ቆላ̈ 1

1ጾ̈ሳ̇̇ ቆፊፌ̈ን ዬሱ̈ስ ክርስቶ̈ሳቦ ሃዋ̈ራ ማቂ̈ኖ ታ ጳዉ̈ሎሳፔኬ ኑ̈ ኢሻ ጢማ̈ቶ̈ሳፖ፥ 2ቆላ̈ሳ̈ሳ ካታማ ጋርታ̇ ዎ ጾ̈ሳ̇̇ ዎርዣ̈ቦ፥ ጎዳ ኣማ̇ኒኖ፥ ኣማ̇ኒንቲ̇ኖ ኑ ኢሺንታ̇ንብኬ ኑ ሚሺንታ̇ንቦ ዓና̇ ዳብዳቢ̇ን ኑ ጻ̈ፊ ሚሺ̈ኔ።

ጾ̈ሳ̇ ኑ ባ̈ባ ኮሺ̇ቲንዲኬ ሳሪቲን ዪንቲ̇ ዎይንባር ማ̈ቃ̇ጋ̈ቤ።

ጳውሎ̈ሲ ዎ̈ሲ̇ኖ ዎ̈ሳኬ ሺ̈ሺ̇ኖ ጋላታ

3ኑ̈ኒ ዪንታ̇ቦ ጾ̈ሳ̇ ዎሲ̈ርዶ̈ር ዪንታ̇ኮታ ኑ ጎዳ ዬሱ̈ስ ክርስቶ̈ሳ ባ̈ባ̈ ጾ̈ሳ̇̇ ዎይ ጋላስ ጋላቲ̈ሬ፤ 4ኑ̈ኒ ጋላታዚንዳ ዪንታ̇ብ ጎዳ ዬሱ̈ሳባር ዎ ዪንታ̇ ኣማ̇ኒንዴኬ ኣማ̇ኒኖ ኣሳንቦ ዎ ዪንታ̇ ካንን ኑ ሲስኪ̇ኖኮታ̇ቦ። 5ኪን ማ̈ቂ̇ኖ ዎጛላ ቃ̈ሊንዳ ቲ̈ን ዪንታ̇ክ ዬሊ̇ኖንባ̇ራ ኢዝ ጋርታ ዎ ታስፊን ዪንቲ̇ ሲስኪ̇ኔ፤ ዪዚ ዪ̈ኮታ̇ቦ ዪንታ̇ ኣማ̇ኒንዲኬ ዪንታ̇ ካንን ኤቂ̇ኖንዳ ኣፋ ዪንታ̇ቦ ጊ̈ጊንታ̇ር ዎ ታስፊን ጋልዳ። 6ዪንቲ̇ ዎጛላ ቃ̈ሊን ሲስኪ̇̈ኖንምፔኬ ጾ̈ሳ̇ ኮሺ̇ቲን ኪን ማ̈ቂ̇ኖን ኤሪኖፖ ኤ̈ሪ ዓና̇ ዎጛሊንዳ ዪንታ̇ ጊዳ̇ ኣ̈ፍ ካጺ̇ኖንዲፌ̈ኒ ሳ̈ዝ ኤ̈ሻ̇ ዎይ ጋልዳ ኣ̈ፍ ካጻ̇ሙታ̇ ዲጫ̇ሙታ̇ ዎ። 7ዪኖ̇ ዎጛሊንዶ ኑባር ዎልኣ ኦ̈ዛ ማ ኣማ̇ንቲ̇ኖ ክርስቶ̈ሳ ኣይላ ማ̈ቃ̇ር ኑ ቤሲ̇ን ኦ̈ዛ ካንቲ̇ኖ ኑ ኢሻ ኤጳ̈ፍራ ዪንታ̇ ታማ̈ርሲ̇ኔ። 8ማ ዪንቲ̇ ጾ̈ሳ̇ ኣያ̇ናባራ ዎልዎልኣ ካንታ̇ዚንዶ ኢ ኑ̈ብ ሶ̈ሊኔ።

9ዪ̈ኮታ̇ቦ ኑ̈ናር ዪንታ̇ኮን ሲስኪ̇ኖ ቃማ̇ፖ ኤ̈ሪ ዪንታ̇ኮታ̇ቦ ዎ̈ሲ̇ሙታ̇ ጌ̈ሻ ኣያ̇ና ጋልዳፖ ኢሚ̇ንቲ̇ዝ ኤራኬ ኮሽ ቆፊ ዎይ ጾ̈ሲ ዪንታ̇ቦ ዎይሊሲን ዪንቲ̇ ኢ ቆፊን ኦ̈ምፔ̈ኒ ዪንታ̇ብ ጾ̈ሳ̇̇ ጌሻዚን ኑ̈ኒ ኣሻካ̇ዬ። 10ኑ ዪኖ̇ ዎ̈ሳ̇ዚንዳ፥ ዪንቲ̇ ጾ̈ሳ̇ ኮያዚንዲፌ̈ኒ ዶኢሙታ ባዝ ዎይባራ ኢያ ኡፋ̈ይሳምፔ̈ኔ፤ ዪ̈ዳሬ ኮሽ ኦ̈ሳባራ ኣ̈ፍ ካጺ̇ሙታ̇ኬ ጾ̈ሳ̇ ሺ ኤሪሙታ ዲጫ̇ምፔ̈ኒ፣ 11ጾ̈ሲ ፌ ዎልቃ ጴቻ̇̈ባራ ዪንታ̇ ሚ̈ንንፔ̈ኒ፣ ዪንታ̇ሬ ዪንታ̇ ዬሊ̇ዝ ባዝ ዎይ ኡፋይስባራ ዳ̈ንዳኣንፔ̈ንኬ ሚ̈ጛንዳብ ጊ̈ጊንቲ̇ኖ ኣስ ማ̈ቃ̇ምፔ̈ኒ፣ 12ማ ፎኢን ማ̈ቂ̇ኖ ካ̈ቲቲ ጋርታ̇ ጌ̈ሻ̇ ኣሳ̈ንባራ ዎልኣ ቤሲ̇ ፋጊንቲ̇ ኤካ̇ንዳብ ዳንዳኢዝ ኣስ ዪንታ̇ ማሂኖ ጾ̈ሳ̇ ባ̈ባ̈ ዪንቲ̇ ጋላታምፔ̈ኔ። 13ኢ ኑ̈ና ማ ዎልቂን ጋርታፖ ቡ̈ቲሳሪ ፌ ካዝ ናኣ ካ̈ቲቲን ጋርታ̇ ኑ̈ና ጌልሲኔ። 14ማ ኢ ኑ̈ና ማሂ ዓኒ ዎጛሪ ኑ ናጋራ ኑ̈ብ ኣቶ̇ ጌይኔ።

ክርስቶ̈ሲ ዎይ̈ፖ ሺ̈ሬ

15ኣስ ኣፍባራ ቤንቲ̇ባ̈ሶ ጾ̈ሳ̇̇̈ዲ ኣ ማይጺ̈ርኮ ኤርሲኖ̈ዲ ክርስቶ̈ሳ። ኢ ኮቺንቲ̇ኖ ባዝ ዎይፖ ጴቻ̇ዳኬ ኡሳ̇̈ዳ። 16ዎይ ባዝ ኮቺ̇ኖ̈ ኢያ። ኣፋር ማ̈ቂ̇ን ሳ̈ዳ̇ር ዎን፥ ቤቂ̇ን ቤንቲ̇ዛንሬ ቤንቲ̇ባ̈ሶንሬ፥ ኣፋ ዎ ጴች ዎልቃባሮንኬ ጋዣን፥ ላ̈ንኬ ሲልጣ̈ናባሮን ዎይ ጾ̈ሲ ኢባር ማ̈ቃ̇ር ኢ̈ብ ኮቺ̇ኔ። 17ኢ ዎይ ባ̈ዛ̈ፖ ቲ̈ን ዎ፤ ኮ̈ቺንቲ ዎይ ዎልዎልኣ ኤ̈ር ዎል ፔታ̇ን ኦ̈ምፔ̈ኒ ማ̈ቂ̇ኖ̈ዲ ኢ ጎይባራ። 18ኢ ፌ̈ብ ጋል̇ ማ̈ቂ̇̈ኖ ዎ̈ሳ ኬ̈ምቦ ቆሜ̇። ባዝ ዎይ̈ባራ ኢ ሺ ማ̈ቃ̇ምፔ̈ኒ ዓይቃ ጋርታ̇ፖ ዲንዳባራ ዎይፖ ቲ̈ንኬ ዎይፖ ኡሳ̇ ኢያ። 19ጾ̈ሳ̇ ባ̈ባዲ ፌ ናኣ ጋርታ̇ ጾ̈ሲቲ ኩም ዶኣምፔ̈ኒ ዶሲኔ። 20ማ ኢ ጎይባራ ኣፋ ዎ ባዝ ማ̈ቂን ሳ̈ዶ ባዝ ዎይ ፌባር ኢጊንዴ። ማስቃ̈ላ ጋልዳ ውሊንቲ̇ኖ ፌ ናኣ ሱ̈ባራ ሳሪቲ ኤሄይኔ።

21ዓኒፖ̇ ቲ̈ን ዪንቲ ጾ̈ሳ̇ ጋልዳፖ̇ ጎታ̇ሪ ኣቲ̇ኖን፥ ማ ዪንታ̇ ኢ̈ታ ኦ̈ሲንባርኬ̇ ዪንታ̇ ኢ̈ታ ቆፊንባ̇ራ ኢ̈ቦ ጻላ̈ታ ማ̈ቃ̇ር ኣቲ̇ኖን። 22ዎቲናካሬ ዓት̇ ጾ̈ሳ̇ዲ ዪንታ̇ ጌ̈ሻ̇ንኬ፥ ማዛ ዪንታ̇ ጋልዳ ባዮ̈ን ማሃር ፌ̈ክ ሺ̈ሻ̇ንዳቦ፥ ፌ ና̈ኣ ዓይቂን ጎይባራ ኢ ዪንታ̇ ፌባር ኢጊንኔ። 23ዪና̇ ማ̈ቃ̇̈ዚንዳ ዪንቲ̇ ሲስኪ̇ኖ ዎጛሊንባር ሚ̈ጛርኬ ዎጛሊንባር ቤንቲ̇ኖ ታስፊን ጋልዳፖ ዓናር ጌዳር ጋ̈ካ̇ይዶር ኤቄ̈ጌይን ሙታ̇፤ ዪና ዪንቲ̇ ሲስኪ̇ኖንዲኬ ሳ̈ዝ ጋልዳ ዎ ኣሳንቦ ዎይ ሳባ̇ኪንቲ̇ኖ ዎጛሊንዳ ዓና̇ ኢዞ፤ ታ ጳውሎ̈ሳሬ ዓና ዎጛሊንቦ ኦ̈ዝ ኣስ ማ̈ቂ̇ኔ።

ጳውሎ̈ሲ ዎ̈ሳ ኬ̈ቦ ዋ̈ዪኖ ዋ̈ያ

24ታ̈ኒ ዓት ዪንታ̇ ጊሻ̇ቦ ኤካ̇ዝ ሜቲንዳ ታ̈ና ኡፋይሲ̇ኔ፤ ክርስቶ̈ሲ ፌ̈ብ ጋላ̇ ማ̈ቂ̇ኖ ዎ̈ሳ ኬ̈ንኮታ̇ቦ ሜ̈ታ ኤካ̇ምባራ ኣቲ̇ኖን ታ̈ኒ ሜታ ኤካ̇ሙታ̇ ኩምሬ። 25ታ̈ኒ ጾ̈ሳ̇ ቃ̈ሊን ኣባካር ኣሻ̇ካይዶር ዪንታ̇ ታማ̈ርሳምፔ̈ኒ ጾ̈ሲ ታ̈ና ኪ̈ቲ̇ኖንኮታ̇ቦ ዎ̈ሳ ኬ̈ብ ኦ̈ዝ ኣስ ማ̈ቂ̇ኔ። 26-27ጾ̈ሳ̇̇̈ዲ ዪንቲ̇ ኣይሁድ ባዮ̇ ኣሳንቦ ዎ ኢ ቆፊንዳ ዎዛርፌ̈ን ጴች ማ̈ቂ̇ኖን ፌ ዎርዣ̈ቦ ኤርሳንዳብ ኮዪኔ፤ ኢ ቆፊንዳ̇ሬ፥ ክርሲቶ̈ሲ ዪንታ̇ ጋርታ ዶኣምፔ̈ኒዬ፤ ዪ̈ኮታ̇ቦ ዪንቲ̇ ጾ̈ሳ̇ ቦንቻ̇ ኤኪ̇ዝ ኣስ ማ̈ቃ̇ንዳብ ዳንዳኣምፔ̈ኒ ቲ̈ኖ ኬል̇ባራ ጾ̈ሳ̇̇̈ዲ ዓና̇ ሚስጢሪን ፌ ዎርዣ ኤርሳካ̇ይ ኣቻ̇ር ጋዲ̇ንዶ̈ን ዎቲናካር ዓት ኤርሲኔ።

28ኑ̈ኒ ኣሲ ዎይ ክርስቶ̈ስባራ ዲጫ̇ር ቤንታ̇ምፔ̈ን ዎታንዳቦ ኣስ ዎይ̈ዳ ኤራ ዎይ̈ባራ ዞሪሙታ̇ኬ ታማ̈ርሲሙታ̇ ክርስቶ̈ሳ ባዝ ሳባ̇ኪ̈ሬ። 29ታ̈ናር ዪኖ̇ ኦ̈ር ፎታንዳቦ ታባር ማ̈ቃ̇ር ኦ̈ዛ ክርስቶ̈ሲ ታ̈ብ ኢማ̇ዝ ዎልቂንባር ዋ̈ያ ዳ̈ቡራ̈ሬ።

Currently Selected:

ቆላ̈ 1: ኦጫ̈ቃማ

Highlight

Copy