Tap 22
22
Fun Balak nafauro Balaam
1Ngay taw Israel nafataglayun nu glao ay andasug sas datag Muab, ay nabanwan sanya sas fakamenitan baliwa Liskung Urdan, munakbang sis Eriku.
2Ay Balak, Sipur at baguama Muab at fun, nasaful ngay taw Israel at nafakamulun fagayu sa sangay taw Amur. 3Ay kanya ay anggan ngay taw Muab kalimu aroro ngay taw Israel ngayu.
4Ngay taw Muab nalong sa sangay fagtainan sis Midyan te, “Matuyan kanya ban fag ngay taw gfamin antam, kata ngay baka nu kon makmak.”
Ginanya, Balak, Sipur at baguama, fun sis Muab. 5Kanya nasugu ngay tagfosuk longan laman nanguro Balaam, Beur at baguama tagsis furuan Petur munakbang sis Liskung Eufrates ay sanya wan kanya nu kasalug. Katatuy fun Balak at longan:
“E ngay taw siginans talun Igiptu ngayu, ay kanya fagayu gbanwan munakbang si em talun. 6Nu katanya, adasugi stae, ay longi at mauri sa anya fagayu, aroro kanya fagayu amabalyanan yap emi. Tibaginan ro mababo ami anya fagayu ay umyayu siginan em talun. Aroro nasaful au te, nusnga sinu am nafadante, umsine ay nusnga sinu am faglongan at mauri, gidapan.”
7Nu katanya, Muab ay Midyan at ngay fagtainan nalao gbuba at famayad sas Balaam laman namainsaful. Kanya fagayu nafoyung Balak at longan sa anya. 8Ay Balaam nalong sa sangay tagfangguna te, “Stei wan nu gtiug am katsi fag yabi, ay balabag ban, gfoyung au sa ayu Yawi at longan sa angku.” Nu katanya, Muab at ngay tagfangguna natiug yay sanya.
9Dius ginto Balaam te, “Sinu kanya fag ngay taw?”
10Ay Balaam gbalus te, “Kanya fagayu Balak, Muab at fun at nasugu, ay katatuy at longan: 11Ngayuk taw at kindasug siginans talun Igiptu. Nu katanya, gewan, gubuki angku ay longi at mauri sa anya fagayu. Tibaginan ro takatanya fag balyawvtan mababo ami anya fagayu ay umyayu.”
12Dewa katanya, Dius nalong sas Balaam te, “Lag galo anya fagayu. Lag gfoyung at mauri laman sa sangay taw Israel, aroro nafadante kwan anya fagayu.”
13Ay balabag di, Balaam nu nfulo wan, kanya nafoyung sas Balak at ngay tagfangguna te, “Loi wan sa ay talun aroro Yawi wa kaylat nu galo au ayu.”
14Nu katanya, Muab at ngay tagfangguna noli wan ay nanangakbang sas Balak ay glong te, “Balaam wa kaylat nangalo emi.”
15Nu katanya, Balak nadog yay nasugu ngay tagfangguna, ayu yap tua taguna fag ngay tagfangguna ay amaseganama yap. 16Kanya fagayu nanangakbang sas Balaam ay nalong te, “Katatuy Balak, Sipur at baguama at longan te, Lag gasalagan dewa e gsalag emu nu glao o ste. 17Gfon kro sa emu at kasakan fag famayad ay gfakamulun kro nusnga setaw am fakaylatun. Gewan wan, longi at mauri sa sangay taw Israel.”
18Dewa katanya, Balaam nabalus ngay tagfangguna te, “Balak ban dewa gfon sa angku at bale, at mapnu sanbung salapi ay gintu, kwa mafamabo Yawi ku Dius at suguan sa angku, dewa tagbia ay talay fag suguan. 19Dewa katanya, stei wan nung am gtiug katsi fag yabi kata am kaiban at nafakamulun ebi aroro tibaginan ro, Yawi e famamut yay at longan sa angku.”
20Ay ginanya fag yabi, Dius nalong sas Balaam te, “Kafag ngay taw andasug laman nantaban emu. Nangalo wo anya fagayu, dewa katanya, fakamuluni way lang ban ku fagnanlongun emu.”
Balaam at Asnu
21Balabag di, Balaam nafalganan at asnu ay nanangalo Muab at ngay tagfangguna, 22ay at fagsuguan fag dua nanangalo yangay. Dewa katanya, gina Balaam gsakay sit asnu, Dius andotama, ay Yawi at tagbarita nafaragang anya sas dalan. 23Ay asnu nu nalag Yawi at tagbarita malindug sisad dalan gbitbitan fiso, kanya nasaruy dalan ay nasas gamasun. Ay Balaam nafalang at asnu laman gfafoli sas dalan.
24Sanya ginan, Yawi at tagbarita anlindug sis talay fag dalan tagsis wabilug duak tanuman ubas at maaladan. 25Ay at asnu nu nalag Yawi at tagbarita nalisgisan sis alad ay Balaam at darafa ansikfit sis alad. Nu katanya, Balaam nadog yay nafalang at asnu.
26Sanya ginan, Yawi at tagbarita nasas fagunan ay anlindug sis dalan sirut ay we fakasaruyanan ya. 27Ay at asnu nu nalag Yawi at tagbarita, anlub ay Balaam andotama ay nabangkad at tulag ay nadog yay nafalang at asnu. 28Sanya ginan, Yawi nafaringang asnu ay nalong sas Balaam te, “Nataw ku nafakamulun sa emu at mauri am fagnafalangun angku tulu ginan?”
29Balaam nabalus at asnu te, “Namanaw o angku. Ay nu e fiso kdi, nafabul kwan emu.”
30Ay at asnu nalong sas Balaam te, “O nunda bunwa au gugat tagbuba emu? Ay o nunda batang au gfakamulun takatanya?”
Balaam nabalus te, “Duan!”
31Sanya ginan, Yawi nafalag sas Balaam sik tagbarita malindug sisad dalan gbitbitan at fiso. Nu katanya, Balaam anlub sas daga.
32Yawi at tagbarita nainto sa anya te, “Wain am fagnafalangun am asnu tulu ginan? Nastie au laman gfaragang emu aroro mauri wan am fakamulun sa angku. 33Am asnu nalag angku ay tulu ginan kaylat gsaruy dalan. Ay kanya ro nu dway nasaruyan angku, nafabul kwa ro emu ay kwa ro nafabul am asnu.”
34Ay Balaam nalong sas Yawi at tagbarita te, “Nasalan au! Kwa saful te, malindug o sanya sad dalan laman namaragang angku. Ay nu mauri way sa emu nung au gfataglayun, katsi guli kwan.”
35Yawi at tagbarita nalong sas Balaam te, “Aloi kafag ngay taw, dewa katanya, longi way lang ban sa anya fagayu ku fagnanlongun emu.” Nu katanya, Balaam nanangalo Balak at ngay tagfangguna.
36Ay Balak nu nasaful te, Balaam kadasug, kanya nanansalubang anya sas Muab at furuan at munakbang sis Arnun, sat fungfung fagagbilugun fag talun.
37Balak nalong sas Balaam te, “Wain fagkatsiun yay nu kadasug o, ay nafauro koma emu masakit? Ay wain, o gamatang way o te, kwa gbayad emu.”
38Ay Balaam gbalus anya te, “Nastie au. Dewa katanya, ku fagnanlongun ro sa emu Yawi way lang at longan sa angku.”
39Sanya ginan, Balaam nanangalo Balak sas Kiryat-Kusut. 40Ay sanya Balak nafon at fanggalangun sik baka ay sik tupa. Ay tibak yamas nafon sas Balaam ay sat ngay tagfangguna tagalo anya. 41Ay balabag di, Balak nataban Balaam sas Bamut-Baal ay kanya nabanawan sanya ngay taw Israel.
Currently Selected:
Tap 22: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
Tap 22
22
Fun Balak nafauro Balaam
1Ngay taw Israel nafataglayun nu glao ay andasug sas datag Muab, ay nabanwan sanya sas fakamenitan baliwa Liskung Urdan, munakbang sis Eriku.
2Ay Balak, Sipur at baguama Muab at fun, nasaful ngay taw Israel at nafakamulun fagayu sa sangay taw Amur. 3Ay kanya ay anggan ngay taw Muab kalimu aroro ngay taw Israel ngayu.
4Ngay taw Muab nalong sa sangay fagtainan sis Midyan te, “Matuyan kanya ban fag ngay taw gfamin antam, kata ngay baka nu kon makmak.”
Ginanya, Balak, Sipur at baguama, fun sis Muab. 5Kanya nasugu ngay tagfosuk longan laman nanguro Balaam, Beur at baguama tagsis furuan Petur munakbang sis Liskung Eufrates ay sanya wan kanya nu kasalug. Katatuy fun Balak at longan:
“E ngay taw siginans talun Igiptu ngayu, ay kanya fagayu gbanwan munakbang si em talun. 6Nu katanya, adasugi stae, ay longi at mauri sa anya fagayu, aroro kanya fagayu amabalyanan yap emi. Tibaginan ro mababo ami anya fagayu ay umyayu siginan em talun. Aroro nasaful au te, nusnga sinu am nafadante, umsine ay nusnga sinu am faglongan at mauri, gidapan.”
7Nu katanya, Muab ay Midyan at ngay fagtainan nalao gbuba at famayad sas Balaam laman namainsaful. Kanya fagayu nafoyung Balak at longan sa anya. 8Ay Balaam nalong sa sangay tagfangguna te, “Stei wan nu gtiug am katsi fag yabi, ay balabag ban, gfoyung au sa ayu Yawi at longan sa angku.” Nu katanya, Muab at ngay tagfangguna natiug yay sanya.
9Dius ginto Balaam te, “Sinu kanya fag ngay taw?”
10Ay Balaam gbalus te, “Kanya fagayu Balak, Muab at fun at nasugu, ay katatuy at longan: 11Ngayuk taw at kindasug siginans talun Igiptu. Nu katanya, gewan, gubuki angku ay longi at mauri sa anya fagayu. Tibaginan ro takatanya fag balyawvtan mababo ami anya fagayu ay umyayu.”
12Dewa katanya, Dius nalong sas Balaam te, “Lag galo anya fagayu. Lag gfoyung at mauri laman sa sangay taw Israel, aroro nafadante kwan anya fagayu.”
13Ay balabag di, Balaam nu nfulo wan, kanya nafoyung sas Balak at ngay tagfangguna te, “Loi wan sa ay talun aroro Yawi wa kaylat nu galo au ayu.”
14Nu katanya, Muab at ngay tagfangguna noli wan ay nanangakbang sas Balak ay glong te, “Balaam wa kaylat nangalo emi.”
15Nu katanya, Balak nadog yay nasugu ngay tagfangguna, ayu yap tua taguna fag ngay tagfangguna ay amaseganama yap. 16Kanya fagayu nanangakbang sas Balaam ay nalong te, “Katatuy Balak, Sipur at baguama at longan te, Lag gasalagan dewa e gsalag emu nu glao o ste. 17Gfon kro sa emu at kasakan fag famayad ay gfakamulun kro nusnga setaw am fakaylatun. Gewan wan, longi at mauri sa sangay taw Israel.”
18Dewa katanya, Balaam nabalus ngay tagfangguna te, “Balak ban dewa gfon sa angku at bale, at mapnu sanbung salapi ay gintu, kwa mafamabo Yawi ku Dius at suguan sa angku, dewa tagbia ay talay fag suguan. 19Dewa katanya, stei wan nung am gtiug katsi fag yabi kata am kaiban at nafakamulun ebi aroro tibaginan ro, Yawi e famamut yay at longan sa angku.”
20Ay ginanya fag yabi, Dius nalong sas Balaam te, “Kafag ngay taw andasug laman nantaban emu. Nangalo wo anya fagayu, dewa katanya, fakamuluni way lang ban ku fagnanlongun emu.”
Balaam at Asnu
21Balabag di, Balaam nafalganan at asnu ay nanangalo Muab at ngay tagfangguna, 22ay at fagsuguan fag dua nanangalo yangay. Dewa katanya, gina Balaam gsakay sit asnu, Dius andotama, ay Yawi at tagbarita nafaragang anya sas dalan. 23Ay asnu nu nalag Yawi at tagbarita malindug sisad dalan gbitbitan fiso, kanya nasaruy dalan ay nasas gamasun. Ay Balaam nafalang at asnu laman gfafoli sas dalan.
24Sanya ginan, Yawi at tagbarita anlindug sis talay fag dalan tagsis wabilug duak tanuman ubas at maaladan. 25Ay at asnu nu nalag Yawi at tagbarita nalisgisan sis alad ay Balaam at darafa ansikfit sis alad. Nu katanya, Balaam nadog yay nafalang at asnu.
26Sanya ginan, Yawi at tagbarita nasas fagunan ay anlindug sis dalan sirut ay we fakasaruyanan ya. 27Ay at asnu nu nalag Yawi at tagbarita, anlub ay Balaam andotama ay nabangkad at tulag ay nadog yay nafalang at asnu. 28Sanya ginan, Yawi nafaringang asnu ay nalong sas Balaam te, “Nataw ku nafakamulun sa emu at mauri am fagnafalangun angku tulu ginan?”
29Balaam nabalus at asnu te, “Namanaw o angku. Ay nu e fiso kdi, nafabul kwan emu.”
30Ay at asnu nalong sas Balaam te, “O nunda bunwa au gugat tagbuba emu? Ay o nunda batang au gfakamulun takatanya?”
Balaam nabalus te, “Duan!”
31Sanya ginan, Yawi nafalag sas Balaam sik tagbarita malindug sisad dalan gbitbitan at fiso. Nu katanya, Balaam anlub sas daga.
32Yawi at tagbarita nainto sa anya te, “Wain am fagnafalangun am asnu tulu ginan? Nastie au laman gfaragang emu aroro mauri wan am fakamulun sa angku. 33Am asnu nalag angku ay tulu ginan kaylat gsaruy dalan. Ay kanya ro nu dway nasaruyan angku, nafabul kwa ro emu ay kwa ro nafabul am asnu.”
34Ay Balaam nalong sas Yawi at tagbarita te, “Nasalan au! Kwa saful te, malindug o sanya sad dalan laman namaragang angku. Ay nu mauri way sa emu nung au gfataglayun, katsi guli kwan.”
35Yawi at tagbarita nalong sas Balaam te, “Aloi kafag ngay taw, dewa katanya, longi way lang ban sa anya fagayu ku fagnanlongun emu.” Nu katanya, Balaam nanangalo Balak at ngay tagfangguna.
36Ay Balak nu nasaful te, Balaam kadasug, kanya nanansalubang anya sas Muab at furuan at munakbang sis Arnun, sat fungfung fagagbilugun fag talun.
37Balak nalong sas Balaam te, “Wain fagkatsiun yay nu kadasug o, ay nafauro koma emu masakit? Ay wain, o gamatang way o te, kwa gbayad emu.”
38Ay Balaam gbalus anya te, “Nastie au. Dewa katanya, ku fagnanlongun ro sa emu Yawi way lang at longan sa angku.”
39Sanya ginan, Balaam nanangalo Balak sas Kiryat-Kusut. 40Ay sanya Balak nafon at fanggalangun sik baka ay sik tupa. Ay tibak yamas nafon sas Balaam ay sat ngay tagfangguna tagalo anya. 41Ay balabag di, Balak nataban Balaam sas Bamut-Baal ay kanya nabanawan sanya ngay taw Israel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines