रोमि 8
8
पवित्र आत्माता लावदे मावा जिवन
1इन्जोर इदेक बोर येसु मसिनिगा विस्वास किन्तोर ओरकुन बोदे दन्ड साटि न्याय हिले। बाक्याकि ओरक पाप स्वभावता अनुसार आयो मति पवित्र आत्माता अनुसार ताकान्तोरक। 2येसु मसि हिन्तोर ओर पवित्र आत्मा माकुन जिवन हिन्तोर। ओर पवित्र आत्मा मिकुन पापता अदिकारताल अनि पापता द्वारा वान्ता हायानाता योग्य दन्डताल स्वतन्त्र किन्तोर। 3मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर। 4माक इदेक पाप स्वभावता इच्चाता अनुसार आयो मति इदेक परमेस्वरना नियम पुरा आयान साटि पवित्र आत्माता अनुसार जिवित मन्तोरोम।
5बाक्याकि आपुना पापि स्वभावता अनुसार जिवे मान्तोरक ओर लोकुरक पापि स्वभावता इच्चातुन पुरा कियान साटि विचार किन्तोरक। मति पवित्र आत्माता अनुसार जिवे मान्तोरक ओर लोकुरक पवित्र आत्मा इच्चा किन्ता ओद पोल्लोंग कियान साटि विचार किन्तोरक। 6पापता इच्चातिगा मन लावेकियाकिट ते हायानाता योग्य दन्ड पुटार मति पवित्र आत्माता अनुसार जिवेमायकिट ते जिवन अनि शान्ति पुटार। 7पापि स्वभावता अनुसार जिवे मान्तोरक ओर लोकुरक परमेस्वरना दुश्मन मन्दानुरक बाक्याकि ओरक परमेस्वरना नियमता अदिकारते मनोरक अनि परमेस्वरना नियमता अदिकारते मन परोरक। 8अनि पापि स्वभावता अदिकारते जिवे मान्तोरक ओर लोकुरक परमेस्वरतुन बसकेय गिरदा किया परोरक।
9मियागा परमेस्वरना आत्मा मन्ता इन्जोर निमाट पापि स्वभावता अदिकारते हिलविट मति पवित्र आत्माता अदिकारते मन्तोरिट। मसिना आत्मा#८:९ येसु मसि सबोय विस्वासि लोकुरकुन पवित्र आत्मा हिन्तोर। हिले ते ओरक मसिना लोकुरक आयोरक। 10अनि मसि मियागा मन्तोर ते मेन्दुल पापता कारण हायार मति निमाट परमेस्वरना मुने येताना योग्य मन्तोर इन्जोर मिया आत्मा अनन्त जिवनते मन्दार। 11अनि येसु मसिन हातोरिगाडाल असा जिवेहकिस मता परमेस्वरना आत्मा मियागा मन्ता ते ओर परमेस्वर पवित्र आत्माता लावते मिकुन हातोरिगाडाल असा जितो कियानुर#१ कुरि ३:६।
12इन्जोर हे बायि-दादालोरक, माकुन इद पाप स्वभावता इच्चाता अनुसार जिवन जिवेमायो आयकोम इदाम मावा कर्तव्य मन्ता। 13बाक्याकि निमाट पापि मेन्दुलता इच्चाता अनुसार जिवेमायकिट ते हायानाता योग्य दन्ड पुटार मति निमाट पवित्र आत्माता द्वारा मेन्दुलता इच्चातुन जिकिकिट#८:१३ हव्किकिट ते अनन्त जिवन्ते मनकिट। 14परमेस्वरना आत्माता इच्चा अनुसार ताकान्तोरक ओर लोकुरक परमेस्वरनोर मरि आन्दुरक। 15बाक्याकि मिकुन पुटता ओर पवित्र आत्मा मिकुन असा दन्ड पुटार इदाम वरहान साटि मिकुन पापता दास बनेकेवो मति ओर पवित्र आत्मा मिकुन परमेस्वरना बालपोस मरि बनेकिन्तोर। अदेनते माक “हे आब्बा, हे बाबो” इन्जोर इन्तोराट#गला ४:५-७। 16माक परमेस्वतोर मरि आन्दोम इन्जोर ओर पवित्र आत्मा मावा आत्मातासंग मिलेमास गवाहि हिन्ता। 17अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।
परमेस्वरनोर मरकनिगा वायवाल मुनेटा काळते दिसार ओद महिमा
18वायार ओद मुनेटा काळते मावागा दिसार ओद महिमाता मुने इद बेराता दुःख अनि पकाय तकलिप बारायि हिले इदाम नना समजेमान्तोना। 19बसके परमेस्वर खरोय आपुना मरक बोरक आन्दुर इद प्रगट किहानुर ओद दिया साटि इद सृष्टि पकाय आशाते हर हुळिला आता। 20-21बाक्याकि सृष्टि परमेस्वर बनेकिता आपुना सोबाता उदेशतुन पुरा किया परो आत; आपुना इच्चाते या आपुना बुतोता गलतिते आयो मति परमेस्वरना योजनाता अनुसार अदाम आत#उत्प ३:१७-१९। सृष्टि परमेस्वर बेनेकिता आपुना उदेश पुराकिया परो आतु ते वने उन्दि दिया आपुना नाश आयाना शरापताल लेहचियाना पुटिहच परमेस्वरनोर मरकनासंग भाग्यते स्वतन्त्रताता गिरदा कियानुर इन्जोर सबोय सृष्टि आशा किन्दु। 22उन्दि आळ नुनान जनम हियानपा अदेन पकाय नोमुर आन्ता अदाम लेहका इद सबोय सृष्टि पकाय नोमुरुते नेन्डवनाह तळपेमास मन्ता इन्जोर माक पुन्तोराट। 23अनि केवल इद सृष्टि आयो मति परमेस्वरताल मुने वरदान आस पवित्र आत्मातुन पुटता माक वने आपुना मेन्दुलतुन पिसान साटि मन्जे ओना बालपोस मरक आयान साटि किलसोर हर हुळसोर मन्तोरोम#२ कुरि ५:२-४। 24परमेस्वरताल माकुन मुक्ति पुटतु असके माक इद आशा पुटतु। मति माक बोद आशा किन्तोरोम अदेन हुळान्तोरोम ते ओद आशा मनो आन्ता। बाक्याकि बोद चिजतुन बोरे हुळिला आतोर अदेना आशा बाक्या कियानुर? 25मति बोद चिजतुन माक हुळोम अदेना स्विकार कियान साटि आशा किन्तोरोम ते हिमते सहेमास ओद आशिषसाटि हर हुळसोर मन्तोरोम।
26इद रितिते पवित्र आत्मा वने मावा कमजोरितिगा मदत किन्ता। प्रार्थना बोद रितिते कियाला पहाजे इन्जोर माक पुनोम मति माक वळकानपा बोव पोल्लोंग मावा बोलिते पसियला परो ओद कनावेमायाना लेंगता द्वारा मावा साटि पवित्र आत्मा विनन्ति किन्ता। 27मावा सबोय लोकुरा मन्दा इच्चातुन पुन्तोर ओर परमेस्वर पवित्र आत्मा बाताल प्रार्थना किन्तोर इन्जोर पुन्तोर बाक्याकि पवित्र आत्मा परमेस्वरना इच्चाता अनुसार परमेस्वरना पवित्र लोकुरक साटि विनन्ति किन्तोर।
28अनि परमेस्वरतुन मया किन्तोरक अनि बोर ओना योजनाता अनुसार केयतोर मन्तोर ओर लोकुरक साटि सबोय पोल्लोंग मिलेमास भलायितुने उत्पन्न किन्तोर इदाम माक पुन्तोरोम। 29परमेस्वर मुनेटाल आचतोर ओर लोकुरकुन आपुना मरि येसु मसि पकाय हेलाळ तमोहनिगा सबोयताल हजोर तमो आयिर इन्जोर आपुना मरिना स्वरुपता लेहका आयान साटि मुनेटाले ठहरे कितुर। 30अनि मुनेटाले आचतुर ओर लोकुरकुन ओर केयतुर, अनि ओर केयतुर ओर लोकुरकुन परमेस्वरना येताना योग्य बनेकितुर, अनि परमेस्वरना येताना योग्य बनेकितुर ओर लोकुरकुन ओर आपुना महिमा वने हितोर।
बोवे पोल्लोंग परमेस्वरना मयाताल माकुन लक किया परो
31ते इद सबोय पोल्लोता बारेते माक बाताल इन्काट? परमेस्वर मावा बासा मन्तोर ते मावा विरोद ते बोर आय परान्तोर? 32परमेस्वर आपुना मरिन वने पिसिहच इरोर आस माक सबोय लोकुर साटि बलिदान कियालाय सोपे कितोर ते ओर परमेस्वर मावा योजना किता सबोय पोल्लोंग बाक्या माकुन पकायि हेवोर आयनुर बहे? 33परमेस्वर आचुन आपुना मुने येताना योग्य बने किन्तोर ते बोर ओर लोकुरकुन दोष लावे कियानुर? 34पजा बोर ओरकुन दोषि ठहरे किया परान्तोर? इदाम बोरे हिलेर! बाक्याकि येसु मसि मावा साटि हातुर। इंगो, ओर हातोरिगाडाल असा जिवेमातुर अनि परमेस्वरना तिन्दान कय बासा उदितोर#८:३४ येसु मसि परमेस्वरनोर अदिकार केवाल मन्तोर अनि परमेस्वरना मुने मावा साटि विनन्ति वने किन्तोर।
35मसिना मयाताल माकुन बोर अलग कियानुर? बाताल पकाय तकलिप या सन्कट, बाताले तिन्दाना हिले या संन्दरांग हिलेंग, दोखा या बोरे हव्काना साटि वरहान्तोर ते वने इदाम बोवे पोल्लोंगते येसु मसिना मयाते माकुन अलग किया परोरक।
36“निया कारण सबोय दिया माकुन हायानातुन सोपे किन्तोर,
असकान्तोर ओव बेळांग लेहका माकुन ओर समजेमान्तोर#भज ४४:२२”
इन्जोर पवित्र पुस्तकतिगा कोटता मन्ता। 37ते वने माकुन मया किन्तोर ओर मसिना द्वारा इव सबोय पोल्लोतिगा माक उन्दि हजोर विजयि पुटहिला आतोरोम। 38बाक्याकि हायाना आयो अनि जिवन आयो, स्वरगदूत आयो अनि राज केवाल दुष्टात्मा आयो, वर्तमानता अनि भविष्यता बोवे पोल्लोंग आयो, दरतिता पोरोडा अनि दरतिता अडियता बोवे आत्मिक लाव आयो, इदाम बोवे सृष्टितुन, 39मावोर प्रबु येसुनिगा मन्ता परमेस्वरना मयाताल माकुन अलग किया परोर इन्जोर नना खरोय पुन्तोना।
Currently Selected:
रोमि 8: fmu
Highlight
Copy
Compare
Share
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
रोमि 8
8
पवित्र आत्माता लावदे मावा जिवन
1इन्जोर इदेक बोर येसु मसिनिगा विस्वास किन्तोर ओरकुन बोदे दन्ड साटि न्याय हिले। बाक्याकि ओरक पाप स्वभावता अनुसार आयो मति पवित्र आत्माता अनुसार ताकान्तोरक। 2येसु मसि हिन्तोर ओर पवित्र आत्मा माकुन जिवन हिन्तोर। ओर पवित्र आत्मा मिकुन पापता अदिकारताल अनि पापता द्वारा वान्ता हायानाता योग्य दन्डताल स्वतन्त्र किन्तोर। 3मूसाना नियम माकुन मुक्ति हिया परो बाक्याकि मावागा पाप कियाना इच्चा किस मावागा पाप अदिकार किसोर मता इन्जोर नियमतुन पालन किया परो आतोम। इन्जोर परमेस्वर आपुना मरि येसु मसिन माक पाप केवाल मानेयना मेन्दुलता रुपते मानेयना पापता बलिदान साटि दुनियातिगा लोहतुर। इदाम येसु मसिना मेन्दुलता बलिदानता द्वारा मानेयकनिगा मता ओद पापता अदिकारतुन परमेस्वर मसिना मानेयना रूपता ओदे मेन्दुलतिगाय न्याय किस बन्द कितुर। 4माक इदेक पाप स्वभावता इच्चाता अनुसार आयो मति इदेक परमेस्वरना नियम पुरा आयान साटि पवित्र आत्माता अनुसार जिवित मन्तोरोम।
5बाक्याकि आपुना पापि स्वभावता अनुसार जिवे मान्तोरक ओर लोकुरक पापि स्वभावता इच्चातुन पुरा कियान साटि विचार किन्तोरक। मति पवित्र आत्माता अनुसार जिवे मान्तोरक ओर लोकुरक पवित्र आत्मा इच्चा किन्ता ओद पोल्लोंग कियान साटि विचार किन्तोरक। 6पापता इच्चातिगा मन लावेकियाकिट ते हायानाता योग्य दन्ड पुटार मति पवित्र आत्माता अनुसार जिवेमायकिट ते जिवन अनि शान्ति पुटार। 7पापि स्वभावता अनुसार जिवे मान्तोरक ओर लोकुरक परमेस्वरना दुश्मन मन्दानुरक बाक्याकि ओरक परमेस्वरना नियमता अदिकारते मनोरक अनि परमेस्वरना नियमता अदिकारते मन परोरक। 8अनि पापि स्वभावता अदिकारते जिवे मान्तोरक ओर लोकुरक परमेस्वरतुन बसकेय गिरदा किया परोरक।
9मियागा परमेस्वरना आत्मा मन्ता इन्जोर निमाट पापि स्वभावता अदिकारते हिलविट मति पवित्र आत्माता अदिकारते मन्तोरिट। मसिना आत्मा#८:९ येसु मसि सबोय विस्वासि लोकुरकुन पवित्र आत्मा हिन्तोर। हिले ते ओरक मसिना लोकुरक आयोरक। 10अनि मसि मियागा मन्तोर ते मेन्दुल पापता कारण हायार मति निमाट परमेस्वरना मुने येताना योग्य मन्तोर इन्जोर मिया आत्मा अनन्त जिवनते मन्दार। 11अनि येसु मसिन हातोरिगाडाल असा जिवेहकिस मता परमेस्वरना आत्मा मियागा मन्ता ते ओर परमेस्वर पवित्र आत्माता लावते मिकुन हातोरिगाडाल असा जितो कियानुर#१ कुरि ३:६।
12इन्जोर हे बायि-दादालोरक, माकुन इद पाप स्वभावता इच्चाता अनुसार जिवन जिवेमायो आयकोम इदाम मावा कर्तव्य मन्ता। 13बाक्याकि निमाट पापि मेन्दुलता इच्चाता अनुसार जिवेमायकिट ते हायानाता योग्य दन्ड पुटार मति निमाट पवित्र आत्माता द्वारा मेन्दुलता इच्चातुन जिकिकिट#८:१३ हव्किकिट ते अनन्त जिवन्ते मनकिट। 14परमेस्वरना आत्माता इच्चा अनुसार ताकान्तोरक ओर लोकुरक परमेस्वरनोर मरि आन्दुरक। 15बाक्याकि मिकुन पुटता ओर पवित्र आत्मा मिकुन असा दन्ड पुटार इदाम वरहान साटि मिकुन पापता दास बनेकेवो मति ओर पवित्र आत्मा मिकुन परमेस्वरना बालपोस मरि बनेकिन्तोर। अदेनते माक “हे आब्बा, हे बाबो” इन्जोर इन्तोराट#गला ४:५-७। 16माक परमेस्वतोर मरि आन्दोम इन्जोर ओर पवित्र आत्मा मावा आत्मातासंग मिलेमास गवाहि हिन्ता। 17अनि माक ओना मरक आन्दोम ते वारिस वने आन्दोम, अनि माक मसिनासंग परमेस्वरनोर वारिस मन्तोम; अनि परमेस्वरना महिमाता सहभागि आयाना मन्ता ते ओनासंग दुःखता वने सहभाहि आयिला पहाजे।
परमेस्वरनोर मरकनिगा वायवाल मुनेटा काळते दिसार ओद महिमा
18वायार ओद मुनेटा काळते मावागा दिसार ओद महिमाता मुने इद बेराता दुःख अनि पकाय तकलिप बारायि हिले इदाम नना समजेमान्तोना। 19बसके परमेस्वर खरोय आपुना मरक बोरक आन्दुर इद प्रगट किहानुर ओद दिया साटि इद सृष्टि पकाय आशाते हर हुळिला आता। 20-21बाक्याकि सृष्टि परमेस्वर बनेकिता आपुना सोबाता उदेशतुन पुरा किया परो आत; आपुना इच्चाते या आपुना बुतोता गलतिते आयो मति परमेस्वरना योजनाता अनुसार अदाम आत#उत्प ३:१७-१९। सृष्टि परमेस्वर बेनेकिता आपुना उदेश पुराकिया परो आतु ते वने उन्दि दिया आपुना नाश आयाना शरापताल लेहचियाना पुटिहच परमेस्वरनोर मरकनासंग भाग्यते स्वतन्त्रताता गिरदा कियानुर इन्जोर सबोय सृष्टि आशा किन्दु। 22उन्दि आळ नुनान जनम हियानपा अदेन पकाय नोमुर आन्ता अदाम लेहका इद सबोय सृष्टि पकाय नोमुरुते नेन्डवनाह तळपेमास मन्ता इन्जोर माक पुन्तोराट। 23अनि केवल इद सृष्टि आयो मति परमेस्वरताल मुने वरदान आस पवित्र आत्मातुन पुटता माक वने आपुना मेन्दुलतुन पिसान साटि मन्जे ओना बालपोस मरक आयान साटि किलसोर हर हुळसोर मन्तोरोम#२ कुरि ५:२-४। 24परमेस्वरताल माकुन मुक्ति पुटतु असके माक इद आशा पुटतु। मति माक बोद आशा किन्तोरोम अदेन हुळान्तोरोम ते ओद आशा मनो आन्ता। बाक्याकि बोद चिजतुन बोरे हुळिला आतोर अदेना आशा बाक्या कियानुर? 25मति बोद चिजतुन माक हुळोम अदेना स्विकार कियान साटि आशा किन्तोरोम ते हिमते सहेमास ओद आशिषसाटि हर हुळसोर मन्तोरोम।
26इद रितिते पवित्र आत्मा वने मावा कमजोरितिगा मदत किन्ता। प्रार्थना बोद रितिते कियाला पहाजे इन्जोर माक पुनोम मति माक वळकानपा बोव पोल्लोंग मावा बोलिते पसियला परो ओद कनावेमायाना लेंगता द्वारा मावा साटि पवित्र आत्मा विनन्ति किन्ता। 27मावा सबोय लोकुरा मन्दा इच्चातुन पुन्तोर ओर परमेस्वर पवित्र आत्मा बाताल प्रार्थना किन्तोर इन्जोर पुन्तोर बाक्याकि पवित्र आत्मा परमेस्वरना इच्चाता अनुसार परमेस्वरना पवित्र लोकुरक साटि विनन्ति किन्तोर।
28अनि परमेस्वरतुन मया किन्तोरक अनि बोर ओना योजनाता अनुसार केयतोर मन्तोर ओर लोकुरक साटि सबोय पोल्लोंग मिलेमास भलायितुने उत्पन्न किन्तोर इदाम माक पुन्तोरोम। 29परमेस्वर मुनेटाल आचतोर ओर लोकुरकुन आपुना मरि येसु मसि पकाय हेलाळ तमोहनिगा सबोयताल हजोर तमो आयिर इन्जोर आपुना मरिना स्वरुपता लेहका आयान साटि मुनेटाले ठहरे कितुर। 30अनि मुनेटाले आचतुर ओर लोकुरकुन ओर केयतुर, अनि ओर केयतुर ओर लोकुरकुन परमेस्वरना येताना योग्य बनेकितुर, अनि परमेस्वरना येताना योग्य बनेकितुर ओर लोकुरकुन ओर आपुना महिमा वने हितोर।
बोवे पोल्लोंग परमेस्वरना मयाताल माकुन लक किया परो
31ते इद सबोय पोल्लोता बारेते माक बाताल इन्काट? परमेस्वर मावा बासा मन्तोर ते मावा विरोद ते बोर आय परान्तोर? 32परमेस्वर आपुना मरिन वने पिसिहच इरोर आस माक सबोय लोकुर साटि बलिदान कियालाय सोपे कितोर ते ओर परमेस्वर मावा योजना किता सबोय पोल्लोंग बाक्या माकुन पकायि हेवोर आयनुर बहे? 33परमेस्वर आचुन आपुना मुने येताना योग्य बने किन्तोर ते बोर ओर लोकुरकुन दोष लावे कियानुर? 34पजा बोर ओरकुन दोषि ठहरे किया परान्तोर? इदाम बोरे हिलेर! बाक्याकि येसु मसि मावा साटि हातुर। इंगो, ओर हातोरिगाडाल असा जिवेमातुर अनि परमेस्वरना तिन्दान कय बासा उदितोर#८:३४ येसु मसि परमेस्वरनोर अदिकार केवाल मन्तोर अनि परमेस्वरना मुने मावा साटि विनन्ति वने किन्तोर।
35मसिना मयाताल माकुन बोर अलग कियानुर? बाताल पकाय तकलिप या सन्कट, बाताले तिन्दाना हिले या संन्दरांग हिलेंग, दोखा या बोरे हव्काना साटि वरहान्तोर ते वने इदाम बोवे पोल्लोंगते येसु मसिना मयाते माकुन अलग किया परोरक।
36“निया कारण सबोय दिया माकुन हायानातुन सोपे किन्तोर,
असकान्तोर ओव बेळांग लेहका माकुन ओर समजेमान्तोर#भज ४४:२२”
इन्जोर पवित्र पुस्तकतिगा कोटता मन्ता। 37ते वने माकुन मया किन्तोर ओर मसिना द्वारा इव सबोय पोल्लोतिगा माक उन्दि हजोर विजयि पुटहिला आतोरोम। 38बाक्याकि हायाना आयो अनि जिवन आयो, स्वरगदूत आयो अनि राज केवाल दुष्टात्मा आयो, वर्तमानता अनि भविष्यता बोवे पोल्लोंग आयो, दरतिता पोरोडा अनि दरतिता अडियता बोवे आत्मिक लाव आयो, इदाम बोवे सृष्टितुन, 39मावोर प्रबु येसुनिगा मन्ता परमेस्वरना मयाताल माकुन अलग किया परोर इन्जोर नना खरोय पुन्तोना।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.