रोमियन 4
4
अब्राहम के बिसुआस के बखान
1एसे अब हम पंचे अपने पूरबज अब्राहम के बारे माहीं का कही? 2काहेकि अगर अब्राहम अपने कामन के कारन परमातिमा के नजर माहीं निरदोस ठहरतें, त इआ उनखे खातिर घमन्ड करँइ के बात होत, पय परमातिमा के आँगे ऊँ वास्तव माहीं घमन्ड नहीं कइ सकँय। 3पबित्र सास्त्र माहीं घलाय लिखा हय, कि “अब्राहम परमातिमा के ऊपर बिसुआस किहिन रहा हय, एहिन से ऊँ परमातिमा के नजर माहीं निरदोस ठहराए गे रहे हँय।” 4काहेकि काम करँइ बाले मनई काहीं मजूरी देब दान न होय, बलकिन उआ त ओखर हक्क आय। 5पय जउन मनई काम नहीं करय, बलकिन पापिन काहीं निरदोस बनामँइ बाले परमातिमा के ऊपर बिसुआस करत हय, त ओखर उआ बिसुआसय ओखे खातिर परमातिमा के नजर माहीं निरदोस होंइ के कारन बन जात हय। 6जउने मनई काहीं परमातिमा बिना काम किहे निरदोस ठहराबत हें, उआ मनई काहीं राजा दाऊद घलाय धन्य कहत हें। 7अउर ऊँ कहत हें, कि
ऊँ मनई धन्य हें, जिनखर अधरम माफ होइगे हँय, अउर जिनखर पाप मूँदे गे हँय।
8अउर जउने मनई काहीं प्रभू कबहूँ पापी नहीं ठहरामँइ उआ मनई धन्य हय।
9त का इआ धन्य कहब केबल उनहिन के खातिर भर आय, जिनखर खतना होइ चुका हय, इआ कि उनहूँ के खातिर आय जिनखर खतना नहीं भ आय। (हाँ इआ उनहूँ के खातिर आय जिनखर खतना नहीं भ आय) काहेकि हम पंचे इआ कहित हएन, कि “अब्राहम बिसुआसय के द्वारा परमातिमा के नजर माहीं निरदोस ठहराए गें।” 10त इआ कबय भ? जब उनखर खतना होइ चुका रहा हय, तब इआ कि जब उनखर खतना नहीं भ रहा आय तब, नहीं उनखर खतना होए के बाद नहीं, बलकिन खतना होंइ के पहिले भ रहा हय। 11अब्राहम बिना खतना कराए बिसुआस के द्वारा परमातिमा के नजर माहीं निरदोस ठहराए गें। अउर उनखे देंह माहीं एकठे निसानी#उत्प 17:11 के रूप माहीं खतना के चिन्ह लगाबा ग, इआमेर से अब्राहम ऊँ सगलेन के घलाय पिता बनिगें, जउन बिना खतना कराए परमातिमा के ऊपर बिसुआस करत हें, जउने ऊँ पंचे घलाय बिसुआस के द्वारा परमातिमा के नजर माहीं निरदोस ठहराए जाँय। 12अउर ऊँ उनहूँ पंचन के घलाय कुल पिता आहीं, जिनखर खतना भ हय, जउन केबल खतना भर नहीं कराए आहीं, बलकिन हमरे पंचन के कुल पिता अब्राहम के बिसुआस के जउने काहीं, ऊँ बिना खतना कराए किहिन रहा हय, अनुसरन करत हें।
बिसुआस के द्वारा परमातिमा के वादा के मिलब
13अउर अब्राहम, इआ कि उनखे बंसन काहीं इआ वादा, कि ऊँ पंचे संसार के बारिसदार होइहँय, मूसा के बिधान के पालन किहे से नहीं मिला रहा आय, बलकिन उआ बिसुआस के द्वारा परमातिमा के नजर माहीं निरदोस होंइ से मिला रहा हय। 14अगर जे कोऊ मूसा के बिधान काहीं पालन करत हें, उँइन पंचे भर संसार के बारिसदार आहीं, त बिसुआस के कउनव मतलब न रहत, अउर वादा घलाय बेकार ठहरत। 15जब मनई मूसा के बिधान के पालन नहीं करँइ, त परमातिमा क्रोधित होइके उनहीं सजा देत हें, पय जहाँ मूसा के बिधान हइअय नहिं आय, त उहाँ मूसा के बिधान के उलंघन होबय न करी।
16एसे इआ साबित होत हय, कि मनई परमातिमा के वादा केबल बिसुआस से पाबत हें, अउर इआ उनखे किरपा से सेंत-मेंत माहीं मिलत हय। इआमेर से परमातिमा के वादा अब्राहम के सगले सन्तानन के खातिर निस्चित हय, न केबल उनखे खातिर जउन मूसा के बिधान के पालन करत हें, बलकिन उनहूँ पंचन के खातिर घलाय आय, जउन अब्राहम कि नाईं बिसुआस रक्खत हें। अउर ईंन अब्राहम हमार पंचन के कुल पिता आहीं। 17जइसन पबित्र सास्त्र माहीं लिखा हय, कि “हम तोंहईं खुब जातिअन के आत्मिक पिता ठहराएन हय”, अउर परमातिमा के नजर माहीं अब्राहम हमार पंचन के कुल पिता आहीं, अउर जउने परमातिमा के ऊपर अब्राहम के बिसुआस हय, ऊँ मरेन मनइन काहीं जिआबत हें, जउन बातँय हइअय नहिं आहीं, उनहूँ के नाम अइसन लेत हें, कि मानो ऊँ अबहिनव हईं। 18अउर अब्राहम खुब निरासा माहीं घलाय, आसा कए परमातिमा के ऊपर बिसुआस किहिन, अउर जउन बचन ऊँ कहिन तय, कि “तोंहार बंस अइसन होई कि तूँ खुब जातिअन के आत्मिक पिता कहइहा।” 19अउर अब्राहम जउन सव बरिस के होइगें तय, अउर अपने देंह के निबल अबस्था माही घलाय, अउर अपने मेहेरिआ सारा जउन लड़िका-बच्चा पइदा नहिं कइ सकत रही आँय, उनहूँ के हाल जाने के बादव आपन बिसुआस कमजोर नहीं किहिन। 20अउर अपने बिसुआस माहीं बने रहिगें, अउर परमातिमा के दीन वादा के ऊपर संका नहीं किहिन, बलकिन बिसुआस माहीं अऊ मजबूत होइके परमातिमा के बड़ाई किहिन। 21अउर उनहीं पूर भरोसा रहा हय, कि परमातिमा जउन वादा किहिन हीं, ऊँ ओही पूर करँइ के खातिर पूरी तरह से समरथी हें। 22एसे अब्राहम इआ बिसुआस के कारन परमातिमा के नजर माहीं निरदोस ठहराए गें। 23अउर पबित्र सास्त्र माहीं लिखा इआ बचन, कि “बिसुआस के द्वारा ऊँ परमातिमा के नजर माहीं निरदोस ठहराए गें”, न केबल उनहिन के खातिर आय, 24बलकिन हमरे पंचन के खातिर घलाय आय, जउन परमातिमा के नजर माहीं निरदोस ठहराए जइत हएन, अरथात हमरे पंचन के खातिर जउन उनखे ऊपर बिसुआस करित हएन, उँइन हमरे पंचन के प्रभू यीसु काहीं मरेन म से जिआइन रहा हय। 25उँइन यीसु हमरे पंचन के अपराधन के खातिर मार डारँइ के खातिर पकड़बाए गें, अउर हमहीं पंचन काहीं परमातिमा के नजर माहीं निरदोस बनामँइ के खातिर मरेन म से पुनि जिआए गें।
Currently Selected:
रोमियन 4: bag
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
रोमियन 4
4
अब्राहम के बिसुआस के बखान
1एसे अब हम पंचे अपने पूरबज अब्राहम के बारे माहीं का कही? 2काहेकि अगर अब्राहम अपने कामन के कारन परमातिमा के नजर माहीं निरदोस ठहरतें, त इआ उनखे खातिर घमन्ड करँइ के बात होत, पय परमातिमा के आँगे ऊँ वास्तव माहीं घमन्ड नहीं कइ सकँय। 3पबित्र सास्त्र माहीं घलाय लिखा हय, कि “अब्राहम परमातिमा के ऊपर बिसुआस किहिन रहा हय, एहिन से ऊँ परमातिमा के नजर माहीं निरदोस ठहराए गे रहे हँय।” 4काहेकि काम करँइ बाले मनई काहीं मजूरी देब दान न होय, बलकिन उआ त ओखर हक्क आय। 5पय जउन मनई काम नहीं करय, बलकिन पापिन काहीं निरदोस बनामँइ बाले परमातिमा के ऊपर बिसुआस करत हय, त ओखर उआ बिसुआसय ओखे खातिर परमातिमा के नजर माहीं निरदोस होंइ के कारन बन जात हय। 6जउने मनई काहीं परमातिमा बिना काम किहे निरदोस ठहराबत हें, उआ मनई काहीं राजा दाऊद घलाय धन्य कहत हें। 7अउर ऊँ कहत हें, कि
ऊँ मनई धन्य हें, जिनखर अधरम माफ होइगे हँय, अउर जिनखर पाप मूँदे गे हँय।
8अउर जउने मनई काहीं प्रभू कबहूँ पापी नहीं ठहरामँइ उआ मनई धन्य हय।
9त का इआ धन्य कहब केबल उनहिन के खातिर भर आय, जिनखर खतना होइ चुका हय, इआ कि उनहूँ के खातिर आय जिनखर खतना नहीं भ आय। (हाँ इआ उनहूँ के खातिर आय जिनखर खतना नहीं भ आय) काहेकि हम पंचे इआ कहित हएन, कि “अब्राहम बिसुआसय के द्वारा परमातिमा के नजर माहीं निरदोस ठहराए गें।” 10त इआ कबय भ? जब उनखर खतना होइ चुका रहा हय, तब इआ कि जब उनखर खतना नहीं भ रहा आय तब, नहीं उनखर खतना होए के बाद नहीं, बलकिन खतना होंइ के पहिले भ रहा हय। 11अब्राहम बिना खतना कराए बिसुआस के द्वारा परमातिमा के नजर माहीं निरदोस ठहराए गें। अउर उनखे देंह माहीं एकठे निसानी#उत्प 17:11 के रूप माहीं खतना के चिन्ह लगाबा ग, इआमेर से अब्राहम ऊँ सगलेन के घलाय पिता बनिगें, जउन बिना खतना कराए परमातिमा के ऊपर बिसुआस करत हें, जउने ऊँ पंचे घलाय बिसुआस के द्वारा परमातिमा के नजर माहीं निरदोस ठहराए जाँय। 12अउर ऊँ उनहूँ पंचन के घलाय कुल पिता आहीं, जिनखर खतना भ हय, जउन केबल खतना भर नहीं कराए आहीं, बलकिन हमरे पंचन के कुल पिता अब्राहम के बिसुआस के जउने काहीं, ऊँ बिना खतना कराए किहिन रहा हय, अनुसरन करत हें।
बिसुआस के द्वारा परमातिमा के वादा के मिलब
13अउर अब्राहम, इआ कि उनखे बंसन काहीं इआ वादा, कि ऊँ पंचे संसार के बारिसदार होइहँय, मूसा के बिधान के पालन किहे से नहीं मिला रहा आय, बलकिन उआ बिसुआस के द्वारा परमातिमा के नजर माहीं निरदोस होंइ से मिला रहा हय। 14अगर जे कोऊ मूसा के बिधान काहीं पालन करत हें, उँइन पंचे भर संसार के बारिसदार आहीं, त बिसुआस के कउनव मतलब न रहत, अउर वादा घलाय बेकार ठहरत। 15जब मनई मूसा के बिधान के पालन नहीं करँइ, त परमातिमा क्रोधित होइके उनहीं सजा देत हें, पय जहाँ मूसा के बिधान हइअय नहिं आय, त उहाँ मूसा के बिधान के उलंघन होबय न करी।
16एसे इआ साबित होत हय, कि मनई परमातिमा के वादा केबल बिसुआस से पाबत हें, अउर इआ उनखे किरपा से सेंत-मेंत माहीं मिलत हय। इआमेर से परमातिमा के वादा अब्राहम के सगले सन्तानन के खातिर निस्चित हय, न केबल उनखे खातिर जउन मूसा के बिधान के पालन करत हें, बलकिन उनहूँ पंचन के खातिर घलाय आय, जउन अब्राहम कि नाईं बिसुआस रक्खत हें। अउर ईंन अब्राहम हमार पंचन के कुल पिता आहीं। 17जइसन पबित्र सास्त्र माहीं लिखा हय, कि “हम तोंहईं खुब जातिअन के आत्मिक पिता ठहराएन हय”, अउर परमातिमा के नजर माहीं अब्राहम हमार पंचन के कुल पिता आहीं, अउर जउने परमातिमा के ऊपर अब्राहम के बिसुआस हय, ऊँ मरेन मनइन काहीं जिआबत हें, जउन बातँय हइअय नहिं आहीं, उनहूँ के नाम अइसन लेत हें, कि मानो ऊँ अबहिनव हईं। 18अउर अब्राहम खुब निरासा माहीं घलाय, आसा कए परमातिमा के ऊपर बिसुआस किहिन, अउर जउन बचन ऊँ कहिन तय, कि “तोंहार बंस अइसन होई कि तूँ खुब जातिअन के आत्मिक पिता कहइहा।” 19अउर अब्राहम जउन सव बरिस के होइगें तय, अउर अपने देंह के निबल अबस्था माही घलाय, अउर अपने मेहेरिआ सारा जउन लड़िका-बच्चा पइदा नहिं कइ सकत रही आँय, उनहूँ के हाल जाने के बादव आपन बिसुआस कमजोर नहीं किहिन। 20अउर अपने बिसुआस माहीं बने रहिगें, अउर परमातिमा के दीन वादा के ऊपर संका नहीं किहिन, बलकिन बिसुआस माहीं अऊ मजबूत होइके परमातिमा के बड़ाई किहिन। 21अउर उनहीं पूर भरोसा रहा हय, कि परमातिमा जउन वादा किहिन हीं, ऊँ ओही पूर करँइ के खातिर पूरी तरह से समरथी हें। 22एसे अब्राहम इआ बिसुआस के कारन परमातिमा के नजर माहीं निरदोस ठहराए गें। 23अउर पबित्र सास्त्र माहीं लिखा इआ बचन, कि “बिसुआस के द्वारा ऊँ परमातिमा के नजर माहीं निरदोस ठहराए गें”, न केबल उनहिन के खातिर आय, 24बलकिन हमरे पंचन के खातिर घलाय आय, जउन परमातिमा के नजर माहीं निरदोस ठहराए जइत हएन, अरथात हमरे पंचन के खातिर जउन उनखे ऊपर बिसुआस करित हएन, उँइन हमरे पंचन के प्रभू यीसु काहीं मरेन म से जिआइन रहा हय। 25उँइन यीसु हमरे पंचन के अपराधन के खातिर मार डारँइ के खातिर पकड़बाए गें, अउर हमहीं पंचन काहीं परमातिमा के नजर माहीं निरदोस बनामँइ के खातिर मरेन म से पुनि जिआए गें।
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.