1 Samuwel 24
24
DAWUD SAAWUL QIDAM MAFAXA
1Saawul Filistiin marih qeebik yuduure saaku, Dawud Qengeedi deqsita rasul sinam elle dago baaxol yani 'yaanam kaak iyyen. 2Toh yoobbe waqdi Saawul Israayil qaskarih addak doorru hee sidiica alfih num gabat hayya heeh, Dawud kee Dawud marih goranah «Sarâ-xixxooqa» deqsita arac fan gexe. 3Illi-gasoosat xayi gablay giti qaxal tanihiyya fan yemeeteeh, daaco aba'gidih too gablah adda cule. Dawud kee Dawud mara too gablak iqiyal culteh ten. 4Too waqdi Dawud mari iyyeemih, «Ta ayro YALLI, ‹Faxxem akak abittuh, ku naqaboyta ku gabal heeyyo› 'yaanam kok akak iyye ayrok tanih tan» iyyen. Sarrak Dawud sasot amma 'yeh Saawul culsah edde yan kameesik exxâ-baxa yirgiqe. 5Toh abek lakal, umam abem kay xagar kaah warseeh, tohih sabbatah 6isi marak iyyeemih, «Yi amoytay YALLI malik abehiyyal umam baahaamak YALLI yoo catay. YALLI doore malik kinnimih sabbatah, dagoohim-baxa kinni way kaal baahe waam faxxinta» iyye. 7Dawud toh iyye waqdi, kay mari kay yaabal umam Saawulul baahaanamak raaqeenih, umam kaal baahe ken kaleh.
Saawul uguttu 'yeh woo gablak yewqeeh isi gexoh gexe. 8Tohuk lakal Dawud kay lakat eweqqa 'yeh, «Amoytaw» kaak iyye. Saawul salafah wagga hee waqdi, Dawud kay assakaxxiyyah qansah baaxo xagam fan qununna 'ye. 9Sarrak kaak iyyeemih, «Kot yoo yaysamme maray ‹Dawud umam kol baaham faxa› iyyahiyyah yab macah taabbe? 10Koo qidam faxaamal away a gablah addat YALLI yi gabal koo heeh suge. Yi marak garab, ‹Taway kaa qid› yok iyyeeni'mmay afqado yok xiqtu cinteeh, ‹Anu inni amoyta maqida. YALLI doore amoytal qidimih gaba maruuba› keenik exce. 11Kameesik exxâ-baxa kok irgiqeeh, woo exxa ah teetiy gabat abbixe. Koo qidam niyat luk sugaamal, too way koo qidak en. Koo qidaamih fayxi alle waam tahal yok ixig. Yooy tu kol baahe weehiyyah qidimih yoo gorrisak takke fan temeetem koo. 12Koo kee yok qellatat yan num YALLI yabalay. Dagooh nabam kol baahe weemih sabbatah, atu yol bahtah taniimih YALLI koo digaalele'mmay, anu innih koo maxaga. 13Dumî-mari missilah, ‹Uma marak umam tawqe› 'yaanam axcuk neh sugen. Tonna-leemik anu innih koo maxaga. 14Meqehik, Israayil malikow, a qiddam faxxam kinni num maay table? Xakaake kaltam kinni num isik table? Rabe kutak ayse sinni kannaadi gideh yan numu. 15YALLI koo kee yok qellat le num ableleeh, qellat edde yan numul nek meklele. Yot takkem ableleeh, tuk teena akak axcele; ku gabak yoo ayyaaqele» kaak iyye.
16Dawud ta yaabak gaba kale waqdi Saawul, «Yi Dawudow, ah koo?» iyye. Sarrak kaxxam weeqeh, iyyeemih, 17«Atu intam nummaay; anu edde anim qellata. Anu umam kol baahem abalih, atu meqem yoh abak sugte. 18Yoh abba hayte maqaane yoh warisseh nummah. YALLI ku gabah gubah yoo gacse waqdi, yoo maqidinnito. 19Gabah addat kaak rade naqboytal tu baahe'kah rubtam iyyay? A saaku yoh abte maqaaneh galto YALLI koh gacisay. 20Atu Israayil malik akkettooh; Israayil mari ku xintoh gubat xiinelem a saaku eexegeh. 21Tonna'mmay yi migaq kee yok radda 'ye marih migaq akah hawwensime waa innah, yi mara xage waytaamah, YALLIH migaaqal qahdi yoh cul» kaak iyye. 22Too waqdi too xagana kaah culeh.
Tohuk lakal Saawul isi buxah yuduureeh; Dawud kee kay mara taaxige uqurah edde sugen arac fanah yuduuren.
Currently Selected:
1 Samuwel 24: NKM
Highlight
Share
Copy
Want to have your highlights saved across all your devices? Sign up or sign in
1 Samuwel 24
24
DAWUD SAAWUL QIDAM MAFAXA
1Saawul Filistiin marih qeebik yuduure saaku, Dawud Qengeedi deqsita rasul sinam elle dago baaxol yani 'yaanam kaak iyyen. 2Toh yoobbe waqdi Saawul Israayil qaskarih addak doorru hee sidiica alfih num gabat hayya heeh, Dawud kee Dawud marih goranah «Sarâ-xixxooqa» deqsita arac fan gexe. 3Illi-gasoosat xayi gablay giti qaxal tanihiyya fan yemeeteeh, daaco aba'gidih too gablah adda cule. Dawud kee Dawud mara too gablak iqiyal culteh ten. 4Too waqdi Dawud mari iyyeemih, «Ta ayro YALLI, ‹Faxxem akak abittuh, ku naqaboyta ku gabal heeyyo› 'yaanam kok akak iyye ayrok tanih tan» iyyen. Sarrak Dawud sasot amma 'yeh Saawul culsah edde yan kameesik exxâ-baxa yirgiqe. 5Toh abek lakal, umam abem kay xagar kaah warseeh, tohih sabbatah 6isi marak iyyeemih, «Yi amoytay YALLI malik abehiyyal umam baahaamak YALLI yoo catay. YALLI doore malik kinnimih sabbatah, dagoohim-baxa kinni way kaal baahe waam faxxinta» iyye. 7Dawud toh iyye waqdi, kay mari kay yaabal umam Saawulul baahaanamak raaqeenih, umam kaal baahe ken kaleh.
Saawul uguttu 'yeh woo gablak yewqeeh isi gexoh gexe. 8Tohuk lakal Dawud kay lakat eweqqa 'yeh, «Amoytaw» kaak iyye. Saawul salafah wagga hee waqdi, Dawud kay assakaxxiyyah qansah baaxo xagam fan qununna 'ye. 9Sarrak kaak iyyeemih, «Kot yoo yaysamme maray ‹Dawud umam kol baaham faxa› iyyahiyyah yab macah taabbe? 10Koo qidam faxaamal away a gablah addat YALLI yi gabal koo heeh suge. Yi marak garab, ‹Taway kaa qid› yok iyyeeni'mmay afqado yok xiqtu cinteeh, ‹Anu inni amoyta maqida. YALLI doore amoytal qidimih gaba maruuba› keenik exce. 11Kameesik exxâ-baxa kok irgiqeeh, woo exxa ah teetiy gabat abbixe. Koo qidam niyat luk sugaamal, too way koo qidak en. Koo qidaamih fayxi alle waam tahal yok ixig. Yooy tu kol baahe weehiyyah qidimih yoo gorrisak takke fan temeetem koo. 12Koo kee yok qellatat yan num YALLI yabalay. Dagooh nabam kol baahe weemih sabbatah, atu yol bahtah taniimih YALLI koo digaalele'mmay, anu innih koo maxaga. 13Dumî-mari missilah, ‹Uma marak umam tawqe› 'yaanam axcuk neh sugen. Tonna-leemik anu innih koo maxaga. 14Meqehik, Israayil malikow, a qiddam faxxam kinni num maay table? Xakaake kaltam kinni num isik table? Rabe kutak ayse sinni kannaadi gideh yan numu. 15YALLI koo kee yok qellat le num ableleeh, qellat edde yan numul nek meklele. Yot takkem ableleeh, tuk teena akak axcele; ku gabak yoo ayyaaqele» kaak iyye.
16Dawud ta yaabak gaba kale waqdi Saawul, «Yi Dawudow, ah koo?» iyye. Sarrak kaxxam weeqeh, iyyeemih, 17«Atu intam nummaay; anu edde anim qellata. Anu umam kol baahem abalih, atu meqem yoh abak sugte. 18Yoh abba hayte maqaane yoh warisseh nummah. YALLI ku gabah gubah yoo gacse waqdi, yoo maqidinnito. 19Gabah addat kaak rade naqboytal tu baahe'kah rubtam iyyay? A saaku yoh abte maqaaneh galto YALLI koh gacisay. 20Atu Israayil malik akkettooh; Israayil mari ku xintoh gubat xiinelem a saaku eexegeh. 21Tonna'mmay yi migaq kee yok radda 'ye marih migaq akah hawwensime waa innah, yi mara xage waytaamah, YALLIH migaaqal qahdi yoh cul» kaak iyye. 22Too waqdi too xagana kaah culeh.
Tohuk lakal Saawul isi buxah yuduureeh; Dawud kee kay mara taaxige uqurah edde sugen arac fanah yuduuren.
Currently Selected:
:
Highlight
Share
Copy
Want to have your highlights saved across all your devices? Sign up or sign in