2 ቆሮ 5
5
1ዓና̇ ዉዳፌ̈ኖ ሜናብ ዶኣባሶ ኑ ኣይሺ̇ንዳ ዓይቃ̇ር ዬጌዪን ኣሳ ኩሽባር ጊዳካይዶን ጾ̈ሳ̇ ኩሽባር ኬ̈ጺንቲ̇ኖ ሜናብ ዶኢዝ ኬ̈ ኑብ ኣፋ ዎን ኑ ኤሪ̈ሬ። 2ኑ̈ኒ ጾ̈ሲ ኢማ̇ዝ ኣፎ ጋሊ̇ን ማኣንዳቦ ሹ̈ናባር ዳ̈ቡራር ና̈ጊ ዎ። 3ኑ̈ኒ ዪኖ̇ ኢዞ ዬላ̇ር ማኤጌይን ካላ̇#5፡3ካላ̇ ማ̈ቃ̇ር ቤንቲ̇ባ̈ሴ ጋ̈ዚንዳ ኣሲ ዓይቂ̇ኖፖ̇ ዎሃ ኢ ሼምፒ̇ን ጋላ̇ ኢዝቢ ባይ ሜላ̇ ካላ̇ ዶኣባሴ ጌንቴ̇ ማ̈ቃ̇ር ቤንቲ̇ባ̈ሴ። 4ዓና ዉዳፌ̈ኖ ሜናብ ዶኣባሶ ኑ ኣይሺ̇ንባር ዶኣምባራ ኑ̈ና ዴጺ̇ን ጪኪ̇ጚ̈ሬ። ኑ̈ኒ ዴጺ̇ን ጪኪ̇ጛዚንዳ ዓይቆ ሼምፓባር ኦ̈ሂንቲ̇ን ጾ̈ሲ̇ ኢማ̇ዝ ኣፎ ጋሊ̇ን ሺ ማኣንዳብዶኬ ዓና̇ ሳ̈ዝ ጋልዶ ኑ ኣይሺ̇ን ጋልዳፖ̇ ፋጊንታ̇ንዳብ ኮያር ጊዳካ̇ዬ። 5ዪዲፌ̈ኖ ባዛብ ኑ̈ና ጊ̈ጊሲኖ̈ዲ ጾ̈ሳ̇̇̈ዳ፤ ዪኒፓር ሺ ኑ̈ብ ጊዳን ኢሚንቲ̇ዝ ባዝ ዎይ̈ቦ ቃብዳ ማ̈ቃ̇ምፔ̇ን ፌ ኣያ̇ና ኑ̈ብ ኢሚ̇ዴ።
6ኑ ኣይሺ̇ንባር ዓይቃካ̇ይ ዎ ኬል̇ባር ኑ̈ኒ ጎዳ ጋልዳፖ̇ ጎታ̇ር ዎን ኤሪናካሬ ዎይ ጋላስ ኑ ኢባር ኣማ̇ኒንቲ̇̈ሬ። 7ኑ ዶኣዚን ኣማ̇ባርዶኬ ኣ̈ፍባር ቤቃ̇ር ጊዳካ̇ዬ። 8ኑ̈ኒ ሳ̈ዝ ጋልዶ ኑ ኣይሺ̇ን ጋልዳፖ̇ ፋጊንታ̇ሪ ጎዳ̈ባር ዶኣንዳ̇ቦ ኢኒ̇ቲ̈ሬ፤ ዪ̈ኮታ̈ቦ ኑ̈ኒ ኣማ̇ኒንታ̇ር ዶኢ̈ሬ። 9ዓና̇ ሳ̈ዶ ኑ ኣይሺ̇ንባራ ኑ ዶኢናር ዎይ ኢዝ ጋልዳፖ̇ ፋጊንቲናካሬ ኑ̈ኒ ጎዳ ኡፋይሳ̇ንዳብ ሙታ̇ ቆፒ̈̇ሬ። 10ኣባ ጌይን ኣሲ ዎይ ሳ̈ዝ ጋልዶ ፌ ዶኢምባራ ኦ̈ኖ ኢ̈ታ ባዛር ማቆ ኮሽ̇ ባዛቦ ፌ ኦ̈ሲንዲፌ̈ን ኤካ̇ንዳቦ ኑ ዎይ̈ን ክርስቶ̈ሳ ቲ̈ን ፊርዳብ ሺ̈ቃንዳ ኮሺ̇̈ሬ።
ጾ̈ሳ̇̇̈ባር ኣስ ኢጊንዝ ኦ̈ሳ
11ኑ̈ኒ ጎዳ̈ቦ ኢ̈ጫ̇ዚን ኣብዝኮ ኤሪዛኮታ̇ቦ ኣሳንቦ ሶ̈ሊ ኣማ̇ንንዳቦ ቡቲቲ̈ሬ፤ ማ ኑ ኦ̈ብዝኮ ጾ̈ሲ ኑ̈ና ኤሪ̈ሬ። ዪንታ̇̇ር ዪንታ̇ ቡ̈ዳባራ ኑ ኣብዝኮ ኑ̈ና ኤሪ̈ሬ ጌያ ቆፓ̇̈ሬ። 12ቴ ዪና̇ ጌይኖንዳ ኑ ኑ̈ና ዪንታ̇ ቲ̈ን ኣንጃ̇ንዳብ ጊዳይካ̇ይዶን፤ ዪንቲ̇ ኑባር ኬርፋምፔ̈ኒ ጎይ ዪንታ̇̇ብ ፊርቂ̈ሬ፤ ዪ̈ዳሬ ቡ̈ዳ ጋርቶ̇ ባዝባር ጊዳካ̇ይዶን ዛ̈ና ቤንቲ̇ዝ ባዝባር ኬርፊዛንቦ ዪንቲ̇ ሶ̈ሊ ማሃንዳብ ዳንዳኣምፔ̈ኒዬ። 13ኑ ዣ̈ሾት ማ̈ቄጌዪናር ጾ̈ሳ̇ ጊሻ̇ቦ፤ ዣ̈ሾት ባዪ ኮሽ̇ ኣስ ማ̈ቄ̇ጌይናር ዪንታ̇ ጊሻ̇ቦ። 14ክርስቶ̈ሳ ካንንዳ ዎልቃባር ኑ ኢያ ካር ኢ̈ብ ኦ̈ምፔ̈ን ኑ̈ና ዎታ̈ሬ ኣባ ጌይን ፔቲ̇ ቶ̈ህ ክርስቶ̈ሲ ዎይንቦ ዓይቂ̇ኖንዶ ኑ ኤሪኔ፤ ዪ̈ኮታ̇ቦ ኑ ዎይ̈ን ኢባር ዓይቂ̇ኔ። 15ሼምፓባር ዎን ዎይ ኢንታ̇ ጊሻ̇ብ ዓይቂ̇ኖ̈ብኬ ዓይቃ ጋርታፖ̇ ዲንዲኖ̈ ኢያ ኡፋይሳ̇ንዳብዶኬ ዓኒፖ̇ ጌዳ ፌ̈ና ኡፋይሳ̇ንዳብ ዶኣካዮዲፌ̈ኒ ክርስቶ̈ሲ ዎይ̈ቦ ዓይቂኔ።
16ዓኒ̇ፖ̇ ጌዳ ኑ̈ኒ ኦ̈ናካር ማ̈ቂ̇ን ኣስ ጌይዛ ዎይ ኣሳ ቆፊፌ̈ን ቤቃ̇ንዳ ባዬ። ዓኒፖ̇ ቲ̈ን ኑ̈ኒ ኣስ ሜላንፌ̈ኒ ክርስቶ̈ሳ ኣሳ ቆፊባራ ቤቂ̇ኔኮ ዓኒፖ̇ ጌዳ ኑ ዪኒ̇ፌን ዎታንዳባዬ̇። 17ዪ̈ኮታ̇ቦ ኦ̈ናካር ኣሲ ክርስቶ̈ሳ ኣማ̇ኔጌይን ኦራ ሜንቴ፤ ቲ̈ኖ ሲላ ሜቲን ኣቲ̇ኔ ኢዝ ቤሲ̇ን ኦራ ሜቲ ዬይኔ። 18ዪ̈ ዎይ ማ̈ቂ̇ኖ̈ዲ ኑ̈ና ክርስቶ̈ሳ ጎይባራ ፌባር ኢጊንኖ ማ ሜላን ኢጊንዝ ኦ̈ሳ ኑ̈ብ ኢሚ̇ኖ ጾ̈ሳ̇ ጎይባራ። 19ዪ̈ዳሬ ጾ̈ሲ ክርስቶ̈ሳ ጎይባራ ኣላሚን ጋልዳ ዎ ኣስ ዎይ ፌባር ኢጊንኔ ጌንቴ፤ ማ ኢንታ̇ ናጋሪንዳ̇ር ፋይዳካይ ኣሺ̇ኔ። ኑ̈ባሬ ኣስ ጎዳባር ኢጊንምፔ̈ን ቃ̈ላ ኢሚ̇ኔ።
20ኑ̈ኒ ክርስቶ̈ሳ ቤስ̇ ማ̈ቃ̇ሪ ኢ ባዝ ሶ̈ላንዳብ ኪ̈ቲንቲ̇ኖ ኣሴ፤ ጾ̈ሲ ኑባር ማ̈ቃ̇ሪ ዪንታ̇ ጼይጊ̈ሬ፤ ኑ̈ናሬ “ዪንቲ̇ ጾ̈ሳ̇̇̈ባር ኢጊንቲ̇ብቴ!” ጋ̈ሪ ክርስቶ̈ሳ ሱምባር ዪንታ̇ ጌሺ̈ሬ። 21ኑ̈ኒ ክርስቶ̈ሳ ጎይባር ጾ̈ሳ̇ ጺሊቲን ኤኪ̇ዛ ማ̈ቃ̇ምፔ̈ኒ ጾ̈ሲ ናጋራ ባዮ̇ ክርስቶ̈ሳ ናጋራንቻፌ̈ን ፋይዲዴ።
Currently Selected:
2 ቆሮ 5: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
