Ruma 5
5
Tagsiginans Dius fag Fagmanabayanun
1Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus. 2Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun. 3Ay bundi lang katanya, nu bunway guseganan yangay tam dewa tam gidapan, aroro saful tam te, kaduge tam gidapan, kananad tam gagwanta, 4ay nu gagwanta tua tam, kaksvn tam, ay nu nkaksvn tua tam, e fagsegun tam. 5Ay di ban umfangulan tam fagsegun aroro Dius at fakesugun siwa tam basad siginan nu gfon sa antam at Masine fag Falad.
6Ebi gina tam mamomuy yay, tam Fun Isus anbul sit kasakan fag buknga laman sa sangay tagasalanan. 7Gsadsadian way at mafon at leleg laman sa sik taw matuyan, dewa katanya, malgau e mafon at leleg laman sa sik taw masine. 8Ay dewa katanya, tam Fun Isus anbul aroro sa antam gina tam sik ngay tagasalanan yay. Katanya Dius nu gfalag sa antam te, kesug antam. 9Nu katanya, dakngani antap watam kata nu yud tam e asalanan siginans Isus at taguk at kinbusbus, matuyan umlangfe ban tam siginans Dius at fandotaman. 10Ebi Dius way tam at ngay fawayan, dewa katanya, katsi ansadi tua tam sas Dius siginan at Baguama at nabulanan. Ay dakngani ansadi tua tam sa anya, matuyan, umlangfe tua ban tam siginan at Baguama at leleg. 11Bundi lang katanya, nu bunway guseganan tam sas Dius aroro at nafakamulun siginan tam Fun Isus. Siginan anya, ansadi tua tam sas Dius.
Isus ay Adan
12Asalanan andasug ste swa daga siginan sadik taw, ay asalanan nafadasug fakabulun. Ay nu katanya, fakabulun anrapyag sas fagayu taw aroro fagayu taw e asalanan. 13Asalanan ste wa gugat swa daga siginan yay nu yud andasug Muisis at Faugali. Dewa katanya, nu dway ro e Faugali, wa ro kasaful te, e asalanan. 14Aroro katanya, fakabulun e fagmabalyananun yay gugat siginans Adan sitsigons Muisis, taw at asalanan deyud kata Adan at fakamaboun. Adan fafaskudanan sa takadasug yay ban, at masuad tam Fun Isus.
15Dius at fagmagalangun wa kata Adan at fakamaboun. Ngayuk taw anbul siginan Adan at nafamaboan, dewa katanya, Dius at fagmagalangun andasug siginan sadik taw, kafag taw Isus, Dius at nafili fag Fun. 16Dius at fagmagalangun ay Adan at asalanan gbia tua at nagsamanan. Aroro asalanan at fungfung sa ways faurianan. Ay dewa katanya, siginan Dius at fagmagalangun, ngayuk taw antap kata nu yud e asalanan, dewa ngayu at asalanan. 17Fakabulun at fagmabalyananun gfunan sas fagayu taw siginan sadik taw at asalanan. Ay dewa katanya e leleg tua ban tam aroro siginan sadik taw, Isus, Dius at nafili fag Fun. Matuyan e leleg tua ban tam nu nabul tua tam Dius at fagmagalangun ay nu ntap tua tam kata nu yud tam e asalanan.
18Nu katanya, siginan sik taw at asalanan, andasug faurianan sas fagayu taw. Katanya yangay, siginan sik taw at fakamulun at masine, fagayu taw antap kata nu yud e asalanan, ay e bagu leleg. 19Fagayu taw antap te, tagasalanan, siginan sadik taw at nafamaboan. Katanya yangay siginan sadik taw at nafaningan Dius, ngayuk taw at kintap kata nu yud e asalanan.
20Muisis at Faugali andasug laman gfasaful sa antam te, kaksvn nya nu kamabo. Dewa katanya, nu setain asalanan nu nkayu, kaugat wan Dius at fanggalangun nu nkayu. 21Nu katanya, asalanan gfunan sas fagayu taw ay nafadasug sas fakabulun. Ay siginan Dius at fagmagalangun, kanya gtap fagayu taw kata nu yud e asalanan ay gfadasug sas leleg at yud e fakatabuan siginan tam Fun Isus.
Currently Selected:
Ruma 5: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Ruma 5
5
Tagsiginans Dius fag Fagmanabayanun
1Nu katanya, dakngani antap watam kata nu yud tam e asalanan siginan tam fagafanudun, e fagmanabayanun tua tam sas Dius siginan tam Fun Isus. 2Aroro siginan anya nabul watam tuy fag fanggalangun ay guseganan tam aroro e fagsegun tua tam te, namaudgufudan ban tam Dius sat fagmasineun. 3Ay bundi lang katanya, nu bunway guseganan yangay tam dewa tam gidapan, aroro saful tam te, kaduge tam gidapan, kananad tam gagwanta, 4ay nu gagwanta tua tam, kaksvn tam, ay nu nkaksvn tua tam, e fagsegun tam. 5Ay di ban umfangulan tam fagsegun aroro Dius at fakesugun siwa tam basad siginan nu gfon sa antam at Masine fag Falad.
6Ebi gina tam mamomuy yay, tam Fun Isus anbul sit kasakan fag buknga laman sa sangay tagasalanan. 7Gsadsadian way at mafon at leleg laman sa sik taw matuyan, dewa katanya, malgau e mafon at leleg laman sa sik taw masine. 8Ay dewa katanya, tam Fun Isus anbul aroro sa antam gina tam sik ngay tagasalanan yay. Katanya Dius nu gfalag sa antam te, kesug antam. 9Nu katanya, dakngani antap watam kata nu yud tam e asalanan siginans Isus at taguk at kinbusbus, matuyan umlangfe ban tam siginans Dius at fandotaman. 10Ebi Dius way tam at ngay fawayan, dewa katanya, katsi ansadi tua tam sas Dius siginan at Baguama at nabulanan. Ay dakngani ansadi tua tam sa anya, matuyan, umlangfe tua ban tam siginan at Baguama at leleg. 11Bundi lang katanya, nu bunway guseganan tam sas Dius aroro at nafakamulun siginan tam Fun Isus. Siginan anya, ansadi tua tam sas Dius.
Isus ay Adan
12Asalanan andasug ste swa daga siginan sadik taw, ay asalanan nafadasug fakabulun. Ay nu katanya, fakabulun anrapyag sas fagayu taw aroro fagayu taw e asalanan. 13Asalanan ste wa gugat swa daga siginan yay nu yud andasug Muisis at Faugali. Dewa katanya, nu dway ro e Faugali, wa ro kasaful te, e asalanan. 14Aroro katanya, fakabulun e fagmabalyananun yay gugat siginans Adan sitsigons Muisis, taw at asalanan deyud kata Adan at fakamaboun. Adan fafaskudanan sa takadasug yay ban, at masuad tam Fun Isus.
15Dius at fagmagalangun wa kata Adan at fakamaboun. Ngayuk taw anbul siginan Adan at nafamaboan, dewa katanya, Dius at fagmagalangun andasug siginan sadik taw, kafag taw Isus, Dius at nafili fag Fun. 16Dius at fagmagalangun ay Adan at asalanan gbia tua at nagsamanan. Aroro asalanan at fungfung sa ways faurianan. Ay dewa katanya, siginan Dius at fagmagalangun, ngayuk taw antap kata nu yud e asalanan, dewa ngayu at asalanan. 17Fakabulun at fagmabalyananun gfunan sas fagayu taw siginan sadik taw at asalanan. Ay dewa katanya e leleg tua ban tam aroro siginan sadik taw, Isus, Dius at nafili fag Fun. Matuyan e leleg tua ban tam nu nabul tua tam Dius at fagmagalangun ay nu ntap tua tam kata nu yud tam e asalanan.
18Nu katanya, siginan sik taw at asalanan, andasug faurianan sas fagayu taw. Katanya yangay, siginan sik taw at fakamulun at masine, fagayu taw antap kata nu yud e asalanan, ay e bagu leleg. 19Fagayu taw antap te, tagasalanan, siginan sadik taw at nafamaboan. Katanya yangay siginan sadik taw at nafaningan Dius, ngayuk taw at kintap kata nu yud e asalanan.
20Muisis at Faugali andasug laman gfasaful sa antam te, kaksvn nya nu kamabo. Dewa katanya, nu setain asalanan nu nkayu, kaugat wan Dius at fanggalangun nu nkayu. 21Nu katanya, asalanan gfunan sas fagayu taw ay nafadasug sas fakabulun. Ay siginan Dius at fagmagalangun, kanya gtap fagayu taw kata nu yud e asalanan ay gfadasug sas leleg at yud e fakatabuan siginan tam Fun Isus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines