Lebitiku 3
3
Fanggalangun laman sas Fagmasadiun
1“Sik taw at fanggalangun nu sik baka laman sas nasadian sis Yawi at daga salubangan, at masine nu sik baka at yud e malong. 2Ay kanya fag taw masine nu gfoli at daluap sat fanggalangun fag baka at tungud alfuyu, sanya ginan, kanya namabul kafag baka sis aturunan Yawi at sakbawan bale.#3:2 Yawi at Bale: sas Ebreu, Bale Fagnangablanganan. Anggan t.8, 13. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas day fagirugan. 3-4Sanya ginan, tagfon fanggalangun gbul kafag fanggalangun at taba ay at amuslun fagdua ay tagsanya fag taba, ay at masine fag afud dangdangun, laman sik fagirugun fag fanggalangun sas Yawi. 5Ay Arun at kasugfunanan fag ngay tagfon fanggalangun nangirug kanya fagayu gasfuan fagirugun fag ngay fanggalangun. Ay kafag ngay fanggalangun at ayuk at mabebanglu sik famauseganan Yawi.
6“Ay at fanggalangun nu sik tupa ay mannga sik kambing, masine way dewa sik tama ay sik tina at yud e malong, kanya at fanggalangun laman sas fagmanabayanun. 7Ay at fanggalangun sas Yawi nu sik tupa, 8masine kanya nu gfoli at daluap sat fanggalangun fag tupa at tungud alfuyu ay nu gfabul sis salubangan Yawi at bale. Ay Arun at kasugfunanan fag tagfon fanggalangun gfaramsig kafag fanggalangun at taguk sas fagirugan at ligung. 9Ay tagfon fanggalangun namul sik afud kafag fanggalangun ay nangirug laman sas Yawi: at iug at ke taba at malifungan munakbang sis butul guyuy, 10ay ngay amuslun, ngay ariras ay anggan sik afud dangdangun. 11Kafag ngay afud fanggalangun, at fagnangirugun laman sik ngay fagirugun fag fanggalangun sas Yawi.
12“Ay nu e gfon sik kambing sas Yawi laman at fanggalangun, 13masine kanya nu gfoli at daluap sat fanggalangun at tungud alfuyu, ay nu gfabul fasii sis salubangan Yawi at bale. Ay Arun at kasugfunanan fag ngay tagfon fanggalangun gfaramsig kafag fanggalangun at taguk sas fagirugan at ligung. 14Sanya ginan, ngay tagfon fanggalangun gbul sik afud laman at fagnangirugun sas Yawi. Ay gbul yangay tagsanya fag ngay taba, 15ngay amuslun, ngay ariras ay anggan sik afud dangdangun. 16Ay arodi, tagfon fanggalangun nangirug sas fagirugan fagayu at nabul laman sik famonun fag fanggalangun. Ay kafag fanggalangun sik mabebanglu sas Yawi. Foni sas Yawi fagayu taba.
17“Lag am kon taba ay taguk. Masine nu gfaning am takatanya fag faugali nusnga nday ban nu gbanwan am.”
Currently Selected:
Lebitiku 3: OCCT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines
Lebitiku 3
3
Fanggalangun laman sas Fagmasadiun
1“Sik taw at fanggalangun nu sik baka laman sas nasadian sis Yawi at daga salubangan, at masine nu sik baka at yud e malong. 2Ay kanya fag taw masine nu gfoli at daluap sat fanggalangun fag baka at tungud alfuyu, sanya ginan, kanya namabul kafag baka sis aturunan Yawi at sakbawan bale.#3:2 Yawi at Bale: sas Ebreu, Bale Fagnangablanganan. Anggan t.8, 13. Ay Arun at kasugfunanan fag ngay tagfon fanggalangun namaramsig kafag fanggalangun at taguk sas day fagirugan. 3-4Sanya ginan, tagfon fanggalangun gbul kafag fanggalangun at taba ay at amuslun fagdua ay tagsanya fag taba, ay at masine fag afud dangdangun, laman sik fagirugun fag fanggalangun sas Yawi. 5Ay Arun at kasugfunanan fag ngay tagfon fanggalangun nangirug kanya fagayu gasfuan fagirugun fag ngay fanggalangun. Ay kafag ngay fanggalangun at ayuk at mabebanglu sik famauseganan Yawi.
6“Ay at fanggalangun nu sik tupa ay mannga sik kambing, masine way dewa sik tama ay sik tina at yud e malong, kanya at fanggalangun laman sas fagmanabayanun. 7Ay at fanggalangun sas Yawi nu sik tupa, 8masine kanya nu gfoli at daluap sat fanggalangun fag tupa at tungud alfuyu ay nu gfabul sis salubangan Yawi at bale. Ay Arun at kasugfunanan fag tagfon fanggalangun gfaramsig kafag fanggalangun at taguk sas fagirugan at ligung. 9Ay tagfon fanggalangun namul sik afud kafag fanggalangun ay nangirug laman sas Yawi: at iug at ke taba at malifungan munakbang sis butul guyuy, 10ay ngay amuslun, ngay ariras ay anggan sik afud dangdangun. 11Kafag ngay afud fanggalangun, at fagnangirugun laman sik ngay fagirugun fag fanggalangun sas Yawi.
12“Ay nu e gfon sik kambing sas Yawi laman at fanggalangun, 13masine kanya nu gfoli at daluap sat fanggalangun at tungud alfuyu, ay nu gfabul fasii sis salubangan Yawi at bale. Ay Arun at kasugfunanan fag ngay tagfon fanggalangun gfaramsig kafag fanggalangun at taguk sas fagirugan at ligung. 14Sanya ginan, ngay tagfon fanggalangun gbul sik afud laman at fagnangirugun sas Yawi. Ay gbul yangay tagsanya fag ngay taba, 15ngay amuslun, ngay ariras ay anggan sik afud dangdangun. 16Ay arodi, tagfon fanggalangun nangirug sas fagirugan fagayu at nabul laman sik famonun fag fanggalangun. Ay kafag fanggalangun sik mabebanglu sas Yawi. Foni sas Yawi fagayu taba.
17“Lag am kon taba ay taguk. Masine nu gfaning am takatanya fag faugali nusnga nday ban nu gbanwan am.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 by OMF International, Philippines