2 कुरिन्थियन 6
6
1अउर परमातिमा के काम हम पंचे मिल जुलिके करित हएन, एसे हम पंचे, तोंहसे इआ बिनती करित हएन, कि परमातिमा के जउन किरपा तोंहरे पंचन के ऊपर भे ही, ओही बेकार न जाँइ द्या। 2काहेकि पबित्र सास्त्र माहीं लिखा हय। कि परमातिमा कहिन हीं,
“हम सही समय माहीं तोंहरे बिनती काहीं सुन लिहेन हय, अउर हम मुक्ती के दिन तोंहार मदत किहेन हय#यसा 49:8।”
एसे देखा, तोंहरे पंचन के खातिर इहय सही समय हय, अउर मुक्ती पामँइ के दिनव हय। 3काहेकि हम पंचे हरेक बातन माही, इआ ध्यान रक्खित हएन, कि कोहू काहीं हमरे पंचन के ऊपर दोस लगामँइ के मोका न मिलय। जउने हमरे पंचन के सेबा माहीं कउनव कलंक न लागय। 4बलकिन हम पंचे परमातिमा के सेबक के रूप माहीं, खुद काहीं निकहा साबित करित हएन, बड़े धीरज के साथ दुख-मुसीबत माहीं, गरीबी माहीं, संकटन माहीं, 5मार सहँइ माहीं, जेल जाँइ माहीं, दंगन माहीं, मेहनत करँइ माहीं, जागत रहँइ माहीं, भूँखे रहँइ माहीं, 6पबित्र रहँइ माहीं, ग्यान माहीं, धीरज धरँइ माहीं, दुसरे के ऊपर किरपा करँइ माहीं, पबित्र आत्मा माहीं, सच्चे प्रेम माहीं, 7सत्य के बचन माहीं, परमातिमा के सक्ती माहीं; धारमिकता के अउजार माहीं जउन दहिने बाएँ हाँथ माहीं रहत हें। 8मान-सम्मान पामँइ माहीं, अपमान सहँइ माहीं, अउर निकहा नाम पामँइ माहीं, अउर बदनामी सहँय माहीं, हरेक बातन माहीं खुद काहीं सच्चा साबित करित हएन। जबकि हम पंचे भरमामँइ बालेन कि नाईं देखइत त हएन, तऊ हम पंचे सच्चे हएन। 9मनई हमही पंचन काहीं खास नहीं समझँय; तऊ हम पंचे मसहूर हएन; अउर हम पंचे मरँइ बाले मनइन कि नाईं हएन; तऊ जिन्दा हएन। अउर हम पंचे मार खाँइ बालेन कि नाईं समझे त जइत हएन, पय जान से मारे नहीं जई। 10अउर हमहीं पंचन काहीं सोक करँइ बालेन कि नाईं माना जात हय, पय हम पंचे हमेसा आनन्दित रहित हएन, अउर हम पंचे कंगालन कि नाईं देखइत हएन, पय खुब मनइन काहीं आत्मिक रूप से धनी बनाय देइत हएन। अउर मनई समझत हें, कि हमरे पंचन के लघे कुछू नहिं आय, तऊ हमरे पंचन के लघे सब कुछ रहत हय।
11हे कुरिन्थुस सहर माहीं रहँइ बाले भाई-बहिनिव, हम पंचे तोंहसे खुलिके सगली बातन काहीं बतायन हय। अउर तोंहरे खातिर अपने हिरदँय माहीं कउनव कपट नहीं रक्खेन आय। 12अउर हमार पंचन के प्रेम तोंहरे खातिर कम नहीं भ आय। पय तूँ पंचे हमसे पंचन से प्रेम करब कम कइ दिहा हय। 13पय तोंहईं पंचन काहीं अपने लड़िकन कि नाईं समझिके कहि रहेन हय, कि तुहूँ पंचे हमसे पंचन से दिल खोलिके प्रेम करा।
हम पंचे परमातिमा के मन्दिर आहेन
14अबिसुआसी मनइन के साथ मेल न खाँइ बाले जुआँ माहीं न जोतरा, परमातिमा के नजर माहीं निकहे काम करँइ बालेन, अउर बुरे काम करँइ बालेन के का कबहूँ मेल-जोल होइ सकत हय? इआ कि उँजिआर अउर अँधिआर के का कबहूँ मेल-जोल होइ सकत हय? 15इहइमेर मसीह के तालमेल का सइतान के साथ होइ सकत हय? इआ कि बिसुआसी मनई के तालमेल का अबिसुआसी मनई के साथ होइ सकत हय? 16अउर मूरतिन के साथ परमातिमा के मन्दिर के कउनव सम्बन्ध होइ सकत हय का? काहेकि हम पंचे त जिन्दा परमातिमा के मन्दिर आहेन; जइसन कि परमातिमा घलाय कहिन हीं, कि
“हम उन माहीं निबास करब; अउर उनखे बीच माहीं चला फिरा करब; अउर हम उनखर परमातिमा होब, अउर ऊँ पंचे हमार निज प्रजा होइहँय#लैब्य 26:11,12।” 17एसे परमातिमा कहत हें, कि
“उनखे पंचन के बीच से निकर जा, अउर उनसे अलग रहा; अउर असुद्ध चीजन काहीं न छुआ, तबहिन हम तोंहईं पंचन काहीं सोइकार करब#यसा 52:11 ।
18अउर हम तोंहार पंचन के बाप होब, अउर तूँ पंचे हमार लड़िका-बिटिया होइहा। इआ सर्बसक्तिमान परमातिमा के बचन आय#2 समू 7:8,14।”
Currently Selected:
2 कुरिन्थियन 6: bag
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
2 कुरिन्थियन 6
6
1अउर परमातिमा के काम हम पंचे मिल जुलिके करित हएन, एसे हम पंचे, तोंहसे इआ बिनती करित हएन, कि परमातिमा के जउन किरपा तोंहरे पंचन के ऊपर भे ही, ओही बेकार न जाँइ द्या। 2काहेकि पबित्र सास्त्र माहीं लिखा हय। कि परमातिमा कहिन हीं,
“हम सही समय माहीं तोंहरे बिनती काहीं सुन लिहेन हय, अउर हम मुक्ती के दिन तोंहार मदत किहेन हय#यसा 49:8।”
एसे देखा, तोंहरे पंचन के खातिर इहय सही समय हय, अउर मुक्ती पामँइ के दिनव हय। 3काहेकि हम पंचे हरेक बातन माही, इआ ध्यान रक्खित हएन, कि कोहू काहीं हमरे पंचन के ऊपर दोस लगामँइ के मोका न मिलय। जउने हमरे पंचन के सेबा माहीं कउनव कलंक न लागय। 4बलकिन हम पंचे परमातिमा के सेबक के रूप माहीं, खुद काहीं निकहा साबित करित हएन, बड़े धीरज के साथ दुख-मुसीबत माहीं, गरीबी माहीं, संकटन माहीं, 5मार सहँइ माहीं, जेल जाँइ माहीं, दंगन माहीं, मेहनत करँइ माहीं, जागत रहँइ माहीं, भूँखे रहँइ माहीं, 6पबित्र रहँइ माहीं, ग्यान माहीं, धीरज धरँइ माहीं, दुसरे के ऊपर किरपा करँइ माहीं, पबित्र आत्मा माहीं, सच्चे प्रेम माहीं, 7सत्य के बचन माहीं, परमातिमा के सक्ती माहीं; धारमिकता के अउजार माहीं जउन दहिने बाएँ हाँथ माहीं रहत हें। 8मान-सम्मान पामँइ माहीं, अपमान सहँइ माहीं, अउर निकहा नाम पामँइ माहीं, अउर बदनामी सहँय माहीं, हरेक बातन माहीं खुद काहीं सच्चा साबित करित हएन। जबकि हम पंचे भरमामँइ बालेन कि नाईं देखइत त हएन, तऊ हम पंचे सच्चे हएन। 9मनई हमही पंचन काहीं खास नहीं समझँय; तऊ हम पंचे मसहूर हएन; अउर हम पंचे मरँइ बाले मनइन कि नाईं हएन; तऊ जिन्दा हएन। अउर हम पंचे मार खाँइ बालेन कि नाईं समझे त जइत हएन, पय जान से मारे नहीं जई। 10अउर हमहीं पंचन काहीं सोक करँइ बालेन कि नाईं माना जात हय, पय हम पंचे हमेसा आनन्दित रहित हएन, अउर हम पंचे कंगालन कि नाईं देखइत हएन, पय खुब मनइन काहीं आत्मिक रूप से धनी बनाय देइत हएन। अउर मनई समझत हें, कि हमरे पंचन के लघे कुछू नहिं आय, तऊ हमरे पंचन के लघे सब कुछ रहत हय।
11हे कुरिन्थुस सहर माहीं रहँइ बाले भाई-बहिनिव, हम पंचे तोंहसे खुलिके सगली बातन काहीं बतायन हय। अउर तोंहरे खातिर अपने हिरदँय माहीं कउनव कपट नहीं रक्खेन आय। 12अउर हमार पंचन के प्रेम तोंहरे खातिर कम नहीं भ आय। पय तूँ पंचे हमसे पंचन से प्रेम करब कम कइ दिहा हय। 13पय तोंहईं पंचन काहीं अपने लड़िकन कि नाईं समझिके कहि रहेन हय, कि तुहूँ पंचे हमसे पंचन से दिल खोलिके प्रेम करा।
हम पंचे परमातिमा के मन्दिर आहेन
14अबिसुआसी मनइन के साथ मेल न खाँइ बाले जुआँ माहीं न जोतरा, परमातिमा के नजर माहीं निकहे काम करँइ बालेन, अउर बुरे काम करँइ बालेन के का कबहूँ मेल-जोल होइ सकत हय? इआ कि उँजिआर अउर अँधिआर के का कबहूँ मेल-जोल होइ सकत हय? 15इहइमेर मसीह के तालमेल का सइतान के साथ होइ सकत हय? इआ कि बिसुआसी मनई के तालमेल का अबिसुआसी मनई के साथ होइ सकत हय? 16अउर मूरतिन के साथ परमातिमा के मन्दिर के कउनव सम्बन्ध होइ सकत हय का? काहेकि हम पंचे त जिन्दा परमातिमा के मन्दिर आहेन; जइसन कि परमातिमा घलाय कहिन हीं, कि
“हम उन माहीं निबास करब; अउर उनखे बीच माहीं चला फिरा करब; अउर हम उनखर परमातिमा होब, अउर ऊँ पंचे हमार निज प्रजा होइहँय#लैब्य 26:11,12।” 17एसे परमातिमा कहत हें, कि
“उनखे पंचन के बीच से निकर जा, अउर उनसे अलग रहा; अउर असुद्ध चीजन काहीं न छुआ, तबहिन हम तोंहईं पंचन काहीं सोइकार करब#यसा 52:11 ।
18अउर हम तोंहार पंचन के बाप होब, अउर तूँ पंचे हमार लड़िका-बिटिया होइहा। इआ सर्बसक्तिमान परमातिमा के बचन आय#2 समू 7:8,14।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.