ጋላ̈ ጌላ
ጌላ
ዓና̇ ኪ̈ቲንዳ ጳውሎ̈ሲ ጋላ̈ታ ካታማ ጋርታ̇ ዎ ኣማ̇ኒዝ ኣሳንቦ ጻ̈ፋር ሚሺኖ ኪ̈ታ። ዬሱ̈ስ ክርስቶ̈ሲ ኣስ ፋዝ ጎይን ሶ̈ሊዝ ዎጛላ ቃ̈ሊን ዎይ ቤስ̇ ሳባኪንታ̇ሙታ ኣይሁድ ባዮ̇ ኣሳን ጾ̈ሳ̇ ኣማ̇ኒሙታ̇ ዎይሊ “ኣማ̇ና ማ̈ቃ̇ንዳቦ ሙ̈ሳ ሂጊ̇ን ፎታንዳ̇ብ ኮሺ̇̈ርቤ ኮሺ̇ባ̈ሳ?” ዪዝ ጋ̈ዝ ኦይቺ̇ን ኢና ዲንዳዴ፤ ጋላ̈ታ ካታሚን ጋርታ̇ ዎ ኣማ̇ኒዝ ኣሳን ጊዳ̇ “ኣሲ ጾ̈ሳ̇ ቲ̈ን ጋርታ̇ ጺላ̇ ማ̈ቃ̇ንዳቦ ዬሱ̈ሳ ኣማ̇ኒዛ ሙታ̇ ጊዳካይዶን ሙ̈ሳ ጎይባር ኢሚ̇ንቲኖ ሂጊ̇ን ና̈ጋንዳብ ኮሺ̇̈ሬ” ጌይዝ ኣሳን ዲንዲዴ። ዪን ኣሳን “ኣሲ ጺላ̇ ማ̈ቃ̇ንዳብ ዳንዳኢዛ̈ዲ ኣማ̇ናባር ሙታ̇” ጋ̈ዝ ጳውሎ̈ሳ ቲሚርቲ̇ን ኢጺ̇̈ሬ።
ጳውሎ̈ሲ ዪኖ̇ ጋላ̈ታ ኣሳንቦ ኪ̈ቲን ጻ̈ፊኖንዳ ዓና̇ ቲሚርቲ̇ንዳ ኢንታ̇ብ ጌላካ̇ዮ ኣሳንቦ ኪን ኣማ̇ና ጎይን ቤይሳንዳብኬ ኣማ̇ኒኖ ኣሲ ዎዛርፌ̈ን ዶኣንዳብ ኮሺ̇̈ርኮ ኤሪሳንዳብ ጻ̈ፊኔ፤ ዓና̇ ኪ̈ቲን ጋርታ̇ ጳውሎ̈ሲ ዬሱ̈ስ ክርስቶ̈ሳብ ሃዋ̈ራ ማ̈ቂ̇ኖን ቤይሲሙታ ኢ ሃዋ̈ራ ማ̈ቃ̇ምፔ̈ን ኢያ ጼይጊኖ̈ዲ ጾ̈ሳ̇ዳዶኬ ኣስ ጊዳካ̇ዮንዲኬ ማ ኢ ኪ̈ቲንቲ̇ኖንዳ ኣይሁድ ጊዳካ̇ዮ ኣሳንቦ ማ̈ቂ̇ኖን ሶ̈ሊ̈̈ሬ፤ ዉርሲ ኤ̈ን ጋርታ̇ ኣማ̇ኒኖ ኣሳን ዶኢን ኢንቲ̇ ዬሱ̈ሳ ኣማ̇ናር ዲጛዝ ካንን ጋርታፖ ቤንቲ̇ዛ ማ̈ቂ̇ኖን ሶ̈ሊ̈ሬ።
ማጻፊን ጋርታ ዎ ቆፋን
ጌላ 1፡1-10
ጳውሎ̈ሳብ ዎ ሃዋ̈ሪቲ ሲልጣ̈ና 1፡11-2፡21
ጾ̈ሳ̇ ኮሺቲ ቤይሲዝ ዎጛላ 3፡1-4፡31
ኣማ̇ኒኖ ኣሳብ ዎ ናጻ̈ና̇ታኬ ኢንቲ̇ ኦ̈ንዳብ ኮሺ̇ዝ ባዝ 5፡1-6፡10
ዉርሲ 6፡11-18
Currently Selected:
ጋላ̈ ጌላ: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in