फिलिप्पियन 2
2
मसीह के दीनता अउर महानता
1अगर तोंहरे पंचन के जीबन माहीं मसीह माहीं कउनव उराव हय, प्रेम से पइदा भे हिम्मत ही, अउर अगर पबित्र आत्मा माहीं कउनव भागीदारी हय, अउर करुना के कउनव भावना ही, इआ कि दया ही। 2त हमार इआ आनन्द पूर करा, कि सब कोऊ एक मन रहा, अउर एक प्रेम माहीं बँधे रहा, अउर एक चित्त रहा, अउर एकय बिचार रक्खा। 3आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा। 4तोंहरे पंचन म से सगले जनेन काहीं इआ चाही, कि ऊँ केबल अपनय भर नहीं, बलकिन दुसरेव के हित के घलाय ध्यान रक्खँय। 5अउर जइसन मसीह यीसु के सुभाव रहा हय, उहयमेर तोंहरव पंचन के सुभाव होय। 6जइसन
यीसु मसीह परमातिमा के स्वरूप माहीं होंय के बादव, परमातिमा के बराबर होंइ काहीं अपने बस माहीं रक्खँय के चीज नहीं समझिन।
7बलकिन अपने-आप काहीं अइसन सून्य कइ दिहिन, अउर सेबक के रूप धारन कइके मनई के समानता माहीं होइगें।
8अउर मनई के रूप माहीं पइदा होइके अपने-आप काहीं दीन किहिन, अउर इहाँ तक परमातिमा के हुकुमन काहीं मानिन, कि मउत काहीं अरथात क्रूस के मउत काहीं घलाय सहि लिहिन।
9इहय कारन से परमातिमा उनहीं सगलेन से ऊँच जघा माहीं उठाइन, अउर उनहीं उआ नाम दिहिन, जउन सगले नामन से बढ़िके हय।
10जउने ऊँ सगले जने यीसु के नाम के आँगे गोड़न गिरँय, अउर उनखर अराधना करँय, चाह ऊँ स्वरग के होंय, चाह ऊँ धरती के होंय, अउर चाह ऊँ धरती के नीचे के होंय।
11अउर पिता परमातिमा के महिमा के खातिर, हरेक मनई इआ सोइकार कइ लेंय, कि यीसु मसीहय प्रभू आहीं।
संसार माहीं उँजिआर कि नाईं चमका
12एसे हे हमार पियार साथिव, जब हम तोंहरे साथ माहीं रहेन हय, त तूँ पंचे हमेसा हमरे हुकुमन काहीं मानत रहे हया, उहयमेर अबहिनव निकहा से माना, भले हम तोंहरे लघे नहिं आहेन, तऊ परमातिमा के भय मानत, अउर उनखर सम्मान करत, जउन मुक्ती तोंहईं पंचन काहीं मिली हय, ओहिन के मुताबिक काम करा। 13काहेकि उआ काम करँइ के इच्छा, अउर ओही पूर करँइ के काम, उँइ दोनव बातन काहीं परमातिमा अपने भली इच्छा से तोंहरे मनन माहीं डारिन हीं।
14एसे बिना सिकाइत किहे, अउर बिना बाद-बिबाद किहे, सगले कामन काहीं करत रहा। 15जउने तूँ पंचे निरदोस अउर भोले-भाले बनिके बुरी चाल चलँइ बाले, अउर हठी मनइन के बीच माहीं, परमातिमा के निरदोस सन्तान बने रहा, एसे कि तूँ पंचे उनखे बीच माहीं, परमातिमा के अनन्त जीबन देंइ बाले बचन काहीं, अपने जीबन माहीं अपनाए, संसार माहीं जलत दियन कि नाईं देखाई देते हया। 16अउर मसीह के दुसराय आमँइ के दिन काहीं हमार छाती चउड़ी होइ जई, इआ देखिके, कि तूँ पंचे परमातिमा के अनन्त जीबन देंइ बाले बचन काहीं, अपने जीबन माहीं अपनाए हया, अउर हमरे जीबन के भाग-दउड़ अउर हमार मेहनत बेकार नहीं गे। 17अउर अगर तोंहरे बिसुआस रूपी बलिदान, अउर सेबा के साथ हमहीं आपन खून बहामँइ क परय, तऊ हम आनन्दित रहब, काहेकि तोंहरे पंचन के आनन्दय माहीं हमार आनन्द हय। 18जइसन हम आनन्दित हएन, उहयमेर हमरे साथ तुहूँ पंचे आनन्द मनाबा।
तीमुथियुस अउर इपफ्रुदीतुस
19अगर प्रभू यीसु के मरजी होई, त हम तीमुथियुस काहीं तोंहरे पंचन के लघे हरबिन पठउब, जउने ऊँ तोंहार हाल चाल लइके हमहीं आइके बतामँइ, अउर तोंहरे बारे माहीं जानिके हमरे मन काहीं सान्ति मिलय। 20काहेकि हमरे लघे इनखे सुभाव कि नाईं अउर कउनव मनई नहिं आय, जउन तोंहरे भलाई के खातिर सच्चे मन से चिन्ता करत होय। 21काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय। 22पय तूँ पंचे, तीमुथियुस काहीं अजमाइके जानिव लिहा हय, कि जइसन लड़िका अपने बाप के साथ मेहनत करत हय, उहयमेर खुसी के खबर के प्रचार करँय माहीं ऊँ हमरे साथ मेहनत किहिन हीं। 23एसे हमहीं आसा ही, कि जइसय हमहीं इआ जान परी, कि हमार का हाल होंइ बाला हय, हम हरबिन अगर प्रभू के इच्छा होई, त उनहीं तोंहरे लघे पठय देब। 24अउर हमहीं पूर बिसुआस हय, कि प्रभू के मदत से, हमहूँ घलाय तोंहरे पंचन के लगे हरबिन अउब।
25अउर हम इआ जरूरी समझेन, कि इपफ्रुदीतुस काहीं तोंहरे पंचन के लघे पठई, जउन हमार बिसुआसी भाई आहीं, अउर हमरे साथ काम करँइ बाले, अउर कामन माहीं सिपाही कि नाईं मदत करँइ बाले, अउर तोंहईं पंचन काहीं सँदेस देंइ बाले आहीं, अउर जरूरत परे माहीं हमार सेबा-सहाई करँइ बाले आहीं। 26एसे हम उनहीं तोंहरे लघे पठयन हय, काहेकि उनखर मन तोंहरे ऊपर लगा रहत रहा हय, अउर ऊँ ब्याकुल रहत रहे हँय, कि तूँ पंचे उनखे बारे माहीं सुने हया, कि ऊँ बिमार हें। 27अउर जरूर ऊँ बिमार होइगें तय, अउर लागत रहा हय, कि मर जइहँय, पय परमातिमा उनखे ऊपर दया किहिन, त ऊँ नीक होइगें, अउर उनखेन ऊपर भर नहीं, बलकिन हमरेव ऊपर घलाय दया किहिन हीं, कि जउने हमरे ऊपर दुख म दुख न परय। 28अउर हम एहिन से उनहीं तोंहरे लघे पठमँइ के अउरव कोसिस किहेन, कि उनसे पुनि तूँ पंचे मिलिके आनन्दित होइजा, अउर हमरव दुख कुछ कम होइ जाय। 29एसे तूँ पंचे प्रभू माहीं, उनखर बड़े आनन्द के साथ स्वागत किहा, अउर इआमेर के मनइन के आदर किहा करा। 30काहेकि उँइन मसीह के काम के खातिर अपने प्रान के बाजी लगाइन रहा हय, एसे उनखर इआ हालत होइगे रही हय, कि लागत रहा हय, कि ऊँ मर जइहँय, जउन तोंहरे पंचन के तरफ से हमरे सेबा माहीं कमी रहिगे तय, ओही ऊँ पूर करिहँय।
Currently Selected:
फिलिप्पियन 2: bag
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
फिलिप्पियन 2
2
मसीह के दीनता अउर महानता
1अगर तोंहरे पंचन के जीबन माहीं मसीह माहीं कउनव उराव हय, प्रेम से पइदा भे हिम्मत ही, अउर अगर पबित्र आत्मा माहीं कउनव भागीदारी हय, अउर करुना के कउनव भावना ही, इआ कि दया ही। 2त हमार इआ आनन्द पूर करा, कि सब कोऊ एक मन रहा, अउर एक प्रेम माहीं बँधे रहा, अउर एक चित्त रहा, अउर एकय बिचार रक्खा। 3आपस माहीं बिरोध इआ कि झूँठी बड़ाई पामँइ के खातिर कुछू न करा, पय नम्रता के साथ एक दुसरे काहीं अपने से निकहा समझा। 4तोंहरे पंचन म से सगले जनेन काहीं इआ चाही, कि ऊँ केबल अपनय भर नहीं, बलकिन दुसरेव के हित के घलाय ध्यान रक्खँय। 5अउर जइसन मसीह यीसु के सुभाव रहा हय, उहयमेर तोंहरव पंचन के सुभाव होय। 6जइसन
यीसु मसीह परमातिमा के स्वरूप माहीं होंय के बादव, परमातिमा के बराबर होंइ काहीं अपने बस माहीं रक्खँय के चीज नहीं समझिन।
7बलकिन अपने-आप काहीं अइसन सून्य कइ दिहिन, अउर सेबक के रूप धारन कइके मनई के समानता माहीं होइगें।
8अउर मनई के रूप माहीं पइदा होइके अपने-आप काहीं दीन किहिन, अउर इहाँ तक परमातिमा के हुकुमन काहीं मानिन, कि मउत काहीं अरथात क्रूस के मउत काहीं घलाय सहि लिहिन।
9इहय कारन से परमातिमा उनहीं सगलेन से ऊँच जघा माहीं उठाइन, अउर उनहीं उआ नाम दिहिन, जउन सगले नामन से बढ़िके हय।
10जउने ऊँ सगले जने यीसु के नाम के आँगे गोड़न गिरँय, अउर उनखर अराधना करँय, चाह ऊँ स्वरग के होंय, चाह ऊँ धरती के होंय, अउर चाह ऊँ धरती के नीचे के होंय।
11अउर पिता परमातिमा के महिमा के खातिर, हरेक मनई इआ सोइकार कइ लेंय, कि यीसु मसीहय प्रभू आहीं।
संसार माहीं उँजिआर कि नाईं चमका
12एसे हे हमार पियार साथिव, जब हम तोंहरे साथ माहीं रहेन हय, त तूँ पंचे हमेसा हमरे हुकुमन काहीं मानत रहे हया, उहयमेर अबहिनव निकहा से माना, भले हम तोंहरे लघे नहिं आहेन, तऊ परमातिमा के भय मानत, अउर उनखर सम्मान करत, जउन मुक्ती तोंहईं पंचन काहीं मिली हय, ओहिन के मुताबिक काम करा। 13काहेकि उआ काम करँइ के इच्छा, अउर ओही पूर करँइ के काम, उँइ दोनव बातन काहीं परमातिमा अपने भली इच्छा से तोंहरे मनन माहीं डारिन हीं।
14एसे बिना सिकाइत किहे, अउर बिना बाद-बिबाद किहे, सगले कामन काहीं करत रहा। 15जउने तूँ पंचे निरदोस अउर भोले-भाले बनिके बुरी चाल चलँइ बाले, अउर हठी मनइन के बीच माहीं, परमातिमा के निरदोस सन्तान बने रहा, एसे कि तूँ पंचे उनखे बीच माहीं, परमातिमा के अनन्त जीबन देंइ बाले बचन काहीं, अपने जीबन माहीं अपनाए, संसार माहीं जलत दियन कि नाईं देखाई देते हया। 16अउर मसीह के दुसराय आमँइ के दिन काहीं हमार छाती चउड़ी होइ जई, इआ देखिके, कि तूँ पंचे परमातिमा के अनन्त जीबन देंइ बाले बचन काहीं, अपने जीबन माहीं अपनाए हया, अउर हमरे जीबन के भाग-दउड़ अउर हमार मेहनत बेकार नहीं गे। 17अउर अगर तोंहरे बिसुआस रूपी बलिदान, अउर सेबा के साथ हमहीं आपन खून बहामँइ क परय, तऊ हम आनन्दित रहब, काहेकि तोंहरे पंचन के आनन्दय माहीं हमार आनन्द हय। 18जइसन हम आनन्दित हएन, उहयमेर हमरे साथ तुहूँ पंचे आनन्द मनाबा।
तीमुथियुस अउर इपफ्रुदीतुस
19अगर प्रभू यीसु के मरजी होई, त हम तीमुथियुस काहीं तोंहरे पंचन के लघे हरबिन पठउब, जउने ऊँ तोंहार हाल चाल लइके हमहीं आइके बतामँइ, अउर तोंहरे बारे माहीं जानिके हमरे मन काहीं सान्ति मिलय। 20काहेकि हमरे लघे इनखे सुभाव कि नाईं अउर कउनव मनई नहिं आय, जउन तोंहरे भलाई के खातिर सच्चे मन से चिन्ता करत होय। 21काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय। 22पय तूँ पंचे, तीमुथियुस काहीं अजमाइके जानिव लिहा हय, कि जइसन लड़िका अपने बाप के साथ मेहनत करत हय, उहयमेर खुसी के खबर के प्रचार करँय माहीं ऊँ हमरे साथ मेहनत किहिन हीं। 23एसे हमहीं आसा ही, कि जइसय हमहीं इआ जान परी, कि हमार का हाल होंइ बाला हय, हम हरबिन अगर प्रभू के इच्छा होई, त उनहीं तोंहरे लघे पठय देब। 24अउर हमहीं पूर बिसुआस हय, कि प्रभू के मदत से, हमहूँ घलाय तोंहरे पंचन के लगे हरबिन अउब।
25अउर हम इआ जरूरी समझेन, कि इपफ्रुदीतुस काहीं तोंहरे पंचन के लघे पठई, जउन हमार बिसुआसी भाई आहीं, अउर हमरे साथ काम करँइ बाले, अउर कामन माहीं सिपाही कि नाईं मदत करँइ बाले, अउर तोंहईं पंचन काहीं सँदेस देंइ बाले आहीं, अउर जरूरत परे माहीं हमार सेबा-सहाई करँइ बाले आहीं। 26एसे हम उनहीं तोंहरे लघे पठयन हय, काहेकि उनखर मन तोंहरे ऊपर लगा रहत रहा हय, अउर ऊँ ब्याकुल रहत रहे हँय, कि तूँ पंचे उनखे बारे माहीं सुने हया, कि ऊँ बिमार हें। 27अउर जरूर ऊँ बिमार होइगें तय, अउर लागत रहा हय, कि मर जइहँय, पय परमातिमा उनखे ऊपर दया किहिन, त ऊँ नीक होइगें, अउर उनखेन ऊपर भर नहीं, बलकिन हमरेव ऊपर घलाय दया किहिन हीं, कि जउने हमरे ऊपर दुख म दुख न परय। 28अउर हम एहिन से उनहीं तोंहरे लघे पठमँइ के अउरव कोसिस किहेन, कि उनसे पुनि तूँ पंचे मिलिके आनन्दित होइजा, अउर हमरव दुख कुछ कम होइ जाय। 29एसे तूँ पंचे प्रभू माहीं, उनखर बड़े आनन्द के साथ स्वागत किहा, अउर इआमेर के मनइन के आदर किहा करा। 30काहेकि उँइन मसीह के काम के खातिर अपने प्रान के बाजी लगाइन रहा हय, एसे उनखर इआ हालत होइगे रही हय, कि लागत रहा हय, कि ऊँ मर जइहँय, जउन तोंहरे पंचन के तरफ से हमरे सेबा माहीं कमी रहिगे तय, ओही ऊँ पूर करिहँय।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.