Ruma 1
1
1Au, Pablu, tam Fun Isus at fagsuguan, ay at nafili laman sik nasugu ay at nafasaman laman nanfamoyung Dius at Masine fag Barita.
2At Masine fag Barita kanya wan Dius at nafatuyanan siginan ngay ebi at nafoyung sat ngay taglong ay at kinriruk sit Longan. 3-4At Masine fag Barita sabaliwa at Baguama, Isus tam Fun. Nu sabaliwa kanya nu nsik taw, kanya siginans fun Dabid at kasugfunanan. Ay sabaliwa at fagmasineun sas fanfalad, nafangayan anya te, Dius at Baguama at mabalyanan siginan nu gdog gleleg. 5Siginan anya, Dius nafon angku ku fanambagun laman sik nasugu aroro sa tam Fun Isus, laman nantaban au fagayu talun at ngay taw sas fagafanudun ay fagfaningun sa anya. 6Anggan am kataip yangay am sat ngay nauro, laman tam Fun Isus at ngay taw.
7Griruk au sa ayu fagayu tagbanwan sanya sfuruan Ruma, Dius at ngay fakesugun, kanya nauro ayu laman at ngay nafili. Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.
Pablu Kaylat Nansibo Furuan Ruma
8Taguna guseganan au sas Dius aroro sa tam Fun Isus ay sa ayu fagayu aroro ay fagafanudun kadungug tua sas fagdaul daga. 9Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu, 10ay get au te, nu Dius tua at fakaylatun, nansibo kban ayu. 11Maksvn nu galagun au ayu, laman namon au sa ayu sik famonun siginan at Masine fag Falad, laman gfaksvn ayu. 12Ay siginan takatanya gfadfaksvnan tam nu gafanud tam sas Dius.
13Ku ngay faduksay, kaylat au gfasaful sa ayu te, ngayu ginan koma gasanyaun. Dewa katanya, dasug katsi e gsalag yay gugat angku. Kaylat au nantaban tibak taw si ayu laman gafanud yangay sas Isus, kata ku nafakamulun sa sangay Udyu fag ngay taw si tibak furuan. 14Ay kamoyung kyangay sa sangay taw Gresya ay sas yud Gresya fag ngay taw, ay anggan sa sangay taw at ke fagsafulun ay at yud e fagsafulun. 15Siginan takatanya maksvn nu kaylat au nanfamoyung at Masine fag Barita sa ayu sanya sis furuan Ruma.
At Masine fag Barita at Fagmabalyananun
16Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu. 17Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te,
“Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”#1:17 Abakuk 2:4.
18Dius nafasure at dotama siginans banwa laman gfaurianan fagayu takauri anya ay tagfakamulun at mauri ay tagfayud e masuad fagmatuyanun, siginan at fagmauriun. 19Kafag ngay taw nasaful wan fagmayamagun sabaliwas Dius aroro Dius nafasure wan sa anya fagayu. 20Aroro siginan ngay nu kawat fagdaul daga, Dius at ngay kaugalian at yud kalag, at masuad te, at yud katabu fag fagmabalyananun ay at fagmadiusun, ansure wan ay ansaful siginan at ngay awatan. Nu katanya, kafag ngay taw we famanlongan ya. 21Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum. 22Kafag ngay taw glong te, “E fagsafulun ami.” Dewa katanya, kanya fagayu wa mamatanganan. 23Kanya fagayu wa gseg at yud kabul fag Dius, abat ngate, gseg way tibak fagsegan takata sik taw at kawalungan, ay manuk tungud, ay fagbaugun tagufat at darafa, ay ngay tagalafangan.
24Nu katanya, Dius nafabayan wan kafag ngay taw nu gfaning at mauri fag fakaylatun sas galay at sadi, ay takatanya fag fakamulun gfae fakaplaun at ngay sadili. 25Kanya fagayu natubus at matuyan fag foyungan sabaliwas Dius sas fakamuagun. Ay kanya fagayu at fagsegan ay at fagfaningun ngay awatan way, abat ngate, Takawat, at matuyan tam fagfausegananun kabavn ban. Anud.
26Aroro katanya, Dius nafabayan wan kafag ngay taw nu gugali sat yud matuyan fag fakaylatun. Ngay mangena naubun wan at ugali nu gfasedsegan mangama, at fagfasedseganun at usena way. 27Ay katanya yangay ngay mangama at ugali wa gfasedsegan ya ngay mangena, at fagfasedseganun at usama way. At ugali takatanya maksvn nu mauri. Mangama nafakamulun at maksvn fag fagmaplaun sat usama. Nu katanya, kanya nabul wan faurianan kata at nafakamulun fag ugali.
28Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali. 29Kanya fagayu gugali nusnge wain fag mauri; kata at mauri fag algan, ay tagfangalabian, ay at mauri fag amatanganan, ay tagfanganuran, ay takamabul, ay takamawayan, ay tagfandaya, ay tagfangasulup, ay tagfoyung at mauri fag fakamulun sabaliwa at iba, 30ay nu glong at mauri sabaliwa at usama, ay takauri Dius, ay at yud masuyu, ay takamatungudun, ay takamaseganamaun, ay nu gfamut at fagmauriun, ay takamabo at fagtainan, 31ay fagyudun matogdungug, ay takamabo, ay fagyudun kafanyu at iba. 32Kanya fag ngay taw nasaful oma te, fagayu ban tagfakamulun takatanya, Dius gfaurianan sas fakabulun. Dewa katanya, kanya fagayu gfataglayun gugali takatanya, ay guseganan nu nalag tibak taw nu gfakamulun takatanya.
Currently Selected:
Ruma 1: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
Ruma 1
1
1Au, Pablu, tam Fun Isus at fagsuguan, ay at nafili laman sik nasugu ay at nafasaman laman nanfamoyung Dius at Masine fag Barita.
2At Masine fag Barita kanya wan Dius at nafatuyanan siginan ngay ebi at nafoyung sat ngay taglong ay at kinriruk sit Longan. 3-4At Masine fag Barita sabaliwa at Baguama, Isus tam Fun. Nu sabaliwa kanya nu nsik taw, kanya siginans fun Dabid at kasugfunanan. Ay sabaliwa at fagmasineun sas fanfalad, nafangayan anya te, Dius at Baguama at mabalyanan siginan nu gdog gleleg. 5Siginan anya, Dius nafon angku ku fanambagun laman sik nasugu aroro sa tam Fun Isus, laman nantaban au fagayu talun at ngay taw sas fagafanudun ay fagfaningun sa anya. 6Anggan am kataip yangay am sat ngay nauro, laman tam Fun Isus at ngay taw.
7Griruk au sa ayu fagayu tagbanwan sanya sfuruan Ruma, Dius at ngay fakesugun, kanya nauro ayu laman at ngay nafili. Sumawa nangus fia ayu Dius tam Mama ay tam Fun Isus at fagmagalangun ay at fagmanabayanun.
Pablu Kaylat Nansibo Furuan Ruma
8Taguna guseganan au sas Dius aroro sa tam Fun Isus ay sa ayu fagayu aroro ay fagafanudun kadungug tua sas fagdaul daga. 9Gfaning au Dius sas fagdaul ku fakaylatun nu kamoyung au at Masine fag Barita sabaliwa at Baguama. Ay Dius nasaful wa te, gdarangin au gugat ayu, 10ay get au te, nu Dius tua at fakaylatun, nansibo kban ayu. 11Maksvn nu galagun au ayu, laman namon au sa ayu sik famonun siginan at Masine fag Falad, laman gfaksvn ayu. 12Ay siginan takatanya gfadfaksvnan tam nu gafanud tam sas Dius.
13Ku ngay faduksay, kaylat au gfasaful sa ayu te, ngayu ginan koma gasanyaun. Dewa katanya, dasug katsi e gsalag yay gugat angku. Kaylat au nantaban tibak taw si ayu laman gafanud yangay sas Isus, kata ku nafakamulun sa sangay Udyu fag ngay taw si tibak furuan. 14Ay kamoyung kyangay sa sangay taw Gresya ay sas yud Gresya fag ngay taw, ay anggan sa sangay taw at ke fagsafulun ay at yud e fagsafulun. 15Siginan takatanya maksvn nu kaylat au nanfamoyung at Masine fag Barita sa ayu sanya sis furuan Ruma.
At Masine fag Barita at Fagmabalyananun
16Dakdi kapla gfoyung at Masine fag Barita, aroro tuy Dius at fagmabalyananun famalangfe fagayu at nafanud, taw Udyu taguna ay anggan at yud Udyu. 17Aroro at Masine fag Barita gfoyung te, Dius gtap ngay taw kata nu yud e asalanan, siginans fagafanudun; kata at kinriruk te,
“Sik taw at kintap kata nu yud e asalanan nu siginan tua at fagafanudun sas Dius, kanya ban gleleg tua.”#1:17 Abakuk 2:4.
18Dius nafasure at dotama siginans banwa laman gfaurianan fagayu takauri anya ay tagfakamulun at mauri ay tagfayud e masuad fagmatuyanun, siginan at fagmauriun. 19Kafag ngay taw nasaful wan fagmayamagun sabaliwas Dius aroro Dius nafasure wan sa anya fagayu. 20Aroro siginan ngay nu kawat fagdaul daga, Dius at ngay kaugalian at yud kalag, at masuad te, at yud katabu fag fagmabalyananun ay at fagmadiusun, ansure wan ay ansaful siginan at ngay awatan. Nu katanya, kafag ngay taw we famanlongan ya. 21Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum. 22Kafag ngay taw glong te, “E fagsafulun ami.” Dewa katanya, kanya fagayu wa mamatanganan. 23Kanya fagayu wa gseg at yud kabul fag Dius, abat ngate, gseg way tibak fagsegan takata sik taw at kawalungan, ay manuk tungud, ay fagbaugun tagufat at darafa, ay ngay tagalafangan.
24Nu katanya, Dius nafabayan wan kafag ngay taw nu gfaning at mauri fag fakaylatun sas galay at sadi, ay takatanya fag fakamulun gfae fakaplaun at ngay sadili. 25Kanya fagayu natubus at matuyan fag foyungan sabaliwas Dius sas fakamuagun. Ay kanya fagayu at fagsegan ay at fagfaningun ngay awatan way, abat ngate, Takawat, at matuyan tam fagfausegananun kabavn ban. Anud.
26Aroro katanya, Dius nafabayan wan kafag ngay taw nu gugali sat yud matuyan fag fakaylatun. Ngay mangena naubun wan at ugali nu gfasedsegan mangama, at fagfasedseganun at usena way. 27Ay katanya yangay ngay mangama at ugali wa gfasedsegan ya ngay mangena, at fagfasedseganun at usama way. At ugali takatanya maksvn nu mauri. Mangama nafakamulun at maksvn fag fagmaplaun sat usama. Nu katanya, kanya nabul wan faurianan kata at nafakamulun fag ugali.
28Aroro kanya fagayu wa kaylat gfaning Dius. Dius nafabayan wan kafag ngay taw sat mauri fag ngay amatanganan, ay sat yud matuyan fag ugali. 29Kanya fagayu gugali nusnge wain fag mauri; kata at mauri fag algan, ay tagfangalabian, ay at mauri fag amatanganan, ay tagfanganuran, ay takamabul, ay takamawayan, ay tagfandaya, ay tagfangasulup, ay tagfoyung at mauri fag fakamulun sabaliwa at iba, 30ay nu glong at mauri sabaliwa at usama, ay takauri Dius, ay at yud masuyu, ay takamatungudun, ay takamaseganamaun, ay nu gfamut at fagmauriun, ay takamabo at fagtainan, 31ay fagyudun matogdungug, ay takamabo, ay fagyudun kafanyu at iba. 32Kanya fag ngay taw nasaful oma te, fagayu ban tagfakamulun takatanya, Dius gfaurianan sas fakabulun. Dewa katanya, kanya fagayu gfataglayun gugali takatanya, ay guseganan nu nalag tibak taw nu gfakamulun takatanya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines