ ስላጤክሙ ወአስተፋጠነ ይምጻእ ኀቤክሙ ጥቡዐ። 18ወፈኖነ ምስሌሁ እኁነ ዘንእድዎ ኵሉ አብያተ ክርስቲያናት በእንተ ትምህርቱ። 19ዓዲ ሥዩም ውእቱ ለቤተ ክርስቲያን ወኅቡር ምስሌነ በዛቲ ጸጋ እንተ ተልእክነ ለስብሐተ እግዚአብሔር ከመ ንትፈሣሕ። 20ወተዐቀብዎ ለዝንቱ ከመ ኢታንውርዋ ለመልእክትክሙ። 21ወሠናየ ኀልዩ ለቅድመ እግዚአብሔር ወለቅድመ ሰብእ። 22ወናሁ ፈነውነ ምስሌሆሙ ዓዲ እኁነ ዘአመከርናሁ በብዙኅ ወረከብናሁ ከመ ጸሓቂ ውእቱ በኵሉ ወይእዜኒ ፈድፋደ ያስተፋጥን ይምጻእ ኀቤክሙ ወይጽሕቅ በእንቲኣክሙ እስመ ብዙኀ ያፈቅረክሙ። 23#7፥13፤ 12፥18፤ ሮሜ 16፥7። ወእመኒ ቲቶ ሱታፌ ዘነኀብር ምስሌሁ ግብረ ወበእንተሂ አኀዊነ ሐዋርያት ዘቤተ ክርስቲያን ለስብሐተ እግዚአብሔር። 24ይእዜሰ አርእዩ ሎሙ ክሡተ ተፋቅሮተክሙ ዝንቱ ውእቱ ዘቦቱ ንትሜካሕ ብክሙ ንሕነ ወይእዜኒ አርእዩ ቦሙ በቅድመ ቤተ ክርስቲያን።
Currently Selected:
:
Highlight
Share
Copy
Want to have your highlights saved across all your devices? Sign up or sign in