2 ቆሮ 7
7
1ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።
ጳውሎ̈ሲ ኡፋይቲ̇ኖ ኡፋይስ
2ዪንታ̇ ቡዲን ኑ̈ብ ፊርቂ̇ብቴ፤ ኑ̈ኒ ኦ̈ባካር ኢ̈ት ኦ̈ካዬ፤ ኑ ኦ̈ባካር ባላ ባዝ ኦ̈ካዬ፤ ኑ̈ኒ ኦ̈ናካር ማቃ̇ር ባሊካ̇ዬ። 3ቴ ዪኖ̇ ጋ̈ዚንዳ ዪንታ̇ ጋልዳ ፊርዳንዳ̇ብ ጊዳካ̇ዬ። ዓኒፖ̇ ቲ̈ን ቴ ዪንታ̇̇ብ ሶ̈ሊኖንዲፌ̈ን ኑ ዪንታ̇ ዎይሊን ካ̈ሬ፤ ዪ̈ኮታ̇ቦ ኑ̈ኒ ሼምፓባር ዶኢ̇ር ማ̈ቂ̇̇ን ዓይቃ ኬ̈ልባራር ኑ ዪንታ̇̇ባር ዎ። 4ቴ ዪንታ̇̇ባር ኣማ̇ኒንታ̈ሬ፤ ዪንታ̇ባር ጴች ኦቲርቃ̈ሬ፤ ዪንታ̇̇ባር ሚ̈ጚንታ̈ሬ፤ ኑ̈ና ዬላ̇ዝ ሜቲ̇ን ዎይምባራ ዎይሊን ኡፋይታ̇̈ሬ።
5ኑ ሜላ ኣቲ̇ን ማቂዶ̈ና ዬላ̇ሪ ዎይሊን ጎይባራ ሜታ ኑ̈ና ዬሊ̇ንዶኬ ኣባካር ሼምፓካ̇ዬ፤ ኣማ̇ናካ̇ዮ ኣሳን ጋርታ ጎይሊ ኑ̈ብ ዎ፤ ማ ኑ ቡ̈ዲን ጋርታ̇ሬ ኢ̈ቺ̇ ኑ̈ብ ዎ። 6ዎቲናካሬ ኣዛኒኖን ሚ̈ንዝ ጾ̈ሲ ቲ̈ታ ኑ̈ክ ዬይኖ ጎባራ ኑ̈ና ሚ̈ንዴ። 7ኑ ሚ̈ጚንቲ̇ኖንዳሬ ኢ ዬንቲ̇ምባር ሙታ̇ ጊዳካ̇ይዶን ዪንቲ̇ ኢያ ሚ̈ንኖን ኑ ሲስኪ̇ኖንቦ፤ ዪንቲ̇ ታ̈ና ሹኒቲኖንዲኬ ታ̈ብ ዎይሊን ኣዛ̇ኒ ቆፒ̇ሙታ ዎን ኢ ታ̈ብ ሶ̈ሊን ሲስካ̈ራ ቲ̈ኖምፖ̇ ሺ ጴች ኡፋይታ̇ዴ።
8ዓኒፖ̇ ቲ̈ን ቴ ዪንታ̇ብ ጻ̈ፊኖ ኪቲ̇ን ዪንታ̇ ኣዛ̇ንሲኔካሬ “ቴ ዪኖ̇ ኣባቦ ጻ̈ፋዶ̇ኔ?” ጋ̈ራ ኣዛ̇ናባሴ። ቴ ኣዛ̇ኒናካሬ ታ̈ና ኣዛንኖንዳ ቴ ዪንታ̇̇ብ ጻ̈ፊኖ ኪ̈ቲንዳ ጊላ̇ ጊዛብ ዪንታ̇̇ ኣዛንኖኮታ̇ቦ። 9ዓት ዎቲናካሬ ቴ ኡፋይቲ̇ኔ። ቴ ኡፋይቲ̇ኖንዳ ቴ ዪንታ̇̇ ኣዛንኖን ጊሻ̇ብ ጊዳካ̇ይዶን ኣዛኒንዳ ዪንቲ̇ ማ̈ሪቲ ጌላሪ ላ̈ሚንታ̇ምፔ̈ን ዎቲኖንኮታ̇ቦ። ዪዚ ዪንታ̇ ኣዛኒ̇ንዳ ጾ̈ሳ̇ ቆፊፌ̈ን ማ̈ቂ̇ኖኮታ̇ቦ ኑ̈ኒ ዪንታ̇ ባላካ̇ዬ። 10ጾ̈ሳ̇ፖ̇ ማ̈ቂ̇ኖ ኣዛኒ ፋቲ ጎይ ዬልዝ ማ̈ሪቲብ ዬል̈ሬ፤ ኢዝ ጋርታ “ዓና ኣባብ ማ̈ቃ̇ዶ̇ኔ?” ጌይዝ ኣዛ̇ኒ ዶኢባ̈ሴ። ጾ̈ሳ̇̇̈ፖ ማ̈ቃካ̇ዮ ኣዛ̇ኖ ዓይቃ ኤሄይሬ። 11ዪና ጾ̈ሲ ቆፊፌ̈ን ዪንታ̇ ዬሊ̇ኖ ኣዛኒንዳ ዎዛርፌ̈ኖ ሚ̈ንቲ፣ ዎዛርፌ̈ኖ ሶ̈ላር ኣማ̇ንንዳብ ማ̈ቂ̇ዝ ኤራ፣ ዎዛርፌ̈ኖ ጎይል፣ ዎዛርፌ̈ኖ ኢች፣ ዎዛርፌ̈ኖ ሹ̈ና፣ ዎዛርፌ̈ኖ ኮሻ ቂናታ̇፣ ናጋራ ጋልዳ ጾ̈ሲ ፊርዲን ቤቃ̇ንዳቦ ዎዛርፌ̈ኖ ኢና̇ ዪንታ̇̇ብ ኤሄይኖኮ ዪንቲ̇ ቤቂ̇ብቴ፤ ዪንቲ̇ ዪኒ̇ ጎይባራ ጌ̈ሻ̇ን ማ̈ቂ̇ኖን ዎይ ጎይባራ ዪንቲ̇ ማርኪሲኔ።
12ዪ̈ኮታ̇ቦ ቴ ዪንታ̇̇ብ ጻ̈ፊናካሬ ቴ ጻ̈ፊኖንዳ ዪንቲ̇ ኑ̈ና ዎዛርፌ̈ን ካ̈ርኮ ጾ̈ሳ̇ ቲ̈ን ዪንታ̇̇ብ ቤንታምፔ̈ን ጋ̈ርዶኬ ቴ ኢ̈ት ኦ̈ኔ ጋ̈ራ ዎይ ኢ ጋልዳ ኢ̈ት ኦ̈ንቲ̇ኖ ና̈ሳ̈ቦ ጋ̈ር ጊዳካ̇ዬ። 13ኑ̈ኒ ዪ ዎይ̈ባራ ሚ̈ንቲ ዲጚኔ።
ኑ ሚ̈ንቲ ዲጚኖንፓሬ ሺ ቲ̈ታ̇ ኡፋይቲ̇ኖምቦ ኑ ሺ ኡፋይቲ̇ኔ፤ ኑ ኡፋይቲ̇ኖንዳሬ ዪንቲ̇ ዎይን ኢያ ሼምፒቺ̇ኖምቦ። 14ቴ ዪንታ̇̇ባር ኬርፋሙታ̇ ዎን ቴ ቲ̈ታ̇ብ ሶ̈ሊኔ፤ ዪንታ̇ር ታ̈ና ዬ̈ሊ̇ካዬ፤ ዎይ ጋላስ ኑ ዪንታ̇̇ብ ኪንን ሶ̈ሊ̈ሬ ዪ̈ዳሬ ኑ ዪንታ̇ ባዝ ቲ̈ታ̇ብ ሶ̈ሊኖ ኬራፊንዳ ኪን ማ̈ቂ̇ኖን ኤሪንቲ̇ኔ። 15ዪንቲ̇ ዎይን ኪቲ̇ንቲዝ ኣስ ማ̈ቂ̇ኖንዲኬ ኢ̈ጪ̇ ጋንዲሙታ̇ ኢያ ሞኪ̇ ኤኪ̇ኖን ቲ̈ቶ ኤልቅ ዎቲሙታ ኢ ዪንታ̇ ዎይሊን ካሬ። 16ታ̈ናር ዎይ ጎይባራ ዪንታ̇̇ባር ኣማ̇ኒንታንዳብ ዳንዳኢኖኮታ̇ቦ ሺ ታ̈ና ኡፋይሲ̇ኔ።
Currently Selected:
2 ቆሮ 7: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
2 ቆሮ 7
7
1ታ ላጋ̇ን! ጾ̈ሲ̇ ዪ̈ ዎይ ታስፋ ኑ̈ብ ኢሚ̇ኖኮታ̇ቦ ኑ ኣሲቲን ቄ̇ዝ ባዝ ዎይ ጋልዳፖ̇ ኑ ኑ̈ና ጌ̈ሺ̇ስቶ፤ ጾ̈ሳ̇̇̈ቦ ኢ̈ጪ̇ሙታ̇ዶ̈ሪ ኑ ዉርሲ ጌ̈ሽ ማ̈ቃ̇ር ዶኢስቶ።
ጳውሎ̈ሲ ኡፋይቲ̇ኖ ኡፋይስ
2ዪንታ̇ ቡዲን ኑ̈ብ ፊርቂ̇ብቴ፤ ኑ̈ኒ ኦ̈ባካር ኢ̈ት ኦ̈ካዬ፤ ኑ ኦ̈ባካር ባላ ባዝ ኦ̈ካዬ፤ ኑ̈ኒ ኦ̈ናካር ማቃ̇ር ባሊካ̇ዬ። 3ቴ ዪኖ̇ ጋ̈ዚንዳ ዪንታ̇ ጋልዳ ፊርዳንዳ̇ብ ጊዳካ̇ዬ። ዓኒፖ̇ ቲ̈ን ቴ ዪንታ̇̇ብ ሶ̈ሊኖንዲፌ̈ን ኑ ዪንታ̇ ዎይሊን ካ̈ሬ፤ ዪ̈ኮታ̇ቦ ኑ̈ኒ ሼምፓባር ዶኢ̇ር ማ̈ቂ̇̇ን ዓይቃ ኬ̈ልባራር ኑ ዪንታ̇̇ባር ዎ። 4ቴ ዪንታ̇̇ባር ኣማ̇ኒንታ̈ሬ፤ ዪንታ̇ባር ጴች ኦቲርቃ̈ሬ፤ ዪንታ̇̇ባር ሚ̈ጚንታ̈ሬ፤ ኑ̈ና ዬላ̇ዝ ሜቲ̇ን ዎይምባራ ዎይሊን ኡፋይታ̇̈ሬ።
5ኑ ሜላ ኣቲ̇ን ማቂዶ̈ና ዬላ̇ሪ ዎይሊን ጎይባራ ሜታ ኑ̈ና ዬሊ̇ንዶኬ ኣባካር ሼምፓካ̇ዬ፤ ኣማ̇ናካ̇ዮ ኣሳን ጋርታ ጎይሊ ኑ̈ብ ዎ፤ ማ ኑ ቡ̈ዲን ጋርታ̇ሬ ኢ̈ቺ̇ ኑ̈ብ ዎ። 6ዎቲናካሬ ኣዛኒኖን ሚ̈ንዝ ጾ̈ሲ ቲ̈ታ ኑ̈ክ ዬይኖ ጎባራ ኑ̈ና ሚ̈ንዴ። 7ኑ ሚ̈ጚንቲ̇ኖንዳሬ ኢ ዬንቲ̇ምባር ሙታ̇ ጊዳካ̇ይዶን ዪንቲ̇ ኢያ ሚ̈ንኖን ኑ ሲስኪ̇ኖንቦ፤ ዪንቲ̇ ታ̈ና ሹኒቲኖንዲኬ ታ̈ብ ዎይሊን ኣዛ̇ኒ ቆፒ̇ሙታ ዎን ኢ ታ̈ብ ሶ̈ሊን ሲስካ̈ራ ቲ̈ኖምፖ̇ ሺ ጴች ኡፋይታ̇ዴ።
8ዓኒፖ̇ ቲ̈ን ቴ ዪንታ̇ብ ጻ̈ፊኖ ኪቲ̇ን ዪንታ̇ ኣዛ̇ንሲኔካሬ “ቴ ዪኖ̇ ኣባቦ ጻ̈ፋዶ̇ኔ?” ጋ̈ራ ኣዛ̇ናባሴ። ቴ ኣዛ̇ኒናካሬ ታ̈ና ኣዛንኖንዳ ቴ ዪንታ̇̇ብ ጻ̈ፊኖ ኪ̈ቲንዳ ጊላ̇ ጊዛብ ዪንታ̇̇ ኣዛንኖኮታ̇ቦ። 9ዓት ዎቲናካሬ ቴ ኡፋይቲ̇ኔ። ቴ ኡፋይቲ̇ኖንዳ ቴ ዪንታ̇̇ ኣዛንኖን ጊሻ̇ብ ጊዳካ̇ይዶን ኣዛኒንዳ ዪንቲ̇ ማ̈ሪቲ ጌላሪ ላ̈ሚንታ̇ምፔ̈ን ዎቲኖንኮታ̇ቦ። ዪዚ ዪንታ̇ ኣዛኒ̇ንዳ ጾ̈ሳ̇ ቆፊፌ̈ን ማ̈ቂ̇ኖኮታ̇ቦ ኑ̈ኒ ዪንታ̇ ባላካ̇ዬ። 10ጾ̈ሳ̇ፖ̇ ማ̈ቂ̇ኖ ኣዛኒ ፋቲ ጎይ ዬልዝ ማ̈ሪቲብ ዬል̈ሬ፤ ኢዝ ጋርታ “ዓና ኣባብ ማ̈ቃ̇ዶ̇ኔ?” ጌይዝ ኣዛ̇ኒ ዶኢባ̈ሴ። ጾ̈ሳ̇̇̈ፖ ማ̈ቃካ̇ዮ ኣዛ̇ኖ ዓይቃ ኤሄይሬ። 11ዪና ጾ̈ሲ ቆፊፌ̈ን ዪንታ̇ ዬሊ̇ኖ ኣዛኒንዳ ዎዛርፌ̈ኖ ሚ̈ንቲ፣ ዎዛርፌ̈ኖ ሶ̈ላር ኣማ̇ንንዳብ ማ̈ቂ̇ዝ ኤራ፣ ዎዛርፌ̈ኖ ጎይል፣ ዎዛርፌ̈ኖ ኢች፣ ዎዛርፌ̈ኖ ሹ̈ና፣ ዎዛርፌ̈ኖ ኮሻ ቂናታ̇፣ ናጋራ ጋልዳ ጾ̈ሲ ፊርዲን ቤቃ̇ንዳቦ ዎዛርፌ̈ኖ ኢና̇ ዪንታ̇̇ብ ኤሄይኖኮ ዪንቲ̇ ቤቂ̇ብቴ፤ ዪንቲ̇ ዪኒ̇ ጎይባራ ጌ̈ሻ̇ን ማ̈ቂ̇ኖን ዎይ ጎይባራ ዪንቲ̇ ማርኪሲኔ።
12ዪ̈ኮታ̇ቦ ቴ ዪንታ̇̇ብ ጻ̈ፊናካሬ ቴ ጻ̈ፊኖንዳ ዪንቲ̇ ኑ̈ና ዎዛርፌ̈ን ካ̈ርኮ ጾ̈ሳ̇ ቲ̈ን ዪንታ̇̇ብ ቤንታምፔ̈ን ጋ̈ርዶኬ ቴ ኢ̈ት ኦ̈ኔ ጋ̈ራ ዎይ ኢ ጋልዳ ኢ̈ት ኦ̈ንቲ̇ኖ ና̈ሳ̈ቦ ጋ̈ር ጊዳካ̇ዬ። 13ኑ̈ኒ ዪ ዎይ̈ባራ ሚ̈ንቲ ዲጚኔ።
ኑ ሚ̈ንቲ ዲጚኖንፓሬ ሺ ቲ̈ታ̇ ኡፋይቲ̇ኖምቦ ኑ ሺ ኡፋይቲ̇ኔ፤ ኑ ኡፋይቲ̇ኖንዳሬ ዪንቲ̇ ዎይን ኢያ ሼምፒቺ̇ኖምቦ። 14ቴ ዪንታ̇̇ባር ኬርፋሙታ̇ ዎን ቴ ቲ̈ታ̇ብ ሶ̈ሊኔ፤ ዪንታ̇ር ታ̈ና ዬ̈ሊ̇ካዬ፤ ዎይ ጋላስ ኑ ዪንታ̇̇ብ ኪንን ሶ̈ሊ̈ሬ ዪ̈ዳሬ ኑ ዪንታ̇ ባዝ ቲ̈ታ̇ብ ሶ̈ሊኖ ኬራፊንዳ ኪን ማ̈ቂ̇ኖን ኤሪንቲ̇ኔ። 15ዪንቲ̇ ዎይን ኪቲ̇ንቲዝ ኣስ ማ̈ቂ̇ኖንዲኬ ኢ̈ጪ̇ ጋንዲሙታ̇ ኢያ ሞኪ̇ ኤኪ̇ኖን ቲ̈ቶ ኤልቅ ዎቲሙታ ኢ ዪንታ̇ ዎይሊን ካሬ። 16ታ̈ናር ዎይ ጎይባራ ዪንታ̇̇ባር ኣማ̇ኒንታንዳብ ዳንዳኢኖኮታ̇ቦ ሺ ታ̈ና ኡፋይሲ̇ኔ።
Currently Selected:
:
Highlight
Share
Copy
Want to have your highlights saved across all your devices? Sign up or sign in