1 ቆሮ 6
6
ኣማ̇ኒኖ ኣሳን ጊዳ̇ ዋቺ̇ ኬስኬጌይን ዎዛርታ̇̇ንዳብ ኮ̈ሺ̈̇ርኮ
1ዪንታ̇ ጋርታ̇ፖ ፔታ̇ና̈ዲ ኣማ̇ኒዝ ፌ ኢሻ ፔታ̇ናባራ ጎይሊንቴጌይን ኣማ̇ኒኖ ኣሳን ቲ̈ን ሶ̈ሊ ኦይጫ̇ዚን ኣሻ̇̈ር ኣማ̇ናካዮ ኣሳን ቲ̈ን ፊርዳብ ዎዛርፌ̈ን ኢያ ሺ̈ሺ̇̈ራ? 2ኣማ̇ኒኖ ኣሳን ኣማ̇ናካ̇ዮ ኣሳን ጋልዳ ፊርዳዚን ዪንቲ̇ ኤሪባ̈ሳ? ዪዚ ዪንቲ̇ ኣማ̇ናካ̇ዮ ኣሳን ጋልዳ ፊርዲ̈ርኮ ዪኒ̇ፌኖ ጊላ̇ ባዚን ጋልዳ ፊርዳ̇ንዳብ ዎዛርታ̇ር ዪንታ̇ ጋማ̈ራ? 3ኑ̈ኒ ሜላ ኣቲ̇ን ኪ̈ታንቻ̇ን ጋልዳ ቢርት ፊርዳዚን ዪንቲ ኤሪባ̈ሳ? ዓት ዪ̈ዶኮ ዓኒ̇ ኣላሚን ጋልዶ ባዝ ጋልዳ ዎዛርታር ፊርዳ̇ንዳብ ዳንዳኢባ̈ሳ? 4ዪዚ ዪንቲ ዪን ባዛንቦ ዎል ዎልኣ ጎይሊንታ̇ሪ ኣማ̇ኒዝ ኣሳን ቲ̈ን ሌቂንቲ̇ኖ ኣማ̇ኒባ̈ሶ ኣሳን ዪንታ̇ ፊርዳምፔ̈ኒ ዎዛርፌ̈ኒ ዪንታ̇ ባዝ ኢንታ̇ ቲ̈ን ሺ̈ሺ̈̇ራ? 5ዪና̇ ታ ጌይኖንዳ ዪንታ̇ ዬ̈ሊ̇ንዳብ ጋ̈ር ሶ̈ሊኔ፤ ዓት ዪንታ̇ ጊዳ̇ ጪጛሽ ማ̈ቂ ኣስ ኢጊንዝ ኣሲ ቤንቲ̇ባ̈ሳ? 6ዓት ዪ̈ዶኮ ኣማ̇ኒኖ ኣሲ ሜላ ኣማ̇ኒኖ ና̈ሳ ሞ̈ታር ኣማ̇ኒባ̈ሶ ኣሳን ቲ̈ን ፊርዳብ ኤጛንዳብ ኮሺ̇̈ራ?
7ዪንቲ̇ ዎል ዎልኣ ሞ̈ቲንታ̇ዚን ኢዛ ፌ̈ብ ዪንታ̇̇ብ ዬ̈ላ፤ ዪኒ̇ፖ̇ ኣሲ ዪንታ̇̇ብ ኢ̈ት ኦ̈ኖኮ ኢ̈ታ? ኣሲ ዪንታ̇ ዳሺቺ̇ኖኮ ኢ̈ታ? 8ዎቲናካሬ ዪንቲ̇ ኣማ̇ኒኖ ዪንታ̇ ኢሺንታ̇ን ኢ̈ታ ባዝ ኦ̈ ኢንታ̇ ዳሺቺ̇ ዎቲ̈ርባያ። 9ዉጫ ዉጪቲዝ ኣሳን ጾ̈ሳ̇ ካቲቲ̇ን ጋርታ̇ ጌሊባ̈ሶን ዪንቲ ኤሪባ̈ሳ? ዪንቲ̇ ባሊታ̇ፒ̇ቴ ኦሎላ ጋዲ̇ዛን፣ ኤ̈ቃ ጎይኒዛን፣ ፌ ማጪ̇ን ኣሻ̇ሪ ኣሳ ማጭባራ ሱርቂ̇ዛን፣ ኣቲናዶ̈ሪ ኣቲናባር ሱርቂዛን፥ 10ሶ̈ላን፣ ባዚ ዎይ ቴይ ማ̈ቆ ጌይ ጊዥጊዥ ጌይዝ ኣሳን፣ ማሲቲዛን፣ ኣሳ ሱም ይሲ̇ዛን፣ ኣሳ ባዝ ቡሪዛን ጾ̈ሳ̇̇ ካቲ̇ቲን ኤካ̇ንዳብ ዳንዳ̇ኢባ̈ሴ። 11ዪንታ̇ ጋርታፓ̇ር ፔታ̇ን ፔታ̇ናኒ ሚን ዪንፌ̈ኖ ባዛን ዎቲኔ። ዎቲናካር ዓት ዪንቲ̇ ጎዳ ዬሱ̈ስ ክርስቶ̈ሳ ሱምባርኬ ኑ ጾ̈ሳ̇ ኣያ̇ናባራ ናጋራ ጋርታ̇ፖ ሜ̈ጪንቲ̇ኔ፤ ዪንቲ̇ ጾ̈ሳ̇̇̈ቦ ጌዪ ቆሪንቲ̇ኖ ጌ̈ሽ̇ ዎርዣ ማ̈ቂኔ፤ ማ ጺላ̇ ኣስ ማ̈ቂ̇ኔ።
ዪንታ̇ ኣሲቲን ጾ̈ሳ̇̇̈ቦ ቦንች ማ̈ቃ̇ምፔ̈ን ዎቲብቴ
12“ቴ ኮዪኖ ባዝ ኦ̈ንዳብ ታ̈ና ካዪዝ ባዚ ባዬ” ዎቲናካሬ ዎይ ባዚ ታ̈ና ማ̈ዲ̇̈ሬ ጌንት ጊዳካዬ፤ ዎይ ባዝ ኦ̈ንዳብ ታ̈ና ካዪዝ ባዚ ባዪዶ̈ን፥ ዪን ጋርታ̇ፖ ሜል ኣቲ̇ን ፔታ̇ኒምቦ ታ̈ኒ ኣይላ ማ̈ቃ̇ራ ዎ̈ጚንታባሴ። 13ዪንቲ̇ “ፊሺ̈ ሚላ̇ቦ፥ ሚላ̈ር ፊሻብ ዎ” ጌይሬ ዪዚ ጾ̈ሲ ፊ̈ሻር ሚላ̇ር ዎይ ይሲ̇̈ሬ፤ ዎቲናካሬ ኑ ኣሲቲንዳ ኦሎላብ ጊዳካ̇ይዶን ጎዳ̈ብ ኦ̈ንዳብ ዎ፤ ጎዳ̈ዳሬ ኑ ኣሲቲምቦ ኮሺ̇ዝ ባዝ ኦ̈ሬ። 14ጾ̈ሳ̇ዲ ጎዳ ዬሱ̈ሳ ዓይቃ ጋርታ̇ፖ̇ ዲንኔ፥ ኑ̈ናር ፌ ዎልቂምባራ ዓይቃ ጋርታ̇ፖ̇ ዲንሬ። 15ዪንታ̇ ኣሲቲንዳ ክርስቶ̈ሳ ኣሲቲንባር ዎል ፔታ̇ን ማ̈ቂ̇ኖን ዪንቲ̇ ኤሪባ̈ሳ? ዪዚ ዪዶኮ ታ̈ኒ ክርስቶ̈ሳ ኣሲቲን ኤካ̇ራ ኦሎላ ጋዲ̇ዝ ኣሲን ኣሲቲንባራ ዎል ፔታ̇ን ማ̈ሳንዳብ ኮሺ̇̈ራ? ዉርሲ ኮሺ̇̈ባሴ! 16ኦሎላ ጋዳ̇ዝ ኣሲንባራ ሱርቂ̇ኖ ኣሲ ኢዝባር ዎልኣ ፔቲ̇ ጋል̇ ማ̈ቃ̇ዚን ዪንቲ̇ ኤሪባ̈ሳ? “ኢንቲ ናምኣን ዎልኣ ፔቲ̇ ጋል̇ ማ̈ቂ̇̈ሬ” ጋ̈ሪ ጻ̈ፊንቲ̇ኔ። 17ጎዳ ዬሱ̈ሳባር ዎልኣ ፔታ̇ን ማ̈ቂ̇ዝ ኣሲ ኢባራ ኣያ̇ናባር ዎልኣ ፔታ̇ን ማ̈ቂ̈̃ሬ።
18ዪ̈ኮታ̇ቦ ዪንቲ ኦሎላ ጋዳ̇ዚን ጋልዳፖ̇ ጎቲ̇ብቴ̇። ኣሲ ኦ̈ዝ ሜላ ናጋራ ዎይ ኣሳ ጋ̈ሊምፖ̇ ዛ̈ና ዎ ባዜ፤ ኦሎ̇ላ ጋዲ̇ዝ ኣሲ ፌ ጋል̇ ጌ̈ቲን ጋልዳ ናጋራ ኦ̈ኔ። 19ዪንታ̇ ጋሊ̇ንዳ ጾ̈ሲ ዪንታ̇̇ብ ኢሚ̇ኖ ዪንታ̇ ጋርታ̇ ዶኢዛ ጌ̈ሻ̇ ኣያ̇ና ኢዝ ጋርታ̇ ዶኢዝ ኬ̈ ማ̈ቂ̇ኖን ዪንቲ̇ ኤሪባ̈ሳ? ዪዚ ዪንቲ ጾ̈ሳ̇̇̈ይዶኬ ዪንቲ ዪንቴ̇ይ ጊዳካ̇ዬ። 20ኢ ዪንታ̇ ዋጋ ጪጋ̇ሪ ዎጚኔ፤ ዪ̈ኮታ̇ቦ ዪንታ̇ ኣሲቲንባራ ጾ̈ሳ̇ ቦንቺ̇ብቴ።
Currently Selected:
1 ቆሮ 6: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
