इफीसियन 2
2
यीसु मसीह के द्वारा अनन्त जीबन
1एक समय रहा हय, जब तूँ पंचे यीसु मसीह के ऊपर बिसुआस नहीं करत रहे आह्या, तब तूँ पंचे खुब पाप करत रहे हया, अउर मरे मनई कि नाईं रहे हया, पय अब परमातिमा तोंहईं पंचन काहीं जिआइन हीं। 2अउर तूँ पंचे उन दिनन माहीं, इआ संसार के गलत रास्तन माहीं चलत, अउर उआ आत्मा के मुताबिक जीबन बिताबत रहे हया, जउन इआ धरती के ऊपर के बुरी आत्मिक सक्तिन के स्वामी हय, उहय आत्मा अबहिनव उन मनइन के ऊपर काम करत हय, जउन परमातिमा के हुकुम काहीं नहीं मानँय। 3इहइमेर पहिले हमहूँ पंचे सगले जन अपने देंह के बुरी इच्छन के मुताबिक दिन बिताबत रहेन हय, अउर अपने देंह अउर मन के बुरी इच्छन काहीं पूर करत रहे हएन, अउर अपने सुभाबय के कारन दुसरे मनइन कि नाईं परमातिमा से दन्ड पामँइ के काबिल रहे हएन। 4पय परमातिमा जउन खुब दयालू हें; ऊँ अपने बड़े प्रेम के कारन, हमसे पंचन से प्रेम किहिन हीं। 5अउर जब हम पंचे अपने अपराधन के कारन मरे रहेन हँय, तब परमातिमा जइसन यीसु मसीह काहीं मरेन म से जिआइन, उहयमेर हमहूँ पंचन काहीं जिआइन हीं; (परमातिमा के किरपय से हमहीं पंचन काहीं मुक्ती मिली हय) 6काहेकि हम पंचे यीसु मसीह के ऊपर बिसुआस किहेन हँय, एसे परमातिमा हमहीं पंचन काहीं मसीह के साथ पुनि जिआइन हीं, अरथात परमातिमा हमहीं पंचन काहीं नबा जीबन दिहिन हीं, अउर यीसु मसीह के साथ स्वरग के जघन माहीं बइठाइके, राज करँइ के अधिकार दिहिन हीं। 7जउने आमँइ बाले समयन माहीं परमातिमा अपने दया के असीमित धन देखामँइ, जउन यीसु मसीह के ऊपर बिसुआस करँइ के द्वारा हमहीं पंचन काहीं मिला हय। 8काहेकि परमातिमा के बड़ी किरपा से हम पंचे यीसु मसीह के ऊपर जउन बिसुआस किहे हएन, ओखे द्वारा हमहीं पंचन काहीं मुक्ती मिली हय, अउर इआ हमहीं पंचन काहीं हमरे कइती से नहीं मिली, बलकिन इआ परमातिमा के दान आय। 9अउर इआ मुक्ती हमरे भले कामन के द्वारा नहीं मिली आय, कहँव अइसा न होय कि कोऊ घमन्ड करय। 10काहेकि हम पंचे परमातिमा के बनए आहेन; अउर ऊँ यीसु मसीह के द्वारा हमहीं पंचन काहीं एसे बनाइन हीं, कि हम पंचे निकहे कामन काहीं करी, जिनहीं परमातिमा पहिलेन से तइआर किहिन हीं, कि जउने हम पंचे उँइन कामन काहीं करत आपन जीबन बिताई।
यीसु मसीह सब काहीं एक किहिन हीं
11इआ कारन से सुध करा, कि तूँ पंचे जनम से यहूदी जाति के न होह्या, (अउर जउन मनई देंह माहीं अपने हाँथ के कीन खतना से खतना बाले कहाबत हें, ऊँ पंचे तोंहईं पंचन काहीं बिना खतना बाले कहत हें।) 12अउर तूँ पंचे उआ समय मसीह से अलग रहे हया, अउर इजराइल देस के प्रजा के पद से अलग रहे हया, अउर परमातिमा अपने भक्तन काहीं जउन बचन दिहिन रहा हय, उनखे ऊपर आधारित करार के भागीदार नहीं रहे आह्या, अउर इआ संसार माहीं बिना परमातिमा के रहे हया। 13पय अब यीसु मसीह के ऊपर बिसुआस किहे के कारन, तूँ पंचे जउन पहिले परमातिमा से दूरी रहे हया, मसीह के खून के द्वारा उनखे लघे आय गए हया। 14उँइन यहूदी लोगन अउर गैरयहूदी लोगन के बीच माहीं मेल-मिलाप कराय दिहिन हीं, काहेकि यहूदी लोग अउर गैरयहूदी आपस माहीं एक दुसरे से नफरत करत रहे हँय, अउर अलग होइगे रहे हँय। ठीक अइसन जइसन उनखे बीच माहीं कउनव दिबाल ठाढ़ होइगे होय, पय मसीह खुद अपने देंह के बलिदान दइके, नफरत के उआ दिबाल काहीं गिराय दिहिन। 15अउर खुद काहीं क्रूस माहीं बलिदान करँइ के द्वारा जउन पहिले मुक्ती पामँइ के खातिर, यहूदी नेमन अउर मूसा के बिधान के पालन करँइ परत रहा हय, उन सगले नेमन अउर मूसा के बिधान के बिधिअन काहीं मिटाय दिहिन, कि ऊँ दोनव काहीं एक कइके उनमा नबा मनई के सुभाव पइदा कइके मेल कराय देंय। 16अउर क्रूस माहीं बलिदान के द्वारा उनखे बीच माहीं जउन दुसमनी रही हय, ओही नास कइ दिहिन हीं, जउने दोनव काहीं एकय देंह बनाइके परमातिमा से मिलामँय। 17अउर ऊँ आइके तोंहईं पंचन काहीं जउन परमातिमा से दूरी रहे हया, अउर जे कोऊ उनखर करीबी रहे हँय, दोनव काहीं मेल-मिलाप करँइ के खातिर खुसी के खबर सुनाइन। 18काहेकि उनहिन के द्वारा एकय आत्मा से, परमपिता के लघे तक हमार दोनव के पहुँच भे ही। 19एसे तूँ पंचे अब बिदेसी मुसाफिर नहीं रहि गया, बलकिन पबित्र लोगन के साथी अउर उनखे देस माहीं रहँइ बाले परमातिमा के घराना के होइ गया हय। 20अउर तूँ पंचे एकठे अइसा घर बन गया हय, जउन यीसु के खास चेलन अउर नबिअन के नेव के ऊपर खड़ा हय, अउर खुद यीसु मसीह जेखे कोनमा के पथरा हें। 21यीसु मसीह के ऊपर किहे बिसुआस के द्वारा, तूँ पंचे एकठे रचना के रूप माहीं एकय साथ मिलिके, प्रभू के खातिर एकठे पबित्र मन्दिर बनत जाते हया। 22जउने माहीं पबित्र आत्मा के द्वारा, परमातिमा के निबास करँइ के खातिर एक साथ बनाए जाय रहे हया।
Currently Selected:
इफीसियन 2: bag
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
इफीसियन 2
2
यीसु मसीह के द्वारा अनन्त जीबन
1एक समय रहा हय, जब तूँ पंचे यीसु मसीह के ऊपर बिसुआस नहीं करत रहे आह्या, तब तूँ पंचे खुब पाप करत रहे हया, अउर मरे मनई कि नाईं रहे हया, पय अब परमातिमा तोंहईं पंचन काहीं जिआइन हीं। 2अउर तूँ पंचे उन दिनन माहीं, इआ संसार के गलत रास्तन माहीं चलत, अउर उआ आत्मा के मुताबिक जीबन बिताबत रहे हया, जउन इआ धरती के ऊपर के बुरी आत्मिक सक्तिन के स्वामी हय, उहय आत्मा अबहिनव उन मनइन के ऊपर काम करत हय, जउन परमातिमा के हुकुम काहीं नहीं मानँय। 3इहइमेर पहिले हमहूँ पंचे सगले जन अपने देंह के बुरी इच्छन के मुताबिक दिन बिताबत रहेन हय, अउर अपने देंह अउर मन के बुरी इच्छन काहीं पूर करत रहे हएन, अउर अपने सुभाबय के कारन दुसरे मनइन कि नाईं परमातिमा से दन्ड पामँइ के काबिल रहे हएन। 4पय परमातिमा जउन खुब दयालू हें; ऊँ अपने बड़े प्रेम के कारन, हमसे पंचन से प्रेम किहिन हीं। 5अउर जब हम पंचे अपने अपराधन के कारन मरे रहेन हँय, तब परमातिमा जइसन यीसु मसीह काहीं मरेन म से जिआइन, उहयमेर हमहूँ पंचन काहीं जिआइन हीं; (परमातिमा के किरपय से हमहीं पंचन काहीं मुक्ती मिली हय) 6काहेकि हम पंचे यीसु मसीह के ऊपर बिसुआस किहेन हँय, एसे परमातिमा हमहीं पंचन काहीं मसीह के साथ पुनि जिआइन हीं, अरथात परमातिमा हमहीं पंचन काहीं नबा जीबन दिहिन हीं, अउर यीसु मसीह के साथ स्वरग के जघन माहीं बइठाइके, राज करँइ के अधिकार दिहिन हीं। 7जउने आमँइ बाले समयन माहीं परमातिमा अपने दया के असीमित धन देखामँइ, जउन यीसु मसीह के ऊपर बिसुआस करँइ के द्वारा हमहीं पंचन काहीं मिला हय। 8काहेकि परमातिमा के बड़ी किरपा से हम पंचे यीसु मसीह के ऊपर जउन बिसुआस किहे हएन, ओखे द्वारा हमहीं पंचन काहीं मुक्ती मिली हय, अउर इआ हमहीं पंचन काहीं हमरे कइती से नहीं मिली, बलकिन इआ परमातिमा के दान आय। 9अउर इआ मुक्ती हमरे भले कामन के द्वारा नहीं मिली आय, कहँव अइसा न होय कि कोऊ घमन्ड करय। 10काहेकि हम पंचे परमातिमा के बनए आहेन; अउर ऊँ यीसु मसीह के द्वारा हमहीं पंचन काहीं एसे बनाइन हीं, कि हम पंचे निकहे कामन काहीं करी, जिनहीं परमातिमा पहिलेन से तइआर किहिन हीं, कि जउने हम पंचे उँइन कामन काहीं करत आपन जीबन बिताई।
यीसु मसीह सब काहीं एक किहिन हीं
11इआ कारन से सुध करा, कि तूँ पंचे जनम से यहूदी जाति के न होह्या, (अउर जउन मनई देंह माहीं अपने हाँथ के कीन खतना से खतना बाले कहाबत हें, ऊँ पंचे तोंहईं पंचन काहीं बिना खतना बाले कहत हें।) 12अउर तूँ पंचे उआ समय मसीह से अलग रहे हया, अउर इजराइल देस के प्रजा के पद से अलग रहे हया, अउर परमातिमा अपने भक्तन काहीं जउन बचन दिहिन रहा हय, उनखे ऊपर आधारित करार के भागीदार नहीं रहे आह्या, अउर इआ संसार माहीं बिना परमातिमा के रहे हया। 13पय अब यीसु मसीह के ऊपर बिसुआस किहे के कारन, तूँ पंचे जउन पहिले परमातिमा से दूरी रहे हया, मसीह के खून के द्वारा उनखे लघे आय गए हया। 14उँइन यहूदी लोगन अउर गैरयहूदी लोगन के बीच माहीं मेल-मिलाप कराय दिहिन हीं, काहेकि यहूदी लोग अउर गैरयहूदी आपस माहीं एक दुसरे से नफरत करत रहे हँय, अउर अलग होइगे रहे हँय। ठीक अइसन जइसन उनखे बीच माहीं कउनव दिबाल ठाढ़ होइगे होय, पय मसीह खुद अपने देंह के बलिदान दइके, नफरत के उआ दिबाल काहीं गिराय दिहिन। 15अउर खुद काहीं क्रूस माहीं बलिदान करँइ के द्वारा जउन पहिले मुक्ती पामँइ के खातिर, यहूदी नेमन अउर मूसा के बिधान के पालन करँइ परत रहा हय, उन सगले नेमन अउर मूसा के बिधान के बिधिअन काहीं मिटाय दिहिन, कि ऊँ दोनव काहीं एक कइके उनमा नबा मनई के सुभाव पइदा कइके मेल कराय देंय। 16अउर क्रूस माहीं बलिदान के द्वारा उनखे बीच माहीं जउन दुसमनी रही हय, ओही नास कइ दिहिन हीं, जउने दोनव काहीं एकय देंह बनाइके परमातिमा से मिलामँय। 17अउर ऊँ आइके तोंहईं पंचन काहीं जउन परमातिमा से दूरी रहे हया, अउर जे कोऊ उनखर करीबी रहे हँय, दोनव काहीं मेल-मिलाप करँइ के खातिर खुसी के खबर सुनाइन। 18काहेकि उनहिन के द्वारा एकय आत्मा से, परमपिता के लघे तक हमार दोनव के पहुँच भे ही। 19एसे तूँ पंचे अब बिदेसी मुसाफिर नहीं रहि गया, बलकिन पबित्र लोगन के साथी अउर उनखे देस माहीं रहँइ बाले परमातिमा के घराना के होइ गया हय। 20अउर तूँ पंचे एकठे अइसा घर बन गया हय, जउन यीसु के खास चेलन अउर नबिअन के नेव के ऊपर खड़ा हय, अउर खुद यीसु मसीह जेखे कोनमा के पथरा हें। 21यीसु मसीह के ऊपर किहे बिसुआस के द्वारा, तूँ पंचे एकठे रचना के रूप माहीं एकय साथ मिलिके, प्रभू के खातिर एकठे पबित्र मन्दिर बनत जाते हया। 22जउने माहीं पबित्र आत्मा के द्वारा, परमातिमा के निबास करँइ के खातिर एक साथ बनाए जाय रहे हया।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.