1 ታሳ 5
5
ጎዳ ዬንቲ̇ንቦ ጊ̈ጊንታ̇ር ዶኢብቴ
1ቴ ኢሺንታን! ባዝ ዪን ማ̈ቃ̇ዝ ላይንዲኬ ኢዝ ኬሊ̇ንባዝ ዪንታ̇ብ ኣባካር ጻ̈ፋንዳብ ኮሺ̇ባ̈ሴ። 2ጎዳ ዬንቲ̇ንዳ ሶላ ቃም ዬ̈ዚንዲፌ̈ኒ ማ̈ቂ̇ኖን ዪንቲ̇ ዎይ ኤሪ̈ሬ። 3ኣሳን “ዎይ ባዚ ኮሼ̇፤ ኣባክ ባዬ” ጋ̈ዚምባራ ዎ̈ዳ ማጪ̇ን ዬላብ ጋርስ ቂ ኤ̈ዚንዲፌን ኤሪንታካ̇ይዶር ኢታ ባዚ ኢንታ̇ ጋልዳ ዬይሬ፤ ኢንታ̇ር ኣባካር ጌይን ቡ̈ቲ̇ባ̈ሴ። 4ዪዚ ቴ ኢሺንታ̇ን! ዪንቲ̇ ም ጋርታ ጊዳካ̇ዮኮታ̇ቦ ዪና̇ ቃሚ̇ን ዪንታ̇ቦ ሶላ ዬይዛ̈ፌ̈ን ማ̈ቃ̇ባሴ። 5ዪንቲ ዎይን ፎኢን ኣሴ፤ ማ ጋላሶ̇ ኣሴ፤ ኑ̈ኒ ቃሞ̇ ዎይ ም ጋርቶ ኣስ ጊዳካ̇ዬ። 6ዪ̈ኮታ̇ቦ ኑ̈ኒ ባ̈ርኪስቶ፤ ኑ ኑ̈ና ኢ̈ታ ባዝ ጋልዳፖ̇ ና̈ጊሙታ̇ ኑ̈ብ ኮሻ̇ዚንዲፌ̈ኒ ዶኢስትዶኬ ሜላንፌ̈ኒ ጊስባ̈ዳ። 7ኣባ ጌይን ጊሲዝ ኣሳን ቃም ጊሲ̈ሬ ማሲቲዛንሬ ቃም ማሲቲ̈ሬ። 8ኑ̈ኒ ዎቲናካር ፎኢን ኣስ ማ̈ቂ̇ኖኮታ̈ቦ ኑ ኑ̈ና ኢ̈ታ ባዝ ጋልዳፖ ና̈ጊሙታ̇ ኑ̈ብ ኮሻ̇ዚንዲፌ̈ን ዶኢስቶ። ኦል ኦሊዝ ኣሲ ሲላባር ኮቺ̇ንቲ̇ኖ ኣፊላ ፌ ቲራ ጋልዳ ማኣዚንዲፌ̈ኒ ዪንታ̇ሬ ኑ̈ናሬ ኣማ̇ናኬ ካንኬ ዪና ኢዝፌ̈ን ማኢስቶ፤ ጾ̈ሲ ኑ̈ና ፋሬ ጌዪ ኢሚ̇ኖ ታስፊንዶ ሲላባር ኮቺ̇ኖ ባርኔ̈ጻፌ̈ኒ ኑ ቆሚ̇ን ጋልዳ ጋዲ̇ስቶ። 9ጾ̈ሲ ኑ̈ና ጼይጊኖ̈ዲ ጎይላብ ጊዳካ̇ይዶን ኑ ጎዳ ዬሱ̈ስ ክርስቶ̈ሳ ጎይባራ ኑ̈ኒ ፋቲ ዲጛምፔ̈ኒዬ። 10ክርስቶ̈ሲ ኑ̈ቦ ዓይቂ̇ኖ̈ዲ ኑ̈ኒ ሼምፓባር ዶኢናር ዓይቂ̇ናር ኑ̈ኒ ኢባር ዶኣምፔ̈ኒዬ። 11ዪ̈ኮታ̇ቦ ዓት ዪንቲ ዎታዚንዲፌ̈ኒ ፔታ̇ና ፔታ̇ና ሚ̈ንጋ̈ቤ፤ ፌ ኣማ̇ኒን ጋልዳ ሚ̈ጛር ኤቃ̇ምፔ̈ን ዎቶ ጋ̈ቤ።
ዉርሲ ዞራኬ ሳሪቲኬ
12ቴ ኢሺንታን! ዪንታ̇ ጊዳ̇ ኦ̈ሳባር ዳ̈ቡሪዛን ጎዳ ዬሱ̈ሳባር ዪንታ̇ብ ኣላቃ ማ̈ቂኖንኬ ዪንታ̇ ዞሪዛን ቦንቻ̈ምፔ̈ን ኑ ዪንታ̇ ጌሺ̇̈ሬ። 13ኢንቲ ኦ̈ዝ ኦ̈ሲንኮታ̇ቦ ዪንቲ̇ ኢንታ̇ ጴች ቦንቺብቴ ማ ካብቴ፤ ዪንታ̇ር ዎልዎልኣ ሳሪቲባር ዶኢብቴ̇።
14ቴ ኢሺንታን! “ቦዝ ኣሳን ጎይሊብቴ፤ ኢ̈ጪ̇ዝ ኣሳን ሚ̈ንብቴ፤ ዳ̈ቡሪኖ ኣሳን ማ̈ዲ̇ብቴ፤ ኣስ ዎይባራ ዳንዳኣባር ዬብቴ” ጌዪ ኑ ዪንታ̇ ዞሪ̈ሬ። 15ኦ̈ናካር ኣሲ ዪንታ̇ብ ኢ̈ት ኦ̈ኖቦ ኢ̈ት ኦ̈ር ማሃካ̇ዮ̈ዲፌ̈ኒ ና̈ጊንቲ̇ብቴ፤ ዪኒ̇ፖ ዪንቲ̇ ዎልዎልኣር ማ̈ቆ ማ ሜል ኣሳንባር ማ̈ቂ̇ን ኮሽ ባዝ ኦ̈ንዳቦ ሚ̈ጚብቴ።
16ዎይ ጋላስ ኡፋይቲ̇ብቴ፤ 17ዎይ ጋላስ ኣሻካ̇ይ ዎ̈ሲ̇ብቴ፤ 18ዎይ ባዛብ ጾ̈ሳ̇̇ ጋላቲብቴ፤ ዬሱ̈ስ ክርስቶ̈ሳ ኣማ̇ኒኖ ኣሳ ጋልዳፖ̇ ጾ̈ሳ̇ ኮያዚን ዪኖ̇።
19ጌ̈ሻ ኣያ̇ና ኦ̈ሲን ዱካ̇ፒ̇ቴ፤ 20ካ̈ያባር ሶ̈ሊዝ ኪልሲን ሌቃ̇ፒ̇ቴ፤ 21ዎይ ባዝ ማላ̇ር ቤቂ̇ብቴ ኮሽ̇ ማ̈ቂ̇ኖን ኤኪ̇ብቴ። 22ኢ̈ት ባዝ ዎይ ጋልዳፖ̇ ጎቲ̇ብቴ።
23ሳሪቲ ኢሚ̇ዝ ጾ̈ሳ̇̇̈ዲ ኢ ፌ̈ብ ዪንታ̇ ዎይ ባዝባር ጌ̈ሾ̇ጋ̈ቤ፤ ዪንታ̇ ኣያ̇ና̈ዲ፥ ዪንታ̇ ሼምፓ̈ዲ፥ ዪንታ̇ ጋሊ̇ን ዎይ ጎዳ ዬሱ̈ስ ክርስቶ̈ስ ዬይዝ ቃሚ̇ንቦ ኢ̈ታ ባዝ ኣባክ ባዮ̇ ማ̈ቃ̇ር ዶኦጋ̈ቤ። 24ዪንታ̇ ጼይጊኖ̈ዲ ኢ ኣማ̇ኒንቲ̇ኖ ማ̈ቂ̇ኖኮታ̇ቦ ዪኖ̇ ዎይ ኢ ዎቲ̈ሬ።
25ቴ ኢሺንታ̇ን! ኑ̈ባራር ዎ̈ሲ̇ብቴ።
26ኣማ̇ኒኖ ኣሳን ዎይ ኮሽ̇ ቡዳ̈ፖ ዬርቃ̇ር ሳሪብቴ። 27ዓና̇ ኪ̈ቲንዳ ኣማ̇ኒኖ ኣሳን ዎይንቦ ናባ̇ቢንታ̇ንፔ̈ን ጎዳ ሱምባራ ዓዳራ ጋ̈ሬ።
28ኑ ጎዳ ዬሱ̈ስ ክርስቶ̈ሳ ካንን ዪንታ̇ባር ማ̈ቆ̇።
Currently Selected:
1 ታሳ 5: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
