ኀበ ሰብአ ቆሮንቶስ 1 7
7
ምዕራፍ 7
በእንተ ሰብሳብ
1ወበእንተሰ ዘጸሐፍክሙ ሊተ ይኄይሶ ለብእሲ ኢቀሪበ አንስት። 2ወከመሰ ኢትዘምዉ ኵሉ ብእሲ ይንበር በብእሲቱ ወኵላ ብእሲት ትንበር በምታ። 3ለብእሲትኒ ዘበርቱዕ ይግበር ላቲ ምታ ወከማሁ ብእሲትኒ ለምታ። 4ብእሲትኒ ኢኮነት ብውሕተ ላዕለ ርእሳ ዘእንበለ ዳእሙ ለምታ ወከማሁ ብእሲኒ ኢኮነ ብውሐ ላዕለ ርእሱ ዘእንበለ ዳእሙ ለብእሲቱ። 5ወኢትትጋኀሡ አሐዱ እምካልኡ ዘእንበለ ዳእሙ በዘተበዋሕክሙ በዕድሜሁ ከመ ታስተርክቡ ለጸሎትክሙ ወካዕበ ተሀልዉ ኅቡረ ከመ ኢይጽባእክሙ ሰይጣን እስመ ድኩም ቱስሕተ ነፍስትክሙ። 6ወዘኒ ዘእብለክሙ አኮ ዘእኤዝዘክሙ። 7#ማቴ. 19፥3-13። እስመ እፈቅድ ኵሉ ሰብእ ይኩን ከማየ ወባሕቱ ለኵሉ በዘእግዚአብሔር ጸገዎ የሀሉ ቦ ዘከመዝ ግዕዙ ወቦ ዘካልእ ግዕዙ። 8ወባሕቱ እብሎሙ ለእለ ኢያውሰቡ ወለመዓስብኒ ይኄይሶሙ ለእመ ነበሩ ከማየ። 9#1ጢሞ. 5፥14። ወለእመሰ ኢይክሉ ተዐግሦ ለያውስቡ እስመ ይኄይስ አውስቦ እምዋዕይ በፍትወት። 10ወለእለሂ አውሰቡ እኤዝዞሙ በትእዛዘ እግዚአብሔር ወአኮ በትእዛዘ ርእስየ ብእሲትኒ ኢትትኃደግ ምስለ ምታ። 11#ማቴ. 5፥22። ወእመኒ ተኀድገት ትንበርአ በከአ ወእመ አኮ ትትዓረቅ ምስለ ምታአ ወብእሲኒ ኢይኅድግ ብእሲቶ። 12ወባዕደሰ እነግር ለልየ ወአኮ ዘእምኀበ እግዚእነ ለእመቦ እምአኀዊነ ዘቦ ብእሲት እንተ ኢተአምን ወታፈቅር ምታ ወትፈቅድ ትንበር ምስሌሁ ኢይኅድግ ብእሲቶ። 13ወእመኒ ብእሲት ባቲ ምት ዘኢየአምን ወያፈቅር ብእሲቶ ወይፈቅድ ይንበር ምስሌሃ ኢትኅድግ#ቦ ዘይቤ «ኢይትኃደጉ» ምታ። 14#ሮሜ 11፥16። እስመ ይትይቄደስ ብእሲኒ ዘኢየአምን በእንተ ብእሲቱ ወትትቄደስ ብእሲትኒ እንተ ኢተአምን በእንተ ምታ ወእመ አኮሰ ርኩሳነ ይከውኑ ውሉዶሙ ወይእዜሰ ቅዱሳን እሙንቱ። 15#ሮሜ 15፥19። ወእመሰ ዘኢየአምን ይፈቅድ ይኅድግ ለይኅድግ እስመ እኁነ ወእኅትነ ኢይትቀነዩ ለዘከመዝ እስመ ጸውዖሙ እግዚአብሔር ለሰላም። 16#1ጴጥ. 3፥1። እስመ ኢተአምር ብእሲት ለእመ ታድኅኖ ለምታ ወኢየአምር ብእሲ ለእመ ያድኅና ለብእሲቱ። 17ወባሕቱ ኵሉ በከመ ከፈሎ እግዚአብሔር ወኵሉ በከመ ጸውዖ እግዚአብሔር ከማሁ የሀሉ ወከመዝ ንኤዝዝ ለኵሉ አብያተ ክርስቲያናት። 18ለእመቦ ዘተጸውዐ እንዘ ግዙር ውእቱ ኢይንሣእ ቍልፈተ ወእመሰ ቈላፍ ተጸውዐ ኢይትገዘር እንከ። 19#ገላ. 5፥6፤ 6፥15። ተገዝሮሂ ኢይበቍዕ ወኢተገዝሮሂ ኢያሰልጥ ዘእንበለ ዳእሙ ዐቂበ ትእዛዘ እግዚአብሔር።
በእንተ ጽዋዔ ሃይማኖት
20ወኵሉ ዘከመ ተጸውዐ ከማሁ ለየሀሉ። 21ወእመኒ ገብር አንተ ወቦእከ ኢያኅዝንከ ወእመሰ ይትከሀለከ ንሣእ ግዕዛነከ። 22#ዮሐ. 8፥36። እስመ ገብር ዘተጸውዐ አግዓዛይ ውእቱ በኀበ እግዚአብሔር ወከማሁ አግዓዛይኒ ለእመ ተጸውዐ ገብረ ክርስቶስ ውእቱ። 23#6፥20፤ 1ጴጥ. 1፥18፤ ማቴ. 26፥16፤ 27፥9። በሤጥ ተሣየጠክሙ ኢትኩኑ አግብርተ ሰብእ። 24ወኵልክሙ አኀዊነ በዘተጸዋዕክሙ ከማሁ ሀልዉ በእግዚአብሔር።
በእንተ ዐቂበ ድንግልና
25 #
1ጢሞ. 1፥11-12። ወእንበይነ ደናግልኒ ኢኮነ ትእዛዘ እግዚአብሔር ዘእብለክሙ ዳእሙ እነግረክሙ በምክርየ እምከመሰ ተሣሀለኒ እግዚአብሔር ከመ እኩን ምእመነ። 26ወባሕቱ ይመስለኒሰ ከመዝ እስመ ይኄይስ በግብር ይትፈቀድ ዝንቱ ይኄይሶ ለሰብእ ከመዝ የሀሉ። 27እምከመ ሀሎከ ምስለ ብእሲትከ ኢትፍቅድ ተኃድጎ ምስሌሃ ወእመሰ አልብከ ብእሲት ኢትፍቅድ አንስተ ወእመሰ አውሰብከ ኢጌገይከ። 28ወእመኒ አውሰበት ድንግል ብእሴ ኢይከውና ኀጢአተ እስመ እሙንቱ ከመዝ ወእለሰ አውሰቡ መቅሠፍተ ኀሠሡ ለርእሶሙ ወአንሰ እስመ እምሕከክሙ ዘእብለክሙ ዘኒ። 29#ሮሜ 13፥11፤ 15፥24። ወባሕቱ ከመዝ ይረትዕ አኀዊነ እስመ አልጸቀ ይኅልፍ ኵሉ ንብረተ ዝ ዓለም ወይእዜኒ እለኒ አውሰቡ ይከውኑ ከመ ዘኢያውሰቡ። 30ወእለኒ ይበክዩ ከመ ዘኢበከዩ ወእለኒ ይትፌሥሑ ከመ ዘኢተፈሥሑ ወእለኒ ተደለዉ ከመ ዘኢተደለዉ ወእለኒ ይሣየጡ ከመ ዘኢተሣየጡ ወእለኒ ይመልኩ ከመ ዘኢመለኩ። 31#1ዮሐ. 2፥15-17። ወእለኒ ይበልዑ ከመ ዘኢበልዑ ወእለኒ ይሰትዩ ከመ ዘኢሰትዩ እስመ ኵሉ ተድላ ዝ ዓለም የኀልፍ። 32አንሰ እፈቅድ ለክሙ ዘእንበለ ኀዘን ተሀልዉ እስመ ዘኢያውሰበ ይኄልዮ ለእግዚአብሔር በዘያሠምሮ ለእግዚአብሔር። 33#ሉቃ. 14፥20። ወዘሰ አውሰበ ይኄሊ ንብረተ ዝንቱ ዓለም በዘያሠምራ ለብእሲቱ። 34ወባሕቱ ተናፈቀ ወብእሲትኒ መዓስብት ወድንግልኒ እንተ ኢያውሰበት ትኄልዮ ለእግዚአብሔር ከመ ይትቀደስ ሥጋሃኒ ወነፍሳኒ ወእንተሰ አውሰበት ትኄሊ ንብረተ ዝ ዓለም በዘታደሉ ለምታ። 35ወዘኒ ዘእብለክሙ በዘይበቍዐክሙ ወአኮ ከመ አሥግርክሙ ዳእሙ ከመ ዕሩየ ይኩን ንብረትክሙ ወትፀመድዎ ለእግዚአብሔር ዘእንበለ ኑፋቄ። 36ወእመሰ ቦ ዘይኄሊ ከመ ዘየኀፍር በእንተ ድንግልናሁ አመ ልህቀ ከመዝ ርቱዕ ይኩን ዘፈቀደ ይግበር ወአልቦ ኀጢአት ለእመ አውሰበ። 37ወዘሰ አጥብዐ በልቡ ወአልቦ ሁከት ብውሕ ሎቱ ዘፈቀደ ይግበር ወኢያገብርዎ ወእመኒ አጥብዐ ይዕቀብ ድንግልናሁ በልቡ ሠናየ ገብረ። 38ወዘኒ አውሰበ ድንግለ ሠናየ ገብረ ወዘሰ ኢያውሰበ እንተ ትኄይስ ገብረ። 39#7፥2። ብእሲትኒ እስርት ይእቲ አምጣነ ሕያው ምታ ወእመሰ ሞተ ምታ አግዓዛይት ይእቲ ዘፈቀደት ታውስብ ወባሕቱ እምእመናን በእግዚአብሔር። 40#14፥37። ወእመሰ አጥብአት ለእግዚአብሔር ብፅዕት ይእቲ ለእመ ነበረት በምክርየ ወሊተሰ ይመስለኒ መንፈሰ እግዚአብሔር ብየ።
Currently Selected:
ኀበ ሰብአ ቆሮንቶስ 1 7: ሐኪግ
Highlight
Share
Copy
Want to have your highlights saved across all your devices? Sign up or sign in
ኀበ ሰብአ ቆሮንቶስ 1 7
7
ምዕራፍ 7
በእንተ ሰብሳብ
1ወበእንተሰ ዘጸሐፍክሙ ሊተ ይኄይሶ ለብእሲ ኢቀሪበ አንስት። 2ወከመሰ ኢትዘምዉ ኵሉ ብእሲ ይንበር በብእሲቱ ወኵላ ብእሲት ትንበር በምታ። 3ለብእሲትኒ ዘበርቱዕ ይግበር ላቲ ምታ ወከማሁ ብእሲትኒ ለምታ። 4ብእሲትኒ ኢኮነት ብውሕተ ላዕለ ርእሳ ዘእንበለ ዳእሙ ለምታ ወከማሁ ብእሲኒ ኢኮነ ብውሐ ላዕለ ርእሱ ዘእንበለ ዳእሙ ለብእሲቱ። 5ወኢትትጋኀሡ አሐዱ እምካልኡ ዘእንበለ ዳእሙ በዘተበዋሕክሙ በዕድሜሁ ከመ ታስተርክቡ ለጸሎትክሙ ወካዕበ ተሀልዉ ኅቡረ ከመ ኢይጽባእክሙ ሰይጣን እስመ ድኩም ቱስሕተ ነፍስትክሙ። 6ወዘኒ ዘእብለክሙ አኮ ዘእኤዝዘክሙ። 7#ማቴ. 19፥3-13። እስመ እፈቅድ ኵሉ ሰብእ ይኩን ከማየ ወባሕቱ ለኵሉ በዘእግዚአብሔር ጸገዎ የሀሉ ቦ ዘከመዝ ግዕዙ ወቦ ዘካልእ ግዕዙ። 8ወባሕቱ እብሎሙ ለእለ ኢያውሰቡ ወለመዓስብኒ ይኄይሶሙ ለእመ ነበሩ ከማየ። 9#1ጢሞ. 5፥14። ወለእመሰ ኢይክሉ ተዐግሦ ለያውስቡ እስመ ይኄይስ አውስቦ እምዋዕይ በፍትወት። 10ወለእለሂ አውሰቡ እኤዝዞሙ በትእዛዘ እግዚአብሔር ወአኮ በትእዛዘ ርእስየ ብእሲትኒ ኢትትኃደግ ምስለ ምታ። 11#ማቴ. 5፥22። ወእመኒ ተኀድገት ትንበርአ በከአ ወእመ አኮ ትትዓረቅ ምስለ ምታአ ወብእሲኒ ኢይኅድግ ብእሲቶ። 12ወባዕደሰ እነግር ለልየ ወአኮ ዘእምኀበ እግዚእነ ለእመቦ እምአኀዊነ ዘቦ ብእሲት እንተ ኢተአምን ወታፈቅር ምታ ወትፈቅድ ትንበር ምስሌሁ ኢይኅድግ ብእሲቶ። 13ወእመኒ ብእሲት ባቲ ምት ዘኢየአምን ወያፈቅር ብእሲቶ ወይፈቅድ ይንበር ምስሌሃ ኢትኅድግ#ቦ ዘይቤ «ኢይትኃደጉ» ምታ። 14#ሮሜ 11፥16። እስመ ይትይቄደስ ብእሲኒ ዘኢየአምን በእንተ ብእሲቱ ወትትቄደስ ብእሲትኒ እንተ ኢተአምን በእንተ ምታ ወእመ አኮሰ ርኩሳነ ይከውኑ ውሉዶሙ ወይእዜሰ ቅዱሳን እሙንቱ። 15#ሮሜ 15፥19። ወእመሰ ዘኢየአምን ይፈቅድ ይኅድግ ለይኅድግ እስመ እኁነ ወእኅትነ ኢይትቀነዩ ለዘከመዝ እስመ ጸውዖሙ እግዚአብሔር ለሰላም። 16#1ጴጥ. 3፥1። እስመ ኢተአምር ብእሲት ለእመ ታድኅኖ ለምታ ወኢየአምር ብእሲ ለእመ ያድኅና ለብእሲቱ። 17ወባሕቱ ኵሉ በከመ ከፈሎ እግዚአብሔር ወኵሉ በከመ ጸውዖ እግዚአብሔር ከማሁ የሀሉ ወከመዝ ንኤዝዝ ለኵሉ አብያተ ክርስቲያናት። 18ለእመቦ ዘተጸውዐ እንዘ ግዙር ውእቱ ኢይንሣእ ቍልፈተ ወእመሰ ቈላፍ ተጸውዐ ኢይትገዘር እንከ። 19#ገላ. 5፥6፤ 6፥15። ተገዝሮሂ ኢይበቍዕ ወኢተገዝሮሂ ኢያሰልጥ ዘእንበለ ዳእሙ ዐቂበ ትእዛዘ እግዚአብሔር።
በእንተ ጽዋዔ ሃይማኖት
20ወኵሉ ዘከመ ተጸውዐ ከማሁ ለየሀሉ። 21ወእመኒ ገብር አንተ ወቦእከ ኢያኅዝንከ ወእመሰ ይትከሀለከ ንሣእ ግዕዛነከ። 22#ዮሐ. 8፥36። እስመ ገብር ዘተጸውዐ አግዓዛይ ውእቱ በኀበ እግዚአብሔር ወከማሁ አግዓዛይኒ ለእመ ተጸውዐ ገብረ ክርስቶስ ውእቱ። 23#6፥20፤ 1ጴጥ. 1፥18፤ ማቴ. 26፥16፤ 27፥9። በሤጥ ተሣየጠክሙ ኢትኩኑ አግብርተ ሰብእ። 24ወኵልክሙ አኀዊነ በዘተጸዋዕክሙ ከማሁ ሀልዉ በእግዚአብሔር።
በእንተ ዐቂበ ድንግልና
25 #
1ጢሞ. 1፥11-12። ወእንበይነ ደናግልኒ ኢኮነ ትእዛዘ እግዚአብሔር ዘእብለክሙ ዳእሙ እነግረክሙ በምክርየ እምከመሰ ተሣሀለኒ እግዚአብሔር ከመ እኩን ምእመነ። 26ወባሕቱ ይመስለኒሰ ከመዝ እስመ ይኄይስ በግብር ይትፈቀድ ዝንቱ ይኄይሶ ለሰብእ ከመዝ የሀሉ። 27እምከመ ሀሎከ ምስለ ብእሲትከ ኢትፍቅድ ተኃድጎ ምስሌሃ ወእመሰ አልብከ ብእሲት ኢትፍቅድ አንስተ ወእመሰ አውሰብከ ኢጌገይከ። 28ወእመኒ አውሰበት ድንግል ብእሴ ኢይከውና ኀጢአተ እስመ እሙንቱ ከመዝ ወእለሰ አውሰቡ መቅሠፍተ ኀሠሡ ለርእሶሙ ወአንሰ እስመ እምሕከክሙ ዘእብለክሙ ዘኒ። 29#ሮሜ 13፥11፤ 15፥24። ወባሕቱ ከመዝ ይረትዕ አኀዊነ እስመ አልጸቀ ይኅልፍ ኵሉ ንብረተ ዝ ዓለም ወይእዜኒ እለኒ አውሰቡ ይከውኑ ከመ ዘኢያውሰቡ። 30ወእለኒ ይበክዩ ከመ ዘኢበከዩ ወእለኒ ይትፌሥሑ ከመ ዘኢተፈሥሑ ወእለኒ ተደለዉ ከመ ዘኢተደለዉ ወእለኒ ይሣየጡ ከመ ዘኢተሣየጡ ወእለኒ ይመልኩ ከመ ዘኢመለኩ። 31#1ዮሐ. 2፥15-17። ወእለኒ ይበልዑ ከመ ዘኢበልዑ ወእለኒ ይሰትዩ ከመ ዘኢሰትዩ እስመ ኵሉ ተድላ ዝ ዓለም የኀልፍ። 32አንሰ እፈቅድ ለክሙ ዘእንበለ ኀዘን ተሀልዉ እስመ ዘኢያውሰበ ይኄልዮ ለእግዚአብሔር በዘያሠምሮ ለእግዚአብሔር። 33#ሉቃ. 14፥20። ወዘሰ አውሰበ ይኄሊ ንብረተ ዝንቱ ዓለም በዘያሠምራ ለብእሲቱ። 34ወባሕቱ ተናፈቀ ወብእሲትኒ መዓስብት ወድንግልኒ እንተ ኢያውሰበት ትኄልዮ ለእግዚአብሔር ከመ ይትቀደስ ሥጋሃኒ ወነፍሳኒ ወእንተሰ አውሰበት ትኄሊ ንብረተ ዝ ዓለም በዘታደሉ ለምታ። 35ወዘኒ ዘእብለክሙ በዘይበቍዐክሙ ወአኮ ከመ አሥግርክሙ ዳእሙ ከመ ዕሩየ ይኩን ንብረትክሙ ወትፀመድዎ ለእግዚአብሔር ዘእንበለ ኑፋቄ። 36ወእመሰ ቦ ዘይኄሊ ከመ ዘየኀፍር በእንተ ድንግልናሁ አመ ልህቀ ከመዝ ርቱዕ ይኩን ዘፈቀደ ይግበር ወአልቦ ኀጢአት ለእመ አውሰበ። 37ወዘሰ አጥብዐ በልቡ ወአልቦ ሁከት ብውሕ ሎቱ ዘፈቀደ ይግበር ወኢያገብርዎ ወእመኒ አጥብዐ ይዕቀብ ድንግልናሁ በልቡ ሠናየ ገብረ። 38ወዘኒ አውሰበ ድንግለ ሠናየ ገብረ ወዘሰ ኢያውሰበ እንተ ትኄይስ ገብረ። 39#7፥2። ብእሲትኒ እስርት ይእቲ አምጣነ ሕያው ምታ ወእመሰ ሞተ ምታ አግዓዛይት ይእቲ ዘፈቀደት ታውስብ ወባሕቱ እምእመናን በእግዚአብሔር። 40#14፥37። ወእመሰ አጥብአት ለእግዚአብሔር ብፅዕት ይእቲ ለእመ ነበረት በምክርየ ወሊተሰ ይመስለኒ መንፈሰ እግዚአብሔር ብየ።
Currently Selected:
:
Highlight
Share
Copy
Want to have your highlights saved across all your devices? Sign up or sign in