कुलुस्सियन 4
4
1हे मालिकव, तूँ पंचे इआ सुध रक्खा, कि तोंहरव पंचन के स्वरग माहीं एकठे मालिक हें, एसे अपने-अपने सेबकन के साथ निकहा बेउहार करा, अउर जउन उनखर हक्क होय उनहीं द्या।
मसीही भाई-बहिनिन काहीं सलाह
2एसे तूँ पंचे सतरक रहा, अउर परमातिमा के धन्यबाद करत प्राथना माहीं हमेसा लगे रहा। 3अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन। 4अउर उआ भेद काहीं जइसन हम चाहित हएन, उहयमेर सही ढँग से बताय सकी।
5अउर जउन मनई प्रभू के ऊपर बिसुआस नहीं करँय, त जब उनहीं बचन सुनामँइ के कीमती मोका मिलय, त ओखर सही ढँग से उपयोग करा। 6अउर जब तूँ पंचे उनसे बात करा, त तोंहार पंचन के बचन किरपा से भरा कोमल होय, अउर तोंहईं पंचन काहीं हरेक मनइन काहीं सही ढँग से जबाब देब आमँइ चाही।
पवलुस के सलाह अउर अन्तिम अभिबादन
7पियार भाई तुखिकुस जउन बिसुआस के काबिल सेबक हें, अउर प्रभू के सेबा माहीं हमार साथ देंइ बाले साथी आहीं, उँइन हमरे बारे माहीं सगली बातन काहीं तोंहईं बतइहँय। 8उनहीं तोंहरे लघे एसे पठएन हय, कि जउने तोंहईं हमरे हाल के बारे माहीं मालुम होइ जाय, अउर उनखे व्दारा हमरे बारे माहीं जानिके तोंहरे हिरदँय काहीं सान्ति मिलय। 9अउर उनहिन के साथ उनेसिमुस काहीं घलाय पठएन हय, जउन तोंहरेन पंचन के बीच म से बिसुआस के काबिल अउर पियार भाई आँय, ऊँ तोंहईं पंचन काहीं हमरे इहाँ के सगली बातन काहीं बतइहँय।
10अरिस्तरखुस जउन हमरे साथ जेल माहीं हें, अउर मरकुस जउन बरनबास के भाई लागत हें। (जिनखे बारे माहीं हम तोंहईं पंचन काहीं बताए रहे हएन, कि अगर ऊँ तोंहरे पंचन के लघे आमँय, त उनखे साथ निकहा बेउहार किहा।) 11अउर यीसु जिनखर नाम यूस्तुस घलाय हय, तोंहईं पंचन काहीं नबस्कार कहत हें, अउर परमातिमा के राज के खातिर काम करँइ माहीं केबल ईंन भर यहूदी जाति के बिसुआसिअन म से हमरे साथ हें, अउर इनहिन के कारन हमहीं अराम मिलत हय। 12अउर इपफ्रास जउन तोंहरे बीच म से मसीह यीसु के दास आहीं, तोंहईं पंचन काहीं नबस्कार कहत हें, अउर तोंहरे खातिर हमेसा इआ प्राथना करत हें, कि तूँ पंचे आत्मिक रूप से मजबूत होइजा, अउर पूरे बिसुआस के साथ परमातिमा के इच्छा काहीं जानिके ओमाहीं स्थिर रहा। 13अउर तोंहरे पंचन के खातिर अउर लौदीकिया सहर के अउर हियरापुलिस सहर के रहँइ बाले बिसुआसी भाइन के खातिर, ऊँ बड़ी मेहनत करत हें, एखर हम पवलुस गबाह हएन। 14पियार बैद लूका अउर देमास तोंहईं पंचन काहीं नबस्कार कहत हें। 15अउर लौदीकिया सहर के बिसुआसी भाई-बहिनिन काहीं, अउर नुमफास अउर उनखे घर के मसीही मन्डली के बिसुआसी भाई-बहिनिन काहीं, हमरे पंचन के तरफ से नबस्कार कहि दिहा। 16अउर जब इआ चिट्ठी तोंहरे मसीही मन्डली माहीं पढ़ लीन जाय, त अइसन किहा, कि ओही लौदीकिया के मसीही मन्डली माहीं पठबाय दिहा, जउने उहँव पढ़ी जाय, अउर उआ चिट्ठी जउन लौदीकिया के मसीही मन्डली से आबय, ओही तुहूँ पंचे पढ़ लिहा। 17ओखे बाद अरखिप्पुस काहीं बताय दिहा, कि प्रभू माहीं जउन सेबा उनहीं सँउपी गे ही, ओही सचेत होइके जरूर पूर करिहँय।
18हम पवलुस अपने हाँथ से तोंहईं पंचन काहीं नबस्कार लिखित हएन, हम जेल माहीं हएन, एही तूँ पंचे सुध रख्या; हम प्राथना करित हएन, कि तोंहरे पंचन के ऊपर परमातिमा के किरपा होत रहय। आमीन!
Currently Selected:
कुलुस्सियन 4: bag
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
कुलुस्सियन 4
4
1हे मालिकव, तूँ पंचे इआ सुध रक्खा, कि तोंहरव पंचन के स्वरग माहीं एकठे मालिक हें, एसे अपने-अपने सेबकन के साथ निकहा बेउहार करा, अउर जउन उनखर हक्क होय उनहीं द्या।
मसीही भाई-बहिनिन काहीं सलाह
2एसे तूँ पंचे सतरक रहा, अउर परमातिमा के धन्यबाद करत प्राथना माहीं हमेसा लगे रहा। 3अउर एखे साथय-साथ हमरे पंचन के खातिर घलाय इआ प्राथना करत रहा, कि परमातिमा हमहीं पंचन काहीं बचन सुनामँइ के मोका देंय, कि हम पंचे मसीह के उआ भेद काहीं बताय सकी, जेखे कारन हम जेल माहीं हएन। 4अउर उआ भेद काहीं जइसन हम चाहित हएन, उहयमेर सही ढँग से बताय सकी।
5अउर जउन मनई प्रभू के ऊपर बिसुआस नहीं करँय, त जब उनहीं बचन सुनामँइ के कीमती मोका मिलय, त ओखर सही ढँग से उपयोग करा। 6अउर जब तूँ पंचे उनसे बात करा, त तोंहार पंचन के बचन किरपा से भरा कोमल होय, अउर तोंहईं पंचन काहीं हरेक मनइन काहीं सही ढँग से जबाब देब आमँइ चाही।
पवलुस के सलाह अउर अन्तिम अभिबादन
7पियार भाई तुखिकुस जउन बिसुआस के काबिल सेबक हें, अउर प्रभू के सेबा माहीं हमार साथ देंइ बाले साथी आहीं, उँइन हमरे बारे माहीं सगली बातन काहीं तोंहईं बतइहँय। 8उनहीं तोंहरे लघे एसे पठएन हय, कि जउने तोंहईं हमरे हाल के बारे माहीं मालुम होइ जाय, अउर उनखे व्दारा हमरे बारे माहीं जानिके तोंहरे हिरदँय काहीं सान्ति मिलय। 9अउर उनहिन के साथ उनेसिमुस काहीं घलाय पठएन हय, जउन तोंहरेन पंचन के बीच म से बिसुआस के काबिल अउर पियार भाई आँय, ऊँ तोंहईं पंचन काहीं हमरे इहाँ के सगली बातन काहीं बतइहँय।
10अरिस्तरखुस जउन हमरे साथ जेल माहीं हें, अउर मरकुस जउन बरनबास के भाई लागत हें। (जिनखे बारे माहीं हम तोंहईं पंचन काहीं बताए रहे हएन, कि अगर ऊँ तोंहरे पंचन के लघे आमँय, त उनखे साथ निकहा बेउहार किहा।) 11अउर यीसु जिनखर नाम यूस्तुस घलाय हय, तोंहईं पंचन काहीं नबस्कार कहत हें, अउर परमातिमा के राज के खातिर काम करँइ माहीं केबल ईंन भर यहूदी जाति के बिसुआसिअन म से हमरे साथ हें, अउर इनहिन के कारन हमहीं अराम मिलत हय। 12अउर इपफ्रास जउन तोंहरे बीच म से मसीह यीसु के दास आहीं, तोंहईं पंचन काहीं नबस्कार कहत हें, अउर तोंहरे खातिर हमेसा इआ प्राथना करत हें, कि तूँ पंचे आत्मिक रूप से मजबूत होइजा, अउर पूरे बिसुआस के साथ परमातिमा के इच्छा काहीं जानिके ओमाहीं स्थिर रहा। 13अउर तोंहरे पंचन के खातिर अउर लौदीकिया सहर के अउर हियरापुलिस सहर के रहँइ बाले बिसुआसी भाइन के खातिर, ऊँ बड़ी मेहनत करत हें, एखर हम पवलुस गबाह हएन। 14पियार बैद लूका अउर देमास तोंहईं पंचन काहीं नबस्कार कहत हें। 15अउर लौदीकिया सहर के बिसुआसी भाई-बहिनिन काहीं, अउर नुमफास अउर उनखे घर के मसीही मन्डली के बिसुआसी भाई-बहिनिन काहीं, हमरे पंचन के तरफ से नबस्कार कहि दिहा। 16अउर जब इआ चिट्ठी तोंहरे मसीही मन्डली माहीं पढ़ लीन जाय, त अइसन किहा, कि ओही लौदीकिया के मसीही मन्डली माहीं पठबाय दिहा, जउने उहँव पढ़ी जाय, अउर उआ चिट्ठी जउन लौदीकिया के मसीही मन्डली से आबय, ओही तुहूँ पंचे पढ़ लिहा। 17ओखे बाद अरखिप्पुस काहीं बताय दिहा, कि प्रभू माहीं जउन सेबा उनहीं सँउपी गे ही, ओही सचेत होइके जरूर पूर करिहँय।
18हम पवलुस अपने हाँथ से तोंहईं पंचन काहीं नबस्कार लिखित हएन, हम जेल माहीं हएन, एही तूँ पंचे सुध रख्या; हम प्राथना करित हएन, कि तोंहरे पंचन के ऊपर परमातिमा के किरपा होत रहय। आमीन!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.