ኀበ ሰብአ ቆሮንቶስ 1 4

ምዕራፍ 4

በእንተ መምህራን

1 # ቲቶ 1፥7። ከመዝኬ የኀሊ ሰብእ በእንቲአነ ከመ አግብርተ ክርስቶስ ንሕነ ወከመ መገብተ ሥርዐቱ ለእግዚአብሔር። 2#ሉቃ. 12፥42። ወበዝየ እንከ ይትፈቀድ ከመ ይትረከብ ኄር ወምእመን እመገብት። 3ወሊተሰ ኀሣር ውእቱ ወተመንኖ በኀቤክሙ ለእመ ታጸድቁኒ ወለእመኒ ተአኵቱኒ ከመ ኄር በኀበ ሰብእ መዋቲ ወለልየ ኢይፈትሕ ለርእስየ። 4#መዝ. 142፥2። ወአልቦ ዘያርሰሐስሐኒ ወኢዘይትዐወቀኒ ወበዝየኒ ኢያጸድቅ ርእስየ እስመ እግዚአብሔር የሐትተኒ። 5#3፥8። ወለምንትኑ ተሐትቱ ይእዜ ለኄርኒ፥ ወለጻድቅኒ ዘእንበለ ይብጻሕ ጊዜሁ እስመ ይመጽእ እግዚእነ ዘያበርህ ኅቡኣተ ዘውስተ ጽልመት ወይከሥት ኅሊናተ ልብ ውእተ አሚረ ይነሥእ ኵሉ ዕሴቶ እምኀበ እግዚአብሔር። 6#ሮሜ 12፥3። ወዘኒ ሕማመ ነሣእነ አነሂ ወአጵሎስሂ በእንቲኣክሙ አኀዊነ ከመ ትትመሀሩ አንትሙሂ ወኢትፃኡ እምቃለ መጻሕፍት ከመ ኢትትዐበዩ ላዕለ ቢጽክሙ።

በእንተ ኢመፍትው ተዝኅሮ

7 # ሮሜ 12፥6። መኑ የሐትተከ ወምንተ ኮንከ ዘትዜኀር ወትትዔበይ ብከኑ ዘኢነሣእከ እምካልእከ ወእመ ዘብከ ነሣእከ እምካልእከ ለምንትኑ ትዜኀር ወትትዔበይ ከመ ዘኢነሥአ። 8#ራእ. 3፥17። ወናሁ ጸገብክሙ ወብዕልክሙ ወነገሥክሙ ዘእንበሌነ ወርቱዕሰ ንሕነኒ ንንግሥ ምስሌክሙ እመ መለክሙ ወነገሥክሙ። 9ወይመስለኒሰ ከመ ረሰየነ እግዚአብሔር ለሐዋርያቲሁ ደኀርተ ከመ ዘድልዋን ለሞት እስመ ሥላቀ ኮነ ለዓለም ለሰብእ ወለመላእክትኒ። 10#ሮሜ 8፥36፤ ዕብ. 10፥33። ንሕነሰ አብዳን በእንተ ክርስቶስ ወአንትሙሰ ጠቢባን በክርስቶስ ወንሕነሰ ድኩማን ወአንትሙሰ ጽኑዓን ወአንትሙሰ ክቡራን ወንሕነሰ ትሑታን። 11#3፥18። እስከ ዛቲ ዕለት ንሕነሰ ርኁባን ወጽሙኣን ወዕሩቃን ወፈላስያን ወአልብነ መካን ወንትኰራዕ። 12#2ቆሮ. 11፥23-27። ወንሰርሕ እንዘ ንትቀነይ በግብረ እደዊነ ይረግሙነ ወንሕነ ንድኅሮሙ ይሰድዱነ ወንሕነ ንባርኮሙ ወንትዔገሦሙ። 13#ግብረ ሐዋ. 18፥3፤ 20፥34፤ 1ተሰ. 2፥9፤ 2ተሰ. 3፥8፤ ሮሜ 12፥14፤ መዝ. 108፥28። ይፀርፉ ላዕሌነ ወናስተበቍዖሙ ወከመ ኳሄላ ኮነ ውስተ ዓለም ወምኑናነ በኀበ ኵሉ። 14ወአኮ ዘጸሐፍኩ ለክሙ ዘንተ ከመ እዛለፍክሙ ዳእሙ ከመ እገሥጽክሙ ወእምሀርክሙ ከመ ውሉድየ ወፍቁራንየ ወቤዛክሙ አነ ለኵልክሙ ወኢኀፈርክሙኒ። 15#ገላ. 4፥19። ወእመኒ አእላፍ አምህርት ወመሃርያን ብክሙ በክርስቶስ አበዊክሙሰ ኢኮኑ ብዙኃነ እስመ አነ ወለድኩክሙ በትምህርተ ክርስቶስ ኢየሱስ።

በእንተ ተመስሎተ መምህራን

16 # 11፥1። አስተበቍዐክሙ አኀዊነ ኪያየ ተመሰሉ። 17ወበእንተዝ ፈነውክዎ ለክሙ ለጢሞቴዎስ ዘውእቱ ወልድየ ወፍቁርየ ምእመን በእግዚአብሔር ያዘክርክሙ ፍናውየ በክርስቶስ ኢየሱስ በከመ መሀርኩ በኵለሄ ወበኵሉ አብያተ ክርስቲያናት። 18ወናሁ ሀለዉ እለ ተዐበዩ እምኔክሙ በእንተ ዘኢመጻእኩ ኀቤክሙ። 19#ግብረ ሐዋ. 18፥21፤ ያዕ. 4፥15። እመጽእኬ እንከ ፍጡነ እመ ፈቀደ እግዚአብሔር ወኢየኀሥሥ ነገረ ዕቡያን ዳእሙ አኀሥሥ ኀይሎሙ። 20#2፥4፤ ሉቃ. 17፥20። እስመ ኢኮነ መንግሥተ እግዚአብሔር በነገር ዘእንበለ በኀይል። 21እፎኑ ትፈቅዱ እምጻእ ኀቤክሙ በበትርኑ ወሚመ በተፋቅሮ ወበየውሃተ ልብ።

Currently Selected:

ኀበ ሰብአ ቆሮንቶስ 1 4: ሐኪግ

Highlight

Copy