रोमि 16

रोमि सहेरतोर सबोय विस्वासि लोकुरकुन पोलुसना अभिवादन

1मावा हेलाळ अनि किकरिया सहेरता मसिलोकुरा सभातिगा सेवा केवांग#१६:१ इदेन डिकन इन्जोर युनानि बोलिते मन्ता अदेना अर्थ मसिलोकुरा सभातोर अलग अलग बुतो केवालोरक इन्जोर मन्ता। फिबेन। 2निमाट पवित्र लोकुरा योग्य प्रबुना पोरोयते अदेन स्विकार किस बोदायि बुतोतिगा अदेन मदतता जरुरत मन्दार ते अदेन मदत किम्ट इन्जोर नना फेबेन साटि विनन्ति किन्तोना। बाक्याकि ओद पकाय लोकुरकुन मदत किता अनि विशेषाल नाकुन वने मदत किता।

3नावासंग मसि येसुना सेवा किता हेलाळ प्रिसका अनि तमो अकिलान नावा नमस्कार इन्ट#बुतोंग १८:२। 4ओरक नाकुन पिसहान साटि आपुना जिवा वने हियाला तयार मन्तोर। ओरा साटि केवल ननाय आयो मति यहुदि आयोर लोकुरा सबोय मसिलोकुरा सभाता विस्वासि लोकुरक वने ओरा धन्यवाद किन्तोरक। 5अनि ओरा लोतिगा जमेमान्ता मसिलोकुरा सभातुन वने नावा नमस्कार इन्ट। अनि नावोर प्रिय गोतियाल इपेनितुस आसिया प्रदेशतोर मुने विस्वासि मन्तोर ओन वने नावा नमस्कार वेहाट। 6मिया साटि पकाय कटिन मेहनत किता मरियम अदेन वने नावा नमस्कार इन्ट। 7अन्द्रिनीकुस अनि युनियासिन वने नावा नमस्कार इन्ट। ओरक नावोर यहुदिलोकुरक निगाडाल मन्तोरक अनि नावासंग जेहलतिगा वने मतोर। अनि येसुना खास चेला लोकुरक ओरकुन पकाय मानेमान्तोरक अनि नावा वने मुने ओरक मसिनिगा विस्वास केवालोर मतोर। 8प्रबुनिगा विस्वास इरवाल नावोर प्रिय तमो अंपलियासतुसिन नावा नमस्कार इन्ट। 9मावासंग मसिना सेवा कितुर उरबानुसिन वने नावा नमस्कार इन्ट। अनि नावोर प्रिय गोतियाल स्ताक्कुसिन वने नावा नमस्कार इन्ट। 10अनि मसिनिगा बचोन इमानदार मन्तोर इन्जोर स्पष्ट रुपते तोहतोर ओर अप्पेलेसिन नावा नमस्कार इन्ट। अनि अरिस्तुबुलुसना लोन मन्वालोर सबोय विस्वासि लोकुरकुन वने नावा नमस्कार इन्ट। 11नावोर यहुदि जातितोर तमो हेरोदियोनिन नावा नमस्कार इन्ट। अनि नरकिस्सोसना लोतोरिगा बोर प्रबुनिगा विस्वास इरान्तोर ओरकुन वने नावा नमस्कार इन्ट। 12अनि प्रबुना सेवातिगा मेहनत कितांग हेलाळ त्रुफेना अनि तुरफोसा अवेहकुन नावा नमस्कार इन्ट। अनि प्रबुना सेवातिगा पकाय मेहनत किता नावा प्रिय परसिस अदेन वने नावा नमस्कार इन्ट। 13प्रबुना सेवा साटि आचतोर ओर रुफस अनि ओना अवहारि ओद नावा वने अवहारि लेहका मन्ता अव रन्डासकुन नावा नमस्कार इन्ट#मर १५:२१। 14असुतिस अनि फिलगोन अनि हिरमोस अनि पत्रुवास अनि हर्मस येर तमोलोरकुन अनि ओरासंग मन्वालोरक सबोय विस्वासिलोरकुन नावा नमस्कार इन्ट। 15तमो फिलुलुगुस अनि जुलिन#१६:१५ फिलुलुगुस अनि जुलि आळिवुर मन्तोर नावा नमस्कार इन्ट। अनि नेयुरस अनि ओना हेलाळ अनि उलुंपास अनि ओरासंग मन्वालोर सबोय विस्वासिलोरकुन वने नावा नमस्कार वेहाट। 16निमाट वरोन दुसरोनासंग पवित्र चुमाते नमस्कार किम्ट। अनि मसिना सबोय मसिलोकुरा सभातोर लोकुरक वने मिकुन नमस्कार इन्तोरक।

रोमि सहेरता विस्वासि लोकुरक साटि पोलुसना आकरि उपदेश

17हे नावोर बायि-दादालोरक, मिकुन करहिता खरोय पोल्लोता विरोदते मिकुन करहिच मसिलोकुरा सभाताल अलग किस परमेस्वरताल लक किन्तोर इदाम लोकुरकुन निमाट पुन्ट अनि ओराताल सावदान मन्ट इन्जोर इदेक नना विनन्ति किन्तोना। 18बाक्याकि इदाम लोकुरक मावोर प्रबु मसिना सेवा केवोर मति आपुना पोटाता सेवा किन्तोर। अनि ओरक दोखाता सोबाय सोबाय पोल्लोंग वळकस सादो मनवाले लोकुरकुन बहके किन्तोरक। 19मति निमाट प्रबुना आग्यातुन मानेमान्तोरिट इदाम सबोय विस्वासि लोकुरक पुन्तोरक इन्जोर नना मिया बारेते पकाय गिरदा किन्तोना। मति परमेस्वरना मुने बोव सोबाय बुतो मन्तांग अदेन निमाट सोबाय समजेमासोर मन्ट अनि बोव खराब बुतो मन्तांग अदेनताल निमाट लक मन्ट इन्जोर नना इच्चा किन्तोना।

20मावोर शान्ति हेवाल परमेस्वर ओर सयताना नाश किस मिया अदिकारते ततानुर। अनि मावोर प्रबु येसु मसि मिकुन दया केविर इन्जोर नना प्रार्थना किन्तोना।

21अनि नावासंग सेवा किन्तोर तिमुथियुस अनि नावोर यहुदिलोकुरक निगाडाल लूकियुस अनि यासोन अनि सोसिपत्रुस येरक सबोय मिकुन नमस्कार किन्तोर#बुतोंग १६:१।

22पोलुस साटि इद पत्र कोटिला आतोना नना तिरितयुस वने प्रबुना पोरोयते मिकुन नमस्कार किन्तोना।

23तमो गयुस ओना लोन इदेक नना रोमतोना अनि ओना लोतिगा आरादना साटि जमा आन्तोरक सबोय विस्वासु लोकुरक मिकुन नमस्कार किन्तोर। अनि इद नगरता डब्बुना बारेते लेन-देन केवाल मुक्याल इरास्तुस अनि ओना तमो क्वारतुस वने मिकुन नमस्कार किन्तोर#बुतोंग १९:२९; १ कुरि १:१४; २ तिमु ४:२०।

24मावोर प्रबु येसु मसि मिकुन दया किसोर मनिर इन्जोर नना प्रार्थना किन्तोना। आमिन।

पोलुसना आकरि प्रार्थना

25परमेस्वरना स्तुति आयि! येसु मसिना सोबाता पोल्लो नना मिकुन वेहान्तोना अदेना अनुसार परमेस्वरे येसु मसिना विस्वासते माकुन मजबुत बनेमायान साटि लाववाले मन्तोर। अनि येसु मसिना सोबाता पोल्लो युगानयुगताल परमेस्वर रहस्यता रुपते इरस मतोर अदेन परमेस्वर इदेक सबोय लोकुरक साटि तोहतुर। मुने परमेस्वरना पोल्लो वेहवालोरक ओरा पुस्तकतिगा येसु मसिना वायाना बारेते वेहच मतोरक। 26इदेक दुनियाता सबोय लोकुरकुन इद येसु मसिना बारेता सोबाता पोल्लोतुन माक वेहिला पहाजे इन्जोर ओर दरोज मन्वाल परमेस्वर आग्या हिस वेहतोर, बाक्याकि परमेस्वर बोद इन्तोर अदेनिगा सबोय लोकुरक विस्वास इरिर अनि पालन केविर इन्जोर। 27अनि मावोर वरोरे परमेस्वर मन्तोर अनि ओर वरोरे बुद्धिमान मन्तोर, येसु मसिना द्वारा ओर परमेस्वरनाय स्तुति दरोज आयि। आमिन।

Currently Selected:

रोमि 16: fmu

Highlight

Copy

Compare