2 ቆሮ 3
3
1ኑ ማ̈ቃ̇ር ኑ ቆሚ̇ን ኣንጂን ኤ̈ና? ዎይ ፔቲ̇ ፔቲ̇ ኣሳን ዎታዚንዲፌ̈ኒ ዪንታ̇̇ቦ ዎይ ዪንታ̇ ጋልዳፖ̇ ኑ̈ብ ማርካ̇ ማ̈ቂ̇ዝ ዳብዳቢ ኑ̈ብ ኮሺ̇̈ርዶኔ? 2ኣሲ ዎይ ኤሪዛ̈ዲኬ ናባ̇ባንዳብ ዳንዳኢዛ ኑ ቡ̈ዲን ጋልዳ ጻ̈ፊንቲ̇ኖ ኑ ዳብዳባ̇ን ዪንታ̇̇። 3ዪንቲ̇ ኑ ኩሽታ ኣማ̇ኒኖ፥ ቃላማባር ጊዳካ̇ይዶን ሜናብ ዶኢዝ ጾ̈ሳ̇ ኣያ̇ናባራ፥ ሹች ጋልዳ ጊዳ̇ካይዶን ኣሳ ቡ̈ዳ ጋልዳ ጻ̈ፊንቲ̇ኖ ክርስቶ̈ሳ ጋልዳፖ̇ ዬይኖ ዳብዳ̈ቢ ማ̈ቂ̇ኖን ኤሪንቲ̇ኖ ባዜ።
4ዪኖ̇ ኑ ጌይኖንዳ ክርስቶ̈ሳ ጎባራ ጾ̈ሳ̇ ጋልዳ ኑ̈ብ ኣማ̇ና ዎኮታ̇ቦ። 5ኑ ኦ̈ሲን ፎታ̇ንዳብ ዳንዳኣምፔ̈ን ዎቲዛዲ ጾ̈ሳ̇̇̈ዳዶኬ ኑ ኑ̈ብ ኣባካር ኦ̈ንዳብ ዳንዳኢዛን ጊዳካ̇ዬ። 6ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።
7ሂጋ̇ ኢሚ̇ንቲ̇ኖ ኬሊ̇ንባር ሙ̈ሳ ዴ̈ሚንዳ ዎይሊን ፎ̈ኢ̈ዛኮታ̇ቦ (ዪና̇ ፎኢንንዳ ዎሃ ዲል̇ ጌያ ያሙታ ዬይናካሬ) ኢስሬ̈ላን ኮት̇ ዎቲ ኢያ ቤቃ̇ንዳብ ዳንዳኣካ̇ዬ። ዪዚ ዪና̇ ሹች̇ ጋልዳ ፊዳላባር ጻ̈ፊንቲ̇ኖ ዓይቃ ኤካ ዬይኖ ሂጊ̇ንዳ ጴች ቦንችባራ ዬይኖ ማ̈ቄ̇ጌይንዶ፤ 8ጌ̈ሻ̇ ኣያ̇ና ጎይባር ማ̈ቃ̇ዝ ኦ̈ሲንዳ ሺ ቦንቺ̇ ኢዝቦ ዶኢባሳ? 9ኣስ ባዣ ጋርታ ጌልሳዝ ኦ̈ሲንዳ ዪኒ̇ፌ̈ኒ ቦንች ኢዝቦ ዶኤጌይንዶ ኣስ ጺሊዝ ኦ̈ሲንዳ ዎዛርፌ̈ን ሺ ቦንች ኢዝቦ ዶኣኔ? 10ጋሶ ቦንቺ̇ንዳ ዎይሊን ሺ ማ̈ቂ̇ኖኮታ̇ቦ ዚቃንታ ኣ̈ኖንዳ ኣባካር ቦንቺ̇ ኢዝቦ ባዮ̇̈ዲፌ̈ን ፋይዲንታ̇̈ሬ። 11ዪና̇ ዲል̇ ጌያ ሙታ̇ ሉካ̇ዝ ባዚንዳ ዪፌ̈ን ዎይ ቦንቺ̇ ኢዝቦ ዎኮ ሜናብ ሚጛር ዶኣዚንዳ ዎዛርፌ̈ን ጴች̇ ቦንቺ̇ ኢዝቦ ዶኢባ̈ሳ?
12ዪዚ ዪ̈ዲፌ̈ኖ ታስፋ ኑ̈ብ ዎኮታ̇ቦ ኑ ኢ̈ጫካይዶር ሶ̈ሊሬ። 13ኑ̈ኒ ዲል̇ ጌያ ያሙታ̇ ዎ ፎኢንን ኢስሬ̈ላ ኣሳን ኢዝ ዉርን ቤቃካ̇ይፌ̈ን ፌ ኣ̈ፊን ካጚኖ ሙሳፌ̈ን ጊዳካ̇ዬ። 14ኢንቲ̇ ዓታ̇ብ ዬላ̇ሪ ሚኖ ጫ̈ቃ ማጻ̈ፋን ናባቢንታ̇ምባራ ሚን ሙ̈ሶ ፌ ኣ̈ፊን ካጚኖ ኣፊሊንዳ ኢንታ ኣ̈ፊን ጋልዳፖ̇ ፋካካይ ዎኮታ̇ቦ ኢንታ̇ ቡዲን ዓታ̇ር ዛቢኖንዲፌ̈ን ዎ። ኢንታ ኣ̈ፊን ካጚኖ ኣፊሊን ፋይንዳብ ዳንዳኢዛ̈ዲ ክርስቶ̈ስ ማ̈ቂ̇ኖኮታ̇ቦ። 15ዓታ̇ር ማ̈ቄጌዪን ሂጋ̇ ማጻ̈ፋን ናባ̇ቢንታምባር ኢንታ̇ ቡ̈ዲንዳ ካጚንታ̈ሬ። 16ዎቲናካሬ ኣሲ ጎዳ ዬሱ̈ሳክ ማ̈ቄጌይን ዪና̇ ካጚኖ ባዚንዳ ፋካ̈̇ሬ። 17ጎዳ̈ዲ ኣያ̇ና፤ ጎዳ ኣያ̇ና ዎ ቤስ̇ ጋርታ̇ ኣይሊቲ ባዬ̇። 18ኑ ዎይን ኣፊላባር ካጚንታካዮ ኣ̈ፍባራ ጎዳ ቦንቺ̇ን ማስቶ̈ታፌ̈ን ቤይሲሙታ̇ ኢያ ማይጻንዳ̇ቦ ቦንች ጋልዳ ቦንች ጉጂ̇ሙታ ዲጪ̇̈ሬ፤ ዪዳር ማ̈ቂ̇̈ዛ̈ዲ ጎዳ ኣያ̇ና ጋልዳፖ̇።
Currently Selected:
2 ቆሮ 3: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
2 ቆሮ 3
3
1ኑ ማ̈ቃ̇ር ኑ ቆሚ̇ን ኣንጂን ኤ̈ና? ዎይ ፔቲ̇ ፔቲ̇ ኣሳን ዎታዚንዲፌ̈ኒ ዪንታ̇̇ቦ ዎይ ዪንታ̇ ጋልዳፖ̇ ኑ̈ብ ማርካ̇ ማ̈ቂ̇ዝ ዳብዳቢ ኑ̈ብ ኮሺ̇̈ርዶኔ? 2ኣሲ ዎይ ኤሪዛ̈ዲኬ ናባ̇ባንዳብ ዳንዳኢዛ ኑ ቡ̈ዲን ጋልዳ ጻ̈ፊንቲ̇ኖ ኑ ዳብዳባ̇ን ዪንታ̇̇። 3ዪንቲ̇ ኑ ኩሽታ ኣማ̇ኒኖ፥ ቃላማባር ጊዳካ̇ይዶን ሜናብ ዶኢዝ ጾ̈ሳ̇ ኣያ̇ናባራ፥ ሹች ጋልዳ ጊዳ̇ካይዶን ኣሳ ቡ̈ዳ ጋልዳ ጻ̈ፊንቲ̇ኖ ክርስቶ̈ሳ ጋልዳፖ̇ ዬይኖ ዳብዳ̈ቢ ማ̈ቂ̇ኖን ኤሪንቲ̇ኖ ባዜ።
4ዪኖ̇ ኑ ጌይኖንዳ ክርስቶ̈ሳ ጎባራ ጾ̈ሳ̇ ጋልዳ ኑ̈ብ ኣማ̇ና ዎኮታ̇ቦ። 5ኑ ኦ̈ሲን ፎታ̇ንዳብ ዳንዳኣምፔ̈ን ዎቲዛዲ ጾ̈ሳ̇̇̈ዳዶኬ ኑ ኑ̈ብ ኣባካር ኦ̈ንዳብ ዳንዳኢዛን ጊዳካ̇ዬ። 6ኑ̈ኒ ኦራ ጫ̈ቂምቦ ኦ̈ዝ ኣስ ማ̈ቃ̇ምፔ̈ን ዎልቃ ኑ̈ብ ኢሚ̇ኖ̈ዲ ኢያ፤ ዪ ጫ̈ቃ̈ዲ ፊዳላባር ጻ̈ፊንቲኖ ሂጋ̇ ጊዳካ̇ይዶን ጌ̈ሻ̇ ኣያ̇ና ዎልቃባር ጻ̈ፊንቲ̇ኔ፤ ፊዳላባር ጻ̈ፊንቲ̇ኖ ሂጎ̇ ዓይቃ ኤሄይሬ፤ ጌ̈ሻ̇ ኣያ̇ና̈ዲ ሼምፓ ኢሚ̇̈ሬ።
7ሂጋ̇ ኢሚ̇ንቲ̇ኖ ኬሊ̇ንባር ሙ̈ሳ ዴ̈ሚንዳ ዎይሊን ፎ̈ኢ̈ዛኮታ̇ቦ (ዪና̇ ፎኢንንዳ ዎሃ ዲል̇ ጌያ ያሙታ ዬይናካሬ) ኢስሬ̈ላን ኮት̇ ዎቲ ኢያ ቤቃ̇ንዳብ ዳንዳኣካ̇ዬ። ዪዚ ዪና̇ ሹች̇ ጋልዳ ፊዳላባር ጻ̈ፊንቲ̇ኖ ዓይቃ ኤካ ዬይኖ ሂጊ̇ንዳ ጴች ቦንችባራ ዬይኖ ማ̈ቄ̇ጌይንዶ፤ 8ጌ̈ሻ̇ ኣያ̇ና ጎይባር ማ̈ቃ̇ዝ ኦ̈ሲንዳ ሺ ቦንቺ̇ ኢዝቦ ዶኢባሳ? 9ኣስ ባዣ ጋርታ ጌልሳዝ ኦ̈ሲንዳ ዪኒ̇ፌ̈ኒ ቦንች ኢዝቦ ዶኤጌይንዶ ኣስ ጺሊዝ ኦ̈ሲንዳ ዎዛርፌ̈ን ሺ ቦንች ኢዝቦ ዶኣኔ? 10ጋሶ ቦንቺ̇ንዳ ዎይሊን ሺ ማ̈ቂ̇ኖኮታ̇ቦ ዚቃንታ ኣ̈ኖንዳ ኣባካር ቦንቺ̇ ኢዝቦ ባዮ̇̈ዲፌ̈ን ፋይዲንታ̇̈ሬ። 11ዪና̇ ዲል̇ ጌያ ሙታ̇ ሉካ̇ዝ ባዚንዳ ዪፌ̈ን ዎይ ቦንቺ̇ ኢዝቦ ዎኮ ሜናብ ሚጛር ዶኣዚንዳ ዎዛርፌ̈ን ጴች̇ ቦንቺ̇ ኢዝቦ ዶኢባ̈ሳ?
12ዪዚ ዪ̈ዲፌ̈ኖ ታስፋ ኑ̈ብ ዎኮታ̇ቦ ኑ ኢ̈ጫካይዶር ሶ̈ሊሬ። 13ኑ̈ኒ ዲል̇ ጌያ ያሙታ̇ ዎ ፎኢንን ኢስሬ̈ላ ኣሳን ኢዝ ዉርን ቤቃካ̇ይፌ̈ን ፌ ኣ̈ፊን ካጚኖ ሙሳፌ̈ን ጊዳካ̇ዬ። 14ኢንቲ̇ ዓታ̇ብ ዬላ̇ሪ ሚኖ ጫ̈ቃ ማጻ̈ፋን ናባቢንታ̇ምባራ ሚን ሙ̈ሶ ፌ ኣ̈ፊን ካጚኖ ኣፊሊንዳ ኢንታ ኣ̈ፊን ጋልዳፖ̇ ፋካካይ ዎኮታ̇ቦ ኢንታ̇ ቡዲን ዓታ̇ር ዛቢኖንዲፌ̈ን ዎ። ኢንታ ኣ̈ፊን ካጚኖ ኣፊሊን ፋይንዳብ ዳንዳኢዛ̈ዲ ክርስቶ̈ስ ማ̈ቂ̇ኖኮታ̇ቦ። 15ዓታ̇ር ማ̈ቄጌዪን ሂጋ̇ ማጻ̈ፋን ናባ̇ቢንታምባር ኢንታ̇ ቡ̈ዲንዳ ካጚንታ̈ሬ። 16ዎቲናካሬ ኣሲ ጎዳ ዬሱ̈ሳክ ማ̈ቄጌይን ዪና̇ ካጚኖ ባዚንዳ ፋካ̈̇ሬ። 17ጎዳ̈ዲ ኣያ̇ና፤ ጎዳ ኣያ̇ና ዎ ቤስ̇ ጋርታ̇ ኣይሊቲ ባዬ̇። 18ኑ ዎይን ኣፊላባር ካጚንታካዮ ኣ̈ፍባራ ጎዳ ቦንቺ̇ን ማስቶ̈ታፌ̈ን ቤይሲሙታ̇ ኢያ ማይጻንዳ̇ቦ ቦንች ጋልዳ ቦንች ጉጂ̇ሙታ ዲጪ̇̈ሬ፤ ዪዳር ማ̈ቂ̇̈ዛ̈ዲ ጎዳ ኣያ̇ና ጋልዳፖ̇።
Currently Selected:
:
Highlight
Share
Copy
Want to have your highlights saved across all your devices? Sign up or sign in