1 Kurintu 16
16
Fanggubukun sa sangay Tagafanud sis Uda
1Ay nu saman baliwa ay fanggubukun sa tam ngay faduksay sas talun Udea, fakamuluni kata ku suguan sa sangay furuan sis Galasya. 2Fasadik menit kayu linggu, galay am at sadi fasamani wan ay fanggubukun kafanud ay fagmakatuun, ay nu gfaful am, lag gfanya ya gina au ndasug sanya. 3Ay nu ndasug kban sanya, gsugu kban ay nafili at namuba ay fanggubukun sas Erusalem, ay gfabuba kban ku rirukan tagfatoglag anya fagayu. 4Ay nu au waban at sadi at namosuk, gtaban kban ay nafili fag ngay taw.
Pablu at Algan
5Ay gina kban siginans talun Masidunya, ku algan nandalan au sa ayu. 6Ay ngaduge ban nu magamut au si ayu. Malgau sanya waban nu gfalangfe au abagat, laman ban ggubuk am angku sa ku ngay fagayudanun gina au gfataglayun glao nusnga nday kban. 7Ay kwa kaylat nu nandalan au lang sanya. Ay tam Fun nu kaylat, gbanwan kban sirut magamut ayu. 8Ay ku algan gbanwan kyay ban sis furuan Efesu yakmay ban andasug Pentekustes fag fagmafulun. 9Aroro umke buknga au gfakamulun ku fakamulun ste, dewa ngayu tagsalag angku.
10Ay Timuteu nu ndasug sanya, gubuki fia anya laman umke fagmanabayanun tua sat amatanganan. Aroro kanya gfakamulun yangay kata angku laman sa tam Fun. 11Dangay am gfalingun anya, nu bunway gubuki tua laman mabayan tua nu kafoli stae sa angku, aroro gfanya au anya gadgaloan tiba ya tam faduksay.
12Ay nu saman tam faduksay Apulus, naet au sa anya te, nansiboi ayu sanya gadgaloan tiba tam faduksay. Dewa katanya, kanya fagayu ya manansibo ayu, gfanya yay sik buknga.
At Fakatabuan at Longan
13Mafalganani tua ay maksvni ay fagafanudun, magarasi tua ay mabakvdi. 14Fagayu ay fagnamakamulunun fakamuluni at ke fakesugun.
15Nasaful wam Estefanas fag bale taguna gafanud sis talun Akaya, kanya mafalganan tua nu ggubuk tibak tagafanud. Ku ngay faduksay, maksvn nu glong au sa ayu te, 16faningi tua takata kanya fag ngay taw, ay tiba yak taw takata anya taginlufuyan gfakamulun. 17Guseganan au Estefanas, ay Furtunatu ay Akaiku at nadasugan, aroro nafakamulun ay nayud nakatu fag fakamulun laman sa angku. 18Kanya fag tulu nafasun tua angku ay anggan ayu. Esugi fia takatanya fag ngay taw.
19Ay fagayu tam faduksay sis Asya glong ayu te, O manabayan tuam? Ay anggan Akila ay Prisila ay tiba yak tagafanud at nangaful gugat sit bale takata yangay ayu at kinsadi sa tam Fun Isus, glong yangay te, O manabayan tuam? 20Ay anggan fagayu tam ngay faduksay tagste glong ayu te, O manabayan tuam? Adkafanyuani tua sas galay am at sadi.
21Au Pablu at nariruk tuy fag longan.
22Fagumfaurianan ban nusnga sinu fag taw at yud kesug tam Fun. Em Fun, adasugi wa nangus.
23Sumawa nangus fia ayu tam Fun Isus at fagmagalangun.
24Kesug au ayu fagayu am ku ngay faduksay sa tam Fun Isus. Anud.
Currently Selected:
1 Kurintu 16: OCCT
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines
1 Kurintu 16
16
Fanggubukun sa sangay Tagafanud sis Uda
1Ay nu saman baliwa ay fanggubukun sa tam ngay faduksay sas talun Udea, fakamuluni kata ku suguan sa sangay furuan sis Galasya. 2Fasadik menit kayu linggu, galay am at sadi fasamani wan ay fanggubukun kafanud ay fagmakatuun, ay nu gfaful am, lag gfanya ya gina au ndasug sanya. 3Ay nu ndasug kban sanya, gsugu kban ay nafili at namuba ay fanggubukun sas Erusalem, ay gfabuba kban ku rirukan tagfatoglag anya fagayu. 4Ay nu au waban at sadi at namosuk, gtaban kban ay nafili fag ngay taw.
Pablu at Algan
5Ay gina kban siginans talun Masidunya, ku algan nandalan au sa ayu. 6Ay ngaduge ban nu magamut au si ayu. Malgau sanya waban nu gfalangfe au abagat, laman ban ggubuk am angku sa ku ngay fagayudanun gina au gfataglayun glao nusnga nday kban. 7Ay kwa kaylat nu nandalan au lang sanya. Ay tam Fun nu kaylat, gbanwan kban sirut magamut ayu. 8Ay ku algan gbanwan kyay ban sis furuan Efesu yakmay ban andasug Pentekustes fag fagmafulun. 9Aroro umke buknga au gfakamulun ku fakamulun ste, dewa ngayu tagsalag angku.
10Ay Timuteu nu ndasug sanya, gubuki fia anya laman umke fagmanabayanun tua sat amatanganan. Aroro kanya gfakamulun yangay kata angku laman sa tam Fun. 11Dangay am gfalingun anya, nu bunway gubuki tua laman mabayan tua nu kafoli stae sa angku, aroro gfanya au anya gadgaloan tiba ya tam faduksay.
12Ay nu saman tam faduksay Apulus, naet au sa anya te, nansiboi ayu sanya gadgaloan tiba tam faduksay. Dewa katanya, kanya fagayu ya manansibo ayu, gfanya yay sik buknga.
At Fakatabuan at Longan
13Mafalganani tua ay maksvni ay fagafanudun, magarasi tua ay mabakvdi. 14Fagayu ay fagnamakamulunun fakamuluni at ke fakesugun.
15Nasaful wam Estefanas fag bale taguna gafanud sis talun Akaya, kanya mafalganan tua nu ggubuk tibak tagafanud. Ku ngay faduksay, maksvn nu glong au sa ayu te, 16faningi tua takata kanya fag ngay taw, ay tiba yak taw takata anya taginlufuyan gfakamulun. 17Guseganan au Estefanas, ay Furtunatu ay Akaiku at nadasugan, aroro nafakamulun ay nayud nakatu fag fakamulun laman sa angku. 18Kanya fag tulu nafasun tua angku ay anggan ayu. Esugi fia takatanya fag ngay taw.
19Ay fagayu tam faduksay sis Asya glong ayu te, O manabayan tuam? Ay anggan Akila ay Prisila ay tiba yak tagafanud at nangaful gugat sit bale takata yangay ayu at kinsadi sa tam Fun Isus, glong yangay te, O manabayan tuam? 20Ay anggan fagayu tam ngay faduksay tagste glong ayu te, O manabayan tuam? Adkafanyuani tua sas galay am at sadi.
21Au Pablu at nariruk tuy fag longan.
22Fagumfaurianan ban nusnga sinu fag taw at yud kesug tam Fun. Em Fun, adasugi wa nangus.
23Sumawa nangus fia ayu tam Fun Isus at fagmagalangun.
24Kesug au ayu fagayu am ku ngay faduksay sa tam Fun Isus. Anud.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 by OMF International, Philippines