ኀበ ሰብአ ተሰሎንቄ 1 3
3
ምዕራፍ 3
ዘከመ ተልእከ ጢሞቴዎስ ኀበ ተሰሎንቄ
1 #
ግብረ ሐዋ. 17፥14-15። ወስኢነነ ተዐግሦ አብደርነ ንንበር አቴና አሐተኔ ባሕቲተነ። 2ወፈነውናሁ ለጢሞቴዎስ እኁነ ላእከ እግዚአብሔር ወረድኤትነ በትምህርተ ክርስቶስ ከመ ያጽንዕክሙ ወያስተብቍዕክሙ በእንተ ሃይማኖትክሙ። 3#ኤፌ. 3፥13፤ 2ጢሞ. 3፥12። ከመ ኢታንቀልቅሉ ወኢይቅብጽ አሐዱሂ እምውስቴትክሙ በዛቲ ሕማምክሙ ተአምሩ ለሊክሙ ከመ ዝንቱ ዳእሙ ይጸንሐነ። 4ወአመ ሀሎኩ ኀቤክሙ ዘንተ ክመ አቅደምኩ ወነገርኩክሙ ከመ ሀለወነ ንሕምም ወይሣቅዩነ ወበከመ አመርናክሙ ኮነ ውእቱ። 5#ፊልጵ. 2፥17። ወበእንተዝ አነሂ ስኢንየ ተዐግሦ ፈነውኩ ጢሞቴዎስሃ ከመ አእምር ሃይማኖተክሙ እመቦ ከመ አመከረክሙ ዘያሜክር ወለከንቱ ይከውን ጻማነ ዘበእንቲኣክሙ። 6#ግብረ ሐዋ. 18፥5። ወይእዜሰ እምአመ በጽሐ ጢሞቴዎስ ኀቤነ እምኀቤክሙ ወዜነወነ ሃይማኖተክሙ ወተፋቅሮተክሙ ወከመሂ ትዜከሩነ በሠናይ ዘልፈ ወትፈትዉ ትርአዩነ በከመ ንፈቱ ንሕነሂ ርእዮተክሙ። 7#2፥2። በእንተዝ ተፈሣሕነ አኀዊነ በእንተ ኵሉ ሕማምነ ወምንዳቤነ ዘበእንተ ሃይማኖትክሙ። 8እስመ ይእዜ ነሐዩ እምከመ አንትሙ ቆምክሙ በእግዚእነ። 9አየ አኰቴተ ንክል ዐስዮቶ ለእግዚአብሔር ህየንተ ኵሉ ፍሥሓነ ዘተፈሣሕነ በእንቲኣክሙ ዘእንበለ ከመ ንጸሊ ኀበ አምላክነ መዐልተ ወሌሊተ። 10ወፈድፋደሰ ንጼሊ ከመ ንርአይ ገጸክሙ ወይትፈጸም ሕጸጸ ሃይማኖትክሙ። 11ወእግዚአብሔር አቡነ ወእግዚእነ ኢየሱስ ክርስቶስ ያርትዕ ፍኖተነ ኀቤክሙ። 12ወለክሙሂ ያብዝኅ እግዚእነ ወያፈደፍድ ተፋቅሮተክሙ በበይናቲክሙ ወምስለ ኵሉ ለለ አሐዱ አሐዱ በከመ ንሕነ ናፈቅረክሙ ለክሙ። 13#2ተሰ. 2፥17። ወይጽናዕ ልብክሙ በንጽሕ ወበቅድሳት ለቅድመ እግዚአብሔር አቡነ አመ ምጽአተ እግዚእነ ኢየሱስ ክርስቶስ ምስለ ኵሎሙ ቅዱሳን።
Currently Selected:
ኀበ ሰብአ ተሰሎንቄ 1 3: ሐኪግ
Highlight
Share
Copy
Want to have your highlights saved across all your devices? Sign up or sign in
ኀበ ሰብአ ተሰሎንቄ 1 3
3
ምዕራፍ 3
ዘከመ ተልእከ ጢሞቴዎስ ኀበ ተሰሎንቄ
1 #
ግብረ ሐዋ. 17፥14-15። ወስኢነነ ተዐግሦ አብደርነ ንንበር አቴና አሐተኔ ባሕቲተነ። 2ወፈነውናሁ ለጢሞቴዎስ እኁነ ላእከ እግዚአብሔር ወረድኤትነ በትምህርተ ክርስቶስ ከመ ያጽንዕክሙ ወያስተብቍዕክሙ በእንተ ሃይማኖትክሙ። 3#ኤፌ. 3፥13፤ 2ጢሞ. 3፥12። ከመ ኢታንቀልቅሉ ወኢይቅብጽ አሐዱሂ እምውስቴትክሙ በዛቲ ሕማምክሙ ተአምሩ ለሊክሙ ከመ ዝንቱ ዳእሙ ይጸንሐነ። 4ወአመ ሀሎኩ ኀቤክሙ ዘንተ ክመ አቅደምኩ ወነገርኩክሙ ከመ ሀለወነ ንሕምም ወይሣቅዩነ ወበከመ አመርናክሙ ኮነ ውእቱ። 5#ፊልጵ. 2፥17። ወበእንተዝ አነሂ ስኢንየ ተዐግሦ ፈነውኩ ጢሞቴዎስሃ ከመ አእምር ሃይማኖተክሙ እመቦ ከመ አመከረክሙ ዘያሜክር ወለከንቱ ይከውን ጻማነ ዘበእንቲኣክሙ። 6#ግብረ ሐዋ. 18፥5። ወይእዜሰ እምአመ በጽሐ ጢሞቴዎስ ኀቤነ እምኀቤክሙ ወዜነወነ ሃይማኖተክሙ ወተፋቅሮተክሙ ወከመሂ ትዜከሩነ በሠናይ ዘልፈ ወትፈትዉ ትርአዩነ በከመ ንፈቱ ንሕነሂ ርእዮተክሙ። 7#2፥2። በእንተዝ ተፈሣሕነ አኀዊነ በእንተ ኵሉ ሕማምነ ወምንዳቤነ ዘበእንተ ሃይማኖትክሙ። 8እስመ ይእዜ ነሐዩ እምከመ አንትሙ ቆምክሙ በእግዚእነ። 9አየ አኰቴተ ንክል ዐስዮቶ ለእግዚአብሔር ህየንተ ኵሉ ፍሥሓነ ዘተፈሣሕነ በእንቲኣክሙ ዘእንበለ ከመ ንጸሊ ኀበ አምላክነ መዐልተ ወሌሊተ። 10ወፈድፋደሰ ንጼሊ ከመ ንርአይ ገጸክሙ ወይትፈጸም ሕጸጸ ሃይማኖትክሙ። 11ወእግዚአብሔር አቡነ ወእግዚእነ ኢየሱስ ክርስቶስ ያርትዕ ፍኖተነ ኀቤክሙ። 12ወለክሙሂ ያብዝኅ እግዚእነ ወያፈደፍድ ተፋቅሮተክሙ በበይናቲክሙ ወምስለ ኵሉ ለለ አሐዱ አሐዱ በከመ ንሕነ ናፈቅረክሙ ለክሙ። 13#2ተሰ. 2፥17። ወይጽናዕ ልብክሙ በንጽሕ ወበቅድሳት ለቅድመ እግዚአብሔር አቡነ አመ ምጽአተ እግዚእነ ኢየሱስ ክርስቶስ ምስለ ኵሎሙ ቅዱሳን።
Currently Selected:
:
Highlight
Share
Copy
Want to have your highlights saved across all your devices? Sign up or sign in