1 कुरिन्थियन 16
16
बिसुआसी लोगन के खातिर दान एकट्ठा करब
1अउर यरूसलेम सहर के बिसुआसी लोगन के खातिर, दान एकट्ठा करँइ के बारे माहीं, जइसन हुकुम हम गलातिया प्रदेस के मसीही मन्डलिन काहीं दिहेन हँय; उहयमेर तुहूँ पंचे घलाय करा। 2अउर हप्ता के पहिल दिन, तोंहरे पंचन म से हरेक जन अपने-अपने कमाई के मुताबिक, अपने लघे कुछ पइसा बचाइके रक्खा करय, कि जउने जब हम तोंहरे लघे अई, तब दान एकट्ठा न करँइ परय। 3अउर जब हम उहाँ अउब, त जिनहीं पठमँइ के तोंहार पंचन के इच्छा होई, हम उनहीं चिट्ठी दइके पठय देब, कि जउने ऊँ पंचे तोंहार दान, यरूसलेम सहर माहीं पहुँचाय देंय। 4अउर अगर तोहईं पंचन काहीं इआ लागत हय, कि हमरव जाब उहाँ उचित हय, त हमहूँ उनखे साथ जाब।
यात्रा करँइ के पवलुस के योजना
5अउर हम मकिदुनिया प्रदेस जाँइ के योजना बनाए हएन, एसे हम मकिदुनिया प्रदेस से होइके तोंहरे पंचन के लघे अउब। 6अउर होइ सकत हय, कि हम तोंहरेन लघे रुक जई, अउर जाड़े के रित उहँय काटी, अउर एखे बाद जहाँ हमहीं जाँइ क होई, त तूँ पंचे हमरे यात्रा माहीं मदत किहा। 7अउर अब तोंहसे केबल मुलाखात कइके चले जाँइ के हमार इच्छा नहिं आय; पय हम इआ आसा करित हएन, कि अगर प्रभू के मरजी होई, त कुछ समय तक हम तोंहरे पंचन के लघे रहब। 8पय पिन्तेकुस्त#लैब्य 25:15-21; ब्यब 16:9-11 के तेउहार तक हम इफिसुस सहर माहीं रहब। 9जबकि बिरोध करँइ बाले मनई उहाँ खुब हें, तऊ सेबा करँइ के खातिर उहाँ खुब मोका हय।#खा.चे.काम 19:8-10
10अउर जब तीमुथियुस आय जाँय, त उनखे साथ अइसन बेउहार किहा, कि जउने ऊँ तोंहरे पंचन के लघे निडर होइके रहँय; काहेकि ऊँ हमरी कि नाईं प्रभू के सेबा करत हें। 11एसे तोंहरे पंचन म से कोऊ उनहीं तुच्छ न जान्या, बलकिन उनखे यात्रा माहीं तूँ पंचे उनखर पूर मदत किहा, कि जउने ऊँ कुसल पूर्बक हमरे लघे आय जाँय, काहेकि हम उनखर इन्तजार कइ रहेन हँय, कि ऊँ दुसरे भाइन के साथ हमरे लघे आय जाँय। 12अउर भाई अपुल्लोस से हम खुब बिनती किहेन, कि ऊँ दुसरे बिसुआसी भाइन के साथ माहीं तोंहरे पंचन के लघे जाँय; पय इआ समय जाँइ के उनखर बेलकुल इच्छा नहीं रही आय, पय बाद माहीं जब उनहीं मोका मिली, त ऊँ जरूर आय जइहँय।
पवलुस के आखिरी हुकुम अउर नबस्कार
13हे भाई-बहिनिव, तूँ पंचे सतरक रहा, बिसुआस माहीं अटल रहा, साहसी बना, अउर प्रभू माहीं बलवन्त बना। 14अउर तूँ पंचे जउन कुछू करते हया, त ओही प्रेम से करा। 15हे भाई-बहिनिव, तूँ पंचे स्तिफनास के घर के मनइन काहीं त जनतेन हया, कि ऊँ पंचे अखाया प्रदेस के पहिल बिसुआसी आहीं, अउर ऊँ पंचे पबित्र लोगन के सेबा#1 कुरि 1:16 करँइ के खातिर हमेसा तइआर रहत हें। 16एसे हम तोंहसे इआ बिनती करित हएन, कि तूँ पंचे अइसन लोगन के अधीनता माहीं रहा, अउर जे कोऊ उनखे साथ कठोर मेहनत करत हें, उनहूँ पंचन के अधीनता माहीं घलाय रहा। 17अउर तोंहरे पंचन के तरफ से, भाई स्तिफनास, भाई फूरतूनातुस अउर भाई अखइकुस हमसे मिलँय आएँ, त हम खुब खुस भएन; काहेकि तूँ पंचे हमरे साथ न होंइ के कारन, हमार जउन मदत नहिं कइ पाया, त ओही ऊँ पंचे पूर कइ दिहिन हीं। 18अउर ऊँ पंचे हमरेव मन काहीं खुस किहिन हीं, अउर तोंहरेव पंचन के मन काहीं घलाय खुस किहिन हीं; एसे अइसन लोगन के सम्मान करा।
19आसिया प्रदेस के मसीही मन्डली के बिसुआसी लोग तोहईं पंचन काहीं, प्रभू के नाम माहीं नबस्कार करत हें; अक्विला अउर प्रिस्किल्ला अउर उनखे घर माहीं एकट्ठा होंइ बाली मसीही मन्डली के बिसुआसी लोग घलाय, तोहईं पंचन काहीं पूर मन से नबस्कार करत हें।#खा.चे.काम 18:2 20अउर सगले बिसुआसी भाई-बहिनी घलाय, तोहईं पंचन काहीं नबस्कार करत हें, अउर तुहूँ पंचे घलाय एक दुसरे काहीं पबित्र मन से, अउर प्रेम के साथ नबस्कार करा।
21अउर हम पवलुस खुद अपने हाँथे से तोहईं पंचन काहीं नबस्कार लिखित हएन। 22अउर अगर कउनव मनई, प्रभू से प्रेम नहीं रक्खय, त प्रभू ओही सराप देइहँय। हे हमार पंचन के प्रभू, अपना हरबी अई। 23प्रभू यीसु मसीह के किरपा तोंहरे पंचन के ऊपर हमेसा बनी रहय। 24मसीह यीसु के संगति माहीं रहँइ बाले, सगले जनेन के साथ हमार प्रेम बना रहय। आमीन।
Currently Selected:
1 कुरिन्थियन 16: bag
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.
1 कुरिन्थियन 16
16
बिसुआसी लोगन के खातिर दान एकट्ठा करब
1अउर यरूसलेम सहर के बिसुआसी लोगन के खातिर, दान एकट्ठा करँइ के बारे माहीं, जइसन हुकुम हम गलातिया प्रदेस के मसीही मन्डलिन काहीं दिहेन हँय; उहयमेर तुहूँ पंचे घलाय करा। 2अउर हप्ता के पहिल दिन, तोंहरे पंचन म से हरेक जन अपने-अपने कमाई के मुताबिक, अपने लघे कुछ पइसा बचाइके रक्खा करय, कि जउने जब हम तोंहरे लघे अई, तब दान एकट्ठा न करँइ परय। 3अउर जब हम उहाँ अउब, त जिनहीं पठमँइ के तोंहार पंचन के इच्छा होई, हम उनहीं चिट्ठी दइके पठय देब, कि जउने ऊँ पंचे तोंहार दान, यरूसलेम सहर माहीं पहुँचाय देंय। 4अउर अगर तोहईं पंचन काहीं इआ लागत हय, कि हमरव जाब उहाँ उचित हय, त हमहूँ उनखे साथ जाब।
यात्रा करँइ के पवलुस के योजना
5अउर हम मकिदुनिया प्रदेस जाँइ के योजना बनाए हएन, एसे हम मकिदुनिया प्रदेस से होइके तोंहरे पंचन के लघे अउब। 6अउर होइ सकत हय, कि हम तोंहरेन लघे रुक जई, अउर जाड़े के रित उहँय काटी, अउर एखे बाद जहाँ हमहीं जाँइ क होई, त तूँ पंचे हमरे यात्रा माहीं मदत किहा। 7अउर अब तोंहसे केबल मुलाखात कइके चले जाँइ के हमार इच्छा नहिं आय; पय हम इआ आसा करित हएन, कि अगर प्रभू के मरजी होई, त कुछ समय तक हम तोंहरे पंचन के लघे रहब। 8पय पिन्तेकुस्त#लैब्य 25:15-21; ब्यब 16:9-11 के तेउहार तक हम इफिसुस सहर माहीं रहब। 9जबकि बिरोध करँइ बाले मनई उहाँ खुब हें, तऊ सेबा करँइ के खातिर उहाँ खुब मोका हय।#खा.चे.काम 19:8-10
10अउर जब तीमुथियुस आय जाँय, त उनखे साथ अइसन बेउहार किहा, कि जउने ऊँ तोंहरे पंचन के लघे निडर होइके रहँय; काहेकि ऊँ हमरी कि नाईं प्रभू के सेबा करत हें। 11एसे तोंहरे पंचन म से कोऊ उनहीं तुच्छ न जान्या, बलकिन उनखे यात्रा माहीं तूँ पंचे उनखर पूर मदत किहा, कि जउने ऊँ कुसल पूर्बक हमरे लघे आय जाँय, काहेकि हम उनखर इन्तजार कइ रहेन हँय, कि ऊँ दुसरे भाइन के साथ हमरे लघे आय जाँय। 12अउर भाई अपुल्लोस से हम खुब बिनती किहेन, कि ऊँ दुसरे बिसुआसी भाइन के साथ माहीं तोंहरे पंचन के लघे जाँय; पय इआ समय जाँइ के उनखर बेलकुल इच्छा नहीं रही आय, पय बाद माहीं जब उनहीं मोका मिली, त ऊँ जरूर आय जइहँय।
पवलुस के आखिरी हुकुम अउर नबस्कार
13हे भाई-बहिनिव, तूँ पंचे सतरक रहा, बिसुआस माहीं अटल रहा, साहसी बना, अउर प्रभू माहीं बलवन्त बना। 14अउर तूँ पंचे जउन कुछू करते हया, त ओही प्रेम से करा। 15हे भाई-बहिनिव, तूँ पंचे स्तिफनास के घर के मनइन काहीं त जनतेन हया, कि ऊँ पंचे अखाया प्रदेस के पहिल बिसुआसी आहीं, अउर ऊँ पंचे पबित्र लोगन के सेबा#1 कुरि 1:16 करँइ के खातिर हमेसा तइआर रहत हें। 16एसे हम तोंहसे इआ बिनती करित हएन, कि तूँ पंचे अइसन लोगन के अधीनता माहीं रहा, अउर जे कोऊ उनखे साथ कठोर मेहनत करत हें, उनहूँ पंचन के अधीनता माहीं घलाय रहा। 17अउर तोंहरे पंचन के तरफ से, भाई स्तिफनास, भाई फूरतूनातुस अउर भाई अखइकुस हमसे मिलँय आएँ, त हम खुब खुस भएन; काहेकि तूँ पंचे हमरे साथ न होंइ के कारन, हमार जउन मदत नहिं कइ पाया, त ओही ऊँ पंचे पूर कइ दिहिन हीं। 18अउर ऊँ पंचे हमरेव मन काहीं खुस किहिन हीं, अउर तोंहरेव पंचन के मन काहीं घलाय खुस किहिन हीं; एसे अइसन लोगन के सम्मान करा।
19आसिया प्रदेस के मसीही मन्डली के बिसुआसी लोग तोहईं पंचन काहीं, प्रभू के नाम माहीं नबस्कार करत हें; अक्विला अउर प्रिस्किल्ला अउर उनखे घर माहीं एकट्ठा होंइ बाली मसीही मन्डली के बिसुआसी लोग घलाय, तोहईं पंचन काहीं पूर मन से नबस्कार करत हें।#खा.चे.काम 18:2 20अउर सगले बिसुआसी भाई-बहिनी घलाय, तोहईं पंचन काहीं नबस्कार करत हें, अउर तुहूँ पंचे घलाय एक दुसरे काहीं पबित्र मन से, अउर प्रेम के साथ नबस्कार करा।
21अउर हम पवलुस खुद अपने हाँथे से तोहईं पंचन काहीं नबस्कार लिखित हएन। 22अउर अगर कउनव मनई, प्रभू से प्रेम नहीं रक्खय, त प्रभू ओही सराप देइहँय। हे हमार पंचन के प्रभू, अपना हरबी अई। 23प्रभू यीसु मसीह के किरपा तोंहरे पंचन के ऊपर हमेसा बनी रहय। 24मसीह यीसु के संगति माहीं रहँइ बाले, सगले जनेन के साथ हमार प्रेम बना रहय। आमीन।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Wycliffe Bible Translators, Inc. All rights reserved.