1 ቆሮ 10
10
ኤ̈ቃ ጎሽታ̇ንዳብ ኮሺ̇ባ̈ሴ
1ቴ ኢሺንታ̇ን! ሙ̈ሳ ኢንታ̇ ቲ̈ኒን ጊብጻ̇ ጋዳ̇ፖ̇ ኬስኪ̇ኖ ኑ ባ̈ቢንታን ዎይን ሻ̈ራ ኢንታ̇ ካጚኖንዲኬ ኢንቲ̇ ዎይን ቃይ ባሃ̈ሪን ፊጚኖን ቴ ዪንታ̇ብ ኤልቅ ዎታንዳ̇ብ ኮያ̈ሬ። 2ኢንቲ̇ ሙ̈ሳ ዎሂን ዬዝ ኣስ ማ̈ቂ̇ኖንኮታ̇ቦ ዎይን ሻ̈ሪንባርኬ ባሃ̈ሪን ጋርታ̇ ጻማ̇ቂንቲ̇ዴ። 3ዎይን ፔቲ̇ ኣይናታ ኣያ̇ና ፊ̈ሽ ሙይዴ። 4ዎይን ፔቲ̇ ኣይናታ ኣያ̇ና ኡሽ ኡሽኪ̇ዴ። ኢንቲ̇ ኡሽኪ̇ኖንዳ ኢንቲ ኢ ዎሂን ዬ̇ሙታ̇ ዎ ኣያ̇ና ዛ̈ላ̇ ጋልዳፖ ኬስኪ̇ኔ። ዪ̈ ዛ̈ላ̈̇ዲ ኢ ፌ ቆማ̇ቦ ክርስቶ̈ሳ። 5ዪፌ̈ን ማ̈ቂ̇ናካሬ ጾ̈ሳ̇ዲ ኢንታ̇ ጋርታ̇ፖ ዎይሊንን ጎይሊዴ። ኢንቲ̇ ዓይቂ̇ን ኢንታ̇ ኣሂንዳ ባራሃ ጋርታ̇ ኬዳ̇ር ኣቲ̇ኔ።
6ኢንቲ̇ ኢታ̇ ባዝ ኢኒ̇ቲኖንዲፌ̈ን ኑ̈ናር ኢ̈ታ ባዝ ኢኒ̇ታካ̇ዮ̈ዲፌ̈ን ዪን ባዛን ኑ̈ቦ ሚሳ̇̈ሊ ማ̈ቂ̇ኔ። 7“ኣሳን ሞ̈ንዳብኬ ኡሽካ̇ንዳብ ዶኢዴ፤ ዶ̈ጚ ዬጺ̇ ዎታንዳብ ዲንዲ̇ዴ” ጋ̈ሪ ኢንታ̇ ባዚ ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ን፥ ኢንታ ጋርታ̇ፖ̇ ፔታ̇ን ፔታ̇ናን ኤ̈ቃብ ጎይኖንዲፌ̈ን ዪንታ̇ር ኢንቴ̇ፌ̈ን ኤ̈ቃብ ጎይናፒ̇ቴ። 8ኢንታ̇ ጋርታፖ̇ ፔታ̇ን ፔታ̇ናን ኦሎላ ጋዳ̇ዚንዲፌ̈ን ኑ̈ኒ ኦሎላ ጋዳ̇ንዳብ ኮሺ̇ባ̈ሴ፤ ኢንቲ̇ ዪኖ̇ ዎቲኖኮታ̇ቦ ኢንታ̇ ጋርታፖ̇ ላምታ̇ም ዓይዚ̇ ሙኩላ ኣሲ ፔቲ̇ ጋላስ ዓይቂ̇ኔ። 9ኢንታ̇ ጋርታፖ̇ ፔታ̇ን ፔታ̇ናን ጎዳ ፋ̈ጪ̇ኖኮታ̇ቦ ሾ̈ሺ̇ ኢንታ̇ ቂን ዓይቂኖንዲፌ̈ኒ ኑ̈ኒ ጎዳ ፋ̈ጪ̇ባ̈ዳ። 10ኢንታ̇ ጋርታፖ̇ ፔታ̇ን ፔታ̇ናን ጾ̈ሳ̇̇ ጋልዳ ጉንዱሚን ዎምፔ̈ን ኪ̈ቲንቲ̇ኖ ኪ̈ታ̇ንቻ̇ ኢንታ̇ ዎ ይሲ̇ኖንዲፌ̈ኒ ዪንቲ̇ ጾ̈ሳ̇̇ ጋልዳ ጉንዱማፒ̇ቴ።
11ዪ̈ ዎይ ባዝ ኢንታ̇ ጋልዳ ዬሊ̇ኖ̈ዲ ኑ ኑ̈ና ና̈ጋምፔ̈ን ኑ̈ቦ ሚሳ̇̈ሊ ማ̈ቃምፔ̈ኔ፤ ዪን ባዛን ዉርሲ ላይ ጋልዳ ዎን ኑ̈ብ ቲሚርታ̇ ማ̈ቃ̇ምፔ̈ኒ ጻ̈ፊንቲ̇ኔ። 12ዪ̈ኮታ̇ቦ ሚ̈ጛር ኤቂ̇ኖ ማይጺ̇ዝ ኣሲ ኬዳካ̇ዮ̈ዲፌ̈ን ፌ̈ና ና̈ጎጋ̈ቤ። 13ኣስ ጌይዛ ዎይ ዬሊ̇ዝ ሜታ ዪንታ̇ ዬሊ̇ንዶኬ ዪንታ̇ኮን ዱማ ጊዳካ̇ዬ፤ ጾ̈ሳ̇̈ዲ ኣማ̇ኒንቲ̇ኖ ጾ̈ሴ̇። ዪንታ̇̇ብ ዳንዳኢንቲባ̈ሶ ሜቶ ዪንታ̇ ጋልዳ ዬ̈ምፔ̈ን ዎቲባ̈ሴ፤ ሜታ̇ ዪንታ̇ ዬ̈ላዚምባ̇ራ ዪንቲ̇ ጋርዢዝ ዎልቃ ዪንታ̇̇ብ ኢሚ̇ሙታ̇ዶ̈ሪ ዪንታ̇ ሜቲ̇ን ጋርታፖ̇ ኬስኪ̇ዝ ጎይ ዪንታ̇̇ብ ጊ̈ጊ̇ሲሬ።
14ዪ̈ዚ ታ ላጋ̇ን! ኤ̈ቃብ ጎይናዚን ጋልዳፖ ጎቲ̇ብቴ̇። 15ዪንቲ̇ ቆፒ̇ ቢሪንዝ ኣስ ማ̈ቂ̇ኖኮታ̇ቦ ቴ ዪንታ̇̇ብ ሶ̈ላ̈ሬ፤ ዪዚ ቴ ዪንታ̇̇ብ ሶ̈ላዚን ማቃኮ ዎይ ኪንኮ ዪንቲ̇ ፋራ̇ዲብቴ። 16ኑ̈ኒ ጾ̈ሳ̇ ጋላታ̇ር ኢናፖ̇ ዎልኣ ፋጊንታር ኡሽካ̇ዝ ጺዊንዳ ክርስቶ̈ሳ ሱምባራ ፔቲ̇ቲ ኢዝቦ ዎ ጊዳካ̇ያ? ኑ ዎልኣ ሞ̈ዝ ሶ̈ሊ̇ንዳሬ ክርስቶ̈ሳ ኣይሺ̇ምባር ፔቲ̇ቲ ኢዝቦ ዎ ጊዳካ̇ያ? 17ኑ ሞ̈ዝ ሶ̈ሊንዳ ፔታ̇ን ማ̈ቂ̇ኖኮታ̇ቦ ኑ̈ናር ዪና̇ ፔቲ̇ ሶ̈ሊን ዎልኣ ፋጊንታዚንኮታ̇ቦ ኑ ዎይሊን ማ̈ቂ̇ናካሬ ኑ ዎልኣ ፔታ̇ኔ።
18ዪንቲ̇ ኢስሬ̈ላ ዎርዣን ባዚን ቆፒ̇ብቴ̇፤ ዣ̈ርሺኖን ሙይዛን ዣርሻ ቤሲ̇ን ጋልዳ ጾ̈ሳ̇̈̇ብ ሺ̈ቂዝ ዣ̈ርሺን ዎልኣ ፋጊንቲ̈ርባያ? 19ዪዚ ታ ዓት ዪኖ̇ ጋዚንዳ ኤ̈ቃብ ዣ̈ርሺንቲ̇ኖ ባዚን ዎይ ኤ̈ቃ ኢ ቆሚ̇ንዳር ማ̈ቂ̇ን ኣባክ ማ̈ዲ̇ዝ ባዜ ጌንታ̇? 20ጊዳካ̇ዬ! ጾ̈ሳ̇ ኤሪባ̈ሶ ኣሳን ካ̈ሽካዚንዳ ጾ̈ሳ̇ቦ ጊዳካይዶ̈ን ኢ̈ታ ኣያ̇ናቦ፤ ኢ̈ታ ኣያ̇ናባራ ዪንታ̇̇ብ ፔቲ̇ቲ ዶኣምፔ̈ን ቴ ኮያባሴ። 21ዪንቲ̇ ጎዳ ጺዊ̇ን ኡሽኪ̇ሙታ̇ዶ̈ሪ ማ ኢ̈ታ ኣያ̇ና ጺዋ̇ ኡሽካ̇ንዳብ ዳንዳኢባሴ፤ ጎዳ ሌ̈ማቲን ጋልዳፖ ሙይዝ ኣስ ማ̈ቃ̇ር ማ ኢ̈ታ ኣያ̇ና ሌ̈ማቲን ጋልዳፖ ሙይዝ ኣስ ማ̈ቃ̇ንዳብ ዳንዳኢባ̈ሴ። 22ዪዚ ኑ̈ኒ ዪ̈ፌ̈ኖ ባዝ ዎቲሙታ̇ ኑ ጎዳ ቃና̇ኢሳኔ? ኑ̈ኒ ሚ̈ንባር ኢ̈ፖ̇ ሺ̈ራ?
23“ኮዪኖ ባዝ ኦ̈ንዳብ ካዪዝ ባዚ ባዬ” ዎቲናካሬ ዎይ ባዚ ማ̈ዲ̇ዝ ባዝ ጊዳካ̇ዬ፤ ዎይ ባዝ ኦንዳብ ካዪዝ ባዚ ባዬ፤ ዎቲናካር ዎይ ባዚ ሚ̈ንዝ ባዝ ጊዳካ̇ዬ። 24ኣሲ ኦ̈ናካር ማ̈ቂ̇ን ኣሳብ ኮሺ̇ዝ ባዝ ቆፓ̇ጋብዶኬ ፌ̈ና ሙታ̇ ማ̈ዲዝ ባዝ ቆፓፖ̇ጋ̈ቤ።
25ዪንታ̇ቡ̈ዳባር ኤ̈ዝጋካ̇ይዶር ጋቢ ጋልዳ ዎጚንቲዝ ኣይሽ ዚምዶኣር ሙብቴ̇። 26ኣባ ጌይን “ዓና̇ ሳ̈ዚንዲኬ ኢዝ ጋልዳ ዎ ባዚ ዎይ ጎዳ̇ዴዬ።”
27ኣማ̇ናካዮ ኣሲ ዪንታ̇ ፌ ኣ̈ል ዎሴ̇ጌይን ኢ ኣ̈ል ሉካ̇ሪ ዪንታ̇ ቲ̈ን ኣ̈ኖ ፊሺን ዪንታ̇ ቡ̈ዳባር ሲካይዶር ዚምዶኣር ሙብቴ̇። 28ዎቲናካሬ ፔቲ̇ ኣሲ “ዪና̇ ኤ̈ቃብ ሹኪ̇ኖ ኣይሼ” ጋ̈ሪ ሶ̈ሌጌይንዶ ዪንቲ̇ ና̈ሳ ጊሻ̇ቦ ኢ ቆፊን ኢ̈ታካ̇ይፌ̈ኒ ዪና̇ ኣይሺን ሞ̈ፒ̇ቴ። 29ዪና̇ ታ̈ኒ ጌይኖንዳ ና̈ሳ ጊሻ̇ብዶኬ ዪንታ̇ ጊሽ̇ ጊዳካ̇ዬ።
ታ̈ኒ ኣሳ ጊሻ̇ቦ ጋ̈ራ ታ̈ብ ዎ ማብቲ̇ን ኣብዛብ ኣታ̇̈ራ?
30ታ̈ኒ ጾ̈ሳ̇ ጋላታ̇ር ሙዬጌዪን ቴ ጾ̈ሳ̇ ጋላታ̇ር ሙዪኖ ፊሺምቦ ኢ̈ታ ባዝ ኦ̈ኖ ኣስፌ̈ን ታ̈ና ኣባብ ቦሪ̈ራ?
31ዪዚ ዪንቲ̇ ሙይርዶር ማ̈ቆ̇ ኡሽኪ̈ርዶሪ ዎይ ባዝ ኦ̈ርዶሪ ዎይን ጾ̈ሳ̇ ቦንቻ̇ቦ ጋ̈ሪ ኦ̈ብቴ። 32ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ማ ጾ̈ሳ̇̇ ዎ̈ሳ ኬ̈ንር ማ̈ቂ̇ን ኦ̈ባካር ፊ ማ̈ቃፒ̇ቴ። 33ታ̈ኒ ዎይን ፋጻምፔ̈ኒ ታ̈ና ማ̈ዲ̇ዝባዝ ኮያካ̇ይዶራ ቴ ኦ̈ዝ ባዝ ዎይባራ ዎይን ኡፋይሳ̇ዚንዲፌ̈ን ዪንታ̇ር ዪና̇ ኢዝፌ̈ን ዎቲብቴ።
Currently Selected:
1 ቆሮ 10: ኦጫ̈ቃማ
Highlight
Share
Copy
Want to have your highlights saved across all your devices? Sign up or sign in
1 ቆሮ 10
10
ኤ̈ቃ ጎሽታ̇ንዳብ ኮሺ̇ባ̈ሴ
1ቴ ኢሺንታ̇ን! ሙ̈ሳ ኢንታ̇ ቲ̈ኒን ጊብጻ̇ ጋዳ̇ፖ̇ ኬስኪ̇ኖ ኑ ባ̈ቢንታን ዎይን ሻ̈ራ ኢንታ̇ ካጚኖንዲኬ ኢንቲ̇ ዎይን ቃይ ባሃ̈ሪን ፊጚኖን ቴ ዪንታ̇ብ ኤልቅ ዎታንዳ̇ብ ኮያ̈ሬ። 2ኢንቲ̇ ሙ̈ሳ ዎሂን ዬዝ ኣስ ማ̈ቂ̇ኖንኮታ̇ቦ ዎይን ሻ̈ሪንባርኬ ባሃ̈ሪን ጋርታ̇ ጻማ̇ቂንቲ̇ዴ። 3ዎይን ፔቲ̇ ኣይናታ ኣያ̇ና ፊ̈ሽ ሙይዴ። 4ዎይን ፔቲ̇ ኣይናታ ኣያ̇ና ኡሽ ኡሽኪ̇ዴ። ኢንቲ̇ ኡሽኪ̇ኖንዳ ኢንቲ ኢ ዎሂን ዬ̇ሙታ̇ ዎ ኣያ̇ና ዛ̈ላ̇ ጋልዳፖ ኬስኪ̇ኔ። ዪ̈ ዛ̈ላ̈̇ዲ ኢ ፌ ቆማ̇ቦ ክርስቶ̈ሳ። 5ዪፌ̈ን ማ̈ቂ̇ናካሬ ጾ̈ሳ̇ዲ ኢንታ̇ ጋርታ̇ፖ ዎይሊንን ጎይሊዴ። ኢንቲ̇ ዓይቂ̇ን ኢንታ̇ ኣሂንዳ ባራሃ ጋርታ̇ ኬዳ̇ር ኣቲ̇ኔ።
6ኢንቲ̇ ኢታ̇ ባዝ ኢኒ̇ቲኖንዲፌ̈ን ኑ̈ናር ኢ̈ታ ባዝ ኢኒ̇ታካ̇ዮ̈ዲፌ̈ን ዪን ባዛን ኑ̈ቦ ሚሳ̇̈ሊ ማ̈ቂ̇ኔ። 7“ኣሳን ሞ̈ንዳብኬ ኡሽካ̇ንዳብ ዶኢዴ፤ ዶ̈ጚ ዬጺ̇ ዎታንዳብ ዲንዲ̇ዴ” ጋ̈ሪ ኢንታ̇ ባዚ ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ን፥ ኢንታ ጋርታ̇ፖ̇ ፔታ̇ን ፔታ̇ናን ኤ̈ቃብ ጎይኖንዲፌ̈ን ዪንታ̇ር ኢንቴ̇ፌ̈ን ኤ̈ቃብ ጎይናፒ̇ቴ። 8ኢንታ̇ ጋርታፖ̇ ፔታ̇ን ፔታ̇ናን ኦሎላ ጋዳ̇ዚንዲፌ̈ን ኑ̈ኒ ኦሎላ ጋዳ̇ንዳብ ኮሺ̇ባ̈ሴ፤ ኢንቲ̇ ዪኖ̇ ዎቲኖኮታ̇ቦ ኢንታ̇ ጋርታፖ̇ ላምታ̇ም ዓይዚ̇ ሙኩላ ኣሲ ፔቲ̇ ጋላስ ዓይቂ̇ኔ። 9ኢንታ̇ ጋርታፖ̇ ፔታ̇ን ፔታ̇ናን ጎዳ ፋ̈ጪ̇ኖኮታ̇ቦ ሾ̈ሺ̇ ኢንታ̇ ቂን ዓይቂኖንዲፌ̈ኒ ኑ̈ኒ ጎዳ ፋ̈ጪ̇ባ̈ዳ። 10ኢንታ̇ ጋርታፖ̇ ፔታ̇ን ፔታ̇ናን ጾ̈ሳ̇̇ ጋልዳ ጉንዱሚን ዎምፔ̈ን ኪ̈ቲንቲ̇ኖ ኪ̈ታ̇ንቻ̇ ኢንታ̇ ዎ ይሲ̇ኖንዲፌ̈ኒ ዪንቲ̇ ጾ̈ሳ̇̇ ጋልዳ ጉንዱማፒ̇ቴ።
11ዪ̈ ዎይ ባዝ ኢንታ̇ ጋልዳ ዬሊ̇ኖ̈ዲ ኑ ኑ̈ና ና̈ጋምፔ̈ን ኑ̈ቦ ሚሳ̇̈ሊ ማ̈ቃምፔ̈ኔ፤ ዪን ባዛን ዉርሲ ላይ ጋልዳ ዎን ኑ̈ብ ቲሚርታ̇ ማ̈ቃ̇ምፔ̈ኒ ጻ̈ፊንቲ̇ኔ። 12ዪ̈ኮታ̇ቦ ሚ̈ጛር ኤቂ̇ኖ ማይጺ̇ዝ ኣሲ ኬዳካ̇ዮ̈ዲፌ̈ን ፌ̈ና ና̈ጎጋ̈ቤ። 13ኣስ ጌይዛ ዎይ ዬሊ̇ዝ ሜታ ዪንታ̇ ዬሊ̇ንዶኬ ዪንታ̇ኮን ዱማ ጊዳካ̇ዬ፤ ጾ̈ሳ̇̈ዲ ኣማ̇ኒንቲ̇ኖ ጾ̈ሴ̇። ዪንታ̇̇ብ ዳንዳኢንቲባ̈ሶ ሜቶ ዪንታ̇ ጋልዳ ዬ̈ምፔ̈ን ዎቲባ̈ሴ፤ ሜታ̇ ዪንታ̇ ዬ̈ላዚምባ̇ራ ዪንቲ̇ ጋርዢዝ ዎልቃ ዪንታ̇̇ብ ኢሚ̇ሙታ̇ዶ̈ሪ ዪንታ̇ ሜቲ̇ን ጋርታፖ̇ ኬስኪ̇ዝ ጎይ ዪንታ̇̇ብ ጊ̈ጊ̇ሲሬ።
14ዪ̈ዚ ታ ላጋ̇ን! ኤ̈ቃብ ጎይናዚን ጋልዳፖ ጎቲ̇ብቴ̇። 15ዪንቲ̇ ቆፒ̇ ቢሪንዝ ኣስ ማ̈ቂ̇ኖኮታ̇ቦ ቴ ዪንታ̇̇ብ ሶ̈ላ̈ሬ፤ ዪዚ ቴ ዪንታ̇̇ብ ሶ̈ላዚን ማቃኮ ዎይ ኪንኮ ዪንቲ̇ ፋራ̇ዲብቴ። 16ኑ̈ኒ ጾ̈ሳ̇ ጋላታ̇ር ኢናፖ̇ ዎልኣ ፋጊንታር ኡሽካ̇ዝ ጺዊንዳ ክርስቶ̈ሳ ሱምባራ ፔቲ̇ቲ ኢዝቦ ዎ ጊዳካ̇ያ? ኑ ዎልኣ ሞ̈ዝ ሶ̈ሊ̇ንዳሬ ክርስቶ̈ሳ ኣይሺ̇ምባር ፔቲ̇ቲ ኢዝቦ ዎ ጊዳካ̇ያ? 17ኑ ሞ̈ዝ ሶ̈ሊንዳ ፔታ̇ን ማ̈ቂ̇ኖኮታ̇ቦ ኑ̈ናር ዪና̇ ፔቲ̇ ሶ̈ሊን ዎልኣ ፋጊንታዚንኮታ̇ቦ ኑ ዎይሊን ማ̈ቂ̇ናካሬ ኑ ዎልኣ ፔታ̇ኔ።
18ዪንቲ̇ ኢስሬ̈ላ ዎርዣን ባዚን ቆፒ̇ብቴ̇፤ ዣ̈ርሺኖን ሙይዛን ዣርሻ ቤሲ̇ን ጋልዳ ጾ̈ሳ̇̈̇ብ ሺ̈ቂዝ ዣ̈ርሺን ዎልኣ ፋጊንቲ̈ርባያ? 19ዪዚ ታ ዓት ዪኖ̇ ጋዚንዳ ኤ̈ቃብ ዣ̈ርሺንቲ̇ኖ ባዚን ዎይ ኤ̈ቃ ኢ ቆሚ̇ንዳር ማ̈ቂ̇ን ኣባክ ማ̈ዲ̇ዝ ባዜ ጌንታ̇? 20ጊዳካ̇ዬ! ጾ̈ሳ̇ ኤሪባ̈ሶ ኣሳን ካ̈ሽካዚንዳ ጾ̈ሳ̇ቦ ጊዳካይዶ̈ን ኢ̈ታ ኣያ̇ናቦ፤ ኢ̈ታ ኣያ̇ናባራ ዪንታ̇̇ብ ፔቲ̇ቲ ዶኣምፔ̈ን ቴ ኮያባሴ። 21ዪንቲ̇ ጎዳ ጺዊ̇ን ኡሽኪ̇ሙታ̇ዶ̈ሪ ማ ኢ̈ታ ኣያ̇ና ጺዋ̇ ኡሽካ̇ንዳብ ዳንዳኢባሴ፤ ጎዳ ሌ̈ማቲን ጋልዳፖ ሙይዝ ኣስ ማ̈ቃ̇ር ማ ኢ̈ታ ኣያ̇ና ሌ̈ማቲን ጋልዳፖ ሙይዝ ኣስ ማ̈ቃ̇ንዳብ ዳንዳኢባ̈ሴ። 22ዪዚ ኑ̈ኒ ዪ̈ፌ̈ኖ ባዝ ዎቲሙታ̇ ኑ ጎዳ ቃና̇ኢሳኔ? ኑ̈ኒ ሚ̈ንባር ኢ̈ፖ̇ ሺ̈ራ?
23“ኮዪኖ ባዝ ኦ̈ንዳብ ካዪዝ ባዚ ባዬ” ዎቲናካሬ ዎይ ባዚ ማ̈ዲ̇ዝ ባዝ ጊዳካ̇ዬ፤ ዎይ ባዝ ኦንዳብ ካዪዝ ባዚ ባዬ፤ ዎቲናካር ዎይ ባዚ ሚ̈ንዝ ባዝ ጊዳካ̇ዬ። 24ኣሲ ኦ̈ናካር ማ̈ቂ̇ን ኣሳብ ኮሺ̇ዝ ባዝ ቆፓ̇ጋብዶኬ ፌ̈ና ሙታ̇ ማ̈ዲዝ ባዝ ቆፓፖ̇ጋ̈ቤ።
25ዪንታ̇ቡ̈ዳባር ኤ̈ዝጋካ̇ይዶር ጋቢ ጋልዳ ዎጚንቲዝ ኣይሽ ዚምዶኣር ሙብቴ̇። 26ኣባ ጌይን “ዓና̇ ሳ̈ዚንዲኬ ኢዝ ጋልዳ ዎ ባዚ ዎይ ጎዳ̇ዴዬ።”
27ኣማ̇ናካዮ ኣሲ ዪንታ̇ ፌ ኣ̈ል ዎሴ̇ጌይን ኢ ኣ̈ል ሉካ̇ሪ ዪንታ̇ ቲ̈ን ኣ̈ኖ ፊሺን ዪንታ̇ ቡ̈ዳባር ሲካይዶር ዚምዶኣር ሙብቴ̇። 28ዎቲናካሬ ፔቲ̇ ኣሲ “ዪና̇ ኤ̈ቃብ ሹኪ̇ኖ ኣይሼ” ጋ̈ሪ ሶ̈ሌጌይንዶ ዪንቲ̇ ና̈ሳ ጊሻ̇ቦ ኢ ቆፊን ኢ̈ታካ̇ይፌ̈ኒ ዪና̇ ኣይሺን ሞ̈ፒ̇ቴ። 29ዪና̇ ታ̈ኒ ጌይኖንዳ ና̈ሳ ጊሻ̇ብዶኬ ዪንታ̇ ጊሽ̇ ጊዳካ̇ዬ።
ታ̈ኒ ኣሳ ጊሻ̇ቦ ጋ̈ራ ታ̈ብ ዎ ማብቲ̇ን ኣብዛብ ኣታ̇̈ራ?
30ታ̈ኒ ጾ̈ሳ̇ ጋላታ̇ር ሙዬጌዪን ቴ ጾ̈ሳ̇ ጋላታ̇ር ሙዪኖ ፊሺምቦ ኢ̈ታ ባዝ ኦ̈ኖ ኣስፌ̈ን ታ̈ና ኣባብ ቦሪ̈ራ?
31ዪዚ ዪንቲ̇ ሙይርዶር ማ̈ቆ̇ ኡሽኪ̈ርዶሪ ዎይ ባዝ ኦ̈ርዶሪ ዎይን ጾ̈ሳ̇ ቦንቻ̇ቦ ጋ̈ሪ ኦ̈ብቴ። 32ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ማ ጾ̈ሳ̇̇ ዎ̈ሳ ኬ̈ንር ማ̈ቂ̇ን ኦ̈ባካር ፊ ማ̈ቃፒ̇ቴ። 33ታ̈ኒ ዎይን ፋጻምፔ̈ኒ ታ̈ና ማ̈ዲ̇ዝባዝ ኮያካ̇ይዶራ ቴ ኦ̈ዝ ባዝ ዎይባራ ዎይን ኡፋይሳ̇ዚንዲፌ̈ን ዪንታ̇ር ዪና̇ ኢዝፌ̈ን ዎቲብቴ።
Currently Selected:
:
Highlight
Share
Copy
Want to have your highlights saved across all your devices? Sign up or sign in