ኤፍ 2
2
ክርስቶ̈ሳ ጎይባራ ዓይቃ ጋርታፖ ዶኢ ቤስ̇ ፊ̈ጚ
1ዪንቲ̇ ዓኒ̇ፖ ቲ̈ን ዪንታ̇ ባዢንባርኬ ዪንታ̇ ናጋሪንባራ ዓይቂ̇ኖን። 2ኬል̇ ዪና̇ ኢዝባራ ዪንቲ̇ ዓኒ ኣላሚን ጋልዶ ኢታ ኦ̈ሲን ኦ̈ሙታ̇ ማ ዓታ̇ር ማ̈ቂ̇ን ጾ̈ሳ̇̇̈ብ ኪ̈ቲንቲ̇ባ̈ሶ ኣሳን ጋልዳ ኦ̈ሙታ ዎ፥ ኣፋ ሳ̈ዝ ጋልዳ ዎ ኢ̈ታ ኣያ̇ናንቦ ኣላቃ ማ̈ቂ̇ኖ̈ቦ ኪ̈ቲንቲ̇ሙታ̇ ጋምኢ̇ኔ። 3ዓኒ̇ፖ ቲ̈ን ኑ̈ናር ዎይን ኢንታ̇ፌ̈ን ናጋራንቻ̇ ማ̈ቂ̇ኖ ኑ ኣሲቲንዳ ኑ̈ና ኪ̈ቲኖንዲፌ̈ንኬ ኑ ቆፊንዲፌ̈ን ኦ̈ሙታ ኢንታ ጊዳ̇ ጋምኢኔ፤ ኑ̈ናር ሜላንፌኒ ኑ ኮቺ̇ንታምባ̇ራ ጾ̈ሳ̇ ጎይላ ጻና ዎ ኣሴ።
4ዎቲናካሬ ጾ̈ሳ̇ ማ̈ሪቲ̈ዲ ዎይሊን ማ̈ቂ̇ኖኮታ̇ብኬ ማ ኢ ኑ̈ና ዎይሊን ካኖኮታ̇ቦ፥ 5ኑ ኑ ናጋሪምባራ ዓይቂ̇ኖ ኣስ ማ̈ቂ̇ናካሬ ክርስቶ̈ሳ ጎይባራ ኑ̈ብ ሼምፓ ኢሚ̇ዴ፤ ዪንታ̇ር ፋጺኖንዳ ጾ̈ሳ̇ ኮሺ̇ቲንባራ። 6ጾ̈ሲ ክርስቶ̈ሳባር ኑ̈ብ ዎ ፔቲ̇ቲንኮታ̇ቦ ዓይቃ ጋርታፖ̇ ኑ̈ና ዲንሪ ክርስቶ̈ሳባር ዎልኣ ኣፋ ኑ̈ና ዶይሲ̇ዴ። 7ዪኖ̇ ኢ ኦ̈ኖንዳ ኢ ዬሱ̈ስ ክርስቶ̈ሳ ጎይባራ ቤይሲኖ ፌ ኣሽኪቲንዲኬ ዎይ̈ፖ ኣ̈ር ሺዝ ፌ ኮሺ̇ቲንባር ዱር ማ̈ቂ̇ኖን ቢርት ቲ̈ን ዬ̈ዝ ላይን ጋርታ ኑ̈ና ቤይሳንዳብ ጋ̈ሪ ዎቲኔ። 8ኣባ ጌይን ዪንቲ̇ ኣማ̇ና ጎይባራ ኢ ካንባር ፋጺኔ፤ ዪ̈ዳሬ ጾ̈ሳ̇ ኢሚ̇ኖ ኢሚ̇ቲዶኬ ዪንታ̇ ኦ̈ሳባር ቤንቲ̇ኖ ባዝ ጊዳካዬ። 9ኦ̈ናካር ኣሲ ኬርፋካይፌ̈ኒ ፋቲ ቤንቲ̇ኖ̈ዲ ኣሳ ኦ̈ሳባር ጊዳካ̇ዬ። 10ኣባ ጌይን ኑ̈ኒ ጾ̈ሲ ቲ̈ኒታር ጊ̈ጊ̇ሲኖ ኮሻ̇ ኦ̈ሳን ኦ̈ምፔ̈ን ዬሱ̈ስ ክርስቶ̈ሳ ጎይባር ማ̈ቃ̇ር ኮቺንቲ̇ኖ ጾ̈ሳ̇ ኮቺንቴ̇።
ክርስቶ̈ሳ ጎይባር ቤንቲ̇ዝ ፔቲ̇ቲ
11ዪ̈ኮታ̇ቦ ዪንቲ̇ ዓኒ̇ፖ ቲ̈ን ዪንታ̇ ዬሊቲንዳ ኣይሁድ ጊዳካ̇ዮ ኣሳን፥ ኣይሁዳን ኣሳ ኩሽባር ጋራ̇ዚንቲ̇ኖኮታ̇ቦ ኬርፊሙታ̇ ዪንታ̇ኮ “ዪንቲ ጋራ̇ዚንታካዮን” ጌዪሙታ̇ ዪንታ̇ ቆ̈ዚን ዪንቲ ቆ̈ፒብቴ። 12ዪና̇ ኢዝ ኬ̈ሊ̇ምባራ ዪንቲ̇ ክርስቶ̈ሳ ጋልዳፓ ፋጊንቲ፥ ማ ኢስሬ̈ላ ዜርንባራ ፔቲ̇ቲ ዪንታ̇ብ ባዮ̇ ኣስ ማ̈ቂ፥ ጾ̈ሳ̇ ኢስሬ̈ላንቦ ኢሚ̇ኖ ታስፋ ቃ̈ሊን ኤሪባ̈ሶ ዛቃ̇ ኣስ ማ̈ቃ̇ሪ፥ ማ ዓኒ̇ ኣላሚን ጋልዳ̇ሬ ታስፋ ዪንታ̇ብ ባዮ̇ ኣስ ማ̈ቃ̇ር ዎን ዪንቲ̇ ቆፒ̇ብቴ። 13ዎቲናካሬ ዪንቲ̇ ዓኒፖ̇ ቲ̈ን ጾ̈ሳ̇̇ ጋልዳፖ̇ ጎቲ̇ኖኒ ዓት ዬሱ̈ስ ክርስቶ̈ሳባር ማ̈ቃ̇ሪ ኢ ሱ̈ባራ ኡኪ̇ኔ።
14ኑ ዎል ዬላ̇ካይ ባኢን ማ̈ቃ̇ር ኣታ̇ምፔ̈ኒ ኑ̈ና ፋጋር ኑ ጊዳ̇ ኤቂ̇ኖ ኢንዲን ዎዲ̇ሳሪ ኣይሁዳንኬ ኣይሁድ ባዮ̇ ኣሳን ዎል ፔታ̇ን ማ̈ሃር ሳሪቲ ኑ̈ብ ኢሚ̇ኖ ክርስቶ̈ሳ። 15ዪን ናምኢ ዜርን ጋርታፖ̇ ኦራ ዎርዣ ኬሳ̇ንዳቦ ጋ̈ሪ ኣይሁዳን ሂጊ̇ንዲኬ ሂጊ̇ን ኪ̈ታዚን ዎይ ፌ ዓይቂንባራ ይሳ̇ሪ ሳሪቲ ኤሄይዴ። 16ኢ ፌ ቆ̈ሚን ማስቃ̇ላ ጋልዳ ሶቲንቲ̇ ዓይቃ̇ሪ ፌ ዓይቂምባራ ኢንታ ጊዳ̇ ዎ ጎይሊን ይሳ̇ሪ ናምኣን ዎልኣ ፔታ̇ን ማ̈ሃሪ ጾ̈ሳ̇ባር ኢጊ̇ንዴ። 17ኢናፖ ዬ̈ሪ ዪንቲ ጾ̈ሳ̇ ጋልዳፖ ጎታ̇ር ኣቲ̇ኖንብኬ ማ ጾ̈ሳ̇ባር ኡካ̇ር ዎን ኢንታ̇ቦ ሳሪቲ ኢሚ̇ዛ ጾ̈ሳ̇ ቃ̈ላ ሳባኪዴ። 18ኣባ ጌይን ኢ ጎይባራ ኑ ዎይን ፔቲ̇ ጾ̈ሳ̇ ኣያናባር ጾ̈ሳ̇ ባ̈ባ̈ኮ ኡኪ̈̇ሬ።
19ዪ̈ኮታ̇ቦ ዪንቲ̇ ጾ̈ሳ̇ ዎርዣ̈ባር ዎልኣ ፔቲ̇ ጋዶ̇ ኣስኬ ፔቲ̇ ኣ̈ል ኣስዶኬ ዓኒፖ̇ ጌዳ ዪንቲ̇ ዛቃ̇ኬ ቤት ጊዳካ̇ዬ። 20ዪንቲ̇ ሃዋ̈ራታንኬ ናባን ጋ̈ጪ ቢ̈ቢንኖን ጋልዳ ኬ̈ጺንቲ̇ኔ፤ ኬ̈ን ሚ̈ን ኤሲ̇ዝ ዋ̈ና ሹቻ̇̈ዲ ዬሱ̈ስ ክርስቶ̈ሳ። 21ኬ̈ን ዎይ ዬሱ̈ስ ክርስቶ̈ሳባር ዎልዎልኣ ኤ̈ንታ̇ራ ጎዳ̈ባራ ጌ̈ሽ ጾ̈ሳ̇ ኬ̈ ማ̈ቃ̇ንዳብ ዲጫ̇̈ሬ። 22ዪንቲ̇ ጾ̈ሳ̇ ፌ ኣያ̇ናባር ዪንታ̇ ጋርታ ኣቂዝ ኬ̈ ማ̈ቃ̇ምፔ̈ኒ ኢባር ዎልኣ ኬ̈ጺንቲሙታ ዎ።
Currently Selected:
ኤፍ 2: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
