2 ቆሮ 9
9
ኣማ̇ኒዝ ኣሳንቦ ኬሲ̇ኖ ሚ̈ሽ
1ዬሩሳ̈ላም ካታማ ጋርታ̇ ዎ ኣማ̇ኒዝ ኣሳን ማ̈ዳ̇ዝ ኦ̈ሲን ጎይ ቴ ዪንታ̇̇ብ ጻ̈ፋንዳብ ኮሺባ̈ሴ። 2ዪንቲ ማ̈ዳ̇ንዳብ ኢና̇ ዪንታ̇̇ብ ዎን ቴ ቤቂ̇ኔ ዪ̈ኮታ̇ቦ “ኣካ̇̈ዮ ኣሳን ሚ̈ሻ̈̇ባር ማ̈ዳ̇ንዳቦ ዚኔቤራፖ ኤ̈ር ጊ̈ጊንታ̇ር ዎ” ጋ̈ራ ሜቂዶ̈ና ኣሳንኮ ዪንታ̇ ባዝ ቴ ኬርፊኔ፤ ዪንቲ̇ ኣስ ማ̈ዳ̇ንዳብ ዎ ኢኒ̇ንዳ ዎይሊንን ዲንኔ። 3ዪዚ ባዝ ዓኒ̇ባራ ኑ ዪንታ̇ባር ኦቲርቂኖንዳ ሜላ̇ ዓሪ ኣታካ̇ዮ̈ዲፌ̈ኒ ዓን ኑ ኢሺንታን ቴ ዪንታ̇̇ክ ሚሻ̈ሬ፤ ዪንታ̇̇ሬ ታ̈ኒ ዓኒፖ̇ ቲ̈ን ቴ ዪንታ̇ባዝ ሶ̈ሊኖንዲፌ̈ኒ ጊ̈ጊንታ̇ሪ ና̈ጋምፔ̈ኔ። 4ሜቂዶ̈ና ካታሚን ጋርቶ ኣሳን ታባር ዎልኣ ዪንታ̇ክ ዬ̈ዚምባራ ዪንቲ̇ ጊ̈ጊንታካ̇ዮ ኣስ ማ̈ቃ̇ር ዎኮ ኑ ዪንታ̇̇ባር ኦቲርቂኖን ሜላ̇ ዓሪ ማ̈ቂ̇ን ኑ̈ናር ዪንታ̇̇ር ዎይ ዬ̈ልቂ̈ሬ። 5ዪ̈ኮታ̇ቦ ዪንቲ̇ ኢማ̇ንዳቦ ጋ̈ሪ ቃ̈ላ ጌሊኖን ቲ̈ኒታር ጊ̈ጊሳምፔ̈ን ዪንታ̇ ቆፊሳምፔ̈ኒ ጋ̈ሪ ዓን ኑ ኢሺንታን ታ̈ፖ̇ ቲ̈ኒታር ዪንታ̇ክ ዬንዳብ ኮሺ̈ሬ ጌያ ቆፒ̇ኔ፤ ዪዚ ቴ ዬ̈ዚምባራ ዪንቲ̇ ዶሳር ኢማ̇ዝ ባዚንዳ ጊ̈ጊንታ̇ር ዶኣ̈ሬ። ዪዚ ዪንቲ̇ ኢሚ̇ኖንዳ ዎልቃባር ጊዳካ̇ይዶን ዶሳር ኢሚ̇ኖ ባዝ ማ̈ቃ̇̈ሬ።
6ጊላ̇ ዜርቂኖ̈ዲ ጊላ̇ ካ ሺ̈ሺ̈ሬ፤ ዎይሊን ዜርቂኖ̈ዲ ዎይሊን ካ ሺ̈ሻ̈̇ዚን ዪኖ̇ ቆፒ̇ብቴ። 7ጾ̈ሲ ኡፋይስባር ኢሚ̇ዝ ና̈ሳ ዶሲዛ ማ̈ቂ̇ኖኮታ̇ቦ ዎይን ፌ ዶሲኖን ፌ ቡ̈ዳ ጋርታ ቆፓ̇ር ኡፋይስባር ኢሞ̇ጋብዶኬ ኢማ̇ኔቤ ኣታ̇ኖ ጌዪሙታ̇ ዎልቃባር ኢማ̇ፖ̇። 8ዎይ ጋላስ ዎይ ባዝባር ዪንቲ̇ ዪንታ̇̇ብ ኮሻ̇ዝ ባዚን ዲጛሪ ማ ዪንታ̇ፖ ሺን ሜላንቦ ኮሻ ኦ̈ሳ ኦ̈ንዳብ ዳንዳኣምፔ̈ኒ ጾ̈ሲ ኣንጃ ዎይ ዪንታ̇ብ ኢማ̇ንዳብ ዳንዳኢሬ። 9ዪ̈ዳሬ፦
“ዎርባያንቦ ዎይሊሳር ኢሚ̇ዴ፤
ኢ ኮሻ̇ ኦ̈ሲንዳሬ ቦቲጚንታካ̇ይ ሜናብ ዶኣ̈ሬ”
ጋ̈ሪ ጻ̈ፊንቲ̇ኖንዲፌ̈ኔ።
10ዜርቂዛቦ ዜር፣ ሞ̈ንዳቦ ኣሳብ ፊ̈ሺ ኢሚ̇ዝ ጾ̈ሳ̇̈ዲ ዪንቲ̇ ዜርቃ̇ዝ ዜርን ዎይሊሳር ዪንታ̇ብ ኢሚ̇̈ሬ፤ ዪዚ ዪንቲ̇ ሺ ኮሽባዝ ኦ̈ምፔ̈ኒ ማ̈ሲ̈ሬ። 11ዪንቲ̇ ዶሳር ኢማ̇ዝ ባዚን ኑ ጎይባር ኤኪ̇ዝ ኣሳን ጾ̈ሳ̇ ጋላታምፔ̈ኒ ዎይ ጋላስ ዪንቲ̇ ኢማ̇ምፔ̈ን ጾ̈ሲ ዎይ ባዝባር ዪንታ̇ ዱሪሲ̈ሬ። 12ዪና̇ ዪንቲ̇ ዶሳር ኣስ ማ̈ዳ̇ዝ ኦ̈ሲንዳ ኣማ̇ኒዝ ኣሳን ኢንታ̇ ሜቲን ጋርታ̇ፖ̇ ኢንታ̇ ኬሲ̇ዛ ሙታ ጊዳካ̇ይዶን ኣሳን ጾ̈ሳ̇ቦ ዎይሊን ጋላታ ሺሻ̈ምፔ̈ን ዎታ̈ሬ። 13ዪና̇ ዪንቲ̇ ዶሳር ኣስ ማ̈ዳ̇ዝ ኦ̈ሲንዳ ዪንቲ̇ ክርስቶ̈ሳ ዎጛሊን ኤካ̇ሪ ኪ̈ቲንቲ̇ኖን ቤይሳ̈ሬ፤ ዪ̈ኮታ̇ቦ ኢንታ̇ብኬ ሜላንቦ ዎይ ዪንቲ̇ ዶሳር ኢሚ̇ኖን ቤቂ̇ሙታ̇ ዎይን ጾ̈ሳ̇ ጋላቲ̈ሬ። 14ኢንቲ̇ ዪንታ̇̇ብ ዎ̈ሳምባራ ጾ̈ሳ̇ ዪንታ̇̇ብ ኢሚ̇ኖ ጴች ኮሺቲኮታ̇ቦ ዪንታ̇ ቤቃ̇ንዳብ ሹ̈ኒቲ̈ሬ። 15ኣሲ ሶ̈ላር ዉርሳንዳብ ዳንዳኢ̈ባ̈ሶ ኪልሳኮታ̇ቦ ጾ̈ሳ̇̈ቦ ጋላታ ማ̈ቆ̇።
Currently Selected:
2 ቆሮ 9: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
2 ቆሮ 9
9
ኣማ̇ኒዝ ኣሳንቦ ኬሲ̇ኖ ሚ̈ሽ
1ዬሩሳ̈ላም ካታማ ጋርታ̇ ዎ ኣማ̇ኒዝ ኣሳን ማ̈ዳ̇ዝ ኦ̈ሲን ጎይ ቴ ዪንታ̇̇ብ ጻ̈ፋንዳብ ኮሺባ̈ሴ። 2ዪንቲ ማ̈ዳ̇ንዳብ ኢና̇ ዪንታ̇̇ብ ዎን ቴ ቤቂ̇ኔ ዪ̈ኮታ̇ቦ “ኣካ̇̈ዮ ኣሳን ሚ̈ሻ̈̇ባር ማ̈ዳ̇ንዳቦ ዚኔቤራፖ ኤ̈ር ጊ̈ጊንታ̇ር ዎ” ጋ̈ራ ሜቂዶ̈ና ኣሳንኮ ዪንታ̇ ባዝ ቴ ኬርፊኔ፤ ዪንቲ̇ ኣስ ማ̈ዳ̇ንዳብ ዎ ኢኒ̇ንዳ ዎይሊንን ዲንኔ። 3ዪዚ ባዝ ዓኒ̇ባራ ኑ ዪንታ̇ባር ኦቲርቂኖንዳ ሜላ̇ ዓሪ ኣታካ̇ዮ̈ዲፌ̈ኒ ዓን ኑ ኢሺንታን ቴ ዪንታ̇̇ክ ሚሻ̈ሬ፤ ዪንታ̇̇ሬ ታ̈ኒ ዓኒፖ̇ ቲ̈ን ቴ ዪንታ̇ባዝ ሶ̈ሊኖንዲፌ̈ኒ ጊ̈ጊንታ̇ሪ ና̈ጋምፔ̈ኔ። 4ሜቂዶ̈ና ካታሚን ጋርቶ ኣሳን ታባር ዎልኣ ዪንታ̇ክ ዬ̈ዚምባራ ዪንቲ̇ ጊ̈ጊንታካ̇ዮ ኣስ ማ̈ቃ̇ር ዎኮ ኑ ዪንታ̇̇ባር ኦቲርቂኖን ሜላ̇ ዓሪ ማ̈ቂ̇ን ኑ̈ናር ዪንታ̇̇ር ዎይ ዬ̈ልቂ̈ሬ። 5ዪ̈ኮታ̇ቦ ዪንቲ̇ ኢማ̇ንዳቦ ጋ̈ሪ ቃ̈ላ ጌሊኖን ቲ̈ኒታር ጊ̈ጊሳምፔ̈ን ዪንታ̇ ቆፊሳምፔ̈ኒ ጋ̈ሪ ዓን ኑ ኢሺንታን ታ̈ፖ̇ ቲ̈ኒታር ዪንታ̇ክ ዬንዳብ ኮሺ̈ሬ ጌያ ቆፒ̇ኔ፤ ዪዚ ቴ ዬ̈ዚምባራ ዪንቲ̇ ዶሳር ኢማ̇ዝ ባዚንዳ ጊ̈ጊንታ̇ር ዶኣ̈ሬ። ዪዚ ዪንቲ̇ ኢሚ̇ኖንዳ ዎልቃባር ጊዳካ̇ይዶን ዶሳር ኢሚ̇ኖ ባዝ ማ̈ቃ̇̈ሬ።
6ጊላ̇ ዜርቂኖ̈ዲ ጊላ̇ ካ ሺ̈ሺ̈ሬ፤ ዎይሊን ዜርቂኖ̈ዲ ዎይሊን ካ ሺ̈ሻ̈̇ዚን ዪኖ̇ ቆፒ̇ብቴ። 7ጾ̈ሲ ኡፋይስባር ኢሚ̇ዝ ና̈ሳ ዶሲዛ ማ̈ቂ̇ኖኮታ̇ቦ ዎይን ፌ ዶሲኖን ፌ ቡ̈ዳ ጋርታ ቆፓ̇ር ኡፋይስባር ኢሞ̇ጋብዶኬ ኢማ̇ኔቤ ኣታ̇ኖ ጌዪሙታ̇ ዎልቃባር ኢማ̇ፖ̇። 8ዎይ ጋላስ ዎይ ባዝባር ዪንቲ̇ ዪንታ̇̇ብ ኮሻ̇ዝ ባዚን ዲጛሪ ማ ዪንታ̇ፖ ሺን ሜላንቦ ኮሻ ኦ̈ሳ ኦ̈ንዳብ ዳንዳኣምፔ̈ኒ ጾ̈ሲ ኣንጃ ዎይ ዪንታ̇ብ ኢማ̇ንዳብ ዳንዳኢሬ። 9ዪ̈ዳሬ፦
“ዎርባያንቦ ዎይሊሳር ኢሚ̇ዴ፤
ኢ ኮሻ̇ ኦ̈ሲንዳሬ ቦቲጚንታካ̇ይ ሜናብ ዶኣ̈ሬ”
ጋ̈ሪ ጻ̈ፊንቲ̇ኖንዲፌ̈ኔ።
10ዜርቂዛቦ ዜር፣ ሞ̈ንዳቦ ኣሳብ ፊ̈ሺ ኢሚ̇ዝ ጾ̈ሳ̇̈ዲ ዪንቲ̇ ዜርቃ̇ዝ ዜርን ዎይሊሳር ዪንታ̇ብ ኢሚ̇̈ሬ፤ ዪዚ ዪንቲ̇ ሺ ኮሽባዝ ኦ̈ምፔ̈ኒ ማ̈ሲ̈ሬ። 11ዪንቲ̇ ዶሳር ኢማ̇ዝ ባዚን ኑ ጎይባር ኤኪ̇ዝ ኣሳን ጾ̈ሳ̇ ጋላታምፔ̈ኒ ዎይ ጋላስ ዪንቲ̇ ኢማ̇ምፔ̈ን ጾ̈ሲ ዎይ ባዝባር ዪንታ̇ ዱሪሲ̈ሬ። 12ዪና̇ ዪንቲ̇ ዶሳር ኣስ ማ̈ዳ̇ዝ ኦ̈ሲንዳ ኣማ̇ኒዝ ኣሳን ኢንታ̇ ሜቲን ጋርታ̇ፖ̇ ኢንታ̇ ኬሲ̇ዛ ሙታ ጊዳካ̇ይዶን ኣሳን ጾ̈ሳ̇ቦ ዎይሊን ጋላታ ሺሻ̈ምፔ̈ን ዎታ̈ሬ። 13ዪና̇ ዪንቲ̇ ዶሳር ኣስ ማ̈ዳ̇ዝ ኦ̈ሲንዳ ዪንቲ̇ ክርስቶ̈ሳ ዎጛሊን ኤካ̇ሪ ኪ̈ቲንቲ̇ኖን ቤይሳ̈ሬ፤ ዪ̈ኮታ̇ቦ ኢንታ̇ብኬ ሜላንቦ ዎይ ዪንቲ̇ ዶሳር ኢሚ̇ኖን ቤቂ̇ሙታ̇ ዎይን ጾ̈ሳ̇ ጋላቲ̈ሬ። 14ኢንቲ̇ ዪንታ̇̇ብ ዎ̈ሳምባራ ጾ̈ሳ̇ ዪንታ̇̇ብ ኢሚ̇ኖ ጴች ኮሺቲኮታ̇ቦ ዪንታ̇ ቤቃ̇ንዳብ ሹ̈ኒቲ̈ሬ። 15ኣሲ ሶ̈ላር ዉርሳንዳብ ዳንዳኢ̈ባ̈ሶ ኪልሳኮታ̇ቦ ጾ̈ሳ̇̈ቦ ጋላታ ማ̈ቆ̇።
Currently Selected:
:
Highlight
Share
Copy
Want to have your highlights saved across all your devices? Sign up or sign in